العودة   نادي يافع > الــمــنــتــديـــــات الـــثـــــقـــافــيــــــة - الـــعلمـــــيــة - الـــتـــرفــيـــهـيـــــة > الصوتيات والمرئيات > الصوتيات والمرئيات اليافعية
التسجيل التعليمـــات قائمة الأعضاء التقويم اجعل كافة الأقسام مقروءة
 

الصوتيات والمرئيات اليافعية لملفات الصوت والفيديو المتعلقة بيافع فقط

« آخـــر الـــمـــشـــاركــــات »
         :: خواطر وعبر ودرر , ادونها قبل وبعد صلاة الفجر لهذا اليوم الاغر (آخر رد :بتول الطين وراعي الشياة)       :: لاتفهمونا غلط نحن لسنا ضد بعضنا (آخر رد :سنان السعدي)       :: نصيحة للجنوبين ببلاش ............... !! (آخر رد :بتول الطين وراعي الشياة)       :: يا غــــــــــــــــــــــــــــارة الله ....!!!! (آخر رد :بتول الطين وراعي الشياة)       :: معلـــــــــــــــــــــــــــــــــــومة مهمة (آخر رد :بتول الطين وراعي الشياة)       :: الصورة تتحدث (آخر رد :بتول الطين وراعي الشياة)       :: حقيقة اسم الله الأعظم (آخر رد :أمينة سلامة)       :: القرار الجنوبي المستقل في مواجهة التحديات (آخر رد :بتول الطين وراعي الشياة)       :: قولوا لهم هذه هي حجتنا ... ويوجد لدينا المزيد (آخر رد :بتول الطين وراعي الشياة)       :: السؤال عن عزيز ... (آخر رد :نهر المعاني)      



مطلوب قصيدة لثابت عوض جواب على لسحم

الصوتيات والمرئيات اليافعية


إضافة رد
 
أدوات الموضوع انواع عرض الموضوع
قديم 30, 1, 2013, 12:15 AM   رقم المشاركة : 1
معلومات العضو
ضيف نادي يافع
 
إحصائية العضو









 

اخر مواضيعي

حسن النسي غير متواجد حالياً

 

 

إحصائية الترشيح

عدد النقاط : 10
حسن النسي is on a distinguished road

افتراضي مطلوب قصيدة لثابت عوض جواب على لسحم


بسم الله الرحمن الرحيم


السلام عليكم ورحمة الله وبركاته ..

الاخوة الكرام في هذا المنتدى الرااااااااااائع نادي يافع

مطلوب رابط لقصيدة لثابت عوض (ملف صوتي)



يقول في مطلعها

طلبنا الله ذي يعطي ويمنع=فلا مانع لما الله راد يديك

وهي جواب على ناصر احمد لسحم

من يدلني على رابط للقصيدة (مسموعة) ملف صوتي وله الف شكر..

 

 

   

رد مع اقتباس
قديم 30, 1, 2013, 03:02 AM   رقم المشاركة : 2
معلومات العضو
مشرف على قسم الصوتيات والمرئيات
 
الصورة الرمزية الراحل الوحيد
 

 

 
إحصائية الترشيح

عدد النقاط : 360
الراحل الوحيد is just really niceالراحل الوحيد is just really niceالراحل الوحيد is just really niceالراحل الوحيد is just really nice

افتراضي رد: مطلوب قصيدة لثابت عوض جواب على لسحم



يامن لادعاك العبد تسمع=انا سالك تجنبني معاصيك
وتجعل لي طريق الحق مرجع= وعفوك لي انا يارب راجيك
ابو رغد الفتى يالهاجس ابدع= وهات اجمل معاني في قوافيك
قوافي مثل مل للماس تلمع= من اوحاها يقول الله يعافيك
ولا تخضع لحد ولا تضعضع=وخل الصدق من اسمى معانيك
لان الصدق للعقال يرفع=وقول الكذب ما والله يعليك
ويابن صالح اعزفها بمقطع= ولحنها عسى ربي يخليك
وبالصوت الشجي لاكل مسمع= توصل ما نقوله في اغانيك
احيي موهبه فيها تمتع= وبسمي واسم جمهورك اهنيك
ويا طارش على بابور لاسرع= يطوي البعد بالجير التماتيك
وشل الخط من عندي موقع=يصل لاحيث ناصر بايوصيك
وفي خطك بمان الله تجزع=ولاحد في طريقك بايأذيك
يهر من حيث غرس البن يزرع= ومن جاهم يقولو الله يحييك
يصاحب خطي العطر المشمع= هديه من سباء يايفع اهديك
سباء لي منها العالم تفرع= وساس لملك منها والمماليك
وسلم لي على ثابت مربع= وقل ذا الخط لك من شخص يغليك
ولاديته لثابت سرعه ارجع= ولاتجلس معه بالفكر يعديك
يجيب افكار ثابت مابتنفع= وهرجه دبلماسي خاف يغريك
لان عاده بمحبوبه مولع = ويسئل ياحبيبي وين القيك
تبا عشقه ومحبوبك مضيع= وتحلم ان عاده بايلبيك
حساباتك غلط تضرب وتجمع= ولا تطرح من الناتج اعاديك
وياثابت عوض ذلحين بشرع= معك في وضعنا ترك مهاريك
تحقق لليمن ما كان يطمع= بمسح اثار ماضينا وماضيك
ولاباقول ان ماضي حد اروع=جمعناهن سوى من شان نرضيك
وذي ماكنت انا وانته توقع= حدث واقع ولاشي فيه تشكيك
اوامر صارمه كالسيف تقطع=ومبنيه على خبره وتكتيك
بدينا الآن لتسليح نجمع= وهذا الشي يعنيني ويعنيك
وقد شاهدت كم دشكاء ومدفع= ورشاشات وانواع البوازيك
جمعناهن على مراء ومسمع= حذاريك ان تشكك به حذاريك
ولمينا المشاكل لاتوسع= ونحرص لايقع في الصف تفكيك
خلاف اعمالنا في كل موقع= مجورجاء يحقق لك امانيك
وباقي انته تسلم لي المضلع= وقوات اليمن والامن تحميك
ولاحد من جنود الدوله اشجع = فلاهي ناويه مافكرت فيك
على راعي الكوافي درب لصلع= وعنده كوفيه ذي بتغطيك
ولو رايي ورايك قد تجمع =عملنا في جبل يافع تلفريك
ولاكنك معي تفرش وتلقع= وتسبيحك مثل تسبيحة الديك
ينادي الحق وارجيله بتخسع= وصوته دايمآ للحق يدعيك
انا ريدك معي لكنك ادوع= تصدق مايقولوه الصعاليك
وحول افضع عمل لرهاب وابشع= نبا توضيح من حضرة معاليك
عن التفجير ذي في ارض تبع=عسى الحققيق ياثابت يبريك
ولاشي لك سبب او اسم يطلع= ولا بصمه تغير نظرتي فيك
ومن سا ذا العمل ما والله افرع=ولنته منهم لا الله ينجيك
وصلى الله Cant See Links ما العبد يركع=وما يسجد مخافه لك ويدعيك
على من لمته شافع مشفع= بذكر المصطفى ياسامع اوصيك



جــــــــــــــــــــــــــــــــــواب الشاعر القدير/ ثابت عوض اليهري على الشاعر الكبيرناصر احمد لسحم:=




طلبنا الله ذي يعطي ويمنع=فلا مانع لما الله راد يديك
وهوذي صورك واحسن وابدع=وهوبالرزق يالمخلوق ياتيك
وهوذي في سماواته ترفع=وذي ابداك ويعيدك ويبديك
وانا له وانا ليه نرجع=ولامن ينفعك لبنك ولاخيك
ملائكته بتسجد له وتركع=ولاتخفاه لاهذه ولاذيك
الاهي اننا بالعفو نطمع=وترضى عننا ليلة نلاقيك
جزاك الحمد مالبراق شع شع=وما فوج الحجيج امسى يلبيك
يقول اليافعي يالهاجس ابدع=وذا الميدان مابه من يضاهيك
ابوهيثم على الساحه تربع=وجمهورك من اعماقه يحييك
تزمل بسم جمهورك تشجع=كما ماتفتخربه يفتخرفيك
هنيئآ لك بشعبيتك تمتع=وهي بالمعنويه ذي تغذيك
وترحم ام منها كنت ترضع=ويرحم اب من تربيه ربيك
وهو ذي عاش فيك الحب يزرع=وهوذي عودك عالصدق ووصيك
ستبقى نجم في لافاق تلمع=وكل اعمى تظوي له بظاويك
ولسحم مانلومه لو تدلع=انا ملزوم ياناصر اراضيك
لانك ماتزل في سن لخدع=وماقد تعرف ارجيلك من ايديك
وعادك طفل تمسكني بلصبع=اذا خذتك معي لسوق امشيك
من الجهال تتخوف وتفزع=وتتخبى وري لاحد يأذيك
وياحيابذ الساعه وكل سع=يزن علياك يايافع وواطيك
وطن ثابت عوض ذي به ترعرع=فديت اهلك وناسك وانته افديك
وشامخ مرتفع مامنك ارفع=سقاك الله بلامطار ورويك
ديارك عامره للضيف توسع=مبانيها عنيدات المداميك
مليئه بالجرامل والمظلع=وفيها لفئن الله لايرويك
وقم يامرسلي باليمدى اطلع=ولاجمرك ولاجدد تربتيك
ومن طالب بحقه ما تضيع=ولالك حق طالب به وبيجيك
ومارب للكرم والجود منبع=رجاله بالشرف والعز تدهيك
يلبون النداء كالسيل واسرع=قبايل كم احمر عين بتجيك
وكلمتهم بتوصل مابترجع=اذا خاويتهم ماشريلفيك
وذي تحزم بهم راسك وترفع=سلاحك ذي تقاتل به اعاديك
رجال الحق حين الحق ينزع=تقاوم عنك الباطل وتحميك
ومن يافع لهم اجمل واروع=تهاني الحب يامارب نهنيك
ومن اخبارنا ياسامع اسمع=تفاصيل الخبر ذي به نوافيك
خبر عاجل مهم من ارض تبع=بلاد الجنتين ارض المماليك
ونتحدث عن الوضع المصدع=وعن حال المواطن ذي يبكيك
جرع تلو الجرع والشعب يجرع=بلارغبه بيجرعها تماتيك
وعاد الكبش يتوخر ويردع=وناصر في كلامه لايغاويك
جماهير اليمن تعرى وتجوع=واصحاب النفوذ اعضاء بئوبيك
نباياشخ ناصر خبز نشبع=ومحناشي بحاجه لتلفريك
ونبغا كهرباء في الليل تولع=تحررنا من القازه ولتريك
ونبغا في المديريه مجمع=به التعليم والصحه تداويك
ونبغا امن ذي ينزل ويطلع=ولارشوه تراشيني ولاارشيك
ولكن معتقدشي ماتوقع=ان الدوله تحقق لك امانيك
كما ذي هو في السرقه مولع=فلا يعطف لحالك او يراعيك
وانا باتوب منك واتقنع=وذي سويت بي الله يجازيك
عطيتك ارض وانت اعطيتني مع=وهذه غلطتي ذي قلت اخاويك
مع اني عارفك خداع تخدع= ولكن قلت عل الله يهديك
سكنت الدار واهل الدار برع=ورحنا ذي نفرش لك وندفيك
خذيتو مننا ثنتين واربع=وخذنا منكم علبه تاليك
وكلمة ليت كلمه مابتنفع=ولا حتى تغديك او تعشيك
نصيبي اننا في يدك اوقع=وذي مايعرفك ياصقر يشويك
وصالح خوك قلنا له توقع=وشف لاحيث ماتخطي برجليك
وحاول من طبيعتهم تطبع=وذي غثا بغيرك بايغثيك
تعلم مثلهم ياجني اهجع=وحبك للعمل قدكاد ينهيك
ولو ما الله ستر كانك مودع= وكان الناعيه قدها بتنعيك
واما الديك وارجيله بتخسع=وهو للحق واصواته يناديك
لان صوت الدجاجه مابيسمع=وما صرخات الاصرخة الديك
واما الدينميت الي تفرقع=تغير منه البابا وكثليك
وانته تعرف الجاني وتخضع=ولاتجزم تقوله باتحديك
وصلو عالنبي مالطير يسجع=وماتتعاقب ايام ولياليك
الهي اننا بالعفو نطمع=وتعفو عننا ليلة نلاقيك

 

 

التوقيع

اضغط على الصورة لرؤيتها بالحجم الطبيعي

 

   

رد مع اقتباس
قديم 30, 1, 2013, 03:05 AM   رقم المشاركة : 3
معلومات العضو
مشرف على قسم الصوتيات والمرئيات
 
الصورة الرمزية الراحل الوحيد
 

 

 
إحصائية الترشيح

عدد النقاط : 360
الراحل الوحيد is just really niceالراحل الوحيد is just really niceالراحل الوحيد is just really niceالراحل الوحيد is just really nice

افتراضي رد: مطلوب قصيدة لثابت عوض جواب على لسحم


لم اجد اي ملف صوتي لهذة القصيدة للشاعر الكبير ثابت عوض اليهري

السموحة منك اخي حسن النسي


سلام

 

 

التوقيع

اضغط على الصورة لرؤيتها بالحجم الطبيعي

 

   

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع




Powered by vBulletin® Copyright ©2000 - 2018, Jelsoft Enterprises Ltd
. . . . . . . . . . .
  رمز PHP: