((((((((محمد يحيى المحبوش))))))))

[المحبوش]

بسم الله الرحمن الرحيم
وعلى بركته نستعين
بدع من كلمات محمد يحيى المحبوش
مرسل للشاعر الكبير الشيخ احمد عبدربه المعمري


قال الفتى المحبوش بشكي وقت ذوقني الأمر=فيه امتحى من نفسي البهجه واطياف السرور
مليت من كثر الشُكى والقلب ادمن ع الضجر=والجسم اضناه السقم منما اصابه من شرور
يارب انا سألك بأسمك يالعظيم المُقتدر=تشفق بنا في رحمتك رجواي تيسير الامور
والطف بنا ياواسع الرحمه بتصريف القدر=من دائره فيها تعبنا في دوائرها ندور
وحالنا اصبح بترثينا حجاره والشجر=فيها اصبحوا الاحياء بتحسد من سبقهم للقبور
فيها اصبح الانسان مُثقل بالمواجع والكدر=مهموم بالحاضر من الآتي مؤشر بالثبور
والنار معروفه بتبداء من صغارها الشرر=والارض لا اهتزة بتعقبها براكيناً تثور
واليوم واقعنا به الباطل على الخير انتصر=وادراكنا لابعاد مايحدث تعمّد بالقصور
ومن تولي امرنا انكر عهوده ذي نذر=مليت تذكيره وصوتي بح جنب اذنين صور
الباطل اتمادى وفي اصراره العاصي بطر=حتى تجاوز بالمفاسد مُتسع حمل الصدور
يامرسلي بالحال ذا خطي فبادر بالسفر=من حيد شامخ مجده الغابر موثق بالسطور
من حيد يافع من شوامخ قاربت سطح القمر=أرض المحبة والأخاء أرض السعادة والسرور
من سروحمير منها التاريخ استلهم عبر=ومن القعيطي ذي باقواله وافعاله جسور
من مكتب استوسط اواسطها مع شامخ ثمر=يزهو جواره يحرسه واهله متى الثاير يثور
ومقصدي له في بلاد الروس حلّه والمقر=اهل المكارم والوفاء تبهج متى الزاير يزور
اجواد نبع الجود والجوده دليله والاثر=بافعالهم ممهور بالواقع وبارز بالظهور
وخص منهم احمد ابن المعمري فيما يسر=من طيب اطياب الاطايب من شذى كل الزهور
بالمسك والريحان رشرش دار فيها مستقر=واشمل شراره واهلها ومن بديوانه حضور
وسلمه قولي ومطلب بالعجل وجهة نظر=عن وضعنا الحالي ورأيه مطلبي عن ما يدور
نتجاوز الوحده فهي في حفظ قادر مُقتدر=وفخرنا الاوحد وباتبقى على مر العصور
ومطلبي توضيح لمن فيها بيسعى للضرر=معها باقواله وافعاله بها اثم الفجور
من يدّعي بالزيف ان الشعب وضعه مًزدهر=بالاثم اتمادى وعنها ع الملا يبدو الغيور
لمى متى الانكار في تقليل اسباب الخطر=والمركبه في بحر متلاطم ولاتُبرا البثور
ومن شكى جور العواصف قال بالنعمه بطر=واصبح مجّرد خان داره مرتدي ثوب السفور
وكفة الميزان يا ابن المعمري فيها اضر=انكارها بيكافئ المُنكر وبيزيد النفور
وبعرفك انك رُجل صادق ولك بعد النظر=من مننا اصبح حجر عثره ومن يرجو العبور
من الذي شل الجمل بالحمل والزيف ابتكر=وبيوعد الجمال ذي يشكي بويله والثبور
ولامتى قلي يظلي دمنا ينزف هدر=ومن يطالب حق ما يلقى من المطلب عشور
لما متى نسلك مطبات الحفر تتبع حُفر=وندعي بالزيف ان الدرب قد اصبح سبور
والعدل هو المطلوب نحيا مثلما تحيا البشر=نتجاوز العُتمه بهذا الجهل في مصباح نور
لابد ابويافع يريد المركبه توصل لبر= ومن عليها لاشواطئ آمنه ترجوا المرور
وامنياتي ان تعجّل لي بتفصيل الخبر=وتقول رأيك وانته المدرك بعاقبة الامور
ختامها بالمسك له ازكى صلاتي ما ذُكر=المصطفى مارتّل القارى بطه والزبور
جواب الشاعر الكبير الشيخ احمد عبدربه المعمري (ابويافع)

يارب انا اسألك بأسمك لاعظم وآيات السور=بالنور والفرقان وسورة هود والتوبه وطور
يسر اموري ياعظيم الشأن من بعد العسر=وصالح اعمالي واجعلها تجاره لن تبور
ياقضي الحاجه ومن فضلك تزيد من لك شكر=ومكتفل بالرزق والمنعم على العبد الشكور
تسمع دبيب النمل في جُنح الليالي والغدر=وعالماً مافي سماواتك وبرك والبحور
ياقابل التوبه لمن لك تاب وللمذنب غفر=سألك تسامحنا وتغفر ذنب عبدك ياغفور
وبعد ياحيا بصاحب مسكنه قبلة ثمر=وادي حطيب حد القعيطي ذي بتاريخه فخور
من يافع اصحاب المروه كل شاجع مًعتبر=واليافعي معروف عنه لويقول دوري تدور
وبيننا حبل الموده سوف يبقى مستمر=على مداء الاعوام وايام الليالي والشهور
نحفظ عهود الود لسنا مثل من عاهد فجر=ومن زرع معروف يحصد لو تكون صالب وبور
حيا الله المحبوش بن يحيى تراحيب المطر=وعد مانسنس نسيمه في صباحه والسحور
شبل الاسد والجد قاسم عوض افضل من شعر=الشاعر العملاق ذي تكتب حروفه بالصخور
بيت الادب والخالدي منه تخرج واشتهر=واصبح في الميدان فارس وانغزاء صقر الصقور
تفخر به الاجيال والتاريخ يحكي والسير=حاضر ومستقبل على مر الليالي والدهور
مشكور ابويحيى كتب لي بدع كلماته دُرر=عاجز عن التعبير وانا ابادلك نفس الشعور
شكى معاناته وانا طرفي قد اعياه السهر=ينام ذي حولي وبات القلب باحزانه يفور
كم قلت باتسبر ولكن ذي بغيته ماسبر=ذي مابيعرفني يقول اوضاع ابويافع سبور
لاني قريب من دار اباسفيان بيت المؤتمر=مش عارف ان احمد بعيد وبيننا حاجز وسور
ماعاد بتحسر على ماراح من وقتي ومر=عندي قناعه والزمن اذا عدل يوماً يجور
بس الغبي ماخذ من الماضي تجارب او عبر=غره طمع دنياه واصبح في هواء الدنيا الغرور
نصبر وربك يابن يحيى مايضيع من صبر=باتنفرج خل الامل فالله يالعبد الصبور
وحول ماعبّرت عنه بالمفيد المختصر=انا معك مانختلف بالرأي او مابه تشور
والعقل والمنطق يقول حل المشاكل بالبصر=وفيه اشياء مايفيد معها التراخي والفتور
والعدل والقانون مطلب باديتنا والحضر=لان الامور تحتاج يابوصالح الصاحب زرور
وكفت الميزان لومالت من الظلم انكسر=وماتكسر مستحيل يجبر مصابه والكسور
اخوان لاهذا من البحرين او ذا من قطر=والوحده انتم درعها الواقي اسدها والنمور
ووحدة الشعب المجيده مالنا عنها مفر=مادام واحنا اخوان وابناء شعب بره والبحور
ذي ماعرف جور العواصف ماشكا برده وحر=مثل الذي من هم وقته باتت اعيانه سهور
واكبر مصيبه عندما تتحول القاده تجر=وهم سبب في ما نعاني من وراء اوجاه الدبور
مثل الجراد ذي تمت انواع المحاصيل والخُضر=والكادح المسكين حانب في شرابه والفطور
نار الغلاء لاعاد في جيبه ولابه في الكمر=مادام من حوله مقاطيع الرجاء مثل النسور
غرتهم الدنيا وزينتها ومئواهم سقر=وبايضلوا في عذاب القبر لايوم النشور
من للضرر يسعاء على قولك ظلم نفسه وضر=لابد يخسر في النهايه مثل ذي قلبه يفور
ومن حفر يوقع في الحفره واعماق البير=لو ساعده حظّه يجي له يوم مامنه عذور
لان الزمن غدار من يأمن زمانه به غدر=ملينفعه مهما تصدق كذب او قدم نذور
من ينكر الواقع وكذّب بالمشاهد والصور=اما غشيم ولا مع ذي نهجهم باطل وزور
او من يدافع عن فساد فينا تفشا وانتشر=الويل له من يوم تغلي اجلودهم غلي القدور
دفاعنا واجب عن الوحده وابعاد الخطر=وننهي اوكار الفساد نقلع اساسه والجذور
الى هنا تميت رد البدع ذي منك صدر=مع سلامي لك وريح الفُل لخضر والبخور
مع تحياتي تبلغها لمن عندك حضر=والشيخ عبدالله وعمك بالشمطري والعطور
وصاحب النفس السخيه لابلاه الله بشر=ذي له مكانه خاص يتشرف بها ذيب الوكور
الجيد بن يوسف صديقي طال شرعه ماقصر=ومثل قاسم مانسيناه في غيابه والحضور
مولى المروه والوفاء من أي واجب ما اعتذر=الله يجازيه عن فعال الخير بالجنه وحور
ذكر النبي ماكل مسلم حج بيته واعتمر=ماغرّد القمري وناحت فوق لغصان الطيور[/QUOTE]

[المحبوش]

بدع مُرسل من كلمات/ محمد يحيى المحبوش
الى الشاعر المعروف/احمد محمد الصنبحي الحمري

مديت كفي لقاضي حاجة الشاكي=عالم بما ليس في علمه بلغ الادراك
والغيب شأنه وما يُسرد به الحاكي=فيما نوى مُدركاً في محتوى الاشكاك
محبوش يانفس متماديه باهلاكي=في التُهلكه ماوطئت رجلي سوى الاشواك
توبي الى من يقيناً اليه مأواكي=ذي سّبح الكون له في دورة الافلاك
اياك من وسوسة خناس أياكي=وأستدركي ماعن الطاعات قد الهاك
وبعد قال الفتى من خيرت املاكي=ورثت تركة لغيري سببت ارباك
في الُظلمه الحالكه لي نورها الزاكي=ومن دروبي تزيح الشوك والاسلاك
ماخصم سدد هدف واحد بشُباكي=الا واصبح بقيدي رهن لستملاك
حتى ولو سبّبة ضيقي وارباكي=حمل الامانه سبب للهمّ والانهاك
والآن يامُرسلى من وسط مبراكي=اقلع مع الريح والمكتوب في يُمناك
من حيد شامخ مؤسس فيه مدماكي=لم توطئه رجل نصراني ولا الاتراك
واهبط بحمره ولا تحدث بها عاكي=من اجل لايعترض حدّ منّهم مسعاك
وخُصّ أبوصقر موجز ما في ابواكي=كثير من ضمنها تحتاج للدكّداك
حبل الموده بكم اوثقت ممساكي=سلاح من به تسلّح وامتلك فتاك
محبوش ماجاك يابو صقر شي باكي=ولامعه لك خُطط تحتاج للتكتاك
مافايده في بُكى شاكي لمتباكي=واحوالنا المُفسده بعد الشكى هي تاك
والخلطه السحريه يمعن بها الراكي=ومن نوي الضُر لايُصلح بلاستدراك
والصنبحي مايهابه وخز اهواكي=وذي بلا اضراس مايحتاج للمسواك
مليت من كثرما اتحسّر على املاكي=ماغير ادعي دُعاء بالفرض والانساك
حتى امتحت من سطوري كل امياكي=والصنبحي رغم مجهوده وصل مرساك
ياكم دوّي من حكايا ليت مااتحاكي=والخيل تصهل وليته فادها الحكحاك
قبل اعرفه كان مصدر كل اشكاكي=حافش بلابيض والمخدوع يا شكشاك
حتى عرفته وهو في مقعدي داكي=زالة بايام اوهامي مع الاشكاك
اخّوه سوى من بلاء الدنيا بنتشاكي=وذي مع ذا بطبق الاصل عنده ذاك
قيّمت قولي مع قوله بادراكي=لاخفف احوام ذا او ذاك قد دّفاك
كم له زمن مُبتلي في عشقة الكاكي=ياليته اصبح بجهده من ذوو الاملاك
جالس يعقّد ويتعبني بفكفاكي=مازال يأمل شفاء المعلول بالدلاّك
لوما اغترب كان شاركني بضكضاكي=عُمره تبخّر ومجهوده بلاستهلاك
واليوم منوي يعمّر جنب اكشاكي=تالي زمانه سكن في حارة الاكشاك
يالصنبحي لامتى بالعزم متلاكي=ذي افنيت عمرك معه بعد التعب ينساك
حتى ولاشي معك بابور ملاكي=من ارض زايد واهلك بالوطن اعداك
لوكان كُثر الذكاء قد فاد متذاكي=كان الفرج طال من يده على الشُبّاك
وصاحبك ربما يسمع لدرباكي=والقاء الذي تنشده من قبل مايلقاك
يكفي خلافات تتمثل بلدياكي=ومن يروم العُلاء يتقن بناء المدماك
بقبل برأيك متى تنوي باشراكي=ورأي محبوش لوتقبل به استبراك
يمكن تولّع معك لنبه باسلاكي=جرّب وخفف تحدّي من بيتحداك
وهات فحمك وشف مفعول تُنباكي=قد رُبما تشكر الناصح بما اسداك
باتربح اضعاف دون انقاص باملاكي=وانت المخّير تخذ او ترفضه ماجاك
من بحري المُنتقى من اجود اسماكي=محبوش عن طيب خاطر انتقى واهداك
والفين صلوا على نور الهدى الزاكي=عليك يامصطفى في ختمها تغشاك
جواب الشاعر /احمد محمد الصنبحي الحمري
على الشاعر /محمد يحيي المحبوش

يقول ابوصقر أمر الله فتاكي=بالخير والشر وحده أمره الفتّاك
يخلق ويرزق بشر بالكون واسماكي=حيه واخذ قسط من ما أعطى بشر واسماك
من يخرج الحي من ميّت بتكتاكي=من صاحب المُعجزه والأمر والتكتاك
ماحد سوى الله عاصبها وفكّاكي=المُختبر بالعُقد والربط والفكفاك
ان صكها اتصكصكة بأمره تصكصاكي=وان فكّها الأمر له بالفك والصكصاك
بأسمه توكلت بأسمه بانزع اشكاكي=من داخلي دون ما احرج قلبي الشكاك
مرضي ضميري امام الله والشكاكي=المشتكي بالقضاء مشكاه من مشكاك
حتى ولوتعّبك محبوش واشقاكي=افصل بمشكاه مهما تعبك واشقاك
محبوش لاتجهله محبوش حبّاكي=لاقد حبكها حبك مايعقبه حبّاك
قد ولّع الكهرباء من دون سلاّكي=قي قصر غمدان واشعلها بدون اسلاك
احذر كمن الحذر واجب بدنياكي=من كثر لهوال لاتركن على دُنياك
افطر على المائده واختم بلمساكي=لاتربط المائده بالفطر والامساك
شف له هدف من وراء دهني ودلاّكي=يمكن بغى ينزعه بالدُهن والدلاك
مهما تعمّق بدهاني وحكحاكي=مابايصل غايته بالدُهن والحكحاك
له شاك فرعي ولي من حيث جي شاكي=مالا اجتمعنا تصادمنا بواحد شاك
لكن بلاشك يبغى الضيف فناكي=وسبع زلاّت كامل من سوى الفناك
يا اصحابنا رحبوا من كل محلاكي=من كل موشق محلك بالنوّب حلكاك
من بُندقيات ماتقرح بلكاكي=بالحرب والسلم تتفاعل بلا لكّاك
وقربوا لي عسل من ذي بالاتناكي=باصُب للضيف لما ارويه من لتناك
وبعدما ضيّفه باقول خلاكي=قُم خذ جوابي لمحبوش النمر خلاك
سلّم له آلاف مافيها تلكلاكي=من يُسر متوفره معنا بلا اتلكلاك
خص القعيطي ويافع لك ولكاكي=بعد التحيه سلامي للجميع الكاك
سلام حمري ليافع دون لكلاكي=من رأس ابوصقر ذي مايعرف اللكلاك
وقل لمحبوش قولك حسب ادراكي=قدربما بايدينك للاسف دعواك
لان الحُجج والتُهم ضعاف واركاكي=من واقع اسبابها رككتها ركاك
ماظن باينطبق قصدك بمعناكي=القصد معروف والتشهير به معناك
هذا هدف ناس من ينووا تشراكي=وانا بذا الامر لامثلك ولا شرواك
مايعجبك غير توبيخي ولكلاكي=والنقد واللوم دائم ماكفى الكلاك
جرح الاسد حامي الغابه ولضراكي=بايتعبك بالدواء لتحنحنت لضراك
شف لعبت القط والثعلب ولدياكي=باتنتهي بالتعادل والعشاء لدياك
مهما افسدت بالعمل الاحوال هيتاكي=ما اتغيرت للوراء هذه بتخطم تاك
بالخلطه السحريه مشوي وكنتاكي=مطحون معجون من مشوي ومن كنتاك
وجبه شهيه تغذي جسم مُنهاكي=حرام واسموم تاليها مرض وانهاك
مامنها خير بل تدمير واهلاكي=باتهلك المُجتمع بعد الفساد اهلاك
والصنبحي هو انا ماعاد بتلاكي=مستور مجبور بحُسن الحال مايُخفاك
ما اللي بلااضراس مايحتاج مسواكي=صحيح لثشم خساره فيه عود الراك
كم باتضلي تصيح املاكي املاكي=وانته مجرّد من التركه ومن لملاك
دع حسرتك تنتقم من ذا ومن ذاكي=لاتتهم ذا وتبري من دنوبك ذاك
ماتركتك خير من كسبي وتراكي=قدنا سوى كلنا بالكسب والتراك
من دون تنجيم خلونا وفلاكي=لان الفتن من وراء التنجيم والفلاّك
املاكنا واحده والكل ملاّكي=ولاوريثه لمن في ملكنا ملاّك
يكفي من البعسسه يكفي تمساكي=يكفي من الحوب والاحقاد والحلاك
بعد الرُكب باتقع علّه بلوراكي=قد الحصان المدلل داهل الوراك
لاتحسده من بلي في عشقه الكاكي=خلوه ياناس يفرض هيبته بالكاك
حُكاه مثل العسل مطعوم لا اتحاكي=لاشي معك حكي مثله ماعليك اتحاك
لانه مطوّل بعزّه والتضحاكي=باتجمع الضحك من ضحاك بن ضحاك
منهو معوّد على الراحه ولضناكي=مرتاح وان جاء ضنك ماهمته لضناك
شلوا من الخط زربتكم ولشواكي=صفوه بايداتكم يازارعي لشواك
خلاص ماعاد حد مجرم وسفاكي=ياللي تخافوا وتخشوا قبضة السفّاك
طنش لخالك وعمك ذي بتتزاكي=ماعاد شي خير من ذي كحلك واعماك
هذا جوابي اضفته لك من ابواكي=مقابل البدع ذي سلّمت من يمناك
بطيه العطر والريحاني بيعاكي=وماطلبته بسرعه فائقه قد جاك

[المحبوش]

وانا اقلب اوراقي اخواني الاعزاء
وجدت هذه الابيات التي لم تنشر هنا
وهي عندما زارنا الشاعر الكبير ابورعد القطنه في مكان ماء
ورحبت فيه بهذه الابيات
وعند قرائتي لها هذه المره اعجبتني كثيرا
مارايكم فيها
قال محبوش بأسماء كل ابياته الود=لاجل ابورعد تتوجد بما الجود جاده
ضيف اوجد لنا مشهد لماضي مُجدد=كيف قبل العدد بيفيد طالب افاده
بالادب مُستند في فعل واضح بيسُند=سيل خيره ورد بيمُدنا بالزياده
صار من كُل بُدّ بالحق نجزم ونشهد=ضيفنا ذي وفد فيه التواضع شهاده
في المراصد مدد صوّر لنا خيرمشهد=غيث بعد الشدد اسقاء ضماها بلاده
ابن محبوش مد له باغة الزهر والورد= مُنتقاء بالعدد مخصوص بعد الاشاده
جودنا مستمد من سروحمير توجد=عزنا واسترد خذنا خصال الرياده
بعد ابأً وجد بامجادهم صرت امجد=واقبل ابني مدد رافد يروم استزاده
باقياً للابد حامي حُمى مجد سرمد=ماطلبته تجد ياضيف شّرف بلاده
[/QUOTE]

قال ابو رعد حيا من ربا الحد للحد= بشعل الند للمحبوش مولى السياده
صاحبي فيه بشتد ساعة الحط والشد= يافعي اب عن جد حميري بمتداده
بفرش الأرض بالورد واكرم الضيف واسعد= من زماني معود قابله في سعاده
لن نراجع ونرتد او نضع للكرم حد= بابنا لن يبند طالما الجود عاده
وابن محبوش يشهد والخلاقي مع الحد= ناس تسمى وتوجد في وغى الحرب قاده
قلهم يا محمد يعذروني على الرد = لو قصر شي على الحد ما عليا نقاده
بانوصي الولد وقت الشدد ذي بتشتد=الاخاء يستمد ما بيننا في زياده
كيف قبل العدد بالجود والاخذ وارد=بيننا مُتحد ماهو بحاجة اعاده
من زرع شي حصد والخير يبقى مخلّد=من رباكم وفد بيزيد معكم سعاده

[المحبوش]

((العقل))((الأمل)) ((العلم)) ((العدل))

بديت بالمعبود خالق من عدم كل الوجود=ومُدرك المقصود في النيه وامر الاعتقاد
ماقدّره بيسود في الواقع بتوثيق السنود=من منبعه مورود لارادد لما قدّر واراد
لاحدّ له محدود له فيما يشاء امري يعود=الحمد له والمُلك في مُلكه مقلّد بانفراد
الهمني التقوى واوصاني بتطبيق البنود=دستور مُحكم سطّره آيات في درب السداد
اجزل علينا في نعم وافضال لاتُحصى عدود=اساسها الادراك فيها ((العقل)) ميزان الرشاد
الحمد له ما الزهر تبهج في تسابيحه ورود=حمداُ مداه العُمر للمُنعم بنبضات الفؤاد
والشكر له ماسبّحة بالصوت حنات الرعود=والبرق شعشع في دُجى مُظلم وحالك بالسواد
قال الفتى المحبوش لاماضي لحاضرنا يعود=ماغيرها احلام يغظه من مُعذّب بالسُهاد
دون البشر نحلم بعودتنا الى عصر الجدود=والبعض يتحسّر ويتندّم على الماضي المُباد
مادوّن التاريخ لن يُمحى بصفحات الخلود=فيها قبس من نور يستوجب نزيده اتقاد
نبراس للقادم لنستلهم خُطانا للصعود=وفي سبيله من اراد السير زاده والعتاد
تاريخنا ماضي ومن يدعو لنسيانه جحود=نستلهم الحكمه بتدوينه لأجل الاستفاد
حتماً لنا صفحات مطويه عثرنا والركود=تجبر وتستوقف علينا من سيقراءها حداد
فصول في صفحات هي في المُختصر صفحات سود=تحتاج للتصحيح اوتصويب ماخط المداد
يكفي تمادينا تغنّي في ثراء حلّ اللحود=والحاضر المُخجل بيستصرخ هممنا والجهاد
لما متى نشكو؟؟ ونتلذذ بتلطيم الخدود=وسيرنا للخلف عكس الكون نعشق لرتداد
والله اكرمنا ((الامل)) فيه الذخيره للصمود=ومن يشد العزم يجنى ماغرس يوم الحصاد
((والعلم ثم العلم ))يمحي جُهل اشقانا عقود=معين لن ينضب ومن ينهل بخيره يستزاد
به نكتسي حُلّه لنشمخ فخر بالاُم الولود=من بعدما هانة عزيزه ذُلّ ارباب الفساد
اتكبلة بالجُهل من اقصى التهايم لاثمود=واخيارها تاهوا بواقعها اقلّيه زُهاد
للجاهلون المعرفه صارة لهم خصماً لدود=حان العمل والعلم اوجب من فروض الانتقاد
وشوكة ((الميزان)) تتعدل وتضبط بالقيود=فيها مظله من ظلالة من تمادوا لضطهاد
مدماك يتأسس بتقوى الله في فصل الضدود=ساوى بنوهاشم مع اقرانهم تُبّع وعاد
مابه ذمم للبيع او احكام تُشرى بالنقود=اوفصل بين الحق والباطل وقف موقف حياد
او يُنصف الباطل بتزوير القرائن والشهود=اورأس متنفذ بسلطاته تسلّط عالعباد
تصبح كبار القوم في ((الميزان)) من ضمن الحشود=والحُكم بالاثبات والاسناد ماهو بالمزاد
لايرتجي مرضاة معول للمفاسد والهدود=يحسب حسابه يوم فيه الفصل اتٍ بالمعاد
والعدل من اسمائه الحُسنى وحتماً بايسود= لابد ماتُفرج اسارير البهاء عقب الشداد
هذا الذي في خاطري قد فاح ياليته ينود=يصبح شذاء فوّاح ريحه عمّ في ارجاء البلاد
وانا اسأل المولى بمرضاته ويكتبنا جنود=بالجُهد والاخلاص من فضله لنا ذُخراً وزاد[/QUOTE]

[المحبوش]

بسم الله الرحمن الرحيم
اخواني الكرام هذه الابيات تناولت فيها بعض الاوضاع المترديه
التي لاتسر عدوا ولاصديق عن بعض احوال امتنا العربيه
اتمنى ان تنال استحسانكم وملاحضاتكم القيمه مطلوبه
ولكم تحياتي

بخيرة مُبتداها الاسم الاعظم=من اكرمنا بنعمة دين الاسلام
تقدس ذوالجلاله جلَّ وأحكم=وله دار الفلك آيه باحكام
بتسعه فوق تسعونَ بتُختم=لهُ الحُسنى بتتعدد له آاسام
به المحبوش اتوكل واعزم=بتوفيقه رجيته لي والهام
وصلى الله على من به قد اختم=شجرة الانبياء ومسك لختام
عليه آلآف صلى الله وسلم=عدد مايسجد المؤمن وماقام
ابو يحيى بداء في ليل مُبهم=بشهر الحج واتلبس للحرام
ولكنه حُرم من قبل يحرم=تذكر دين واتكبل بلقدام
وديني دينكم ياكل مسلم=وحجمه قد تجاوز كل لحجام
من الاموال ياكم قد تراكم=وضعف اضعاف من اوزار وآثام
وضعف اضعافها اسموم علقم=زرعناها وباتحصد بآلآم
واكبر قسم واعظمها هوالدم=وذو الالباب استمروا وا بلوهام
بلاد الرافدين اليوم تهدم=وواقعها حُجب عن وصف لعلام
متى ماالليل في بغداد يظلم=فلاعين اغمضة او طفل به نام
وباقي اشرافها للشر مغنم=لتزهق روح طاهر لاجل للجام
واشرف قادة الاُمه سيُعدم=فيا ويل العرب لاراح صدام
فصدام الكرامه قد تكرم=ابأ التطويع في موكب لخُدّام
تمنوا ان يروا عزمه محطّم=ويتوسم عشم من يد ازلام
ولكنه وفي للعهد ذي اقسم=ومن اجل الوطن ماهاب لعدام
فكم قاده وكم من رمز مُلهم=معه في جمعهم جنبه كا اقزام
بكلمة حق لاتوجد بمعجم=ونسمع معترض في وجه هدام
على الاُمه تولوا والوهن عمّ=وعشنا الوهم منهم بعد اوهام
وفي مسرى النبي مأتم بمأتم=بتتربص بهُم فتنه واحوام
مخطط في عنايه فائقه تم=عساكر في مذله تمسك الزام
بيخلص للعدو وتكافئ السُمّ=وهو بالداخليه جيد مقدام
مصابه والجلل والهم والغم=وتصدير البيان الناري الهام
تجاه اخوه يتمترس مُلثم=عسى المصتاب بايحتاج تمام
مجهز في عتاده دون يهتم=دسيسه غدر من تدبير حاخام
ويتناسى لقم تحته ملقّم=فقط ضد اخوته خصام غرام
وفي لبنان زاد الهم لي هم=رماده ابتداء الدخُان واحوام
تعافى وانتكس وعاد يُسقم=وكل الخوف يتعاظم بليام
وكلاً قال انا خصمي بن العم=فلاتمييز بين الخاص والعام
بنصرالله نصراً قد تعمم=ولم يفرح بنصره بعض لقوام
تمنوا في خلال ايام يُهزم=وكانوا للعدوا مسند واسهام
ولكن حلمهم اصبح محطّم=ولم يجنوا سوى اوهام باوهام
بيوصم بالعماله قالوا اجرم=لانه قال انا حلفي مع الشام
وشعبه قال له بالروح بالدم=ونصر الله لك والحقّ صمام
وبعد النصر بالواقع بيُصدم=على النصر المؤزر صار يلتام
وفي كل المحافل صار يُتهم=بتهمه واضحه تًسرد بالمام
وقف في وجه سافل ماتحشم=وصده عن حمى داره باقدام
ولآذانه مًريب النُصح قد صمّ=ولم يسمع نصيحه امرها الزام
فتح جبهه وقاتل خصم اجرم=فهذا فعل غامر به واجرام
وهذا بعض من اجزاء تقسم=بتتقسم علينا سهم واقسام
فقولوا لامتى ياكل مسلم=يكون الحق بين الناس لمّام
بختم القول بنطقها وبجزم=سنوصم في وصوف الدهر انعام
ولاتاريخ بيخلّد لمُعدم=ولا آثار باتشهد لاصنام
وفي ذكر النبي تميت واختم=لقصه مفزعه وتجف لقلام[/QUOTE]

[المحبوش]

يامغـــــيث الاُمـــــم يامُرتـــجا كل مُتــعب=يامن الامــــر لك بأســمك طلبت الاجابه
في دُجاء اللــــيل اعيـــــاني بها نار تلهب= دمــــعها دمّ من جــــور الالــــم والغُـــلابه
خفف الوزر عنّا وانت لاشك مُغــــضِب=من خطــــايا جســيمه نرتكـــبها مُعــــــابه
فرقتـــــــــنا مصــالح دنــــيويه بتُحــــسب= والتقاعــس عن اعلاء كلمتك والمهابــه
ارض مسرى النبي في اسرها اليوم تُنهب= حظـــها ذي رمـــاها في هوان القــــرابه
من خذلها ؟ فهم احفاد من نسل يعرب= ذي بٌعــــث منّـــهم طـــه وكُلّ الصــــحابه
والسبب من تولوا امرهم دون مذهب= حـــولوهم رعــــايا ما يهشّــــوا ذُبـــــابه
صــــوبونا بمــــقتل للهــــيانه بنــشرب= في ذمـــم خــاربه مايطــــهروا من جنابه
كُلّ اسلــــحتهم لشـــعوبهم ذي تصوّب= والعــــدوا له بيـــركع ذي دنى باقــــترابه
وين قواتــــهم ذي بالمـــــيادين ترهب= تنكـــسر في مذلـــه في الشـــدائد وغــابه
مالها اي معنـــى او تفــاخر بمــكسب= كم وطـــن قد لعـــنهم كم لفظــــــهم ترابه
قادة العُرب تهذي عالكراسي وتشجب= بالمناصـــب يشـــــبوا عالكراسي وشـابه
قالوا ارضك عقيــمه غيرهم مابتنجب= لاجــل مابايُحــــــاسب او تصـــلهم رقابه
واصبح العدل ميــزانه مع من بيـقلب= مثــلما الــغاب والزاجي بيـــفرض عقابه
والرجاء المرتجاء ياغافر الزلّ والذنب=والامل فــــيك غثــــنا ننتـــظر لســتــجابه
ارحم اطفال تُذبح وارحـــــم الام والاب=ارحم الشـــيخ يُطـــمر بالحجر والخــرابه
ارحم اوطان تمطر في حُممها بتسكب= في ثراها تُدنّــــس دون ذنــب ارتـــــكابه
من قبل رجس بن صهيون اوطان تُظرب= والصلـــــيبي انا ســــألك تطـــفي شهابه[/QUOTE]

[المحبوش]

بدع من كلمات محمد يحيى المحبوش=
ابو يحيى مع الهاجس تأنس=يشركسها بناء طاهش ومفحوس
معه تركه توارثها مؤسس=ولاينطق سوى ماكان مدروس
متى شاف النصع بالحال فلسس=ولايتلبسه ماكان ملبوس
شجرته نابته من دون تغرس=عطاء مخصوص من رحمن قدوس
حروفي عند اهل العلم تدرس=وسري لم يزل للان مغموس
ولا اتمظهر كما غيري وبهلس=ولكنه سله باقيه ناموس
بذلليله نسيم البحر نسنس=ومخزاني من الخيرات متروس
وعاينت الهدف ونه مقنبس=مصور في مخيلتي ومحسوس
ذكرت اسمه وشجاني وحمس=شجرته وحدها بالجو بتنوس
لبوحافظ يسلم له ببنكس=ولو قلبي قده مكسوع ملقوص
وقلت اتنشده باشاوره همس=عسى حظي معه مايضل منحوس
وعاداته معي تمحى وتطمس=لانه عندنا بالعزّ مغروس
وظلم القرب مثل النار تلهس=ونا ماكنت له جاحد وقسقوس
عسى من جهشته لقسين نلقس=ولايرجع لنا المرسول بسبوس
بلغني علم من جهميم مشخص=ودايم بأيمنك بيكون قنبوس
ومحسن ضحكته لاقد تبهسس=وزيدا حين ماتلتاح لظروس
ولاجاني الخبر من شخص مندس= فلا باصدقه واقول جاسوس
وثوب الصدق ابوقاسم ملبس=حكيما بالوفاء والصدق محروس
وقوله ذي شرح يابس ميبّس=خشيع القلب لانحوك ومكئووس
لانك به بتستفسل وتبخس =وهو ذي قابله جابر وقابوس
وسهم المحبشه له قسمةالنص=وماهل لك بها من خُمس مخموس
وفي وقت القصاء تمسي مفلس=لقسمك لقتسم في ذروت الروس
فلا تنكر ولا تغطي على الشمس=معه لثبات مكتوبه بقاموس
وقال المحترم ماليوم طسطس=وتوقيته بوقت العصر دلسوس
نصيف اليوم يبصر لا تجهسس=ولكن دون مايبرى بدلقوس
ولاماهرّشه واحد تكسكس=وحتى لا معه عشرين فانوس
وبسمع قرشته لاهو تعسس=محز البيت رأس العرم متعوس
وبزقر به لعا يدرج ويطحس=ويصبح بالعُبر شُربه ومخلوس
وذه ليام قالوا كم تكربس=وكم ضوي وهو للصبح بيحوس
وبرثي له من الجبار والجبس=وكم شلوه في الاسعاف لبعوس
عليه اليوم كبدي تفتحس فحس=وحسي عنده المسيكن بيطوس
وذا تفصيل هذا علمنا بس=ونا ناظر خبر ياليت معكوس
وفصل لي ولاتبني مطلفس=خبر صافي مصفى ليس منقوص
وتم القول ذا والحق عسعس=بذكره من سكن جنات فردوس

جواب الشاعر الكبير يوسف المحتــرم=
ابوحافظ قطف من زهر رنجس=ويهديها لشاعر ظبس لظبوس
لبويحيى نمر سرحان لدهس=اذا اعزم مابقي بالعُرم طربوس
وصل خطه وافرغت المسدّس=ورحب فيه كمن جيد دربوس
وبالمقعد رسوله ماتنهّس=وشجرته مخصة ثور جاموس
وفُكّ الطارف العود المحلّس=وخليت العسل بالحال ممروس
بلا كبره نجاوب من تهنجس=لانه قال مولى الكبر منكوس
وابو حافظ سلي ماقط خنّس=بيتفاوض مع هندي وهندوس
تخبّر كم رُسل شقّر وفحّس=فلا يهرج اذا جت مية كربوس
قبيلي مُعتبر يفجي وغطس=واول من طبخ للضيف مكبوس
وابو يحيى لمه هري وهبّس=يدكي لاولى مدماك مهفوس
جلس مشغول ياصوار لفطس=مع عدة خشب من عود لبنوس
رفعت الشخص ذي عندي تقنبس=وقد رحنا كما الشيشان والروس
بتفرح لاضحك ولا تنقوس=وبايصبح سمك بالارض مشموس
وماشي به سخا يخفى ويهمس=بنحتاجه اذا املح جلد مدحوس
ونا لازلت بتحاكي مقلس=فلاتسمع دعاية ضعف لنفوس
على المحبوش زاد المكر والدس=وعنتر كم تعب من بعد لعبوس
وجابر بالبلى يشرد وهرمس=وليته كان تحت الارض مدفوس
طلبني سابقاً لما تعرّس=وقلنا ماقبيلي زار هسهوس
وبحمل ماحدث في كل مترس=ومطلوبي يكون الحد محبوس
وابو حافظ عبر حبّه وريس=مطيب بالوصر خالي من السوس
لبو يحيى سرح حبّه محسحّس=كما حب الذري من زرع مشروس
ومن لقماع ذي كدي وقوس=مع حصلت صُماحي وقعموس
طلبت العذر اذا العارف بينطس=لمه سويت قسمي قسم لخموس
مثيلك مثل ذي قشّب وجدس=وبيقول المديفر سيع لقيوس
دهمت السور والبرج المشركس=ثلاثه دور به جاهز ومملوس
ورعنا مثلما ثعبان واشرس=سلاحي بحمله والبند مهسوس
وساقي ماترزم او تملس=سنوني ثابته مايجزع الموس
وهاشم بن عوض صيح ورفس=ورجع له دُجر مغلي وملسوس
بن المحبوش عذره كم تمجلس=اذا اتعاجوا على وقره وقندوس
صلاتي عالنبي ما الماطر ادفس=وجاهم عقبه يرعد وبيعوس

[المحبوش]

سؤال محمد المحبوش عن غياب الشاعر زين بن زين القعيطي ابوبشار

يقول محبوش بعض الناس لوغيّب=لابد نسأل عليه الاهل والاقراب
وعننا غاب ذليومين جيد ارجب=من دون مانعلم السُبّه ولا الاسباب
ومن قصدته معي بين الصُحب الاقرب=رفيق بالدرب يوم السلم والمحراب
والجود طبعه نمر مانع بيتوثب=وبالرزانه سبق سنه وعاده شاب
لاغاب اسمه من الساحه بتتخرب=وحالها يختلط السلب والايجاب
نظرت في سجل فيه اسماء تترتب=لمن حضر بيننا ماسجّله من غاب
لي عدت ايام بتوحي وبترغب=من دون اية اثر لاسمه مع الكُتّاب
وبعرفه مثلما شامخ ثمر لنصب=رغم المشاغل بيتواصل مع الاحباب
وذا الذي خلي المحبوش يتعجب=وياترى ويش غيب زين عالاصحاب
عساه في خير والمانع فقط مُتعب=بعد العناء ربما بيريّح الاعصاب
او ربما انقطع خطه عن المكتب=اوفي ادارة عمل يحتاج للرتّاب
ماهل وساوس وخلتني عليه اشغب=بعد انقطاعه بدت لفكار ياحسّاب
عسى تخيب الوساوس مننا تذهب=ولاقد ابليس هو الملعون والكذاب
وذا تساؤل لسائل مقصده من حب=يرجو له الستر من مكر الزمن عياب
وزين بن زين بين الناس لي مكسب=فيه الصفات التي بتميز الاطياب
ومن دخل صفحته ماظن له يشطُب=من ساير الجيد واتوكل معه ماخاب
هذا الذي كان في الخاطر وله بكتب=ومنتظر من ابوبشار للعقّاب
ذكر النبي مالسحابه طشها يخصب=صلاة تغشاه والمهموم فيها طاب
على شفيع الاُمم من اصطفاه الرب=والحور في جنته تفتح له الابواب
توضيح من الشاعر زين بن زين القعيطي ابوبشار
على استفسار الشاعر محمد المحبوش

يقول بن زين من نيويورك بتزهب=ما عذر ما اليوم من دوره على الاحباب
حتى ولا عادنا والبرد يا محرب=عطل عليا مزاجي خربه خراب
زكام فيني وباحي جسمي اتقطب=لاكن على الله با نصبر ويا عرباب
اجاء محمد باقواله بيتعجب=وجاب كلمات تنفح مثلما الازاب
فيه الأدب والمروئه عاش ذي ادب=بيعتبر كنز عندي مثل ذه لصحاب
جيني ونا بالدفاء مذلوح بتقلب=لما سمعته صحي رأسي وجسمي طاب
رميت كل الدواء ذي كان بالمظرب=والحمد لله معاشي ابر واعشاب
من بعد ما كنت بتعالج وبتطبب=ظهرت محمد عليا ريحة لعصاب
مشكور مشكور ابو يحيى وما ندب=حرف الذهب ذي كتب لي ندبه نداب
والآن شفني معاكم داخل المكتب=لازم نجاوب على من جاء ودق الباب
ما يقدر القلب ينساكم ويتغرب=فراقكم يا محمد قطبه قطاب
ما هل قده ظرف ذي خلاني اتغيب=حسيت كنا مقيد داخل المحناب
ثلاثه اسبوع لي ما ذقت شي مشرب=والان منعوم نحمد ربنا الوهاب
با نسال الله بعد اليوم لا يخرب=حالاً علينا ويرحمنا من العذاب
ما عاد يخفاك شفني بلعمل بتعب=بمسي على الحق واقف حارسي عاالباب
ارهاق خلي البرك يقضب ويتعصب=خادم بيسرق اداوينا ولا بي هاب
بتبصره مثل ما السافع بيتلبلب=لوما الحذر كمّل السامان للجلعاب
شفك بنعمه ورحنا كم بنتعذب=الرأس شيب وعانا يا محمد شاب
بغُربة الويل عمر المغترب يذهب=جزع زمانه وهو صابر ويا حساب
قدك بها اعرف وفيها انت من جرب=ما عاد باوصف لك الحاله نكد وتعاب
الى هنا بكتفي والقصد والمطلب=رديت لك عا الطلب وضحت لك لسباب
واختم واصلى على طه النبي الاطيب=محمداً سيد الاخيار والاطياب[/QUOTE][/QUOTE]

[المحبوش]

هذه القصيده من كلمات الشاعر المعروف
محمد صالح عويضان
وهي مرسله الى محمد المحبـــــــــوش


يقول ابو فضل الفتى يا اصحابي اعطوني مهل=لا تفهموني بلخطا بلبعد روني مبتلي
زميلكم صابر على حاله على الله اتكل=ومقتنع كلن ملا جيبه ونا جيبي خلي
سنين بالغربه وراجي من ورا صبري امل=بعد المتاعب والضنا يا الله عساها تنجلي
خطوه ورا خطوه دلا حتى ولا حملي ثقل=بتحمل الاحمال واعطي النفس ذي با تتلي
قدني على صدقي ولا حب التخاذل والحيل=ولا افتري بالكذب او عمري دعمت الباطلي
ومن عمل لي خير با قضّيه من نفس العمل=وذي يسلفني ذره بيضاء بخلص جاملي
والآن حان الوقت بتنسم وبا اكتب ما حصل=لهل المعارف وانت منعك شلها يا مرسلي
سلم لبو يحيى عدد طش السحابه لاهمل=واعطه زهور الورد والكاذي يخذ له ما ولي
محبوش متأصل وتشهد قبظته من ذو الازل=هذه شهاده با تزكيها حكم سالم علي
لا تخبرك قله بحل العجز اتعبنا العمل=رك النظر والجسم هالك والالم في مفصلي
ايضأ غزاني الشيب لكن وضع ما منه زعل=ولكن اتطمن بانه ما يزل قلبي سلي
حتى ولا اتاخرت ولا المستوى العلمي اقل=لابد يأتي يوم بظهر فيه واحمل محملي
ولا تقول ان صاحبك ناسيك ولا قد قفل=عنك في الغربه وشاب الراس او ثوبه بلي
وان شي وصل مكتوب او حد بلخطاء عني نقل=شف صاحبك هاذك ذي تعرف وطبعي لولي
ما بدله والله مكانه ذي عهدته ما يزل=لا باستمع لا داعري كلا ولا لا دهولي
صعاد عظرب يشهروا واحجارهم ماهل عُتل=وبالخنازر ما يهدوا حيدلين المُعتلي
ماعاد بوصف لك مشاكل وانته ادرا بالحيل=بعض البشر بيبان لك طيب وقلبه مشكلي
نجمي قوي قاهر وهو نجمه على برج الحمل=لا يخدعك بالصوت والصياح شف نجمه دلي
يجلب صبر حارق وقال اطعم وذق ذوب العسل=ولا جلب لك صفر قاصد با يروح به حلي
كفاك شره والمشاكل لا تولي ما عدل=وانما لا شفته اقبل واجهه بالكابلي
لا تفتكر يتبع ماهلا معه شله هفل=حد منهم ساكت وحد ماهل لسانه هرجلي
بالعافيه بيقول انا سيد المحاضر والبطل=وقد خرج مهزوم من عندك بناره يقتلي
ان هو معي بكفيك به وانت اكفني به لا رحل=كلاً يجهز صعدته لا كان عاده ما حلي
الصعده اسهل لي وله حتى ولا جلده ربل=واخرج انا ويته ببرعه قبل ما اخرج جرملي
هذا كفى يا صاحبي ما با نكثر بلجدل=وارجوك تعرف ان حمل الميل اتعب كاهلي
ذكر النبي ما اتشرع الجاهم وما السيل احتمل=صلي وسلم ع المشفع ذي له النور انجلي

[المحبوش]

جواب محمد يحيى المحبوش

يقول ابويحيى عظيم الشأن للراجي وسل=ياعالم الظاهر وماهو منطوي في داخلي
يامُجلي الكُربه وغافر من عثر او من زلل=اجعل طريقي في سبيلك ربنا واضح جلي
هابعد طاب الرأس والهاجس تطوع وامتثل=وباساعة الرحمن سطّر بالقوافي بركلي
ووقته المعلوم ساعة ماظلامه ينسدل=تعجبني الوحده وهو يدوي وانا به مُختلي
يصيبني لاقد دفر مثل الذي صابه شلل=وتمتزج للوان والاسود بشوفه مخملي
وفي موازين القوافي مثلما سيل احتمل=وبحر ابويحيى بها زاخر كنوزه مُمتلي
واليوم جاني ضيف من صغره سراجه ماذبل=مثل الذهب لوطال مهما طال عمره مابلي
مازال في ذهني باشعار الملاعب كم زجل=زمان ابوسيله وطيات المشد الديولي
والتل يتلعمج على روس الحماحم بالذبل=وبالهده تحبي الحريوه باللباس الكرنمبلي
وكان بن صالح بيتمحص باطراف السبل=يطمع بلقسي يغنمه له من سبوله عوبلي
سقاه ذاك الوقت ليته في جماله مارحل=لكن كذا الانسان شوقه للزمان الاولي
باقول ياحيا بمن شرّف حلالي والمحل=وكل من وافق وصوله لامشارف معقلي
ومن شكاه الوقت والايام تمضي في عجل=الحمد ع العافيه منّا واجبه للمُفضلي
مادام والانسان في المولى بأمره مُتكل=والهم يابوفضل منه ماوجد منهو خلي
اترك تدابير القدر في يد خيرت من عدل=وهو المُيسر ماعُسر مهما بداء لك مُعضلي
قولك شجاني يبن صالح وان بدا لي به خلل=فيما ذكرته صد نوم العين فيماقلت لي
ذكرت ابوصالح خسفت السقف من عند الثقل=وذي حصل قدتم تصنيعه هنا في معملي
واليوم عندي مثلما شامخ ولاشامخ رقل=وكنز للايام مايُبلي وفي سعره غلي
وصابني في ذكر دهول في جواره بالوجل=خليفت الشاعر ابوحافظ اسف ياباطلي
من دون شي اثبات في ظنك بها ذي تستدل=قدربما ترغب لهم شربه بخلطة حنضلي
اوربما لك قصد وقت الجد تخلطها هزل=اولغز حلّه باتخسرني صداقة بُزلّي
وباختباري يبن صالح قد تجاوزت الفشل=ياكم وكم من حاولوا يطفوا مواقد هُشلي
عندي مناعه ضد من ينصح وجوهرها الحيل=جرّب مع غيري وحاول رُبما باتنطلي
دهول وابومدعر معيا مثل ماقال المثل=خيرت دفاء منسوج للمحبوش جاور مغزلي
حبل الوفاء باقي مدى الايام راسخ متصل=وخير من بيثمنوا ماصدره من منحلي
لوكان بامريكه سفاره للادب بانستغل=وجودهم هم خير طاقم دُبلماسي قنصلي
والمعذره لوكان في رأيي ابوفضل انذهل=وقلب ابويحيى من اوصافه لهم به دُمّلي
حرقتني في فيما تعداء الخط لحمر بالهفل=والشمس ماطاعه اغطي ضوئها في مُنخلي
هذا الذي قد جاك من عندي تزللتك زلل=والمعذره لازاد بالوجبه بهاري وفلفلي
لاتحسب المحبوش له رغبه بتأجيج الجدل=حبيت ارسل لك جوابي لاجل تدرس سنبلي
ومن قواميسي فقط ارسلت لك بعض الجُمل=وكنت بتمنى تنقب عن مواضع سفرجلي
لاتحسب المحبوش فيما جاك منه وارتجل=فيها مرامه لاجل يغنم شاه او يربح طلي
كسب المخوّه بيننا والود يانجم الزُحل=وابن العمودي به مثل في من يبي شل الدلي
والقول له حدين فيه الكسب يحرص من زمل=ومنه القاتل ولاحد بيننا شي صوملي
والجيد من يعطي بما يرغب بيده ينتول=مالي بئاله مابتعمل في سويسي و هندلي
والمعذره ان شي بداء فيما تظنوا به خلل=وما انتقيته في عجاله من طوارف مشتلي
لاجل السمر يحلى مع السُمّار لااتقولوا فسل=رد الكرب ذي مد بن صالح تجاهه سوتلي
بايتقن المعنى ويزهد بالمقاصد ع الاقل=والخير هو الغايه لاصاحبي كما ارجوه لي
واذكر محمد في خواتم ما صدر عني وصل=شفيعنا في يوم لاشكاً علينا مًقبلي
صلاة ماشعشع خيوط الفجر في اشراقه وهل=بحكمته ينسج خيوطه من على العرش اعتلي[/QUOTE][/align]

[المحبوش]

هذه القصيده من كلمات الشاعر ناصر صالح بيبك البكري=ومرسله الى الشاعر محمد يحيى المحبوش

قال ابن بيبك خو محمد ببدع--كلمات كالمرجان صافي تلمع =وانشر بها مقطع وبعده مقطع--ووضاع باعالم بها واخابر
مادام ربي ساء لساني ناطق--باكون في قولي وشعري صادق=لا اخرج عن الواقع ولا بانافق --والصدق دايم من طباع الشاعر
مانا بشاعر مثل بعض الشعار--ذي يشتغل عند الحكومه سمسار=ويفتري بالكذب لجل الدولار--وبالزوامل والقصد بيتاجر
انا مع الوحده وهي مطلبنا--وقايتي بالعدل باتجمعنا=لني برا اليسرا خلاف اليمنى--وذي نهبها قالوا انه شاطر
لاعدل في حكمه ولا في قانون--ذا راتبه خمسه وهذا مليون=والشعب حد سالي وآخر محزون--وبن الجنوبي طول ليله ساهر
خالف شروط الوحده المشهوره--وغير الدستور لا دستوره=وطلق علينا الكلبه المسعوره--ذي رجعتنا لزمان الغابر
والساع قم يا مرسلي وتوكل--لما تصل لاحيث ابو يحيى حل=وشرفه لا مجلسه والمقيل--وقله اني جيت عندك زاير
وتسلمه مكتوبنا لا يده--وجانبه تهديه منا ورده=وعطر واصل من مدينة جده--مخصوص له من يد بيبك ناصر
وتحاوره عن ما في القلب الام--مطلوب بعض اخبارها والاعلام=عن ما حدث داخل عدن قبل ايام--في ملتقى الثالث عشر يناير
شفنا تصالحنا نسينا ما راح--لجل التكاتف والعمل والاصلاح=وبالاخوه با تعم الافراح--وحبنا بالقلب صافي طاهر
لاكن خساره عاب فينا العياب--ذي خرب الشعب الجنوبي خراب=ويزرع الاحقاد بين الاحباب--ويشتي الفتنه تضلي سابر
عابوا بنا لنذال يابن المحبوش--ذي خلوا الخاطر وقلبي مفقوش=وقايد الدوله تعلم من بوش--وبوشنا والله ان حكمه جاير
اثنين قتلا واربعه من سابق--والعالم الله من قفاهم لاحق=لني برا راعد وبعده بارق--وجاهم اسود وسط بطنه ماطر
واليافعي صالح قُتل واستشهد--لجل الوطن ضحا ولم يتردد=واسمه بتاريخ الجنوب اتخلد--وبايضلي دائماً عالخاطر
يهناه موته مات موت الشجعان--با هنيه رغم الالم والاحزان =حتى ولو يافع بفقده خسران--لاكن سيبقى نور صالح ظاهر
ولو يطول الوقت ولا يقصر--لابد ماتظهر قبايل حمير=بجوفها مكريب ناره تسعر--وبايقع ياعمرو كلم عامر
لاحد يقول ان الجنوب استسلم--ولا نسي ما سال من جسمه دم=من قال هذا ربما انه يحلم--او ربما انه للحقيقه ناكر
ما يدري ان ابن الجنوبي صامد--واقف بوجه المعتدي والجاحد=لن يقبل الظالم وحكم الفاسد--ولن يضلي طول عمره خاسر
هنا سيبقى الموت لزول واقف--من الجنوب الحر حامي قاصف=وبانصفي كل ما هو تالف --ولن نخلي في بلدنا فاجر
ذا ما شرحته وانت يا ابو يحيى -- ماذا تفسر حلمناء والرؤيا= عن هذه العيشه وهذه الدنياء --ما دام راسك بالمعاني زاخر
قل لزعيم الرمز حقي ما ضاع -- لابد له بالغصب من لسترجاع = وقله افضل له يحسن لوضاع-- من قبل ما شعب اليمن يتناثر
يعدل بحكمه بين زايد واحمد-- لاذا بهم ناقص ولا ذاك ازيد = واحنا معه مضمون يداً في يد-- والقافله تمشي وتبقى ساير
واختم وصلي الحبيب المرسل -- عالمصطفى يا سامع ابياتي صل = شفيعنا من نار حمراء تشعل --في يوم يكشف كل ما هو ساتر

[المحبوش]

جواب محمد المحبوش=على الشاعر ناصر صالح بيبك البكري


يالله بأسمك من توكل يشرع_في ما نوى سألك بيُسر المجزع=تدلني ع الخير اجدى وانفع_وفي حصاده مايُسر الخاطر
عبدك بحبلك في وثاقه واثق_في مُقبل ايامه كماهو سابق=من دون شكّاً فيك وانت الخالق_ماتخذله مادام مؤمن ذاكر
محبوش من واقع لااسواء مشهد_ملزوم للسائل يبادر بالرد=ماعاد عن كشف الواقع من بد_والسحر مردوده يطول الساحر
واليوم بارحب بقول البكري_باقدّره مُلزم من اعلاء قدري=حتى ولاحمل الامانه وقري_ومخلصي دايم لديني حاضر
يامرحبا في ضيفنا ذي شرّف_وفي دليله لامكاني عرّف=ما البارق اتعلمج من القبله رف_والراعد اتحرقد ويعقب ماطر
ومطلبه حاضر بماهوعندي_ببذل مع البكري باقصاء جُهدي=من دون ما اتجاوز مشارف حدي_ عساه يلقاء فيه جبر الخاطر
واخبارنا ماشي بها ذي يفرح_ لوقلت بانقّص بها كم بطرح=وان قلت با اشرح من خشبة المسرح_الحظ دايم في طريقي عاثر
الوحده الحلم العظيم اتحقق_وجه اليمن بالارض ذيهو مُشرق=مهما اراد ابليس شره يحرق_ عساه مايفلح يدنس طاهر
من يدّعي بالزيف انه حامي_ كيانها الشامخ وهو اجرامي=وخدها المجروح منه دامي_ لابد مايخنع ذليلاً صاغر
الشعب ما يقبل بزور الزائف_ لابد له من يوم حامي عاصف=ملامحه بانت بأول راجف_ باتربح الوحده ووحده خاسر
انا شريك الحق ضد الباطل_انا الموحد في شراكه عادل= ولي حقوقي الوافيه بالكامل_باقولها في صوت عالي جاهر
والانفصالي ذي بعكس الواقع_ قال اليمن في خيرت المواقع= وينكر الاحزان والمواجع_ وشوه التاريح والمئاثر
وماحدث في الهاشمي به اثبات_ انّا بعيشه ذي تماثل اموات=وان الزمن عن مايريده قد فات_ ياليت صحوتنا كذا من باكر
شفت العساكر في هلع لايوصف_ مثل البليد الي بيرجع للخلف= او كالغريق الي يدور مُسعف_ تقديرهم عندي برتبة فاجر
رصاصم تمطر على شعب اعزل_ من صوت اهل الحق لم يتحمل=لابد له من يوم قادم ينذل_ عساه في يوماً لقولي ذاكر
ومن قتل مازال حياً يُرزق_ وقاتله وحده وقع بالمأزق=بالتضحيه لابد ما يحق الحق_والله للمظلوم خيرة ناصر
واليافعي من ظمن موكب ساير_لا رقمه الاول ولا هو العاشر=مادام صار الحق صوته هادر_والغد بايثبت لمن له ناظر
وفي وطن واحد بوحده كبرى_ والكفه اليمنى سوى واليسرى=والحق مطلبنا ولا بايُشرى_ بالصبر والايمان بأمر القادر
نضالنا سلمي ولن يتوقف_ وكل من بالارض عنّا يعرف= ان القضيه ما تظلي ع الرف_ والصبر قد ادمى بقلب الصابر
انا شريك النصف شامل وافي_ وماسلبني من حقوقي كافي= حتى ولو هو ظن ناري طافي_ ماليوم قد يلفاه منها شاتر
ان عاد له رشده وقال اتفضل_ بالغصب ماهو فضل لي يتفضل=والباب يمكن بعدها يتقفل_ماعاد يرعبني الصميل الجاسر
ومن يساند للنظام الفاسد_ يهناه صمته في هيانه جاحد= لعبه بيد الزيف جالس شاهد_ماله مع الاحياء مقعد شاغر
هذا جوابي باعتقادي وافي_ عساه يالبكري ملخص كافي= والله اعلم كل امراً خافي_واعذر بن المحبوش من شي قاصر
والختم في ذكر الحبيب محمد_ صلوا معيا في ختام المشهد=تغشاه من ربه ولاتوفى عد_شفعينا في يوم حومه جاير [/QUOTE]

[المحبوش]

اخواني الاعزاء اسعدني الحظ يوم امس بلقاء كوكبه من خيرة الرجال من ابناء يافع الحبيبه
تم تعارفنا بهم عن طريق هذا الصرح الشامخ(((نادي يافع)))
فقد التقيت بالاخوه الاعزاء الكرام
الاخ العزيز ابوعمر وهو المؤسس لهذا المنتدى الرايع الذي يحمل اسم يافع الحبيبه
الاخ المشرف العام للنادي العزيز ابوإلياس الذيباني
الدكتور العزيز سالم شايف ابوخالد
الاخ العزيز ابوطارق اليافعي
الاخ العزيز ابو مروان مشرف القسم الدُبلماسي بالنادي
وكان معي الشاعر القدير حيدره الحطيبي
ورغم قصر وقت اللقاء الا انه كان جميل ورايع بكل المقاييس
وقد جال بخاطري اجمل الانطبعات عن هذا اللقاء
ويسرني ان الخصها لكم بهذه الابيات المرتجله على الكي بورد
اتمنى ان تنال استحسانكم

افكار محبوش في حيره بتتصارع=من اين بايبتدي في شرح ابياته
عاشق مُتيم بقلعة عزنا يافع=ماحب يعلى على حُبه سوى ذاته
بين المواقع وجد له اسم بيقارع=ناطق باسمه ومستعصي عن اسكاته
من كان غايب عن الاوطان بيتابع=اخبار اهله واحبابه بواحاته
واسم يافع تصدّر (ناديه يافع)=محفور في ابهاء صوّر تُرسم بلوحاته
كم زاد فخري بنادينا على الواقع=بعد التقاء من عرفناهم بصفحاته
من بعد ابحارنا في بحره الواسع=وكل عضواً قضي به اجمل اوقاته
فيه الاخاء والموده اصبحة طابع=وفيه تجديد امجاداً لنا فاته
بعد التباعد فقد اصبح لنا الجامع=من كل اصقاع عالمنا واشتاته
واليوم نجني قطوف اثماره اليانع=ساعة لقائي بربانه وقاداته
من دون ترتيب اسعدني لقاء رائع=ارادة الله في تحديد ميقاته
بالمشرف العام والوجه البهي الناصع=ورغم قُصر اللقاء المسك وصفاته
ايضاً مع صاحب الفكر النقي البارع=مؤسس الصرح نادينا بلبناته
ابوعمر من رفعنا بالسماء السابع=ومن غرس لاهل يافع خير منباته
كان اللقاء حلم في الواقع عبر جازع=تخطيط دكتور متخصص بوصفاته
بوخالد الجيد صنعه واتقن الصانع=قوله وفعله بيترسخ بوثباته
يهدف الى الخير في مسعاه والدافع=وذا لقانا سوى قطفه بنبتاته
وساعة السُعد فيها احسن الطالع=من كان في صُحبته صافحت يداته
شقيق جنبه وسيف المنطق القاطع=بوطارق اليافعي باثبات بصماته
وزادنا الله خيره باللقاء النافع=بالدُبلماسي برع في سرد غزواته
بارك بيافع ويافع مئمن الفازع=مادام والخير غايتنا متماته
صلوا على من اتى في نوره الساطع=ذي خصه الله مرسولاً بآياته[/QUOTE]

[المحبوش]

علي ابو الخطاب المرفدي

قال المرفدي برسله خطي من ربوع الملز=من ارض السعودية ذي معروفه بلاد الحجاز
عبر النت باسجله للمحبوش شاعر برز=في ساحات تشتاق له واشعارة بقدر امتياز
يا المحبوش بتخبرك عن حاكم لشعب استفز=والحيره تعم الفتا كيف الظالم اليوم فاز
هل خذها جداره وهل للصندوق واقع فرز=والي حب ارض اليمن بادرته بفعل النشاز
ليش اتنكره ارضنا للي اكلوها كرز=والي ذوقوها الصبر ضمتهم بفعل المجاز
بانرثي بلاد اليمن من شيطانها ذي ارتكز=يا قوماه حد يرجمه وين اهل النفوس العزاز
صوب بندقه نحونا متعمد وبيده همز=اما التفرقه واضحه حاكم عنصري وانحياز
وانته حلل اوضاعنا وانت الشاعر المرتجز=ياكم من بلاد اليمن ذي غادر واشر جواز
هذا البدع باسجله ماضنيت شاعر عجز=والمحبوش بايلتزم بالقافيه والاهتزاز
جواب المحبوش

حيا الله بالمرفدي والحرف العجي ذي نبز=واشهد له بتقدير من عندي بكل اعتزاز
ماقاله بلغ علمنا يحفز له مع من حفز=قدهي مقرطه باليمن من تفصيل قاضي حراز
واستفساركم يافتى بالصندوق ذي به رزز=والاقفال متحرجزه حتى لولمحته غزاز
صوره لاجل تصديرها للخارج بمنجز نجز=والثانيه في قبضة القاضي لوقت اعتياز
والواقع بيتشدقوا ان الخيل وحده رمز=واضح في شفافيه ماتخضع لاي ابتزاز
يضحك من بلانا وثوبي مُهتري بالغرز=قال انّا نموذج ومرتبة الشرف له اجاز
اماالتفرقه عكسها جمّع شملنا بالعوز=حتى الفقر بنصدره للعالم باحدث طراز
والشعب اتضح موقفه والموقف عُلم وافترز=والصاحي ضميره بيتكافئ بامر احتجاز
والحالم بمستقبله حلمه طار لما نقز=في واقع هنا شعمله والشق المقابل بغاز
والمحبوش يالمرفدي ماهل من شواطي خرز=جرعه توصلك واللقاء يمكن لاولا ابن باز[/][/QUOTE]

[المحبوش]

قصيده من كلمات الشاعر صالح محُمد العمراني
مرسله الى محمد المحبوش

بسم رب السماء بازيدك الله بسمال=من يبسمل سلم بسر اسم الجلاله
ذي لك الامر والتصريف في كل لحوال=اطلبك ان تجنبنا البدع والظلاله
بجاه سيدي محمد والاحاديث ذي قال=نسم القلب لاجل انسان مل احتماله
وانت ياهاجسي بادر لترتيب لقوال=والحليله تكمل ماقصر من مقاله
بعد باخط قيفاني ولا احتاج مرسال=في يدي با اخذ القيفان مثل الرساله
لبن يحيى وابويحيى الذي شرعهم طال=بيت موصوف مايحتاج اية دلاله
ثم سالم علي جده مدون بلسجال=وابن عوض الذي صاد الضباء والغزاله
لاطلب علم بافلفل له الوضع فلفال=داخلي اومن اخبار الدول ذي بباله
قُل بلاد اليمن الحال والله مازال=جُهل وامراض وابنائه يعانوا البطاله
ثم لسلام بالشيشان قد جيه شلال=وسط صمت الدول والقصف زلزل جباله
روسيه هاجمتهم والغرض فرض لذلال=ما استفادوا من التاريخ حل احتلاله
بايموتون بالشيشان مهما الامد طال=وايجرون اذيال الندم والفساله
ثم دلهي وباكستان بتفك لقفال=حرب لاقد بداء ماحد يطفي اشتعاله
والسبب مشكله كشمير ذي حلها طال=والمساحه فقط تي المعزبه او بعاله
ذا خرج فصل واطلب علم من ذيب لعوال=ايش لخبار بالمصنع وحيه رجاله
حي صالح ولد يحيى من اولاد لخوال=ثم آلاف للدكتور من ابن خاله
واردف آلاف للرسام في ختم لرسال=الحسين الذي حاز الادب والنباله
ثم با احزيك من بازل يحب التوسال=رغم صغره يكافح لاجل لقمة عياله
دائماً ياجهاد وممتلك قلب حمال=لاشعر بالخطر بادر بمد السلاله
فوق وزنه له القدره على رفع لثقال=والسكن دايماً بيوطخه بالضُلاله
ذا وسامح على التأخير من شهر شوال=كود ابونور رص القافيه والمقاله
واختم القول بأسم المصطفى الذي نال=الشرف شرفه رب السماء بالرساله
الحبيب الذي له كل حبي ولجلال=خاتم الانبياء وازكي سلامي لآله
عد مايتلي القارئ تبارك ولنفال=وآل عمران والانعام ويستر حاله
17صفر 1421ه
21مايو2000م

[المحبوش]

جواب محمد المحبوش على الشاعر صالح محُمد العمراني

الفتى قال اتوكلت بك عالم الحال=من توكل على الرحمن نال اكتفاله
مسكنه في فؤادي ماتزحزح عن البال=اشكره بالعوافي واحمده بالكلاله
اسمه العدل ميزانه الى الحق ميال=بالكمال اكتمل والاسم وضح كماله
واذكر المصطفى ذي خصه الله مرسال=خاتم الانبياء صلاه تغشى وآله
كل ماحن راعد والمطر بعده استال=والشخوب اسقفه من فوق ارضه وماله
بعد ذلحين يالهاجس كفايه توسال=ساير الوقت واتنطق بما الناس قاله
هات رايك وعاد الامر في يد حلال=ماحدا حسب ظني ذي تحقق مناله
قال لي الوقت واهله كنهم ياتبدال=وانت عارف لقولي مامعي شي بداله
قلت لكن معيا خط جاني به اقوال=ماتمهل ويشتي ردنا في عجاله
والحليله ورثناها على مر لجيال=ويش باقول لوقال ان هذه فساله
قلت يامرحبا صالح وحيا بماقال=كم تفاخر ابو يحيى بفخر ابن خاله
ون وصفته فهو بالجيم والياء وبالدال=والعجل مابيسمح لي اعدد خصاله
بعد ذلحين اعزم يارسولي بلافال=لاجل تلحق بصالح واتشارك بفاله
في معسكر صلاح الدين ذي فيه لبطال=كم بذل في ملمات البلاء من رجاله
قُل سلامي يخصه هو ومن عنده ائتال=من شباب المجمع ذي معي والعماله
والخبابير يابونور انواع واشكال=لكن الخوف لاشوال يظهر هلاله
ان وجدنا جمل مابا نجدشي لجمال=ذا يشل الكتب لاعندكم والحواله
والمحاكي معا يحتاج ظني لطوال=نقطع الطول بالعرضى لقيله وقاله
والبلد ذي بتزرع دون بتله وطفال=هالكه هالكه بالمختصر لامحاله
وانت حازيتني عن قوم تحتاج قتال=كم تمنيت ربي شايعجل زواله
كم كشفته وهو بيمر من تحت لطفال=واسمه الذر ذي با يعجبك من قباله
وانت بحزيك من بكره بتحتاج زلال=مالها قوت الا العذب صافي زُلاله
حين تروى بتتنهجر على صوت هجال=كم معاها من العُشّاق ترجو وصاله
كم بتُصرف عليها من جواني وارطال=ون كمل راسها ماهل نبدل بداله
ذا وسامح اذا شي طف بالقول اومال=لاهنا ياعزيزي وانشب الذباله
واذكر المصطفى ذي خصه الله مرسال=خاتم الانبياء صلاه تغشى وآله
[/QUOTE]

[المحبوش]

هذا بدع الشاعر الكبير محمد الصلاحي ابو زايد
وهو مرسل الى محمد المحبــــــــــوش

بدأت با سمك يا الهي واحمدك طول الوقوت = الحمدلك والشكر ما هلل وما نادى المناد
تفنى الخلا يق كلها وأنت حيا لا تموت = في ستة اياما خلقت ارضك مع السبع الشداد
يا رب ترحمنا متى ما حملونا عالتخوت = ومن عذابك نجنا لا وسدونا باللحاد
قال الصلاحي بو علي يا هاجسي فك ا لنتوت = فك العجا من شان ابو زايد يعبر ما أراد
كل الكماليات حد الان تعمل بالريموت = بالعلم نتقدم وبعض الناس ما مل الرقاد
يا هاجسي حت القوافي حتها عندي حتوت = والشاهي اسعفني به المحبوب سلى عالفؤاد
أ قبلني الهاجس بيتحطرم أتى من حضرموت = هاجس معي هندي مولد من بلد حيدر أ باد
أما الحليله باعها لا هل الكدم واهل الشفوت = والزرع والمحصول حقي تاكله سرب الجراد
وا صبحت مفلس لا معي بيسه ولا حتى سنوت = واهل البلد ذي حرروها أ صبحوا منها بعاد
دعيت ربي في صلا تي والتهجد والقنوت = أن يكمل النعمه على الامه برحمه للعباد
فيما جرى للمسلمين اليوم ما يجوز السكوت = جا بوش با سم الحرب عالا رهاب يحتل البلاد
تكذب كشفنا الكذب قد بانت لنا كل الكروت = با يهلكك ربي كما اهلك قديما قوم عاد
ارض العرب ما با تقع لك فعلتك ما تفوت = لا اشعلت عالا سلام حربك نارها تصبح رماد
ما يفيد الكذب لو كتيت كذبك لي كتوت = آلا ف من جيشك قتل وانته مصمم عالعناد
قصف المساجد والمدارس والمصانع والبيوت = وقتل النساء اصبح ديدنك والعرف بعته بالمزاد
وبتنعت الا سلام بالا رهاب ذا شر النعوت = عندك عمى الا لوان لبيض تبصره عينك سواد
في عهدك الدولار تصبح قيمته تحت التحوت = والخطوة الاخرى لا مريكا الى نحو الكساد
بغداد يا بغداد يا بغداد يا بنت البنوت = زو جتها يا بوش للشيعه عقد فيها نجاد
أعلنت يا بغداد حزني في برامج تايم أوت = عليش يا بغداد أ علنت المآ ثم والحداد
من عقب ما كانت منيعه حل فيها العنكبوت = واليوم قد صارت حكايه من حكاوي السندباد
من عقب ما كانت بتزرع كل أنواع الفروت = واليوم بالا لغام والعبوات تزرع با ضطراد
والحاقدين الشيعه افنوها ولتوها لتوت = با حقادهم واطماعهم عاثوا ببغداد الفساد
ويسرقوا خيراتها عندي على ذالك ثبوت = ويقتلوا السنه ويرموهم على تاك الرصاد
أ هل العميم السود لبسهم لنا بوش البشوت = والمسبحه بيده مع الرشاش قابض عالزناد
حتى اليمن دزوا لها الحوثي يفتفتها فتوت = أ حقادهم زادت على السنه وزاد الظلم زاد
ذا فصل والثاني وبا راسل كبيرين البخوت = عاني معنى سيت للمحبوش نقشه بالمداد
هذه قصيده لك بدعناها لها صوره وصوت = شاعر محنك طار صيته له تحيه با زدياد
سلا م للمحبوش يملا بحرها يملا الخبوت = يملا جميع الارض مخصوصه وله من بو عباد
عد الحجر عد المدر يملا بيوته فوت فوت = حيا بعود اخضر وعطر اصلي يخصه با نفراد
أ شكر مرورك عالقصايد ذي نحتناها نحوت = أنا والعبيدي نشكرك أ حسنت منك يستفاد
وارجو السموحه منك لا قصرت فيها او لهوت = أ نت البحر أما بضاعتنا بضاعة عنكداد
با حزيك من بازل ثمينا جوهره في بطن حوت = اذا صلح تصلح عباد الله ما يظهر فساد
وفي فساده تفسد الدنياء وتتخرب بيوت = وفي صلا حه مصلحه للفرد ولكل العباد
والختم صلوا عالنبي ما شنشن الماطر حتوت = واسقى البلد يفرح به الفلاح حصل ما أ راد
صلاة ربي عالنبي زين النسب زين النعوت = والال والاصحاب أ هل المعرفه أ هل الرشاد[align=center][all1=FFFF00][U][size=5][color=#FF0000

[المحبوش]

جواب محمد المحبوش الى الشاعر القدير الشاعر العزيز / الصلاحي محمد




يالله انا سألك بايماني على هديك ثبوت=بالمرتجاء فيك الرجاء لك ترتفع كل الاياد
ذكرك ألاهي راحتي وزاد للمسلم وقوت= لا اشتده الشده فرجها منك يارب العباد
ياخالق الدنيا دنت لك في تصاريف البخوت= والكون لك والمنتهاء ماشئت له بالامتداد
والشمس لك هي والقمر منك ضياها والخفوت=آيات في برهان تفسيره يفوق الاعتقاد
قال الفتى المحبوش من يزهد لغرسه بالنبوت=يجني ثماره وافيه اوصافها يوم الحصاد
والخير ماهو فوت لو يهمل يزيد الفوت فوت= لو ماقضي في وقته الانسب بيصعب باضطراد
ومن عليه الدين بايتعب بحمله والعتوت=باقي على ظهره بنزله كان او طالع نجاد
هذه وصيه قالها الاول وقوله به ثبوت= من بعد ما اتعبّر لمن هو للتجارب بافتقاد
ونا بحملي دين والديان حسبني سهوت= في ظن قالوا اثم من يحكم خطاء بالاعتقاد
ابيات كاتبها وفي قافيه جحوتها جحوت= من اجل يظمن سوقه المحبوش يصبح في كساد
جاني الخبر والنوم يغلبني ومن نظره صحوت=ومن تفاصيل الخبر قد صابني منها السهاد
باقول حيا بالصلاحي ذي هبط بالبارشوت=وربّ صُدفه خير وابرك من تحاديد المعاد
حيا بلاعب محترف ابدع بتسديده لشوت= ومن سمع ما سطره استحسنه ايضاً واشاد
حتى ولا هو مقصده من ملعبه اخرج لئوت=في حرف به جرّد بن المحبوش من كل العتاد
ما يدري انّا القوت لللجبروت بطلقها ربوت=كالنور يضوي في شُعاعه ليل حالك بالسواد
والآن ردّي يالحليلة والمسامع لك تصوت= جودي مع أهل الجود من فيضك وفوق الاعتياد
حتى ولا الامواج هاجت والعواصف يازعوت=ذي فرّقت شمل المُشتت قبل ما يصبح رماد
لأحد يسؤ الظن يحسبني بتاريخي هزوت= والنار في الأحشاء تتوقد وتلهب بالفؤاد
والعز بالجُوهر ولأهو بشت نلبس او لكوت= بانقتدي بالصح كانه عند عَمرو او زياد
ذكرت لي بغداد واذكر من تحدي الجابروت=ارضاً ثراها ارتواء دماً واكساها سماد
ذي عاهدوا الخالق وقائد فذّ حياً لا يموت= احيوا أمل قد غاب واتلاشا وطوّل بالبُعاد
يمضون نحو الموت والحسبه لرب المالكوت=ما يختلف وعده لمن جاهد على دينه وذاد
اما الروافض ذي بيوم العيد في الاُمّه شموت=بئس العمل هم كالدُما تؤمر دنيئه من مُعاد
مهما تمادوا في فنون الزيف واستمروا الهشوت=يوماً سيصلاهم عذاباً حين يبداء لرتداد
موت البطل قد صبّ للبُركان والنار الزيوت= واصبح جهنّم يحرق الغازي يزيد الاتقاد
ماحل في بغداد عند ابطالها لا لن يفوت= لاذناب صهيوني صليبي بالولاء لاحمد نجاد
يتجرعوا عاقبتها بالعافية كوس السحوت=يهناك يابو عدي في تاريخ خالد بالجهاد
وقادة العرب الاشاوس في خُزيهم يخسوا صموت= ازادهم ذُلاً بفعله والأمل فينا استعاد
هذا معي اتيسر في الموضوع من بعد البتوت=لولاه ضيق الحرف والتكرار يجلب لنتقاد
اجلتها للسبت لما السبت اتحول سبوت= خفت الصلاحي قد يحسّبها جفا بعد الوداد
ان ناسبه ردي فهذا مطلبي ذي له رجوت= وما نقص محبوش منكم يالصلاحي يُستفاد
والنقد ما منّه حنق عندي ولا بعرف مقوت= والقلب حلّ اللغز واثبت موقعك بين الزهاد
عساه وجهك قد تبسم بالرضاء بعد الشئؤت= بعد الكدر والضيق من تـأخيرظنيته عناد
ختامها ذكر النبي والطيب في ذكره نهوت=صفوت عباده ذي شفع للناس في يوم المعاد
صلاة تتكرر وما نادي المؤذن بالوقوت=تغشاء رسولاً مُرسلاً في نور دونها المداد[/align]

[المحبوش]

هذه القصيده من كلمات الشاعر القدير شبل الاسد
وهي مرسل الى محمد المحبوش

وبسمه ذي خلق براً وبحري= وانزل من سماء عالي مطاره
خلق آدم وقبله جن عفري =ومن آدم خلق حوى جواره
عليم الحال يا عالم بسري =وتعلم ما خُفي قاع البحاره
اللاهي بسئلك يسّر لأمري=وتجعل لي طريقاً مُستناره
بفعل الصالحات اختم لعمري=وتجعل طاعتك لحمد سباره
وقصدي رحمتك نوراً لقبري=نهار الناس في ظلمه حياره
كتابي بيمني لا خلف ظهري=تعس من خذ كتابه في يساره
يقول الجمبري نظّمت شعري=وارسلته لكم بحلى عباره
محمل ورد زيتوناً وزهري=وعود المسك ينفح من بخاره
مع الكاذي ونفحات الشمطري=وحب الفل تتفتح زهاره
صباح الخير واعصفور قُمري=محلّق في الفضاء ضيّع مساره
عنايه جابك الرحمان بدري=توصل خط من شبل النماره
الى ارضٍ لها عزاً وقدري=اصيله من زمن منبع حضاره
توصل لا عدن وعمل تحرّي= على شاعر سكن في أي حاره
يجيد الشعر من نظم المعرّي=بن المحبوش يشعر في جداره
لهم بالشعر ميزه دون فخري=قديماً جدهم شل الاماره
سلامي كلما روحي بتسري=وقلبي نابضه فيها الحراره
ابو يحيى خبر من حيث تدري=ولو فيها حرج أشّر اشاره
بشوف الوضع منه ضاق صدري=وخايف تنفجر عندي المراره
فتن متلاطمه يمنه ويسري=اتتنا وافده من كل قاره
يبثوها العدى سراً وجهري=يبيعوا وشتروا فينا جهاره
ورحنا بعدهم نلهث ونجري=وراهم اثرهم لما (1)المغاره
أتونا بالخناء وفكار مصري=يريدوا تنتشر فينا الدعاره
عفيف النفس يستشعر بقهري=ويسخر من ملذات الإثاره
وذيما به حياء كشده ودجري =مكانه ثور رابض في المداره
فهذه واحده من وضع مُزري=واُخرى مثلها خلف الستاره
يحثوا الشيعي الظالم لغدري=دسايس ماكره فيها حقاره
شرب كاس المُنى علقم صقطري=قذائف مُحرقه كانت دماره
ومكريبه طفي من حوم جمري=ونار الحرب تبدى من شراره
خمدها بو حسن واعلن لنصري=وكل الشعب شارك في انتصاره
وباقي شرذمه فيها تعثري=بحكم القرب من تاك الوزاره
ولاكن قصدنا ذي كان شري=بن الحوثي هدمنا اليوم داره
وعله ثالثه تزهد بسعري=يروا السرقة في الحيلة شطاره
ونا من ظلمهم سلمت نحري=عديميين الذمم سو لي جزاره
بقبح افعالهم قد جف نهري=ونبع الغير ينضح في غزاره
متى يا صاحبي نسعد بقُطري=ونلحق ركب يمضي في ازدهاره؟
صعيبة يوم أسسنا بكري=وساس الجار من صُلب الحجاره
كذب من قال عمرها لدهري=خراب الدار من ساس العماره
توقف هاجسي أو جف حبري=فخير القول ما كان اختصاره
ونا بحزيك من بكره بتسري=ببازل جوف بكره يادواره
بتاكل حرثها من غير تدري=وبات الكل منها في خساره
إذا ماتت عسى البازل يثّري=بإذن الله باتأتي البشاره
ختام القاف بعد الحمد شُكري=يجنبنا بها حره وناره
وبعد الشكر صلينا بطُهري=ونيه صادقة قبل الطهاره
على من لو ذكرته زاد اجري=رسول الله حبه وستخاره

[المحبوش]

جواب محمد يحيى المحبـــــوش

بك اتوكل الاهي وانت ذُخري=وبأسمك يبتدي المسلم حواره
اليك اوجه بوجهي وانت تدري= بمكنوني وفي فحوى العباره
بك استأنست متحلي بصبري=متى الايام بي ضاقه وجاره
ولك يامالكاً للمُلك امري=تدابير القدر والاستخاره
سألتك مغفره من جور وزري=بيوماً فيه تستنطق حجاره
وصلوا عالنبي ياكل مُقري=عدد مارش من فيض المثاره
وابويحيى متى الطارئ بيطري=باجنحته يشمّر لامداره
سلاحي من عطاء الرحمن فطري=تفرّد بالولايه عالاماره
بتركه من ثراء الاسلاف حصري=ورثت العرش مُفرد والصداره
ومن حمل الامانه صار عبري=يعود المجد في اوج ازدهاره
ومن يطمع يشاطرني تعثري=معي يدرك قياسه في اطاره
هناك افذاذ اجزلهم بشكري=يجيدوا العزف في فن العباره
صداقتهم شرف لي طول عمري=يصيغون القوافي في مهاره
وجاني اليوم من يحضى بقدري=وبعد الخط ضاعف باعتباره
الا يامرحبا شاعر تخطري=وشرفني بقصد الاستشاره
بقوله اكتمل قدره وفخري=حروف الجمبري تثبت وقاره
بيحصد طيب دامه طيب يذري=لفعل الخير استثمر ضماره
وماقاله عن ابياتي ونثري=تضاعف عند ابويحيى فخاره
ومهما كنت مُثقل حمل وقري=وسوق الحق يشكو من بواره
بجبره ملتزم من بعد جبري=وفاه الجيد للجوده شعاره
طلب رأيي عن المأثور باثري=وذي حوّل حلالي لاجذاره
منين ابداء معه محتار فكري=ووجهي بالخجل زاد اصفراره
وعلّتنا بنا ماهي بدهري=قوانا للاسف بالذُل خاره
بتنجرع هوان الحال قسري=بنسبح دون اتقان المهاره
وصرنا جسر للاعداء وكبري=وفي يده كما تطوى السواره
واصبحنا رُقع في ثوب مهري=ازاده من تبعهم بانجراره
ومنهم تاه تدبيري وفكري=شكينا من جُحا جينا حماره
ولاقلت ابتدي سردي بسطري=بضاعة مابتقبل بالتجاره
ونا بمشي كما تعلم ودُقري=اخصائي بورشه للنجاره
ولاداعي شُكى من جور قهري=وقد كلاً هنا ودّر ضُماره
ونصف الشعب قد بيسير بُطري=الا يهنا لنا شعب الحضاره
سعيده من تصيّد له بوبري=بهذا الوقت او يظمن سباره
طمسنا مجدنا وبشكل جذري=فؤاد الحُر ادما بانفطاره
وبالواحد احد باشد ازري=عساها تنعكس بالاستداره
يعود العزّ ذي طوّل بهجري=ويسعد من تعذّب بانكساره
متى مالخير لاعندي تخطري=بظني العقل بايحكم قراره
عسى يسقاء عدوي بعض مُري=وليت العين تنظر لادماره
ويهلك من معه امعن بزجري=وبالمجان يستهوي احتقاره
بذله منبطح يخزي ويزري=ملطخ عزك الله بالقذاره
وليته يتقي شره بشري=ومن بركان يُنفخ من شراره
وبايصبح حطب يشوى بجمري=حُمم تمسيه من بعد انصهاره
وذا علمي وربك ذي بيدري=عسى يكرم بتقريب البشاره
ومحزاتك انا اشهد لك وابري=بحبكه متقنه في ابتكاره
بجرثومه بتهلك نسل مذري=وتمنع حلم قد طال انتظاره
وفي ذكر النبي يسري ويمري=بطيبه طاب لي فيها مزاره
صلاة آلاف مأجوره بعشري=على خيرالبشر تم اختياره

[المحبوش]

هذه القصيده من كلمات الشاعر المعروف منصر صالح منصر الداعــــــــــري
وهي مرسله الى محمد المحبـــــــــــوش

الداعري يالحليله امانتش لاتفلي=عندش مهمه كبيره اتمعني بالتصراف
امامش امساء محمد دقي عظامه وذلي=امانتش يالحليله تشوفي به تشواف
قدني امير القوافي زمان محبوش ولي=انا بغابة زماني بخوف الذيب خواف
غابت نمار القوافي ويوسف امساء مجلي=وانته سهاله بسيطه باكتفك يوم كتاف
واتعرف اني عميدك عميد والشعر خلي=بغوص بحر القوافي وانته بتمهر بلطراف
ويا محمد سهاله والطير مهما تعلي =لساري الليل تالي لكل ميدان حفاف
واهل السلب والجرامل ويش اكلفك ويش بلي=شتمت خيرة رجالي كمن محزم وسياف
اتعوذ ابليس منا وان شافنا الشر ولي=رحنا لها وانته اخبر بن شقدف الشر شقداف
جدي لها كان سابق وانا كفيته بحلي=وانت الذي وا محمد ما غيرك انسان عزاف
عزفت في كل شروي رعيت نعجه وسخلي=واليوم قدهي عجايب حطوك في قسم لشراف
لاوانتبه وا محمد عادك مبحبح بسجلي= وابراجنا بك تحوط لمن تعجب ومن شاف
لا والمشاكل عجيبه مالك دخل شي بدخلي=لا تقرب اخطوط حمرا تصبح عشاء سام نساف
قد عادكم امس وا ذا قعر المحاكم تضلي=خل المخبا مخبا واسرار من دون كشاف
والا كشفنا مغطا وسر بالستر مطلي=لا كننا ما تجرا لني قبيلي وقطاف
وانته رجالك قبايل لا والنبي ما ندلي=ما بشتم اخوان داعر اخوان واصحاب واشراف
ما خصمي الا محمد ون تاب وامسا يصلي =بسحب حشود الحليله وا وقف الحرب وقاف
بشرط واحد تجيني بدفرتك لا محلي =وجنبك الجيد يوسف وشيخ من ناس عراف
ون يسمع اليث سيدي بك لا سقطرا يولي=وانا الذي رشحوني قدير في حي سقاف
ما نا عسل وا محمد لمن يريد اي حلي= بل صقر صقر القوافي صعيب عن كل قصاف
وحب عبله وعنتر قالو عليها تولي=وامسه اسيره حزينه واليوم في قسم لشراف
عنتر عليها تعنتر بعد المحبه تخلي=وامست عيال الشوارع تكرف البنت كراف
يا قهر قهر المعنا راحت نماري وبلي=واستبدلتها ثعالب وجحف من بين لجحاف
جرعاتهم خنقتنا عبده بيرفع وقلي=وانا المواطن ضحيه مصروف داري تسلاف
وينش جهنم امانه جري سرقنا وشلي=لا ترحمي شوشويهم ونضفي الدار نضاف
نعيش عيشه سعيده نسلا مع من تسلي=نعمر احلا سعيده نشرف الدار شراف
نواصل اغلا مسيره مسيرة احلام عقلي=ذي من سنين الطفوله وانا لها يا تلهاف
واستفسرك يا محمد عسا تفصل وقلي=اخبار من منطقتنا ومن مدنا ولرياف
لا كهربا ذي معانا تلصا بغدره نضلي=والماء بنسني سنايه وايام نزعه وغراف
كفا كفا يالحليله ضيعشني خير شقلي=ماهل رسالة محمد كلفتني امس كلاف
فله من الورد باقه وكار مترين اصلي=وهو الوحيد المخير عبر العوايد ولسلاف
والف ياكل سامع علئ محمد تصلي=شفيعنا من جهنم وحوم من نار لهاف
[align=center]

[المحبوش]

جواب محمد المحبوش[/align]

يقول محبوش ياعالي على من تعّلي=فيك الرجاء المُرتجى تمتد لك كُل لكفاف
بجاهك ادعوك جنبني بلا من تبلّي=ودُلني لا طريق الحاء الاهي مع القاف
ذكرك تبارك وحمدك في حلالي وحلّي=والحُكم لك ياعظيم الشأن تُحكم بانصاف
واستغفرك من زلل واوزار تثقل بحملي=رجّح موازيننا في طاعتك ضعف واضعاف
هابعد ذلحين جاء الهاجس بلحضة تجلّي=يزهو بالوان تتماوج بها كل لطياف
وباغة ازهار من اغصانها ذي تدلّي=يفوح منها شذا ممزوج من كل لصناف
تركه من اجداد حطوها بسجلي لاجلي= فيها العقود الثمينه من الجواهر ولصداف
ومن معه كنز ماظني لمُفلس تخلي=يتحمد الله ذي قسمه من الشرك لضلاف
واليوم جاني ولد جاهل وقوله مسلي=شل الخجافه تجحفها لوحده تجحاف
في واقع الامر هو تلميذ عاده بفصلي=يمكن نسي بعد ماجسمه تدفي بلصواف
تجارته رابحه دخله تجاوز لدخلي=ياكم جني باحتكاره بيع الفرايق ولعزاف
والقبيله يبن مدعر فيها مقلّد واصلي=واهل داعر حواهم من شرعها جود لعراف
ماهم بحاجة يزكيهم لمثلك ومثلي=والحب بعضه قفا الطياب يحتاج نساف
وانته دلا يافتى حاسب يعطريك حبلي=والخاتمه مُزريه ياذاك من يد سياف
تهري وحوشك ودمك منهم نار تغلي=ماهل تمداح عالفاضي وكُبره تكلاف
يحفظهم الله لك يالداعري وايخلي=والخاتمه باتقع لك منهم يوم طهاف
اما الشجاعه قدك موصوف نجدي وقبلي=ساعه دقوق اضركه وتالي الليل نتاف
ياليت واحد بكم يجزع مطوف لنخلي=بابيته في غُرف لنعاش لوحصل اسعاف
فيكم علل ما بتتباخر بعشرين مشلي=ياكم وكم زهر ذي كانه بتحتاج قطّاف
ذافصل من باغتي وعقد مشموم فُلي=في الكفّه الراجحه في وزنها دون طفاف
ياذي بتدفى على حومي وعادك بشملي=ومن مضارف ابويحيى بترعي وعطاف
احسن لك اسمر مع جمهورنا ذي بحفلي=لاشي معك بالمسب ماينفعك كثر لسراف
شفنا بهرّّش معك بمشي بريضه ومهلي=وسيلنا لادفر مايمهلك للتلفلاف
والقول عندي بيتأكد امامك بفعلي=مانا كما ذي تعوّد يتبع وعوده بلسفاف
مهما تناكر لواقع يثبت جهودي وبذلي=ذي ببذله لاجل نحيي امجاد من عصر لسلاف
والصيت ذي صار لك يالداعري هو بفضلي=وانته بضاعه حُماله ماهل شُراها تكعّاف
بتوسلك ربما ترعي خيولي وبلي=واقنع قناعه معيا ماباتروم التشواف
لاسامحه ذي سحب رجلك لاطراف حقلي=بايطرحك عندما تدحق على لُقم نساف
لاتتبع شور ذي ذاق المسمم بنصلي=وهو يسوقك طريق الهاويه نحو محذاف
ذا علمنا تم وانت اخبر باصلي وفصلي=والمُر لاجل العوافي نتحمله بالترشاف
واخبارنا ذي كرف جبحي وطيّر بنحلي=وذي معي بالوعاء راحة غنيمه وخداف
والخوف عاده دفن لي من سمومه برملي=وايطرحه لي متى ما البرق بالجو رفاف
والوضع مرعب به اجمالاً وفي شكل كلي=من شاطي البحر بالمهره الى خلف بلحاف
واوضاعنا المعتليه قدهي بمقياس سُفلي=وكل واحد بيوحيها على قُرب لنجاف
الى هنا قال ابويحيى بحلمه تحلي=من بحرماينتقص من محتواها بمغراف
ختامها في شفيع الخلق من نار تصلي=وفي صلاتي عليه آلاف اتممت لهداف

[المحبوش]

قصيده من كلمات الشاعر المعروف
منصر صالح منصر الداعري ابوصالح ( نيويورك)
وهي مرسله الى محمد المحبوش

قال بداع ياساري مع ميج ساري=يامن انته رسول الداعري بالمسيره
وصل ابياتي واشواقي وحب اقتداري=واهد باغة ورود ازهار زهر الخضيره
ورد مخصوص من وردي ومكسب ضماري=تهتديهن وتهديهن مع اغلاء ذخيره
قل لمحبوش يتخير رصاصي وناري=لويريد البلاء والشر ينهي مصيره
وان يريد السلاء والسلم بمسك نماري=ما معي غير بهدي بالورود الكثيره
منطق السلم رمزي والمحبه شعاري=لاولا سيف شبعه شي خرج من جفيره
مامعي به سخا الطاحس محمد وجاري=اهل واصهار من وادي وسيله وجيره
بس لادون ونه مثل يوسف شراري=او على بن محمد له مطالب وغيره
ذي مكبل بسجني يوم قلد ذماري=يوسف امساء مكبل ضمن شله اسيره
عاد بدعه معيا ذي به الاعتذاري=لوتريدون نشره بنشره بالجزيره
يستمع له محمد ذا اذا كان قاري=وان قده مثل يوسف درج خلف الحضيره
كم نظلي نعلم كم نظلي نباري=دار محبوش طافي بعدما كان نيره
غادر الذيب لنقط والعيون السواري=والجُعيدي تمحق باقي الا شعيره
وانت عارف بقصدي يامحمد وداري=المدافن خليه والمناقع وعيره
مامعك غير حبك جمعه لاتذاري=جمّع الحب جمع لاتضلي طفيره
وانت تنازل منصر ذي على الفوز ضاري=من شرابي وناري باتروح كسيره
بسحب المار منك واطرحه فوق ماري=واعرف اني عميدك فرصتك امس طيره
وان تمكنت مني بلّ من دفع ثاري=ذي من الشمس ابعد والنجوم السميره
ماتصل حيد عالي فوق سيكل طماري=قد وصلنا فضانا وانت عادك بصيره
ذا خرج فصل واحد كاتبه في يساري=فصل حارق مضجر للنفوس الضجيره
منطق الصدق واقع بز نافق لشاري=ما المنافق ينافق بالحبال القصيره
ذا واصلي وفصلي قنت عارف وداري=حاملين الجرامل بالسنين المريره
يشهد النجم لحمرذي طفي بالنهاري=ذي بقعر المثلث كان يلمع نويره
لي وللجد سابق يحجرين العذاري=وان تناكر تخبر جيد شيخ العشيره
وافتح اسجال واقراء عالوحوش الضواري=لاتناكر منصر والشواهد كثيره
واسهنك يامحمد رد لي في قطاري=علم صافي معنى من عواطف سميره
واليمن خص واجمل وارسله لامطاري=وارو عطشان ضامي زاد بالقلب كيره
مانرى شي تطور دام عاد البواري=والمجرد بيشرب عذب من قعر بيره
شل مصروف داري شل نعمة صغاري=واصبح القات واجب والبطاله خطيره
قد بحبه ولكن ذا بحسب اختباري=والفتى الجيد عانا بسأله واستشيره
والعقارات قالوا زاد سعر العقاري=زاد عن سعر لندن والمكاسب صغيره
لاهنا بس صبري وان يطول انتظاري=بعتبر نار جمري الاوله والاخيره
وان تزيد فلافل مثل يوسف وكاري=قدمعي سُم حارق تنتهي من زفيره
واهد من سار جنبه داخل الدم جاري=ذي ملك حُب كامل مننا في ضميره
الطبيب المخضرم ذي اشتهر بالطواري=اهد يده ومده فل ينفع عبيره
ختمها بالنبي مارتلوا بالقصاري=خاتم الانبياء والمصطفى والذخيره

[المحبوش]

جواب محمد المحبوش

يالله ادعوك منك خيرتي واختياري=يسّر الامر واجعل كل عُسرى يسيره
واهدنا رُشد فيه البر ياخير باري=قنّع النفس في رضوانها والسريره
واغفر الذنب والهمني وثبت وقاري=واعصم النفس من وساس تنجاء سعيره
بعد قال الفتى المحبوش بيدي اعتباري=في الملمات تشهد لي الجموع الغفيره
رايتي بعد حمد الله فوق السواري=كُل شاني لها ينظر وعينه حسيره
هاجسي مابيخشى لاطراء اي طاري=في مسالك وعيره ماعرف يوم حيره
واقبل اليوم من يحلم يصل لامداري=لاجزاء خير من دله لاسواء مصيره
لارحم من قتل نفسه ومات انتحاري=في مهمه وصلها اعماء بنور البصيره
غشش الداعري صاحب يريد اختباري=من خلال النفس فيه اكتشف لي زفيره
يد دهول معك بالمكر وقت المذاري=وانت صارب جنا من قلت باتستشيره
قد سبق في محاولته معي في التباري=وانقضى الامر في مُبصر بظًلمه غديره
وانت يالداعري قولك عن الصح عاري=بعرفه جيشك الجرار ساعة نفيره
بندقتكم عيال اليوم سوها اتاري=والشواهد على تاريخ مُضحك وفيره
ويش بليك يالمسكين من باتجاري=عمدتك دايم المحبوش وانته غفيره
بالعزف انت متخصص وصنع المداري=جيرتك منها المحبوش الله يجيره
لنت حالم ومتوهم بيوم انكساري=استمع شور ابواحمد بهذه الوتيره
واسأله حل ما اتعسس شحاطر جماري=عاش بايام سوداءمابتُنسى ضريره
ذا وما قلت عن يوسف يقلد ذماري=واصبح اليوم في اسرك تركني بحيره
وانت عارف لبوحافظ حواره حضاري= في منازلته المُعدم وصل للحصيره
بعدما ضيعك هايم بكل الصحاري=وانت عارف حبال الكذب دايم قصيره
الحذر لاتحاول تقترب من بحاري=ابدع اول تعلم لك بشاطئ بُحيره
لانت بيدك طماشه عندنا لنشطاري=السلاح المدمر في صنوفه وفيره
وانت جيشك مطعفر بين شاري وذاري=بالفتن والمشاكل في حلق مستديره
قايد الجيش عندك مهرته بالمصاري=نصلتُه في ذحلها راشنه في جفيره
تدعي زور باطل يومنا في ازدهاري=والحسد مهلكه لومطمعك تستعيره
ذا وصل فصل به اوجزت لك اختصاري=واترك ابليس واتعوذ ولاتستجيره
لاتلاعب بلا خبره بفن التباري=ذه رشاشه بتعقبها مواطر غزيره
ون تكبرت فتوكد معي سُم هاري=ما انت شي ند للمحبوش ولا نظيره
باقي اخبارنا ظلمه بكل الحواري=كل اُمة محمد في يمنّا فقيره
في حقوقي تمادوا في فنون احتكاري=والفسد بالروايح فاح لكن ذفيره
والقرارات ذي تصدر بامراً وزاري=مثل عيفه تغالط نفسها بالذريره
والخُطط عندنا الخمسي وفيها العُشاري=واصبحه صفر في صفرين حصة سميره
والخُطب نحمد الله كُلها صنف ناري=واصبح الصُبح يتلاكع علينا وزيره
ويش باخابرك عن وضع خازي وزاري=ليت ماشي نطق فيما نطق باهريره
ذا وسامح محمد من طرف نهر جاري=فيه انذار زاهد في قطوفه عبيره
وان لزم شل درسي المعُتبر اضطراري=ذرفته من تودرلاتجاهل نذيره
بالنبي اختتمها منتشي بافتخاري=كل مالعين تغمض بعد ذكره قريره

[المحبوش]

اخواني الاحباء التقاء الشُعراء في مكان لابد وان يخرجوا بحصيلة هذا اللقاء بشي جميل
وقد جمع احد اجمل الشواطئ في هذه الدنيا في ثقر اليمن الباسم مدينة عدن الحبيبه
الشاعر الكبير احمد حسين بن عسكر
والشاعر الكبير الشيخ احمد عبدربه المعمري
والشاعر القدير زين بن زين احمد القعيطي ابوبشار
والشاعر القدير عبدالقادر المنصوري الناخبي (ابوحمدي)
بالاضافه محمد يحيى المحبوش
فكانت الحصيله مايلي

الشاعر احمد حسين بن عسكر=
يقول ابن عسكر يوم قضيت في عدن=على شاطئ البحر الذي منظره حسين
مناظر تزيل الضيق والهم والحزن=وبترجع البهجه الى الخاطر الحزين
عدن ياعروس البحر ياثقر لليمن=وياتاجه الغالي وياكنزه الثمين
وياجوهره بالارض ماشي لها ثمن=وماهي رخيصه غير في اعين الضنين
رخيص ارخصوها واحرموها من الزين=وضلت حزينه تذرف الدمع كل حين
لباس الحداد اليوم باقي على البدن=ولون الحزن باقي على الخد والجبين
ولاحد لها خفف من الهم والشجن=ولاحد بهم برد لها الشوق والحنين
من اليوم يسعدها وخذ بايدها ومن؟=سيطلق حلقها ذي بليسر وباليمين
وبانادي اهل العقل والفكر والمهن=يلبوا نداها قبلما تمضي السنين
ومن قبل تصبح يوم مطويه بالكفن=شهيده ضحيه من متارس ومن كمين

الشاعر الشيخ احمد عبدربه المعمري=
عدن مثل صنعاء حبها في الحشاء سكن=بها اصحاب حبل الود مابيننا متين
عروسة يمنّا الباسمه زينة الوطن=سلامي لساكنها بعطراً ويأسمين
وابويافع احمد من بها ارتاح وافتهن=بفضل التوحد صارت احلامنا يقين
عدن يبن عسكر لن نرخّص بها ولن=نسامح لمن حاول لها رُخص اويهين
ومن ذي عليها غيرنا حبها وحن=وكانت تعيسه لانصيراً ولامُعين
وكنّ واقعي فيما تقوله ومؤتمن=وقول الحقيقه ايها الشاعر الفطين
وكانت عدن في ذلك الوقت والزمن=سجينه بيد سجّان مايرحم السجين
ترا الفرق شاسع ياعزيزي لكل من=يقارن وقال الصدق لوكان هو امين
عدن اصبحت حلوه حلا كلها وفن=وباترتدي اغلاء الفساتين والزنين
وربك يجنّب شعبنا الشر والفتن=ونعمل على شأن الوطن كُلنا اجمعين

الشاعر القدير =
زين بن زين القعيطي ابوبشار=
يقول القعيطي دار واتغير الزمن=ودارة بنا الايام واتلين المتين
شكينا من الماضي وما فيه من فتن=وجتنا فتن ابشع من الماضي الدفين
فتن منها قد شيب من هو على اللبن=من الوضع هذا المُخزي المؤلم المُهين
زمان المصالح من زجي ساعده دحن=واهل المصالح والررُتب يدعموا السمين
فلاعاد شي راحه بيافع ولاعدن=على حُبهن نتجرع المُر بالحقين
عدن غاليه مهما بيلعب بها الخون=ومهما تراها تذرف الدمع كل حين
فهي منبع الابطال من عهد ذو يزن=ومن قبل اكتوبر و قبل الخوّن تبين
عروسة بلادي ذي لها المنظر الحسن=ومن كان قلبه حيد قاسي لها يلين
ولكن من الاحباب ماحد بها آأتمن=ولاواحد اسعدها ولاحد لها مُعين
على رغم ما اتعاني من الذل والوهن=قراين لها سووا وهي مالها قرين
ولكن جمال الانف والخدّ والجفن=سيبقى المرشّح دون اية منافسين

الشاعر القدير =
عبدالقادر المنصوري الناخبي (ابوحمدي)=
يقول الفتى بوحمدي القلب أن وحن=قُليب المفارق جُرح في خاطره مكين
لمن بوصف اشعوري لمن ياعدن لمن=نهار اجتمع في قلبي الشوق والانين
عدن ياعديل الروح يامُقلة الوسن=ويادمي الساري بتعريجه الوتين
ضلالك وشمسك بلسم الروح ياعدن=وافضل من المرهم لجرحك وبنسلين
عدن باسله حُره وغاليه باليمن=هي الام ذي حبيت من يوم انا جنين
جمالك وحسنك كم اسر قلب كم فتن=وكم من محبينك حواقد وناقمين
حزينه عليله مانفعها دواء الحُقن=وعاد الاطباء يسحبوا منها اكسجين
ولاحد بعينه شاهد الحمل ذي رزن=وهي تشتكي وتصيح من حملها الرزين
ومن قال حُرّه قد ترك قيدها سين=حبس جوها ظمّه لمينائها السجيبن
عدن ياعروس البحر ياشمعة المُدن=لك الله بايحميك في دنيته ودين

محمد يحيى المحبوش=
يقول الفتى المحبوش قولوا لنا اذن=متى الحق يتبين وفي امرنا يبين
ملف القضيه في تُعمّد قد ارتكن=نبادر بفتحه لاجل يتبيّن المُدين
عدن ياعدن يانور ساطع ولو دكن=بتشويه من حاقد نفث حقده الدفين
ومستقبلك مجهول وبالجهل ارتهن=واهلك وابنائك لهم صفر باليدين
وبا لله في امره وتصريفه السنن=ولابد من عدله في امره المُبين
فانتي كنان الرأس وبك مثوى البدن=لك الله في صبرك فلابد تصبرين
وللجرح غائر بالجسد والالم مكن=ولايسمعك من قد تسبب بذلانين
لك المطّلع من بالخفايا علم وزن=وهو لي ولك ملجاء وهو الحصن والعرين
وليام تمضي والفرج ياعدن غداً=فلابد للايام بعد الحزن تزين
فما دام اهل الخير في شورهم معاُ=ومهما قست ليام لابد ماتلين
وهذه المشاركه التي تم اضافتها هي للاخ الشاعر علوي قاسم صالح الريوي

القاسمي دار الفلك دار يا عدن=وعابه بنا الايام وخانه بنا السنين
لمن بشتكي من باطل الوقت ذا لمن=ومن يسمع الشكوى ومن فيه نستعين
لو قلت با قدم شكائي لبو حسن=من حول قصره اربعه الف سارقين
يبون اربعه مليون رشوات صن طن=وين العداله وين هو القايد الامين
ينظر بما بتعاني الفاتنه عدن=يا قهر قلبي يا حنيني في الحنين
جزع وقتها بالخوف والرعب والحزن=وبين الفتايا لابسه ثوبها الحزين
بتشكي من الحلبوب ويجي لها ورن=شرب دمها ولحمها يعجنه عجين
وشلو اراضيها الجماعه بلا ثمن=ومن جاء نتفها في يساره وبليمين
واليوم مصتابه في السُل والدرن=ولا شافها يرثي لها الجاهل الجنين
وصابر على الباطل من الخور لا تبن=لها سبع تعشر عام منكوسة الجبين
ومن بعد هذا اليوم يا سيف ذي يزن=الله اكبر وينكم يا مجاهدين[/QUOTE]

[المحبوش]

بدع ذو اللعس

يا مندوب رايح عدن=خليك الكسل واللدن
دور لي صحيح البدن=واستعجل برد الجواب
#######
من قلبي ومن خاطري=بهدي كل ما هو طري
والهامور والجمبري=وأنواع الشقر والشذاب
#######
حتى لا غلي سعرهن=ماشي معذرة منهن
برهن طين من اجلهن=ولا شيك تحت الحساب
#######
المحبوش غالي كثير=متواضع وشعره مثير
لو شفناه عبر الأثير=قلنا عرسنا اليوم طاب
#######
قلبي له من العام رف=بتمني له امسك طرف
ولليلة حصل لي الشرف=هاتوا المسطرة والكتاب
#######
ما ضنيت يشطح علي=أو برجع ويدي خلي
ما دامه سلي بن سلي=عاشق للطرب والرباب
هذا فصل يا أصحابنا=والمحبوش صرح لنا
نتطرق لموضوعنا=ذي شيب براسي شياب
#######
حول أوضاعنا الحالية=أين أتخرج التالية
شف ثرواتنا الغالية=تتكالب عليها الذئاب
#######
والحوثي رجع من جديد=ماسكها بيد من حديد
متحدي العدد والعديد=عذراء واغتصبها اغتصاب
#######
حتى القوة ألضاربه=تصريحاتها كاذبة
شافوا بالجبل حاطبة=قالوا كان لابس نقاب
#######
وين العدل وين الأمان=ذي نحلم بهن من زمان
بعد العجرفة والهوان=حطمنا طموح الشباب
ما الت اليه الامور=ينذرنا بعام الدبور
يا عالم بما في الصدور=ارحم كل شايب وشاب
#######
جرحي زاد حجمه دبل=باطل ما يشله جبل
والرشوة قبل ياقبل=جابت لي مرض لكتأب
#######
والماساه والطامة=في ارض اليمن عامة
شفنا ظاهرة مؤلمة=شحاتة على كل باب
#######
شفت الشعب في حالته=كنه في كنف خالته
وأسعار الغلاء ذلته=حالة والشوارع خراب
#######
جئنا لليمن قبل عام=وذهلنا خمول النظام
ما خطوة قدم للإمام=سكان اليمن في عذاب
#######
العالم كم أتطورت=بالعلم اعتلت وارتقت
رغم المشكلة ذي جرت=أتخطوا جميع الصعاب
#######
وحنا باليمن عالقين=بالماضي عجنا عجين
كل اثنين متفاتنين=وأعضاء الحكومة غياب
#######
عاشي بالحكومة أمل=للكادر توفر عمل
ولا با تضلي همل=مثل المعز والظن خاب
ملينا فراق اليمن=يالمحبوش بشكي لمن
بتغرب من أهلي زمن=ما عندي سوى الاغتراب
#######
لا ذنبي ولا ذنبها=ما واجب نشهر بها
لكن ما رأينا بها=اجبرني على ذا الخطاب
#######
ونته يا حليم افتني=واثق فيك ما تردني
هل ما صابكم صابني=ولا انتوا عليكم ضباب
#######
لا تسكت عن العاطلين=ونته بالحقيقة أميين
ون قلبك من ألحوم لين=حملناك بعض العتاب
#######
هذا ما توفر معي=يا دكتوري الجامعي
موضوع اعتقد واقعي=مملي بالعجب والعجاب
#######
والساعة بذكر النبي=ختمنا بها مطلبي
والباقي على صاحبي=يحكم بالخطأ والصواب

[المحبوش]

جواب المحبوش

ياعازف بلحن الشجن=تتغنى بوصف الوطن
في لحن امتزج بالحزن=والموال بالاضطراب
تطلب كأس من معبري=في تقرير من محوري
خوفي يقضب المسوري=واتمسي عظامي كباب
لايُطلى ولا يندهن=من يحلم وفجأه ذهن
في اوهن وهن مُمتهن=في داويه فوقه ذُباب
قالوا اتحمدوا انتوا بخير=والمتعوس ماهو فقير
والجاهل برُتبه خبير=والمُعدم ينال الثواب
من جاهد عرق بالشرف=حط الخير صوبه هدف
بايلقاء من اهل الترف=يتكافئ باسواء مُصاب
واليوم اتضح وانجلي=من الاصحاب مانا خلي
بحسب ماعليا ولي=ووجدها بطي الخطاب
من صاحب وفي بن وفي=باوصافه انا ما اكتفي
اصفر بالنغاء ذي صفي=مايكفي بوصفه كتاب
والاصحاب في ذلزمن=المُحسن بهم والحسن
من بين الاعزاء حسن=والمحبوش له مُستجاب
يسألني بما صابنا=منهم سُبت اصوابنا
والجور الذي نابنا=يطلبني بكشف النقاب
لأجل آيفتي الجاليه=في اسرارها الحاليه
ماسك في خًطط باليه=مايدري سبب ذلخراب
والحوثي تربي بليد=من كادر يمنّا السعيد
بأسبابه يزيد الرصيد= للمرصود زاد اللُعاب
كلاً شغّل الحاسبه=طبعاً كلها سالبه
قول الكذب له عاقبه=بعد الفوز والانتخاب
لما الوقت ازلف وحان=والتطبيق خير امتحان
لون اخضر تلعمج وبان=يفتح معركه بالشعاب
والإيمان تصبح فجور=والمتعوس شاهد بزور
في اعجاز صنع الشرور=الشيطان منكوس خاب
يستهزوا قبل ياقبل=والغلبان شل الضبل
يسقونا فشل في فشل=يمحي وعد باطل وذاب
لاحسّن لهم خاتمه=شله فاسده جاثمه
خلّوا دورنا هادمه=والحلم انتهى لاسراب
والشعب الجُرع والته=عن صوب الرجاء مالته
بعد الثالثه ثابته=هدّت من جُبل عالقاب
مُقراطيه في انفصام=في واقع به المُر سام
نترحم عليه الامام=ذي قدنا عليه انقلاب
في عصر التُقدّم نُبت=نُسلك مايوصّل لتحت
عالنفس البراقش جنت=ذي بتعاينه بانجذاب
تتقن في امور الخلل=تتكسب بجلب العلل
والنجم اليماني افل=ذي اتعدى الشُهب والسحاب
ياشاكي بتشكي لمن=لايجلس بقلبك سهن
يمكن يوم بانفتهن=للحال استمر بالتراب
في ذنب الذي صابها=والواقع هُم اذنابها
متمادون في اعطابها=واحنا مالقينا مناب
قولك صح يالاصمعي=دونته وسط مرجعي
يمكن فيه يوم اندعي=لوعشنا لوقت الصراب
والموضوع لم ينتهي=لكن مابشوفه شهي
والمقصود به مُلتهي=عنّا في امور الحساب
لكنه بيد القوي=يفعل ما يشاء لانوي
يرفع امر منهو سوي=مابينه وشاكي حجاب
امري له ولطفه بنا=يرحمنا ويغفر لنا
يرشدنا ومن امرنا=تيسيره بنور الكتاب

[المحبوش]

هذه القصيده من كلمات الشاعر محمد قاسم المحبوش من ولاية شيكاغو
مرسله لابن عمه محمد يحيى المحبوش
ابديت بالله ذي سرمد عليه اتكالي = بدأت بسم الالاه
الخالق الرازق الباري عظيم الجلالي = مالي الهً سواه
يجعل لنا الجنة الخضرى نعيم الحلالي = ونعوذ به من لضاه
في يوم ماتنفع الاموال به والعيالي = ولا زعامه وجاه
والكتب متباينه بيماننا والشمالي = كلاً جني ما ذراه
وازكى صلاتي على المختار بدر الليالي = نور الدجى مصتفاه
ذي حطم اصنام اهل الكفر واهل الضلالي = والمجرمين الطغاه
نسنس نسيم الهوى بالليل والقلب سالي = والهاجس اقبل وراه
من قاعة البحر جاب اللول لي والّاّلي = نقي الجواهر نقاه
ونا بدوري جلبت الغالي البرتقالي = ماهمني شي حضاه
من اجل ابو يحيى الشاعر رخص كل غالي = ياليت جيبي ملاه
قد كنت بشحن من النعنع ومن كل حالي = كرتون ودفع كراه
حتى ولو قد جرحني بالكلام الثقالي = يصعب عليا جفاه
قد بحسبه داخل الاسره معيا المثالي = فاهم امور الحياه
والساع من هو رسولي يعتني في مقالي = ويلتزم في وداه
مدفوع عنه تكاليف السفر والنوالي = يطير باي اتجاه
والمروح الدار عند اهل الشروع الطوالي = جيران سمر الجباه
سلم على الاهل والجيران لا كل آلّي = وهديت كلاً كساه
وقصد بن العم ذي حل الطباق العوالي = بينعم بصفوة هواه
محبوش سرمد على الشكه محّزم واآلي = والناس تعرف رماه
ولو تسأئل علينا بالعمل والنضالي = نشبه عجلة السناه
مرثاه حال المهاجر كم بهجره يصالي = ولا ترمم بناه
ولآن باسئل ولاكن من يجاوب سؤالي = يهل العقول الرزاه
عاشي خبر من ابو عبّادي الراسمالي = ام قد تلاشي وتاه
احرمت نفسي من الراحه واخرت فالي = قلنا نلبي شُكاه
واليوم عامين مرت بالوفا والكمالي = ونا مراعي نباه
بيوت جاهز وغارق بالحصى والرمالي = لا كهرباء لا مياه
عا حد بها وامحمد من يشد الرحالي = ويخذ مقدم شقاه
او عل اقل حافضوا لنا بالتلى عل الحلالي = لا تخرجونا حفاه
واتضحك الناس عنّا والاسر والاهالي = والحاسدين البغاه
والختم بالله ذي في ذكره ارتاح بالي = وهم قلبي جلاه
وعلى النبي الهاشمي مالتاح بارق شلالي = صلاة تتبع صلاه

[المحبوش]

وهذا جوابي المتواضع على الشاعر محمد قاسم فاضل المحبوش

يامن بتسمع بصمتي شكوتي وابتهالي=وبرجوتي للنجاه
يامن تعالى بعُليا مُنتهى علو عالي=الى مداء منتهاه
انا سألك ياعظيم الشأن حقق منالي=والعفو اقصى مناه
والحمد لك ماغمض عيني وتفتح سبالي=مالعرق يُنبض حياه
هابعد يالهاجس اغرف من معينك زًلالي=من عذب يروي الضُماه
رحب وسهل بدافر به تشرف حلالي=واشرق بداري ضياه
من عند فارس مرسّل جاء يروم النزالي=اوضح بخطه نباه
باقول حيا على رأسي متوّج عقالي=والزند وقت الحواه
واليوم ملزوم برجع عن قرار اعتزالي=ذي كان عقلي نواه
من سُبّت المحبشه وحدي برحّل حمالي=احرمت قلبي سلاه
ماكان للشعر واقواله بتخطر ببالي=واصبحت حامل لواه
لما اسم محبوش من ساحاتها كان خالي=واليوم في مستواه
واليوم جاء خط يحوي لغز يشكوا الثقالي=من سُبتي قد جناه
من دون توضيح واتسبب ببعض اختجالي=وقلت ماذا دهاه
من دون توضيح اوتفسير منه عطالي=توضيح من ما شكاه
والان لحمه بصحنه لبن عمي امتثالي=لكن يعجل نباه
ذا فصل والان لاقلت ابتدي بالحوالي=ما اريد تحرق شواه
المُر والغير والعلقم ملاها سلالي= والارض تروح جواه
سألتني عن ابوعباد كيف التوالي=وشي امل بالنجاه
مسكين من بعدنا جلده ملعوز مشالي=كلاً فذخ له حصاه
والعيب فينا بلاتخطيط صرف ارتجالي=اعمى مساير عُماه
للناس مثلي ومثلك بانصل للاعالي=بالحرص والانتباه
واهل القضيه بها الثلثين ماحد مبالي=وقسمنا ماعساه
حكومة الويل ذي منها نصالي المصالي=ماهل حكومة جُباه
يستثمروا ارض للخُبره فذا لك وذا لي=من له حصانه وجاه
ومن نقدها رجع حاقد عميل انفصالي=ومن فلول الوشاه
ون قلت كلمه لنصرت حق قالوا ضلالي=ولاّ بحزب الدُعاه
وابن اليمن ذي تجرّع بالجُرع استحالي=ماعاد همه خزاه
لكن تطمن فُدي بالرأس مسكن عيالي=مالي ولك شي سواه
وذي ببالك تأكد ان مثيله ببالي=عسى يتمه عساه
ختمت ردي وعذرك مطلبي بو بلالي=واهتم لي بالوصاه
واذكر محمد شفيع الخلق يوم التوالي=من فضّله واصطفاه

[المحبوش]

اخواني الكرام يسرني ان اضع بين ايديكم هذا البدع الذي خصني فيه شاعر متمكن مجهول الهويه
يطلق على نفسه ((انا الشعب)) واحياناً ((ابوتُبّع )) وهو يافعي الاصل والفصل
ويسعدني اطلاعكم على البدع المرسل منه وجوابي المتواضع عليه
واتمنى ان لاتبخلوا علينا بعد الاطلاع على ابداء اي ملاحضات اوقصور ولكم تحياتي
(((انا الشعـــــــــــب)))

انت وحدك فلا غيرك بكونك مخلّد= تعلم اسرار ابو تبع وما في فؤاده
سالك المغفره يا من لك اسماء تُمجد= يا من انطقت بن مريم وهو في مهاده
يا من اعقبت نور الشمس في ليل سرمد= يا احد يا صمد يا من رجائي وداده
قال ابو تبع الي من رفاقي تمرد= با يعود ولو طول علينا بعاده
ذي حسبته بوقت الجد للظهر مسند= انقلب سافع العيلات لا با رماده
جاء مصمم يبى المريخ في يوم يصعد= ما درى ان عاد للمريخ علم الرياده
يا اهل ذي حجر هل من عقل باقي مجمد= نشعل النار برباعه ونخمد جماده
نجعله عبرت الشعار لليوم والغد= والذي ما اعتبر بايعتبر بالاعاده
عاد بحر الادب في لجه الماء مبرد= من يبى شربت الكوثر يسلم جواده
وانت يا طير بالجوان حلق وغرد=شل مكتوب ابو تبع وحط اعتماده
وصله عند ابو يحيى من اليد لليد=وابلغه في امور الديوله والقياده
قله الوضع متأزم وشعبه مشرد= الفساد اجبره يخرج ويترك بلاده
كل ما مرت الايام قلنا سنسعد= اصبح العكس زاد الفقر يكثر زياده
من زمان الامام احمد وهيثم وحيمد= ما رينا نتايج مرضيه او افاده
والمواطن تعب حاله وعيشه منكد=لا تهنى ولا شاف الرخاء والسعاده
يقطف اوهام والصندوق بالزور يشهد=غصب عنا اراد الشعب او ما اراده
هكذاء يقبل المحكوم بالحل لوحد= بين نارين والحداد شغله حداده
عنجهيه ومن له جنب جاسر تيهود= وابن لرياف يتمنى بارضه عياده
المصالح دمار المجتمع يا محمد=ترفع الظلم والكادر تبيده اباده
وانعدام الثقه تعقيد فوق المعقد= واسود اللون(مرهم) ما يبدد سواده
والدلايل جليه للذي ما تأكد= قالها الجار واعلنها بمؤجز حصاده
قال ماشي ثقه في حكم سطحي مهدد= بالرشاوي ودمر بنيته في فساده
حكم غامض ومتسلط على كل مورد=خلخل المجتمع واستنزفه من مواده
دام جاري يرى ضعفي بعينه وحدد= كيف بي صاحب الدوله ومولى السياده
يا عجيبي عجب من دولة الجزر والمد= حطمت شعبنا وانهار كل اقتصاده
لا رقابه ولا قانون واضح محدد= كل حاكم يدير الوضع حسب اعتقاده
وارحلي يا سفينة نوح من دون مقصد= في فلك دائري للموت ولا الشهاده
وا صلي سيرك العكسي الى نار تؤقد=علها تلتهم من باعنا في مزاده
صبرنا فاض واحلام الرعيه تبدد= وانطفت كلمة الشارع بكبح الاراده
عقدوا قلب ابو تبع وانا ما تعقد= غيرتي ع الوطن توقد فوادي وقاده
طالما عاد في يدي قلم ما تردد= طول عمري بتصحيح الخطاء وانتقاده
لا هنا نكتفي والان نستقبل الرد= من صديق الادب رمز الوفاء والاشاده
رجل مخلص وتربطنا صداقه مؤكد= والصداقه تبناها قبايل وساده
والف صلوا على المختار طه محمد= سيد الخلق صلى الله على افضل عباده
[U][align=center][size=5][color=#FF0000]

[المحبوش]

جواب محمد يحيى المحبـــوش




ياصمد بالمدد سألك لك الكفّ ممتد=في وجل مُرتجاء الراجي لتقضي مراده
ماتخيّب امل ساهن لجودك تجوّد=ياكريم العطاء عبدك عليك اعتماده
واسألك رُشد يسّر لي سبيله به ارٌشد=واغفر الذنب واعصمني زلل به نُقاده
والف صلوا على من به نطق من تشهّد=خاتم الانبياء وصفوته من عباده
بعد ياهاجسي الليله محاذر تروّد=اطلق ابوابها في ليل حالك سواده
والهدف لاح واللماح للتاح سدد=عند رامي ويده ماتبارح زناده
بعذره لاتسرع في دفاعه مُهدد=خوف مرعوب يوم الحرب مابه هواده
واشهد انه على المريخ مأسور مُقعد=حلم موهوم في ظُلمه يعاني سُهاده
صدّر اقوال للمحبوش من خيش شيّد=بأسم شعب اليمن يبداء معيا جهاده
دام والشعب انته وانت يمكن مولد=ماحدا يسهن المجهول يوم استفاده
ماتصيب النصع ياذي بتضُرب من البُعد=وانت عالبر من موجه بتبصر زباده
من طلب حقّ له اسلوب لابد يزهد= سالف الدين يستوجب وحالاً سداده
مايفيد الشُكى مُعدم كلامه مردد=والحكومه تشوفه مدح فوق اعتياده
لنت تبقاء حسابك في الزمان المحدد=وابتداء سوقك الرايج يعاني كساده
لان كُل البلاء ياشعب منّك بيُرصد=صرت معتاد عالتطبيل حتى البلاده
والخنوع اتركه لومطلبك يوم تُسعد=ذي بتُسقى الجُرع وانته بتفرش وساده
ماتصلي بنية خير خالص مجرّد=والدعاء مايلبي حق بأمر استعاده
همي اليوم يحيى هو وتُبّع في الغد=وانت ياشعب بتمثل هنا باقتاده
كنت بشكي من التشطير واصبح موحد=والوهن ذي بارضك لاصله باتحاده
حلمنا صار واقع به حلمنا من المهد=آمنه مطمئنه وحدته في فراده
واصبح الامر مُبهم كل مكسي يُجرد=فاعل الخير يُنبذ إن فعل شي واجاده
واعتلي بالمناصب كل عربيد مُفسد=والمكلّف لنا يقتص مُعلن حياده
ما نلفّق تُهم نُسرد لواقع مُجسّد=جُرح غائر وواجبنا نحاول ضماده
قلت بوجز لكم ياشعب جالس موسّد=وانت حلمك بيتبدد بترك القعاده
امر تاريخك الساطع فلا بايُجدد=ذي بلحمر كُتب نوره وسطّر مداده
لامتى لامتى تاريخ غابر بنسرد=دونوه الاماجد بالهمم والاراده
مابظني لنا التاريخ يوماً يخلّد=شعب ماغير يشكي من عذاب اضطهاده
وانفردنا بخيبه مابها لي ولك ندّ=ليتنا للوطن بين الثراء له سماده
والكلام اكتمل والسيل عاده مورد=اول العشر واندعي لكم في العياده
واسأله من بيده يفتحه كل موصد=والامل بالفرج من ضيق زاد اشتداده
والف صلوا على من خصه الله وايّد=خاتم الانبياء والمصطفى من عباده[U][

[المحبوش]

بدع الشاعر حيدره عبدالله الحطيبي=
دعوتك ياملبي كل طالب=رجائي المرتجاءياخير مطلوب
تبلغني بها خير المراتب=بدنيا تحتوي الصافي مع الشوب
وتجمعني بصُحبة خير صاحب=لثاني اثنين من بالغار مصحوب
كما ان عندي وصيه للنجايب=طرحها الجدّعنّه خير منجوب
وقال اعمل وكنّ لله تايب=طريق الخير له دمغه واسلوب
ومن جنس العمل تأتي العواقب=بذي ما حاور الانسان منسوب
من اجداده معه بعض التجارب=وكأسه عندنا وافي ومجروب
وسه يامرسلي له كل واجب=توكل والامانه شلّ مكتوب
وعنوانه معك عالضرف صايب=لذي عنده قليل الخير مشطوب
سليل البندقه كمن محارب=بن المحبوش دايم بندقه صوب
وقول له قال ابوقاسم عجايب=بدهري واذهلت راهب ومرهوب
كذا تصريفها والحق غالب=يغلبها على غالب ومغلوب
خطر في بال اخو نشوان راجب=دعاء الله مايرى لك حال مكروب
يخصك من عسل صافي وطايب=تذوقه من قدح عاللوح مسكوب
وانا وياه صاحب جنب صاحب=تركنا اهل الحيّل وانسلى الحوب
اذا قلنا نهاوب كم نهاوب=وواحد بين سبعه اشخاض مضروب
خطاء نصح المعاند والمشاغب=مع الغشمان صار الحال متعوب
ومن جاء ينتقد سو له مغالب= وقالوا الشخص هذا غير مرغوب
برغم ان الخطاء في كل جانب=جلي للعيس ماهو امر محجوب
يريدونا نطبل للخوايب=فلا طبّال يبني دار مخروب
لنا الرحمن لانابه نوايب=على من ماسعاهم حاصدي الشوب
كما ان الأدمي دهره مراقب=يقُل للفاشل انت اليوم مرسوب
ومن له حق ماهو مال سايب=موثق بالورق والحبر مكتوب
لنا يوم أنسوي كل واجب=وبايظهر لنا ماكان محجوب
وبايظهر لنا صادق وكاذب=يحق الحق وان ظنوه مسلوب
غبي ذي ما يفكر بالعواقب=ولاخذ من عبر يوسف ويعقوب
وهذا البدع مني وانت جاوب=وغلبها على غالب ومغلوب
وصل الله على خير النجايب=لثاني اثنين ذي في الغار مصحوب

[المحبوش]

جواب محمد المحبوش=
بك اتوكل بن المحبوش يارب=بذكرك سلوتي للقلب مكروب
تطيب خاطري من كل شائب=وترشدني بمسلكها الى الصوب
ونا بتحمدك ظاهر وغايب=بما قدرت لي من امر مكتوب
وطالب مغفره من قلب تايب=فلا تحصى خطايانا ولذنوب
فلا نفسي بتبرى من مطالب=فتعصمني زلل في امر مقضوب
بشوف الجو متعكّر وصاخب=بنسقى به زٌعاف السٌمّ بالكوب
وابو يحيى على العاده مواضب=بهمه والغلق بالوضع مرعوب
وصلني خط من شاعر يقاطب=بحجه دامغه والشخص موهوب
وهو عندي بلغ اعلى المراتب=وهو مثلي بامر الحال متعوب
ابو قاسم طلبني للتجاوب=وفوضني صلاحيات مندوب
تميز بالبلاغه والتخاطب=وفند وضع فيه الشرح مسهوب
وشاعر معتبر عاصر تجارب=ونا عكسه فلا جربت مجروب
طلب رأيي ونا تلميذ خايب=وظهري من هموم الدهر مقتوب
ومركبنا تخلف عالمراكب=بوسط البحر بين الموج معطوب
وذي جنبه مربطهن غوارب=ولا واحد بهن الا ومثقوب
ولايدري سبيله اين ذاهب=وعاد العاصفه بالبعد بتلوب
ولكنه زمن فيه الغرايب=ووصفه عندنا ذا وضع موثوب
فلا في شرقها او بالمغارب=بحاله مزريه والكل منكوب
وصد النوم من لعيان هارب=بفقدان الامل باليأس بيذوب
بتدبيره ومن اعلا المناصب=بعكس الكون نتفرد بمقلوب
فلابسمه بدت في وجه شاحب=ولاتفكير عقلاني لمجذوب
وذا جانب وله عدة جوانب=بمشهد ليتها الاعيان معصوب
بضاعه فاسده باجمل غوالب=بها اهدار بالمُنكر لمكسوب
ويوم الحق له ياذاك صاحب=وزرعي جنب زرعك صار مصروب
رحم ذي قسم الماء عالشعايب=بقسمه عادله حتى ملى الغوب
وذي يُفجر ولا يخشى المعاقب=فله بالكسب ضعفه سُحت مهكوب
فللغاصب وبالوقت المناسب=بيتكفن باوزاره ومخشوب
سيشكو وحدته من غير نائب=ولاله ظهر يُسند به وعرقوب
وذا ردي صدى صوتك تلاجب=بشوف العين وانته بالتلسكوب
ولاعين اعتله فوق الحواجب=ولا اتجاوزت اشر لي بلسطوب
ويكفي لاهنا سرد المنادب= ونا بستغفرك يالله واتوب
وصلى الله على نسل الاطايب=وختم الانبياء بالذكر منسوب[/QUOTE]

[المحبوش]

بدع من كلمات الشاعر عبدالسلام الدبيشي=
يارب سألك تكفنا الشر=وتلعن الشيطان لقور
يسر لنا كل ماتعسر=ايضاً وجنبنا البساره
انا احمدك ماالغيم يمطر= واعقبه مسيل مدفر
وسقّي اليابس ولخضر=ويروي ارضه بالمطاره
الليل يلهاجس تنهجر=هذا القلم والبوك فاشعر
ودون ابياتك بدفتر=قدها معي خيرة بشاره
ايش السبب يلهاجس اجهر=جواب لاحد به تخبر
عن غيبتك هو كر اوفر=ولاقد الشُعّار باره
جاوب عليا لاتكدر=حتى ولايحتاج تسهر
قلي بيداتك واشر=ومستعد رهن الاشاره
باحذرك حذرك تُكّبر=وبنصحك اياك تغتر
فمن شطح ولا تمظهر=بيطعم الكأس المراره
اهديت للمحبوش جوهر=وعطر من عندي تعطر
واهدي سلامي له مكرر=لانه قده ذيب المقاره
وبا اسئله عن ماهو اخبر=عن وضع مابين احمر اصفر
باي لحضه قد يفجر=وقد يؤدي لانهياره
ذي جرعونا الموت لحمر=والوضع من سابق مدهور
واصبح شقا الشاقي تودر=لارد ابوها من تجاره
وذي خرج للسوق ظاهر=وذي لقي خرب وكسر
ومن وقع في نار تسعر=جحا وقع ولحق حماره
ياكم بني الباني وعمر=ولاتراجع او تأخر
ومن معه بالسوق تاجر=واهل المهن جوف العماره
وبعدها الكادح تذمر=من اقتصاد اصبح مدمر
واسقونا الكأس المصبّر=وكم عماله في البساره
لكن بما راد المقدر=من خير جي عالرأس او شر
هذا كلامي ماتيسر=واحسن القول اختصاره
صلوا على المختار لزهر=عن خير ماربي تخبر
شفيعنا في يوم نحشر=يارب بلغنا الزياره
@@@@@@@@@@@@@=@@@@@@@@@@@@@
جواب محمد المحبوش=
بديت بك يامن بتغفر=ياعلماً ماكان بالسر
الحمد لك فيما تقدر=وانت الرجاء والاستخاره
لكل متعسر تيسر=والامر لك في كله الامر
سألك تنجينا من الشر=وبرحمتك يالله بغاره
قال الولع الليله اسمر=بسمر مع من حب يسمر
وهاجسي كنه تحرحر=وقلت باساير مساره
من حيد صرصاري بينجر=ياكم من اقواله مسطّر
لامانفع ماظن شي ضر=ولارعد يمطر غزاره
وفرحته لا شاف مفجر=كنه على راسه تسحدر
بيحوله مشهد ومنظر=مسرع بيتحرك قطاره
ولاقضب ولا تظرظر=سعير بركانه تفجر
وفي اصول الكر والفر=جاهز وفي لمح الاشاره
مايمتشر في اليوم لدبر=وللبلى من دون يعثر
يحفر وبعد الحفر يعصر=لكن بعنوه بالعصاره
واليوم له بانصدر الامر=يفتح جناحينه ويشمر
يجلب معه اللول والدر=ذيهن معه دايم جواره
فقلت له الامر مظطر=جاني خبر وانت المخيّر
تطوله ولا تقصر=وقصره دون اختصاره
الخط ذي جانا مشفر=من شخص عندي عالي القدر
تضجره ولا تبشر=حليم تكفيه الاشاره
باقول حيا الجيد لعصر=ابن الدُبيشي الموقر
ترحيب مني لك مكرر=نورت للمحبوش داره
يامرحبا وازيد مخطر=مانسنس البحري من البحر
وزن الحُقب وشامخ العُر= بمن اتانا بالزياره
والان يلمحبوش امر= ماقاله الهاجس وسطر
من يذكرك بالمثل اذكر=من حبه المولى اجاره
وقلت جاهز ماتيسّر=يامرسلي اعزم وبكر
والخير في العاجل من البر=وفي يمينك ذلاماره
ولاوصلت الباب عشّر=وبعد تعشيره بتدفر
وشل حملك ذي بتقدر=من كل مستوفي عياره
وسلمه باغه من الزهر=مشّكله من كل مزهر
تقطر ندى وردي معطر=بالمسك والعنبر عُصاره
قل والخبر قدكم به اخبر=كسورنا ماشي بتجُبر
قلت العسر والرد اعسر=عاثر تعثور بعتثاره
شف ماحصل قدهو مدبّر=ليتك ترى ياكل مُبصر
ويسمعه لصور ولدور=من اجل ما يقل اعتباره
لعور كما قالوا تنقور=ومعلنه من كل منبر
اعلن بها النصر المؤزر=في شعب مدمن بالخساره
ظنه بلق لا مبلق البر=بحكمته واتجاوز الشر
مايدي ان اليوم لغبر=لازال بيوقّد جماره
العلقم اعتدناه والمر=مرارته اكثر واكثر
والشر بيولد معه شر=والمر غطيها المراره
والخوف للشعب المخدر=يصحي وفي صوته وزمجر
والحق نادى الله اكبر= مصير واحد في انتظاره
وكل متجبر بيجبر=يدفع ثمن مابه تجبر
بايكتشف ستره بمجهر= منهو ملطخ بالقذاره
لاتنفعه شرده ولو فر= دمه هدر مايبلق البر
ذي فاخروا بالجُهل والفقر=بشر زمنهم بحتضاره
الى هنا مجبور باقر=ياكم وكم لاقلت ببحر
عسى بنا يالله تستر=في بحرما نوصل قراره [/QUOTE]

[المحبوش]

بدع من كلمات الشاعر ابونصر اليزيدي=
بو نصر من وكر الأسد= وكر الفتـى صالـح سنـد
أديـب يافـع ذي عمـد= فـوق الجبـال الراسـيـه
من وكر وافيين العهـود = وكـر النمـاره والأسـود
قوم الشجاعـه والصمـود=أهـل العهـود الوافيـه
من مكتب القوم الكـرام = قـوم البطـولات الجسـام
أبطال في وقـت الصـدام = والنـار تشعـل حاميـه
من خامس الخمسه نجوم = كانت على القـاره تحـوم
بالنور من خلـف الغيـوم = ترسـل أشعـه زاكيـه
خمسـه لهـا ميدانـهـا = بارواحـهـا وابدانـهـا
تحمـي حِمـاء سُلطانهـا = ابـن العفيفـي الداهيـه
إبن البطل بن عيدروس = ذي مـا قبـل باالعيدبـوس
باقدامهـا لنـدن تـدوس = أرضـه بـقـوه آلـيـه
اشجـع سلاطيـن اليمـن = مـن المكـلا لا تُـبـن
بالغـدر خانـوه الخـون = خانـوه زمـره جانـيـه
زمره اتـت بعـد النضـال = المُـر ضـد الاحتـلال
مـن أجـل تفتـك بالرجـال = الوافيـه والساميـه
زمـره قضـت بفرادهـا = علـى كـرام اسيـادهـا
زمـره عسـى لا عادهـا =ربـي علينـا والـيـه
وبعـد تسعـه صغتهـا = مـن هاجسـي ألفتـهـا
وبالقلـم دوّنتهـا = عـلـى البـيـاض الصافـيـه
الأن مـن مكتـب كلـد = إحمـل خطابـي يـاولـد
من عندنا فجـر الأحـد = وقبـل تحمـى الضاويـه
مأواك دار ابـن الكريـم = الجيـد والبيـت الحشيـم
محبوش شاعرنا الفهيـم = ذي الكُـل عنـه راضيـه
ورش باالعطـر الفريـد = ذيـب السريـه والحفـيـد
للنجم والشاعـر سعيـد = شيـخ القوافـي الباهيـه
قل له سلامي عدّ ماء=للأرض من بهـو السمـاء
طش المطر واستال ماء = واسقى الحقـول الضاميـه
بو نصر خمسـه وعشـره = سطرتهـا بالمسطـره
ومن هُنـا لا أخّـره = مرسـول لـك مـن راعيـه
لك خاص من عند الشهيد = ذي قاوم الوقـت العنيـد
أيام تسخيـن الحديـد = فـي فـرن نـاره لآصيـه
شهيد قاوم فـي ثبـات = أيـام فيهـا خـذ وهـات
رصاص حمراء محرقـات = والمـوت لبّـى داعيـه
وقال انا زين الشباب = كاالسبع لـي مخلـب ونـاب
للخصم ما بحسب حساب = عنـدي عزيمـه عاليـه
الله اكبـر يـا يمـن = ولعزتـك يـا غلـى وطـن
والله مـا هُـم الثمـن = لوبـه حيـاتـي فانـيـه
وضـد مُحتـل البـلاد = دخلـت ساحـات الجـهـاد
متى أعلن الأهـل الحـداد=علـى حياتـي الغاليـه
واعلن رفاقي في البيان = إسمي بطـل هـذا الكيـان
شهيـد سمونـي فـلان = رحـل بـذمـة بـاريـه
والأن من تحت الثرى = جيـت اسئلـك مـاذا جـرى
من ظُلـم محُتـل افتـرى = خـلا المدامـع باكيـه
هل بعد ما مُتّ ارتحـل = أم فـي بـلادي لـم تـزل
راكب على ظهـر الجمـل = تلـك العجـوز الغازيـه
أم إنه اعلن بالرحيل = ذي أقسم على إنـه مستحيـل
يرحـل مـن الـدار الجميـل = رحـل ويـده خاليـه
رحـل ووقّـع بالقلـم =وتـمّ رفـع أجمـل عـلـم
خفـاق فـي دار الأمـم = والشعـب نـال الحُريـه
هل بعد ما أستشهدت أنا = نلتوا الشـرف يـا أهلنـا
واليوم من غصن الجنـا = تجنـوا الثمـار الحاليـه
هل أشرق الفجر المنير = هل ابصر النـور الضريـر
هل كسـر القيـد الأسيـر = بعـد ارتحـال الحاميـه
هـل انتخبتـم للبـلاد = قـاده عليـهـم لعتـمـاد
كمّـن حليميـن الفـؤاد=وب المهـمّـه داريــه
وهل اخذتم مـن عبـود = كـل المواقـع والحـدود
فـي البحـر او صحـرى ثمـود = الأوّلـه والتاليـه
وهـل توحـد شعبـنـا = اكـبـر املـنـا كلـنـا
محبـوش فضـلاً قلنـا = شفنـا مجالـه ضافـيـه
ختـم شهيـد باالنبـي = صلـي معـي ياصاحـبـي
مانـاح باكـي ناحبـي = مـن ذكـر سيـد الباريـه
شفيعنـا يـوم الحسـاب = عنـد المُنـزل للعـقـاب
شفيع من هـول العـذاب = ونـار حمـراء صاليـه
[/QUOTE]

[المحبوش]

قصيده كلمات الشاعر محسن ثابت عثمان العامري

وقال ابن ثابت آح قهري وباطلي=من الفقر ذي ذلحين والكبر والفضول
متى باتقع راحه وهوه كل شي غلي=وجرعه ورا جرعه يمشوا بلا عقول
بشوف ان عادالجهل والفقر واصلي= وعاد اليمن يحتاج الى أعقل العقول
ديمقراطيه معنا بها الحكم قبيلي=وشعب اليمن بيرقص عل الدف والطبول
ووحده بلا قانون قبه بلا ولي=وذي هوه غبي عالرأس بيشلها شلول
غبوني على اكتوبر وكم من مناضلي=وذي اروي بدمه تربة الطين بالحقول
ويافع رجال الحرب كم من مقاتلي= وضحوا عل اكتوبر من القافله قتول
رجال البلا والحرب ماحد بهم دلي=وكم من نمر من صدق ماحد بهم فسول
يقادون كل انسان اعوج وباطلي= وبيعرفون الحق والاصل ولاصول
وحتى ولو كانت مخازينهم خلي=فلا حد يفرط بالوثايق وبالسجول
ويشهد لهم من قبل فضلي وعوذلي= وذا يقرأ التاريخ يعرف لما اقول
رسولي مع الله شل نطقي ومنزلي=على جده اتوكل مع الله بالرسول
وتسئل على المحبوش لاقنت نازلي=سلا مي سلام آلاف له ساعة الوصول
وسلم على النادي بالعطر ذي غلي=عدت ماذلح ماطر وما استاله السيول
وسلم على الاعضاء لاقنت واصلي=وقل جبت ذه الكلمات لاشي لها قبول
وخصيت ابو طارق عز القبائلي=وعارف لبو طارق ونطقه وما يقول
ولا اتخبر المحبوش كيف المراحلي= قل يحشجون الزرع اخضر بلا سبول
بدي جيل يا المحبوش يرجم بلشولي=بيلتاح لك طيب وهوه انذل النذول
وواحد لوحده بالمسيره يواصلي =مابين ستعشر اوادم بلا عقول.
ونا احزيك من بزل في العهد لولي= عدد اربعه من قبل لايظهر الرسول
فلا شي لهم اب ولا أم تحبلي = سبحان رب العرش فاعل لما يقول
اناثي بهم ثنتين واثنين بزلي =بشر منهم أثنين واثنين هم ذلول
ولو تقرأ الختمه من الجزء لأولي=الى جزء ستعشر تلاقي به الحلول
صلاتي على خاتم نبيي ومرسلي=محمد رسول الله ما بعد هو رسول
[/QUOTE]

[المحبوش]

وهذا جوابي علي الشاعر محسن ثابت عثمان العامري


يقول الفتى المحبوش العبد مُبتلي=وماقدّر المولى له الحمد والقبول
ولاضاقت الاحوال لابد تنجلي=ولاشده اشتده الا و باتزول
ونا اسألك يامن على العرش مُعتلي=بغفران من عندك لعبدك شقي جهول
تيسّر لنا مخرج وعونك بمدخلي=وتهدي عبيدك عن ضلاله بها ميول
وذلحين ابويحيى دفرني بمقيلي=من العامري مرسول ذهّن به الخمول
ويالهاجس اذهن واحليله معي اعجلي=كفى لاهنا مايوم بحسب بكم كسول
فيا مرحبا في كنّ رأسي ومعقلي=مدينة عدن ترحب وترحب بك الحلول
ولاقلت بتمهل ولاسن معولي=فخوفي تظنوا فرعنا صابه الذبول
فلابد من مخلص وبالبُر عوبلي=فلابد من جوله مع قانص الوعول
وبانبتدي سنبل من انتاج معملي=بجوده مع اهل الجود واكرم بن الاصول
وللعامري باغه من ورد مشتلي=وازهار مرويه بماء الورد بالجبول
واخبار من عندي شف الجوف مُمتلي=وماعندكم عندي وفي شرحها تطول
وما سطّره خطك معي متضّح جلي=وذا الحال مايحتاج في ظني الزلول
فلاسامحه من صور الوضع مخملي=وقال آيربي معز في مرتع الخيول
علي ذي تنكنس بعد ماقرطسه علي=وويش اكلفش واضان بترادعي الفحول
وصاب الشلل جسمي وركه مفاصلي=ولاظن في ذلحال يمكن لنا الوصول
وشعب اليمن باقي على العهد لولي=غنم دون راعي في البراري وفي السهول
فلا صدقوا الصادق بشخطه ببركلي=ولبوا مع الكاذب تتاره مع المقول
وقال ان بن شملان ينذر بصوملي=وهو ذي بيده قد بداء يقرع الطبول
ولكن كما العاده وذا الشعب لاسلي=بيهوى عذابه يوم عرضا ويوم طول
وذا فصل من منسوج ينسج بمغزلي= ولو قلت بافصل كم آعد لك فصول
ومحزاتك اشهد ما انت يالعامري دلي=ولكنه الرحمن الهمني الحلول
وسبحان من اوجد لنا الاب لولي=ومن ضلعه اوجد ما يوازي بها العدول
وثالثهم الناقه ورابعهم الطلي= باعجاز رباني وفي حكمته ذهول
وذا ذي حزر عقلي مفرق ومُجملي=ونا عاد لي محزاه ولاتحسبه فضول
فنا احزيك عن بازل بيفجع اذا خلي=وبه يأمن الجايع ومرعب في الدخول
ولاهو مع من هب او دب يمتلي=ويحتاج له حكمه بفتحه من البتول
ولاحد تساهل فيه الموت لزولي=فوالله مايخرج الا من القتول
وختمتها في ذكر من يذكره سلي=رسول الهدى من خصه الله له رسول[/QUOTE]

[المحبوش]

بدع من كلمات الشاعر احمد صالح البكري

ابدع بك ادعيك يارحمن كُل الرجاءله = تغفر لعبداً فقير
تيسر الامر لي وتعينني عالحماله = ومن عذاب السعير
القادري قال ياطيار شل الرساله = لا قد نويت المسير
مأواك داخل عدن دار الكرم والجماله = ارض السراج المنير
وبلغ الخط ذي مني لرمز الاصاله = لاعند شاعر قدير
بويحيى اليافعي وتخبره كيف حاله = عساه دايم بخير
قد بحسبه مثل ما شامخ ثمر بكتماله = شاعر برده جدير
بلغته الخط وعطه عطر اصلي جباله = من نوع غالي شهير
سلام مني مختم له وجملة عياله = واخوته والصهير
قله تراء احمد يهنيكم بشهر الفضاله = بشهر نوره ينير
شهراً به العبد يتقرب لرب الجلاله = في الصلاه والسهير
هذا خرج فصل والثاني قرب لا محاله = بانطرحه يامدير
نادي رمات السلب مافيه حتى مقاله = واعضائه امسو شخير
ااسفني الوضع وتمسكت بقوى حباله = وضيق جاني وحير
حاولت بسكت عن الموضوع لاكن بحاله = والهاجس اقبل مغير
وين اهل يافع عزيزي وين راحو رجاله = كانهم وسط بير
وين ابن ناجي وبو نوره عريق السلاله = ذولعس وينه اسير
ووين احمد وبوسلطان وولاد خاله = ذي في قطر ياشعير
وين الازالي وبن يافع رفيق الزماله = والاخ سليل المشير
والعم صالح ابوصنعاء بشعره دلاله = شاعر برتبت سفير
ووين ابو الياس ذي ناظل لتحقيق مناله = له قدر عندي كبير
والعم بكيل القعيطي فترة الغيب طاله = ارجو بانه بخير
شعار يافع لهم تاريخ ماشي مثاله = خاضو معارك كثير
الى هنا يعزيز بكتفي والحماله = واعذر اخوك الصغير
ذا ما رواء هاجسي ودار في وسط باله = حتى ولا هو يسير
والان مطلوب ياغالي تجاوب ساله = انته وكمن خبير
ومن من اخواننا يشتي يقدم مقاله = بيكون افضل وخير
وزكى صلاتي على المختار طه واله = شفيعي يوم الحشير
[/QUOTE]

[المحبوش]

جواب محمد يحيى المحبوش

يالله ادعوك جنبنا دروب الضلاله= انت السميع القدير
عالم بلسرار لاعبده بقلبه شكاله=في ليل حالك غدير
انا احمده حين تتيسر ووقت الكلاله=بالشر ولا بخير
يقول محبوش بعد اليوم بذلح شلاله=فالخير عاده وفير
جتني رساله بها من كل صافي زُلاله=من عند شاعر جدير
فيها معاني واماني بالغه في الدلاله=من العميد المُشير
وقلت يامرحبا عدد حروف الرساله=وماخطى بالمسير
قوله على الراس حالاً بانلبي مناله=قد اشعل النار كير
يالله سهل لنا بالرد له في عُجاله=قبل الاذان الاخير
والان يامرسلي اعزم ورد الحواله=الان فوراً تطير
للعاصمه ذي بها احمد تخصص مجاله= يجير من يستجير
سلم على والده واشبال قدهم عياله=مني السلام الكثير
وخص منه على النائب علي هو وخاله=ذيهو برتبة وزير
ايضاً تحيه لاهل القادري والزماله=عميدهم والسفير
وكل من حل عنده اونزل في حلاله=سلام صادق وفير
وباغة الورد والكادي لاحمد جباله=وعطر لُبّ العبير
رشرش ثيابه ولاتنسى تبلل شواله=منسوج صافي حرير
قله بقلبي مكانه ماتبدل بداله=عندي جوار الضمير
وبعد يامرسلي قله يرخي حباله= واينجلي الزمهرير
وفي سوالك عن النادي وماذا جرى له= ابشر في الاميرخير
الغاز لاقل في غازه بتطفى الذباله=والعشر ترجع عشير
وعن سؤالك عن الاخوان يبن الاصاله= والزرع ذيهو بكير
ياصاحبي كل واحد فوق ظهره زُماله=كوده عليها زُرير
ماهل بننسم ومن حارب رُهق من قتاله= في وقتنا ذلمرير
ذكرت ابو إلياس ون الدمع عالخد ساله =يمكنه اصبح سفير
ماهل بيظهر علينا حين نطق العداله= كنه يطرف شعير
وابن ناجي الباقي معي بالزماله=يسلى معاه الضجير
جاهز مجهز وماهلا بيفتح شواله = بحر القوافي الغزير
وابن القعيطي مجهز للمعارك نباله=ياويل منهو نكير
اما ابو نور خله في الاجازه لحاله= لما يوالي الخصير
ايضاابو س يمكن قد فتح له وكاله= هو ذي معانا الخبير
ومن يعطّل فصالح من يصلح عطاله=ماحد بشقله نظير
والملجمي لاغفل يمكن شُقل في احتفاله=بظيف سره خطير
لوشفت من ذي يزوره والله بنك رثي له= مايحتمل للهدير
والازلي ذي جواري كأننا له خياله = عندي ولابايطير
وبيننا البين يالبكري باول شواله=بعد الشهيق الزفير
لا ونه البدر اشرق في كمال اكتماله= والدخن يرجع شعير
ذكر النبي سامحوني لابهرجي اطاله= وانلتقيكم بخير [/QUOTE]

[المحبوش]

بدع مرسل كلمات الشاعر
فضل محمد السعدي (ابوعدنان)

سبحان من يعلم اسرار البشر= سبحان من اعقب الليل بنهار
سبحان ربي خلق بحرا وبر=سبحان ربي خلق جنه ونار
الحمد له عد قطرات المطر = وعدات ما سيل بالوديان سار
يارب لك وجه ابو عدنان خر= فسالك اجعل لي الجنه ديار
يارب سالك تجنب كل شر= وجعل طريقي مع الناس الخيار
وبعد يامرسلي قم للسفر= ياسعد من سار لحبابه وزار
الى اليمن حيث لي ساس و مقر = سلام يوصل الى المحبوش حار
سلام موزون في شامخ ثمر = ويوزن القاره النصباء وجار
هذه مفاتيح سياره همر=هديتي شلها دون انتظار
وقل له العز والحب استقر = محبوش عندي من الناس الكبار
وبعد قل بالمفيد المختصر = وضح مرادي وقصدي بختصار
قل قال بن ناجي البارح قدر = عثرتني رجل في وضح النهار
للعيش والملح قد نحمل اضر = رغم ان لي يد تكسر حجار
وعلم بانبي لذلك مقتدر= ما اجمل العفو عند الاقتدار
ولا بنا ايها الغالي كبر= لو كنت مخطىء ببادر بعتذار
ماهو علي عيب لو فضل اعتذر =بقدمه في كرامه وفتخار
ولا بعامل بمظهر او صور= مهما يكن له مكانه وعتبار
في طيّب القول تشتد الاسر = والضد للضد يا محبوش دار
من قرّب المر يتجرع امر= فماحلاوه بنطعمها مرار
والشرع واضح نهانا من ضرر = وقاعده لا ضرر بل لا ضرار
لكن اذا شفت من يخطي اصر = ننبهه لجل يعدل للمسار
لو ما رضي قالوا اعذر من نذر= هنا قد اعلن على الدنيا دمار
هذا سلوكي وربك قد غفر = لكل من تاب وصبح شخص بار
بس لا هنا يمكن المقصد ظهر= مافيش داعي لقلاب الحجار
اخوك مافيش به كثر الهذر= وهدر فاضي يطلّع للصفار
ذا امر اول وثاني شي خبر = من ارض بلقيس جب لي كل سار
مايو ظهر نجم بازق كالقمر= عبر الفضائيه نعجب بنبهار
مبروك للشعب باليوم الاغر = بعد التشتت قد اعلن انتصار
اختمت قولي وشفني منتظر = للرد ونته يميني واليسار
وصل يا من سمع او من حضر = صلوا معي ماطلع غيم ومثار
على من ارسل هدايه للبشر = ذي شعشع النور من دينه ونار
[/QUOTE]

[المحبوش]

كلمات محمد يحيى المحبوش


يقول محبوش الجوده من الموجـود=المعُتلي العرش مايخلـف مواعيـده
عظيم بالشـأن ماقـدّر لنـا بيسـود=ميزانه الحق سامع من رفـع ايـده
انا احمده حمد شاكر نعمة المحمـود=بالعُسر واليُسر حمـداً لـه بماريـده
واذكر محمّد عدد ما له علم محـدود=شفيعنـا يـوم اتٍ فــي تآكـيـده
وبعد قال الولع عامد على المرصـود=ثابت مؤكد وراسخ فـي مراصيـده
من نبع صافي زُلالاً حوضي المورود=ماينطـق إلا وتتبعـهـا اسانـيـده
ومقصدي خير والافضـال للمعبـود=من كان في طاعته يسّـر مقاصيـده
والان يامرسلي في يـدك المقصـود=من عند رامي ولا يخطـي تساديـده
وبساعة الضيق بتلبى بأهـل الجـود=والجيد بالجيد يصبح مـن اجاويـده
ومقصدي ان وصفته كفتّـه بتـزود=وهو حديـدي وكلـن لـه تحاديـده
بالمعزبه حلّ والعقله ثـراء لجـدود=لابد عارف وحقـي لـي وباعيـده
لاعند ابونور خُصه من شذى لورود=نقوه من ازهار مثلـه منهـا زيـده
ومن معه حل رُشه من بخور العـود=ذي شمه الطير وابدع فـي تغاريـده
جباك ذا الخط من بداع لـك مكـدود=وانت في الشعر من المع صناديـده
اتنشدك فـي امـوراً منهـا مكبـود=يمكن تفهن على المحبوش وباتفيـده
ونته معيا الامل فـي آخـر العنقـود=بعد البلا ذي به اصبحنـا محاصيـده
من حل ارض اليمن اصبح بها مفقود=استوطن الفقر واتلاشـت مواريـده
وبالجُرع جرعونـا السـم بالبـارود=واعلامنا بس ذي نسمـع تحاميـده
والحال مُفجع ومرعب شيب المولود=وكـل لحظـه بتتضاعـف تهاديـده
والشعب بيقول ياليت الامـام آيعـود=وذي طردنـاه يتسـلّـم مقالـيـده
اتشبثوا بالكراسـي ذي ملاهـا دود=واهل الكرامـه تولوهـم عماريـده
اما الغلى والبلى قد فاق كـل احـدود=وعادهـم ينفخـوا فينـا قلامـيـده
عاشي امل ذي تشوفه بعد ذه لبنـود=ماهل لك ارسلت قطعه من سراديـده
ردك يصلني ورايك غايـة المنشـود=من بعـد ذلوحـل كـلاً لا قراديـده
والختم صلوا عدد ماحنحنه لرعـود=علـى محمّـد وآلـه فـي تراديـده
صلاه تغشـاه منـا سُجـداً وقعـود=شفيعنـا يـوم بانبصـر مشاهيـده
[/QUOTE]

[المحبوش]

جواب عبدالخالق صالح عبدالكريم

قال الفتى خو محمد خاطري مسدود=والجوف يقدح بناره من مواقيده
دنيا تعاسه بوجهي بابها موصود=من وين ما رحت ردتني جلاميده
سالك بنون القلم يالله وسورة هود=تريّح القلب وتبدد تناهيده
بي خوف لا اصبح ضحية فلم روبن هود=واقضي زماني وانا ناظر مواعيده
واتنهش الطير تمري من على العنقود=وباتنبش عنبنا من عناقيده
واترجف الأرض حنشان الرضام السود=ذي جاتنا من بلد بختنص لا صيده
والعين بتشوف والعيب إننا موجود=حارس وعيني ترى والمكر ما جيده
روَح تعبنا هدر ماراح مابيعود=وحسب قول المثل جاب البلاء بيده
حنين حنيت جاوب واجبل مسعود=من باطل ابليس ذي رخّص بنا كيده
يقول ابو نور جودك ياكريم الجود=ياخير معبود جرنا من عرابيده
ذا وانت ياهاجسي بادر من الموجود=رحب وجاوب وهرج المرج ما ريده
رحب بشاعر على نظم الوتر والعود=والواجب آرد له بالمثل وازيده
ومدني من بخور العود ذي بي نود=وعطر مخصوص جاني من تواريده
رحب وسهّل بزاير حل بيت الجود=حيا وسهلا بذي ما اخلف مواعيده
حياه لابيت شامخ معتلي جلمود=راسخ رسوخ الجبل وارسا تحاديده
يرحب به الضيف حيا ما الجبه لرعود=والضيف نُبل الكرم ما اشجره لا ايده
قال ابن صالح لعب بالطاهره عمرود=وادلج بها اعلاج عوجا من عماريده
شقرا شقية شقاها إنشق من نمرود=من عهد عاد إنعقد واجلا تجاليده
رقطا رضيه ورقطا رضّها التيفود=صاب الصبي صُم واحنا صَمنا قيده
واهتز كنز العَوَز والعِز مابيسود=والدم بعد الندم عدّم أماجيده
صك الحنك صك واصبح منّها مطرود=والمارق إنشق ذي لحّن تجاويده
مايسلم اعجم بكم والفمّ ملأه دود=من لطم أُم الصُرَم ضيع مراشيده
وراعي الطين خلا الساقية مسدود=ذي أم مافيد نفسه جار مافيده
قولوا لمحبوش ذي سو السُم بالبارود=واعلام معكوس عمّدها تئآكيده
بالصحن معجون بيدي سُمهم مكرود=وامشاط بارودهم جاهز تساديده
لايوم فك الحِلق ذي عالقدم معقود=يوم آتفور الهوادر من مراصيده
والصبر ياذاك لاما نبلغ المقصود=لني بشوف إن عفرا بيدها جيده
صح إن شعب اليمن من كيدهم مكبود=ومركب الفقر دقّتنا طرابيده
لكن بيوم الفرج ياصاحبي موعود=واجيالنا القادمه تدعم أسانيده
لاهو بوقتي ولا وقتك زوال النود=بل إنما يوم تتحضر أجاويده
لنّ العزيمة بحاضرنا جبل مهدود=ماينهض إلا متا ما اشتد تأييده
واحزابنا فاقة العُمال والليكود=وافعالهم باتفوق إن كان مابيده
مصوا دمانا وخلونا مثلما العود=نجمي الحمل والحمل بانت مقاصيده
قاده سَرق والسرق حَد الله المحدود=المرتشي ( نفي ) والسارق قطعنا ايده
والختم يالله يامن كفك الممدود=صله وصلوا عدة ما اتلوا تواحيده
عالمصطفى الهاشمي ذي سيرته محمود=ذي جاهد الكفر واتقلد مقاليده [/QUOTE]

[المحبوش]

قصيده جديده كلمات الشاعر محسن ثابت العامري
مرسله للشاعر محمد المحبوش


نبدع بمن هوه علينا ناظري = رب السموات ذي به نستعين
واتوب من قلب له واستغفري = اشفق بنا واشفيع المذنبين
ماحد من الناس عل الدنيا بري = حد مننا شلها دنيا ودين
يانفس سألش مسوله تحذري = لا تلحقي مهرت ابليس اللعين
ذكر النبي قولها من خاطري = على النبي ذي سمى طيب امين
محمدا" ذي به المولى سري = وقابل الله رب العالمين
هابعد ذلحين قال العامري = بانسم القلب من كثر الحنين
مادام عيني بتبصر واتري = قد كل حاجه امامي باتبين
ساكن بيافع وبيدي ميزري = والجسم صاحي وانا رامي زكين
ماهُم حاجه ولا اتعب خاطري = واصارع الوقت والله المعين
لانا موظف ولانا مهجري = رزقي على الله رب العالمين
يا مرسلي شل خطي باكري = من رأس يافع له البيض احجرين
سلم لمحبوش خط العامري = وكلمة السر أحذر لاتبين
وباقة الورد بيدك تشتري = وتحطها له يساره واليمين
شعره وصلني وشرف محضري = ورحبوا به جميع الحاضرين
وقل لمحبوش لو مابع دري = يوبه على العُر من بيضا حُسين
قد احرمونا من الصيد الطري = وايحرمونا من اللحم السمين
قد هوه بي اخبر ونا به خابري = مايخسره من معه صاحب حِسين
دايم على العهد ما يتغيري = وانا على العهد باقسم له يمين
من اليمن كل واحد ناشري = وين اليمن وين هيه دولة معين
شعب اليمن يا صديقي وادري = معا اسينا به الشخص الامين
واحد يبايع وواحد يشتري = والكيح ذي بينهم مثل الطبين
هذا اشتراكي وهذا ناصري = والمؤتمربيعحن الدنيا عجين
لا الاب ظالم وعاده مفتري = ما البنت هي وامها ويش ايسين
والقاعده ذي جري فيها جري = والله يعلم من المتسبيين
من بعدها حطموا عدة قري = وين العرب وين عاد المسلمين
بوش انتهازي وابنه عنصري = حط الدول كلها له خاضعين
والشرق لاوسط حرق وتدمري =ولا معانا قوى مستنكرين
ووافقوا عل الهجوم العسكري = ذي شيب الطفل ببطن أمه جنين
وهدموا القدس كم تحته سري = بيت النبوه وبيت المرسلين
قالوا أسامه السبب والظاهري = ذي دخلوا الخوف قلب الامنين
من ذي تدينه ومن ذي هوه بري = باللاه قل لي صراحه من تدين
ياليت انا ونت ولا واحد دري = ولا معانا قوى للمعتدين
وعادنا احزيك من بازل سري = حارب بقوه جيوش المسلمين
ما بين لحظه طلع ونذا بري = ومسكنه في رياض الجنتين
من دون لاتاب ولا استغفري = ولا لربه يصلي ركعتين
من الثلاثين ذي اتبشري = بجنة الخلد بين الصالحين
ختمتها بالشفيع المنذري = وخاتم الانبياء والمرسلين
صلوا معي كل ما القارئ قري = على محمد أمام القبلتين
[/QUOTE]

[المحبوش]

جواب محمد يحيى المحبوش

محبوش عزمه نوي به وانبري=يالهاجس ازجل معي اللحن الشجين
وبدء ذي بدء طيبت خاطري=في اتكالي عليه المستعين
والحمد له مالسحايب تمطري=حمدا مدى الدهر سرمد كل حين
خلق وزين بعين الناظري=ماهي سوى بالبصر للمبصرين
كل من عليها يبجني ماذري=منهم سوياً وفيهم ضآلين
بعث الينا البشير المنذري=صفوت عباده أمام المؤمنين
شفيعنا يوم ضوءه زمهري=لاينفع المال به ولا البنين
حدفي رياض النعيم استبشرى=واهل الظلاله بحزب المُهلكين
صلاه تغشاه ما دمي سري=بالقلب ينبض على مر السنين
هابعد ذلحين كالغيث امطري=ياهاجسي والحليله واعتنين
دام الشرف خصني عن محوري=وان كنت محتار ابدع له منين
كل الدُرر قد جناها العامري=ومطلبه جيم في توضيح سين
عساه يقبل حصيلة جوهري=بقضيه جانب وببقاء له مُدين
يامرحبا ضيف شرف مسمري=ذي رحبوا به جميع السامعين
يملى القُعيطي وحد الحوثري=وازن ثمر ذي لها الحصن الحصين
حطيب رحب واهلي ومعشري=بابيات شاعر باقواله رزين
الشوبلي رحبت والداعري=وسهلوا بالمسنّد والقُرين
ذي يكرموا من وصلهم دافري=والعامري من خيار الوافدين
قلت اطلب الاذن بصعد منبري=اتلي خطابه وما قاله يبين
اجهر بقوله عن الوضع الزري=وما خفت من حقائق ينجلين
في وصف مُحكم يفوق البُحتري=كل من سمع قال فوق المفرقين
ونا على الرأس سيته مُشقري=وواجب اهديه زهر الياسمين
ومن عسل شرع عاده بكوري=عزيز من عزّه الله مايهين
عن وضع مؤسف بلدنا يعتري=وللاسف كلنا متفرجين
زلات امسي ثمنها حاظري=ذي طيّروا الماء زياده عالطحين
بياع ظالم لاسوى مشتري=ليته حفظ رُبع من رُبع الثمين
حتى الوعاء باع ذي فيه الذري=ولا مضارف بقيه له وطين
وما سلم من طوارف مطحري=كن عادهم بي وبه متربصين
واصبحت عاري وهادم مجدري=وذي معي من سبار اتلتلين
في ثوب بالي منتف مُهتري=ووصمت الذل بانت عالجبين
ووالي الامر كالعاده ضري=يرتاح مادامنا مُستضعفين
يُنظر الينا بنظرة مُزدري=ولا يكافي سوى للمرتشين
جنب الطري كوشوا عالجنبري=وجففوا منبت ارض الجنتين
من ثروت الشعب كم فاسد ثري=من زاد فُسده تعلا منصبين
لو ينقلب حيد شمسان اصفري= والنفط يجري كنهر الرافدين
في ظرف اعوام برضه تُهدري=والفقر له باندوام منتمين
من ينتقدهم يقولوا عنصري=خرج على ملة الحقّ المُبين
واحزابنا حين مروا بلفتري=خرجت من عندهم صفر اليدين
كم لي بعاين لهم في مجهري=ابليس جالس لهم مُدبر قرين
من محوري لامشارف مدوري=وشيخ حده ترشح بالدرين
صيني عسل في دباب المقطري=لاجنب مطهر وبه شبضه عجين
خلطه عجيبه تزيد مضجري=نقطه مع العين ون العين غين
ووضع لسلام ماهو ذي تري=تُنسب له افعال منهم حاقدين
خطط لها من قبل مستعمري=احفاد خنزير صهيوني لعين
والله ودينه بما يحدث بري=ذا باختصار الخبر علم اليقين
لاتستمع من فتاوي الازهري=ذي هونوا نصر رباني مبين
من اجل بغداد رادوا تؤسري=والقيد يبقى لاولى القبلتين
واللغز لاتحسب اني عبقري=من ذي بزهده بلس بادل بتين
لكن ملزّم بجبر العامري=عن ذي يحارب جيوش المسلمين
وجدت (حصرم) بآخر دفتري=نال الشهاده بنطق اشهادتين
انوي بما انوى وختمها بري=من قبل يسجد ويركع ركعتين
والمصطفى في منامه له رئي=انه بيسكن رياض الجنتين
واحزيك من بنت تلبس فنجري=لباس خادع وهو كالف ثمين
كم ناس من كذبها به سكري=وكم خزي من وراها اتبثخين
في طيشها ما بتحسب صيفري=وعمرها قد تجاوز لربعين
ذا ماتيسر وبطوي محضري=وصفه بوصفه وحاذر يرتكين
ختامها بالشفيع المنذري=صلاه تغشان مني كل حين[/QUOTE]

[المحبوش]

بدع الشاعر محسن ثابت العامري


قال العامري قلبي تذكر = ليالي الآنس وايام المسيره
فلا ينسى ليالي خور مكسر = غبوني واكريتر وين سيره
وما ظني حدى ينسى كريتر = ولا ينسى شواطيء حيد صيره
ولا ينسى جبل شمسان لعصر = ولا كثر البشر ذي فيه سيره
من أول كان فيه الموت لاحمر = ومخزن للقنابل والذخيره
وقعتي ياعدن في يد لغور = واصبحتي بيداته أسيره
وقد كنتي مقر الزحف لاحمر = وعاصمة الجماهير الغفيره
بأرض الله كنتي خير بندر = وسميتي عدن صقر الجزيره
لعى ميناء بها ولعى معسكر = ولا قائد فئه ولا حظيره
صلاح الدين قد ردوه بنشر = واما الفتح باقي به شريره
الآبه عل الجنوبي ذي تدهور = واصبح في الشوارع كالدهيره
ولا بيسمع سوى ولعى بيبصر = وهو قد كانت اعيانه بصيره
وجالس عل البلاطه فوق مرمر = وبعد الحلو يطعمها مريره
لمه من قبل ما قايس وفكر = وشاف التاليه وينه مصيره
ولًد ما بين ستعشر بيقهر = ولو بعده بشر قوما" كثيره
غلط ما حد يثق بالشخص لبصر = ولا يمشي في الليله القديره
تناسوا كلهم مدرم وعنتر = وكم من جيل ذي قاد الصديره
وذلحينه عسى الرحمن يستر = لعى تقبل لنا اليد النكيره
وعمر اليافعي ما قد تغير = ويده دائما " ما هي قصيره
ولا شي بالمبالغ قد تأثر = ولا بالعيب ما يسمح ضميره
شهد لليافعي لودر وخنفر = ومن ردفان الى لحج الخضيره
رسولي قم صباح الخير بكر = وسر لك دائما " هرشه وسيره
رسولي شل خطي لكن أحذر = على اي انسان لاتبين سريره
وعل المحبوش في الفرزه تخبر = وباتلقى أحد يعرف مصيره
سلآم الآف للمحبوش واكثر = عدت ما النحل للمزهار طيره
وشل العطر ذا والعود لخضر = معك لا شفتها ليله نويره
وللنادي تحياتي مكرر = وللاعضاء جميعا ولًمديره
وقل شعب اليمن كله مكسر = وباق به ذلحينه ذريًره
متى بايعلنون الله وأكبر = صباخ الخير ولا بالظهيره
عسى الله بايسيل الدم لحمر = يسوون أعشره داخل حفيره
وبالمحبوش يافع ما تدًور = وبيعرف للصغيره والكبيره
ولا تقول أن بن عامر بيسخر = وسوى من الشعيره ذه بعيره
وضعنا عند لاحمر عند لصفر = ولا نعرف سعيده من سميره
كفايه وان بن عامر مقصر = توضح لي ومش يدي قصيره
صلاتي كل ما شمس ومثًر = عدت ما ردت الفيئه نشيره
على المختار ذي به ضوء نور = علينا ليلة أ تسمي نويره
[/QUOTE]

[المحبوش]

جواب محمد يحيى المحبوش

بذكر الله ابو يحيى تيسّر=وسأله لي ييسرها العسيره
ونا سأله بذاته ذي بينظر =علينا دون ما بسهن لغيره
ليالي حالكه تنذر بمُنكر=بشهر الخير وليام المُخيره
به المنكر بيتبجح ويجهر=ونامت به ضمائرهم غريره
عسى بالشر يهلك فاعل الشر=ويمحقهم وفي ظُلمه غديره
وصلى الله على الخير المبشر=وختم الانبياء نور البصيره
شفيع الخلق يوم البعث والحشر=عسى نصبح معه صحبه وجيره
وذلحين مع من حب نسمر=معه بهرش على نفس الوتيره
وصلني خط فيه اللول والدر=بلغ علمي ونود في عبيره
ونا بارد له بالدُر جوهر=كفا للاوله هي والاخيره
الا يامرحبا مالرعد زمجر=وصب الغيث من مزنه مطيره
وما السيل اندوع واقبل مدفر=ومن بعد القحط تصبح خضيره
ومن حلوا بنادينا الموقر=تحيي جيد ما يوجد نظيره
بمسك العامري ذي جاء وصدر=بنيه صادقه وانقى سريره
بشوفه في عنان الجو شمر=مع من شمر اجنحته وطيره
ومن ضيقه ابويحيى تكدّر=وخلي العقل من همّي بحيره
عسى مالك عدوا يالُحر يؤمر=ورحنا لك سند واحنا العشيره
ولك في سروحمير حين تذكر=وبالتاريخ لك خيرت ذخيره
ومن تاريخ له ساطع مظفر=له الحاظر مكانه به جديره
على وضع البلد يامن تحسر=ومن كان السبب بسمع شخيره
فلاتندم على ماقد تودر=فله يومه سيستحضر نذيره
فلالك شي بهذا الآن مضطر=قفا الجمال ماضيع بعيره
يقولوا غلطة الشاطر بتعشر=ولا ظالم تأنب في ضميره
وماضي الحزب مابه خير يُذكر=لانه من جعلنا له عقيره
قفا ما شرّخ اقماعه ووقر=وارخصنا في بيعه شهيره
وشجّر للحدا لحمي وودر=وحبّ الشر بايصبح نصيره
وسلمنا وطن هالك مشطر=وعاده ماسلم حتى جفيره
طلع بالون باحلامه تبخر= ومثله لاوقع ماحد يجيره
وله منجز وبه لليوم يفخر=جعلنا كلنا تبعه فقيره
فيبن العامري من اخ اصغر=تجاوز من حوشنا بالحضيره
ومن كان السبب في وضعنا المر=وذي ختم خواتمها الحقيره
وذا ذي خط ابويحيى وسطّر=وبعد الليل بايضوي هجيره
ولاداره بك الدنيا بها قر=وعاده ماوصلنا للكسيره
وقالوا من توقع ماتعثر=وقسمك من قسى الدنيا نزيره
وعاين كم عبر وانته تعّبر=سُعد من عبرته كانة بغيره
فلاحد من بلا داره بيظفر=عسى الرحمن يجنبنا سعيره
ولا تأسف على واقع مدهور=وغير الله لاحد تستشيره
ومن بيده لحقاته يودر= ازاده لا لقيها في صبيره
ونا سأله بتيسير المقدّر=ورفقه بي بليام الضريره
ومركبنا يصل لاشاطئ البر=ويصلح من يقودون المسيره
وصلوا كل ما هلل وكبّر=على من ارسله ربه نذيره[/QUOTE]

[المحبوش]

بدع من كلمات الشاعر عبدالله احمددهول


يقول عبدالله احمد هاجسي صرح=وقال ماعذر مازاور اخو صالح
من ساير الجيد لايندم ولا يضبح=وخاص من هو على الناموس بيكافح
هابعد ذلحين قم ياعازم اتصبح=وشل مكتوب ذيبه كل شي واضح
لايد اخوصالح المحبوش لوتسمح=ذي مايجيب الكلام الحارق الجارح
وخذ معك عطر غالي محسنه ينفح=وباغة الورد ذي بازهارها فاتح
سلام مني على الجيد الفتى لشبح=ماشن ماطر على حربوب والصالح
ايضاً سلامي على صالح ومن صلح=ووالده لولمحته عندهم صافح
شل الهدايا الثمينه عندهم واطرح=ماشي خساره وظني عادنا الرابح
محمد الجيد ذي في كفته رجح=لااتخبرك قُل حُمد ياصاحبي ناقح
والآن ياصاحبي شفني عجل بسرح=ماهل بقيت اسألك حرفين يافالح
سمعت قالوا طلعت اليوم عالمسرح=من دون تحسب حسابك ويش بتناطح
المحترم لو سمع ذلقول بايقرح=وبايخليك تطعم كل شي مالح
لاتجرح المحترم بالله لاتجرح=انسان فهمان باعلا مستوى ناجح
ويعجبك بالمجالس حين يتفصح=كم سير دورات في عدة دول سايح
هذه حقايق ونا ماكنت بتمدّح=ون ماتصدق بذه لقوال باطارح
وناس من ناس لايفرح ولايمرح=ولااقبل الضيف عنده سبّر الصايح
عمك محمد بدع ذلحين يتشطح=من كثرت المدح صدق كفته راجح
سويت له ناصفه بالطين والمطرح=من حق من وين عقلك قلنا سارح
وانته بذالصوت ذلحينه بتتفرح=نصبت ذي كان يمسي للفول شارح
لنته بتمزح بهذا الامر لاتمزح=راجع حسابك ونا با اعفيك واسامح
لوخطك اعوج بسيطه شطبه وامسح=يكفيك ياصاحبي سهرتني البارح
لاتنتحي نحو ذي بيبيت يتأجح=ولاتحرش عباد الله عالكادح
ماشي معي بك سخى تنهد وتتأوح=ونا وياتك بناكل كل شي ناجح
ذكر النبي مارعد راعد وماسبح= وانزل الغيث يروي الضامي القالح

[المحبوش]

جواب محمد المحبوش


ياهاجسي فيك ابويحيى بيتسلّح=والسيف بايدي ونا فوق ***** جامح
ولا علي دين مابهمل ولابسجح=ما ارتاح الا قُضي بالحال واتبارح
واليوم دهول باخباره بيتنقح=جوده نصايح ولاعندي بتتقارح
باقول حيا بمن قد شرف المطرح=حيا على رأس اخو صالح وابوصالح
والعطر ذي ارسله شفته وزيد افرح=خلى ثيابي بعرفه بالشذى فايح
حتى ولاهو هجم له قصد يتمصلح=على حسابي هجومه ذي بداء كاسح
والاكل ليته نجح ذي كد لي واملح=يمكن معه شرك من ام اعشره جادح
من بعد رفع العتب ملزوم له بشرح=والجيد منهو على الناموس بيواتح
عساه يوصل جوابي له وهو مصتح= وفرصته ذي منُح لي مثلها مانح
سألتني عن طلوعي اليوم للمسرح=وانته بجدك بتسأل او فقط مازح
شفتك الى حال واحد بس بتنشح=من دون تمييز للصالح من الطالح
يمكن بياني سمعته حين ما اتصرح=ساويت بين البلس والدوم بتناضح
اما البناء لاوقع شماذ وتشربح=والوعد ذي جيت به ماهو معك سانح
من بيننا البين بتفارع وتتفرح=واقبلت لاعندنا واعض وبتناصح
ماشفت حد من دهاول يوم بيسبح=ولاحدا يوم لبي لاسمع صايح
واهل البيوت الكبيره حين تتنقح=وكلهم ارتووا القافيه من سافح
ومن غلط مننا اخوه بيصحح=لان الخطاء لا استمر بالوقت يتلاقح
لاتحسب ان لي هدف مقصود به بطمح=ماغير بجنح لباب الخير به جانح
والمحترم مابيسمع هرج من وقح=ذي يوم عيده متى ابصرنا بنتلادح
ون شفت بعض الخلل لابد يتصحصح=ويش اكلفك بيننا تدخل وتتكاشح
وقول ابواحمد باوقات الحوا بيشح= ياليت به طعم او في ريحته نافح
وبيذكر الجيد ابوقاسم وبيلمح= لما الكبد وجعه من سبته طافح
لكن معيا جبل ماشي بيتزحزح=دهول بيذرا بتربه يابسه مالح
بايرهبه لا التفت نحوه ولا اتنحنح=والمدح مافاده الممدوح والمادح
وذي رفعته وسيته سمحت المسُنح=بخاف لايوم له باتصبح الذالح
لاتحنبه بالزرب بالصوت ذي تشوح=مهما اختلفنا بنتصالح ونتسامح
بهرش على هرشته نمشي ونترتح=ياذي بتسعى انا واياه نتجارح
نصيحتي لاتزيّد قفز عالمشجح=والردع رادع معك جلعابك القافح
والمحترم عاد له عرقي بنا يرمح=ون صدقك بقطبه لاقام بيلاتح
والقول من عندابوقاسم فلايكبح=لما فطن مقصدك يالشاكي النايح
بضاعتك بايره بور بها مصلح=والربح فيها عسى شاتولد الصادح
والشوك ذي سيت من كليبه اتبردح=حتى ولا رأس ابو يحيى بيتوازح
دفست كل الحفر وازيد واجبّح= وانته بعقلك تبصّر قبل ما اتكاوح
وختم كلامي بمن بالجنه اتبحبح=شفيعنا يوم به خاسر وبه رابح[/QUOTE]

[المحبوش]

بدع الشاعر ثابت محسن العامري



قال العامري عل الجبل = جالس فوق شامخ نهيل
ما ظني حدا بايصل = ذا من سابع المستحيل
والغلطان لو ما اعتدل = باقديه بيدي صميل
وأدق الجبل بالجبل = ماشي عاش يافع ذليل
يافع فيه كم من بطل = يشهد جيل من بعد جيل
يضرب باهل بافع مثل = ماشي لاهل يافع مثيل
ان شي له بيأخذ قبل = وان عنده يكيل ويستكيل
ما هو مثل ذي قد قتل = يحضر عند نعش القتيل
سيت السمن فوق العسل = ون ماحد ذكر لي جميـــــل
من ساير رذيل ارتذل = واصبح شخص مثله رذيل
حيا هاجسي ذي وصل = لا عندي بيــهشل هشيل
قال ارجوك فك الكسل = عادك تصنع المستحيل
يدعي لك بحسن العمل = وا يجعل زمانك طويل
تحقيق الامل بالعمل = ما هو شي بقيلة وقيل
قلت ارجوك ما قل دل = على الدنيا معي دليل
ما باسي بظهري مدل = شف طبعي وجدي اصيل
طبع اليافعي ما يذل = من حاشد ولا من بكيل
او بيجس تحت الرسل = يافع طول وقته نبيل
ياسيار لا تختجل = ما ذلحين شد الرحيل
عند الهرج كن معتدل = وعبر لك بخط السبيل
على المحبوش باتتصل = قد رقمه معك بالدليل
دكانه ورقم المحل = اوبه عند غيره تميل
بلغ له سلامي دبل = من عندي وشكري الجزيل
ما مزن السحابه هطل = من وادي لوادي يسيل
لتخبر عليَ أو سأل = قل له صاحبك ما يميل
والمحبوش ساعة تصل = بيرحب بمن جي دخيل
يا محبوش زاد الملل = في شعب اليمن والكليل
هل هو من توكل أكل = ويخون البلاد الوكيل
يا المحبوش باريد حل = للمسكين ذي هو عليل
وايقنع على ماحصل = ذي سرمد ورزقه قليل
شلوها البنيه قبَِل = والدمعات منها تسيل
خلوها بشهر العسل = ترقص عاريه بالحبيل
يا المحبوش قال المثل = ما شاجع بيرجع ذليل
ماشي بالمحبه زعل = او رغبه تقع بالصميل
بختمها بخيرة رسل = في ذا الشهر شهر الفضيل
شهر الصوم لناس هل = ذكر الهاشمي والخليل
شفني احزيك واريد حل = من بكره امامك ذليل
بتوديك حيث تصل = من خط الطرق ما تميل
با تعطي اشاره عجل = لو شفتك تميل قليل
بكره دائما ما تمل = او تكذب من المستحيل
[/QUOTE]

[المحبوش]

جواب محمد المحبوش



سيل العامري احتمل=من اعلا غممها يسيل
للمحبوش قوله وصل=قلنا مرحبا بالاصيل
من بعد الكسل والملل=نشطنا قدوم الدخيل
اكرمنا بكرمه جزل=والمحبوش ماهو بخيل
يبن العامري بالمهل لاتكرم بشد الفتيل
رع قنته معيا الوسل=شف عاد المراحل طويل
ماحد في يُفاعه فسل=لاحنحن برعده سُهيل
شف عاد الجبل له جبل = من فوقه وتحته نقيل
والحيد العجي ما ارتقل=شامخ جيل من بعد جيل
ون به جرح مايندمل=الا لرتوي السلسبيل
والتاريخ به نستدل=فيه اثباتنا والدليل
والواقع بصدقه يدل=مايشفا لشاني غليل
لكن قولنا المعتدل=يهدينا لخير السبيل
بزقر في خيوط الامل=وتخف الحمول الثقيل
والحاصل قده ذي حصل=ذا واقع ولا له بديل
ماتنفع دموع المُقل=في شعلان اوبن شُعيل
ونسى ذكر من بالقبل=شف قولي وقولك جُليل
والله ذي بيده اجل=يمحق او يضلّ الضليل
ياجمال ضاع الجمل= والتمرات من عالنخيل
وانته نجم فوق الزُحل=من خيرت سُلاله سليل
واحذر من خلل او زلل=لاتخلط لحنضل وهيل
لان الامر عاده جلل=واصل والحموله ثقيل
والانسان لاقد زجل=مابايصبح النمل فيل
والاخيار منذو الازل=ماشراً لهم بايزيل
والحاذق فهو من حسل=ماطيّر لهن بالحبيل
لان الخيل لاقد صهل= ويله من بجوعه هزيل
من بيده دخل معتقل=زاده في مثيله قليل
لااتمثل ولم يمتثل=عاله دون ماله مُعيل
يستاهل لطعن النصل=ماكاله فبه يستكيل
ذا ردي لكم في عجل=واتمهل معي يازميل
لان الكُرم فيه الملل=لو نكرم بقيلاً وقيل
والمحزاه فيها جدل=تترهمش لكثر الغسيل
واوجدنا لها ميت حل=منها الجاسره والدقيل
مثل البوصله تتصل=ترشد كل منهو ضليل
لاميل وهو يرتحل=يتبعها ولابايميل
ختمنا بختم الرُسل =ذي يشفع بيوماً مُهيل
عالمختار وانته تصل=وعاصحابه ومن له اهيل[/QUOTE]

[المحبوش]

بدع من كلمات الشاعر بيرق السعدي


البارعي قال ياشاعف مطر مرشـــــوش = رشرش بلادي وخل الواد مرشوشه
لني بشوف الجرب والحيد بك معطـوش = والبن لحمر عطش للغيث معطـوشه
يلله بماطر سخي تنعش به المنعــــــوش = والنفس بعد المطر ساليه منعــــوشه
والان يامرسلي بالخط للمحبــــــــــــوش = بلغ سلامي عمايم اهل محبـــــــوشه
قله طريقه درر والورد به مفـــــــــروش = ودار بن سعد للمحبوش مفـــــروشه
بالشعر بارع ونا سيته على الطربــــوش = من فوق راسي مكانه مثل طربوشه
اذهلني الشعر خلا هاجسي مربــــــــوش = والذاكره بعد شعره شبه مربـــــوشه
ذي ما معه قلب بايطلع وهو مرعــــوش = والقلب فازع هلع والكبد مرعــــوشه
لانه مضلع عطش من داخل المطــروش = والزان في داخله حاميه مطــروشه
هذي الحقيقه ونا باقول بالمفتــــــــــــوش = لاحد يغامر اذا لعصار مفتـــــــوشه
اسمك له العرش من فوق الجبل معروش = ونغام شعرك قوام الساس معــروشه
اسمك بيافع على عالي ثمر منقــــــــوش = وفي صدور القبايل محبوش منقوشه
[/QUOTE]

[المحبوش]

جواب المحبوش



اليوم جاهم من القبله وصل بينوش=وراعده بسمع الحنات مرجوشه
ياليلة الانس حتى للكبد متروش=بعد القحط امطره وتبيت مهدوشه
والفيل اصبح بيذلح بالصفا دردوش=والارض مرويه مصتانه ومبطوشه
وزاد جاء خط من شاعر حنش لحنوش=يملا به العين وتغطيه ارموشه
من خاصمه دايما بيقع على الدرموش=ولابضاعه معه بتكون مغشوشه
ولا تكلم تنظم في ذهب وقروش=جميعت الناس بالاعجاب مدهوشه
حتى ولاكان زيّد مدح للمحبوش= الله يصونه بن السعدي وطربوشه
واليوم اصبح معيا ضوء في الغبشوش=وخصمنا بايحصلها بدرموشه
يدي بيده ووجهي مبتهج مبشوش=مالي ومال الذي معبس بغرغوشه
الحق دايم على الباطل هو المنبوش=اما الضغاين معاها ناس معشوشه
يابيرق اليوم حانة ساعة التجهوش=خذنا الوعل بعد ما خشش بدخشوشه
بالحرف ذا من يهادشنا هو المهدوش=بعض القوافي بها الشُعّار متروشه [/QUOTE]

[المحبوش]

قصيده بدع من كلمات الشاعر محسن ثابت العامري
نبدع بك ادعيك يامن بالعباد ازهد = يا معتلي عل الوجود
يارازق الطير لعجم ذي عل الغصن غرد = يسرح بباكر عمود
يا خالق الناس كل انسان عمره محدد = يعيش في ذا الوجود
ولا يأخر ولاحتى دقيقه يزيد = معدود وقته عدود
وأستغفر الله وأقرأ قل هو الله احد = من كل عين حسود
وأعوذ بالله من الشيطان وابليس لمرد = وكل من هوه حقود
يا مرحبا هاجسي جاني على غير موعد = ما يختلف بالوعود
وقال لي هاجسي ارجوك يابومحمد = أوبه تثق بالعنود
واحذر من الوقت ذي قدام عينك معقد = كم هيه أوادم شرود
وقلت ياهاجسي باسيك في خير مقعد = بين الحمى والبرود
يقول ابوفضل رجليني وساقي مقيد = وأيش آيفك القيود
والباب مغلق أمامي والحراسه مشدد = سوو العساكر ****
ارض اليمن كنها بتروح من يد الى يد = باقي معانا ثمود
ماسي كذا لا الامام يحي ولاالبدر أحمد = ما فرطوا بالحدود
تي مثل ذي سي علي وقع بيده وحدد = مع الملك بن سعود
واليوم سوي علينا درب مبني مشيد = سدوا المنافذ سدود
باطل علينا من أمريكا وبوش المشدد = وشارون جد اليهود
من بعد بغداد معاشي عروبه مؤكد = الشرق لاوسط رقود
ها بعد ذلحين واسيار من يافع أشتد = واسرح بباكر عمود
من مسقط الرأس حيث الاب به حل والجد = وحيث حلوا الجدود
عارف ليافع من الساحل وللعر والحد = وبكل بقعه عمود
المالكي الان هوه والقاصدي ماتردد = وقت البلا والحشود
أثنين اخوه عيال أمٍٍ ورجال واحد = سرمد الله سدود
حتي ولاحد بهم بعض الاوادم تمرد = بيلتزم بالردود
بلغ سلامي على المحبوش مني مزيد = ماحن صوت الرعود
مقدار من عند ابو لعمور بالعطر والند = وفي زهور الورود
تجمل به الاهل جمله كلهم لاتحدد = ماهز فوج البرود
لاتخبرك خابر المحبوش الله يشهد = والناس جمله شهود
ما خون بالعهد طول الوقت هذا مؤكد = ولا اختلف بالوعود
مادام نحنا بدأنا الأن بالأخذ والرد = وباستمع للردود
اللغز ذي رسلت لك حليت لغزي مؤكد = شاعر بتبذل جهود
شاعر ذكي صدق يالمحبوش باقولها جد = يا وعل بين الاسود
واللغز ذي قلت لي ذلحين الحل والرد = من جاد مثله اجود
شف مدفن الحب يالمحبوش بيفتك باليد = وبي جبحونه ردود
ذي ما يحاسب حسابه قبل ما الجو يبرد = وأيمد ضوءه مدود
ودعته الله يتوسد مع من توسد = بين الصلى واللحود
وعادنا احزيك من بكره من الحر تبرد = وهيه بتشعل وقود
واكلها ذي بتأكل سرمد الله مردد = وما أكلته يعود
صلاة مني على المختار سيدي محمد = ما امسوا وظلوا سجود
[/QUOTE]

[المحبوش]

جواب محمد المحبوش



بديت بالله ربي المطّلع ذي بيشهد=ماله مثل بالشهود
ذي لاوعد صادق الميعاد مايخلف الوعد=يوفي بكل الوعود
انا احمده حمد ماغيثه على الارض يضمد=من فيض جوده يجود
وازكى صلاتي على صفوت عباده محمد=ماتحتصي بالعدود
يقول منهو بالوقات الشدائد بيشتد=في نزلته والصعود
بشوفه العماري سيله علينا مورد=لما امتلين السدود
واليوم دينه ملزّم به وواجب يُسدد=لاعاش منهو جحود
يامرحبا مازجم رعده بصوته تحرقد=واتلاجبه بالرعود
حتى ولاكان مستعجل وطبعه مجوّد=في سرد كل البنود
لاغبت البحر طرولني ويدي مقيّد= ومامضي لن يعود
والان يامرسلي رد الجواب المعمد=من اجل نوفي العهود
سلم على العامري واعطه خطابي المفنّد=وعطر فاخر وعود
ومن حظرعندهم رشّه شمطري مزبد= وخل داره ينود
قله مقامك على رأسي وازيد مزيد=والناس جمعا شهود
ومن ذري خير بالتاليه يجني ويحصد= للخير يوم الحصود
لكن علينا تهرش بالدلى سر ورود= من اجل تشفاء اللكود
رع عادها بيننا الايام والوقت سرمد= لابد له من صمود
والدار يالعامري اصبح جذاره منعدد= لاماسلم عالهدود
والجيد منهو على اهله محافظ مجلهد= ويش اعذره من جهود
وبن اليهودي نحمّل من عليهم تيهود= لاقد بلغنا النجود
والدهر طاويه بايكشف على كل مُفسد=والحق لازم يسود
مهما يطول الزمن ماحد عليها مخلّد= ماغير ذكر الخلود
والباطلي لافرح له يوم لابد ينهد=حلّ ماتفيد نهود
ماصح باطل ورب العرش بالعرش يرصد=مهما نعاني الركود
والحق ياصاحبي يحُمى بحد المحدد=لونندفس باللحود
والارض حُبلى عسى بالخير يالله تولد=يكفي لطيم الخدود
ياكم تأجل عمل يومي ويومك الى الغد=لما اقبلينا ذرود
ووضعنا ذي تشوفه في حباله معقد= ما با يفيد الشدود
رخه حباله وبالوقت المناسب تشدد= لاقد عضين الرخود
من دون تطويل ماحاجه في الشرح نسرد=ولا لكثر الطرود
وصاحب الامر رأسه عالوساده موسد=لاتسهنه شايذود
ونصف شعبه بارض الله هايم مشرد=وذي بقوا به قرود
وذا غرابي اذا يشدو بصوته وغرد=كم ضد له من ضدود
يالعامري من عثر في مسلكه لاتكسبد=ذرفه عسى لايعود
شف عادها ازمتي ومحنتك احرد احر=والخوف نمسي الوقود
والجيد من سير في ريضه واوقات جنّد=لايكتبونه لدود
اما النصع ذي طرحته لك بحبه تقلفد=وخذت تقديرgood
راحت زمان المدافن بس لازم نجدد=وذكر عهد الجدود
ذي عاصروا وقت كلاً للشدائد ترصد=مايأكلوها كرود
بيطيروا من تعنوج بينهم او تعمرد=لاخلف سبعه نجود
وانت حازيتني عن ذي قريبه من اليد=للثلخ دار الخلود
ولاخرج منها بيذوب بالحوم يسبد= والماء بها للجمود
وازكى صلاتي على صفوت عباده محمد=ماتحتصي بالعدود[/QUOTE]

[المحبوش]

تعرضت لمقلب من صديقين قاما بزيارتي
ولم اعرفهما مسبقا الا عن طريق الانترنت
فحاولا الايقاع بي في قصه طريفه
اتمنى ان تنال اعجابكم



قصيدة اللقاء للشاعر ابو يحيى المحبوش




ابو يحيى بحرف السين دربس=وما دام الحليله عندي امسه
وهاجس ذي معاها قد تهنجس=وراسي طاب لاحنحن برعسه
بيبنيها شوامخ لاترجس=ولامقنف شطح الا وهسه
وطاب الانس والبحري تنسنس=سبول العوبلي بديت لقسه
معي قصه عن التقدير واللبس=وكم صابت من اتسرع بنكسه
توقع قبل ماتطعم وتلحس=عسل مجهول فيه السم دسه
ومن لم تعرفه ابدع تعسس=وحتى البيض رجه قبل فقسه
ونا بالناس بستبشر وبئنس=بكمن جيد بتفائل بأنسه
على بابي معيا ذي بيحرس=مباشر دائماً حاضر بحسه
قدم جنبي وفي اذني بيهمس=وماقاله فلايحتاج همسه
فقد جاني طلب بالاسم لي بس=وقالوا اليوم للمحبوش نحسه
وعند الباب واقف شخص مشخص=وصافحته وباشرني بهلسه
ووجهه بالعرق كنه تبلهس=ورحبنا ولي ناوي بطحسه
سبقني واتبعه بعده مهبس=ونا تي كبش رايح نحو دحسه
وفي البابور له صاحب مقنبس=نزل سلم علي لكن بعبسه
فقلت اتفضلوا لاخير مجلس =كوادر داخله دكه وجسه
وماحد منهم نحوي تحمس=ومطلبهم هدوء من غير رفسه
وقلبي ابتدى منهم بيلهس=وماحد منهم عرف بنفسه
فجابوا لي طلب كني مهندس=لسياره بتسوى نصف عرسه
معه بابور يرثى له مكسكس=بلا ابواب والصدام ترسه
زجاجه ذي بقدامه مفلسس=وماتعتد من دحشه وهفسه
وصاحب صاحب البابور معبس=ونا قد صابني غاثي ونعسه
وقاتي من سببهم قد تيبس=قُطف مخصوص لي من خير غرسه
وعقلي طاس في ذلامر يدرس=ولكن ما افتهم لي بعد درسه
ولا لي في ذه المهره تخصص=كما لخشر وبيلقّس بشرسه
وقالوا انت سمكرها وفحسس=ولانشتي سوى المحبوش نفسه
وبو يحيى بوسواسه توجس=وهم يتراطنوا لخسه بلخسه
وغيضي بين احشائي محلس=وعقلي بالتلى صدق لحدسه
بها مقلب ومرسل ومندس=وتالي الليل بين نور شمسه
وقلنا التاليه النفس بالنفس=وشرع الدهر دقسه بعد دقسه
ونا اتأكدت لما كثروا الهمس=وهذا يبتسم من تحت ظرسه
وبعدا قلت انا ذينا بخنطس=بكلم ناس ماحد فيه لُحسه
ولكن الفرج لما تبهسس=وكل الامر اتبدل بعكسه
طلع ذي الف القصه وهرمس=ونا قد كنت من غيضي السه
طلع لي الملجمي المرهف الحس=وبو نوره مع رمحه وتُرسه
ولم تطلع بضاعه سعرها بخس= ولو فيها حصل بقصه وملسه
وتمت فرحيتي في ليلة الانس=معاهم واجتمعنا خير جلسه[/QUOTE]

[المحبوش]

بدع الشاعر عبده اليزيدي



يالله يامن على العرش اعتلاء= سهل اموري وجرني الموبقات
وغفر ذنوبي يوم للقبر انزلاء =ادعوك يالله سا لك بثــــــــبات
والفين صلوعدماالنوب ازجلاء= عالمصطفى صل يامسلم ميات
قال اليزيدي اح من بين الكلاء=من باطل الوقت شمتنا شمــات
شعب اليمن كم تحمل من غلاء=والفقر يئتيه من كل الجهــات
والسبه الوالد اليوم اهـــــــملاء= بيته وماشي تعبر لــــــولات
والحاشيه ذي معه اكبر بـــــلاء= بتقودنا قود نحو الهاويـــات
خايف يجي يوم يشبه كــربــلاء= ما تسمع الا صياح الامهات
يامرسلي شل خطي عا جــلاء= لا عندمحبوش سلم بـــالميات
لتخبرك قل برق بارق عـــلاء=شمسان والرعدفي صنعاءيبات
وتغير الحال من اسواء الاء=اسواء وعاده كل يوم اكبر شتات
منين عاده يقع فينا ســـلاء = والشعب مسكين فيه الموجعات
عا لمنبر الوالد اصبح قايلاء= ضد الفساد الاداري والرشـــــات
كلمه نطقها صريحه عالملاء= من دون تنفيذ صـــبح حيث بـــات
لا بد من ليل اسود ينــجــلاء= والناس للارض تتغير فــــئــــــات
والفين صلوعدماالنوب ازجلاء= عالمصطفى صل يامسلم ميات
[/QUOTE]

[المحبوش]

جواب المحبوش





يالله سالك تيسّر مدخلا= والامر لك ماتقدّر مُنصفات
نسعد بسعدك وتبلي المبُتلى= ياعالماً كل ماهو بالنيات
ونا احمدك بالرخاء او بالكلا=مادام قلبي بينبض بالحياة
يقول محبوش جاني هاجلا=ذهّن عيوني من بعد السُبات
وضيف غالي لداري اتوصلا=بشم ارياح لكن عاطرات
حّياه والقلب سيته منزلا=والذات دايم بتتلبى بذات
من حيد عالي بجوده ممتلى=وكمن اشبح بيفدونه حُمات
ياالف مرحب ومثله مسهلا=بابن اليزيدي سنيدي والسلات
حتى ولا الجو مُلبد ما انجلا=كان المنى شي صوّر به صافيات
حتى ولا زدت نار الهُشلا=مابا يبانين برضه واضحات
والرد بارد لكن بالدلا=بعض المقاييس ماهن وافيات
وعادها للبدايل بُدّلا=شُلّ الرّطب وانتبه لي عالنواة
يبن اليزيدي قدك ذيب الخلا=شفها رده كم بتتبعها ردات
شعب اليمن فوق صفعه ترقلا=مايعرف الا السنين المقفرات
قده منظّم مُبرمج عالولا=لمن اذاقه صنوف المنقصات
ووالي الامر ماهو يجهلا=ماباقي الا يُصدق بالنيات
لوهو يريد البقاء له في العُلا=فوق الغمم ذي بتشمخ راسيات
بيكون في المجد وازي مندلا=حكمت يماني تداولها الروات
لاني بشوف السفينه مُنخلى=ماتحتمل للعواصف قاصمات
وكُلنا فوقها والدُخلا=اشباح واقرب لتصنيف الرُفات
وقسم يعُطى ومُعطي مجزلا= والاقلبيه بيتباهوا حُفات
ماباقي الا قدوم الازولا=حتى ولاشي بها قارب نجات
ياليتنا كنت من تحت الصلا= من قبل انهد على عصر الغُزات
من وضع مخزي واصبح مُخجلا=اسم اليمن تحت كُلّ التسميات
والشعب خانع حيلّهم تُنطلا=والويل عاده لنا بالمُقبلات
لما بصفقّ لمن بي نكلا=ذي مصّ دمي واعطيني الفُتات
قطبني السوط وجسمي ماحلا=والله مايرتضي بالمُنكرات
واعلام تحصيل قوله حاصلا=مايتقن الا يصيغ البرقيات
الكون يُعلى وارضي تنزلا=وبوق كاذب بيسرد منجزات
يامن بتعلى على كُل من علا=يامن لك اركع واسجد بالصلاة
ضربه من الحق تبليهُم بلا=اخوان ابليس واعداء الحياه
يامن بتمهل ولاشي تهملا= الحٌكم لك وانت عالم بالنيات
هذا جوابي ولا هو المُتلى=قطره وصلتك من نهر الفُرات
ذكر النبي ما المُرتل رتلا=آيات من عند ربي مُرسلات [/QUOTE]

[المحبوش]

ترحيب المحبوش بانظمام الصديق العزيز
والشاعر الرائع منير محمد السعدي الى عضوية نادي يافع

بأسمه بدئنا من به المؤمن اتكلّ=وهو المكتفل بي في سكوني ولرتحال
باسمائه الحسنى والمفرد اكتمل=ولا له نديداً جلّ شأنه في الكمال
وذكره يؤنس كل من صابه الوجل=بفضله يجنبنا المسلك الضلال
ونوره ضياء للروح ومبعث الامل=ومابين طرفت عين بيوجد المَحال
خلقنا واحيانا ويقضي في الاجل=له الامر ما قدّر في البعث والمئال
له الحمد حمداً ما وهبنا وما جزل=وحمداً مماثل في بلانا لذو الجلال
وصلوا على من وحي ربه لهً نزل=شفيعاً لنا في يوم تَحصد به الغلال
فيهناه من قد قابله باحسن العمل=وياويل من يلقى كتابه في الشمال
وذلحين ابويحيى بصوت الشجن زجل=ومن نهره الجاري من منبعه زَلال
وصلني خبر عاجل وبادرت في عجل=ووقت العجل مقبول لوقلت برتجال
على صفحة النادي برى نور قد اطل=وشعشع ضيائه مثلما الشمس في الظلال
وله بالمكانه عند محبوش لم يصل=اليها صديقاً وافي العهد والمكال
منيراً مضيئاً في حلاله قد اشتعل=باركان نادينا من لحظة الوصال
فيا مرحبا شاعر محنك وصل وحلّ=ويا تاج فوق الرأس باقي ومايزال
معك اشرق النادي في ابهاء الحلل=بصفوه من الشَعّار معيارهم ثقال
ومن مكتب السعدي ذي خلّف العول=اذا سطروا الابيات بيتقنوا المقال
مع اخوتك بيرق وبن ناجي البطل=اضائت نجوم الليل وبتخجل الهلال
فيا بن محمد مطرحك داخل المَقل=بدارك منور مطرحك فيه والحلال
يَفاعه بتتكاتف من قادم الازل=وهم حيث حلوا في البوادي وفي الجبال
اشداء اقوياء مايعرفوا الكلّ والكسل=رجال العمل مايعرفوا مهرت العطال
كما المعدن الاصفر لاحيث ما انتقل=بيبقى ذهب صافي ياخيرت الرجال
مبارك ليافع منتداها وللجبل=ولولا المشاغل كنت بانظم احتفال
وختمتها واعذر محمد على عجل=لاجلك منير والمعذره لابها اختلال
بذكر النبي ياكل قارئ عليه صلّ=محمد رسول الله باتمم المقال
[/QUOTE]

[المحبوش]

رد الضيف العزيز والشاعر منير محمد السعدي




بأسمه بدئنا من به المؤمن اتكلّ=وهو المكتفل بي في سكوني ولرتحال
باسمائه الحسنى والمفرد اكتمل=ولا له نديداً جلّ شأنه في الكمال
وذكره يؤنس كل من صابه الوجل=بفضله يجنبنا المسلك الضلال
ونوره ضياء للروح ومبعث الامل=ومابين طرفت عين بيوجد المَحال
خلقنا واحيانا ويقضي في الاجل=له الامر ما قدّر في البعث والمئال
له الحمد حمداً ما وهبنا وما جزل=وحمداً مماثل في بلانا لذو الجلال
وصلوا على من وحي ربه لهً نزل=شفيعاً لنا في يوم تَحصد به الغلال
فيهناه من قد قابله باحسن العمل=وياويل من يلقى كتابه في الشمال
وذلحين ابويحيى بصوت الشجن زجل=ومن نهره الجاري من منبعه زَلال
وصلني خبر عاجل وبادرت في عجل=ووقت العجل مقبول لوقلت برتجال
على صفحة النادي برى نور قد اطل=وشعشع ضيائه مثلما الشمس في الظلال
وله بالمكانه عند محبوش لم يصل=اليها صديقاً وافي العهد والمكال
منيراً مضيئاً في حلاله قد اشتعل=باركان نادينا من لحظة الوصال
فيا مرحبا شاعر محنك وصل وحلّ=ويا تاج فوق الرأس باقي ومايزال
معك اشرق النادي في ابهاء الحلل=بصفوه من الشَعّار معيارهم ثقال
ومن مكتب السعدي ذي خلّف العول=اذا سطروا الابيات بيتقنوا المقال
مع اخوتك بيرق وبن ناجي البطل=اضائت نجوم الليل وبتخجل الهلال
فيا بن محمد مطرحك داخل المَقل=بدارك منور مطرحك فيه والحلال
يَفاعه بتتكاتف من قادم الازل=وهم حيث حلوا في البوادي وفي الجبال
اشداء اقوياء مايعرفوا الكلّ والكسل=رجال العمل مايعرفوا مهرت العطال
كما المعدن الاصفر لاحيث ما انتقل=بيبقى ذهب صافي ياخيرت الرجال
مبارك ليافع منتداها وللجبل=ولولا المشاغل كنت بانظم احتفال
وختمتها واعذر محمد على عجل=لاجلك منير والمعذره لابها اختلال
بذكر النبي ياكل قارئ عليه صلّ=محمد رسول الله باتمم المقال [/QUOTE]

[المحبوش]

قصيده من كلمات الشاعر الكبير حسن اليزيدي ابوهاني والملقب (((مدرم))) مرسله لمحمد المحبوش





مــــدرم بإسمك يالحبيب المـــــــؤصل = بادون الأبيان في كُل لحــــــــــــوال
بـــئسم الخليفه للأديب المُبـــــــــــجل = أديب يافــع سين عـــــــــيناَ ويا دال
أديب خلف بو لوز خير وافـــــــــــضل = قايد رفع راية بـــــــــلاده بما قــــال
عن ثورة إكـــــــتوبر وسبتنمبر أشعل = سعـــــــــير نيران الهواجيس شعال
شاعر وفي بحر الغــــــــــزل كم تغزل = خلى العذارى يذرفوا الدمع ســـيال
ومات أبو لوزه ومن بعده أقـــــــــــبل = رجال يسوى الفرد ميتين رجــــــال
قـالوا إذا شايف رحل فيــــــــه من حل = كمن فـــــــتى دون قوافيه باســجال
وفي القعيطي ألف شاعر مُســـــــــجل = وهاكذا أجيال من بعدها أجـــــــــيال
والأن مـــــدرم قال يالطائر أحــــــــمل = من أرض جده للرجاجـــــيل مرسال
واجمل تحيه خاص مني مُرســـــــــــل = لجـــــــيد ذي ما قط عن موقفه مال
محمد المحبوش ذي ما تــــــــــــــــبدل = صديق صادق وإن تجافيه حمـــــال
من أجل شخصه يارسولي تجـــــــمل = قل قال مـــدرم بعد شهرين وصــال
يزوركم ويزور من في الحشاء حــــل = عاصمة أرضي الإقتصاديه لا الفال
قالوا صدق ولا فــــــــــــلا عاد بئــمل = بمن بقي فارس على الخــــيل خيال
ذي ما صدق مهما حلف لي وبســمل = ورد بعد البســـــــــــــمله لحن موال
له خمس وحدعشر سنه ما تعــــــدل = ولا رحمني أو رحــــــــــم بنتي أمال
صابر ويحسب إنني الإبن لـــــــــهبل = أو إن خواتي السِت ما حد لهن خال
ما يعرف إني النار والمــــوت لزول = ونا الذي من سُبتي الكــــاهن إنزال
ونا الذي من فوق أرضــــــــي توكل = صـــاغر لعزمي بعد ما شاف لهوال
ونا الموحد لليمن قــــــــــــــبل يحتل = أرضي بقوه نصفها قوم جُــــــــــهال
جائو بفتوى شيخ ســــاهي ومُخــتل = وقال دكوا كُل كافر ومُــــــــــــــحتال
ذا ذي حصل وإن كان مـدرم تعـــجل = الحُـــــــــكم لك ياإبن القيطي بما أل
لك باعتذر عن ما نطقته وباقـــــــبل = وللنــــــقد أبو هاني حسن ذيب قبال
وقبل ما أطوي صفحتي واجب اسئل = وابــــــارك الترقيه من عال لا عال
مبروك مني عد ما الماطر أهـــمل = بدله جميله سيت و الراس دسـمال
واصبح محمد مُشرف القســـــم لول = وحق له يطرح على كتـــــفه الشال
ودور مـــدرم بالتــــــــباريك حـــــول = وبالتــــــــــــــــهاني للمُبجل بما نال
ختامخها ذكر النبي عد مـــــــــــا هل = بدر الدجاء لوح وما سيله أســتال
وما مُلبي الحج كبر وهـــــــــــــــــلل = علـــــــيه مني ألف والصحب والآل

[المحبوش]

جواب محمد المحبوش




محبوش من شامخ عجي ماترقّل=فوق الرواسي حزم رأسي بلسجال
فوق الاعالي في شموخه محزقل=طول المدى ماهزه الريح اومال
سبحان ذي كوّن اساسه وثفل=وازن بمعياره بلثقال مثقال
حصني وباصونه ومن فيه قدحلّ=ون غبّر الشارب تملّست بالهال
طول المداء لليوم لغبر موسل=واهله اشداء بالشدائد ولهوال
زانت قصوره في عقابه ونقوّل=من شافها تسحر عيونه باذهال
لاهو مسعدن في الملاوي بيذهل=ابدع بها الواصف على وصف آزال
وبعد جاء طاير بصوته بيزجل=من عند ابوهاني وحامل لمرسال
وقلت ياحيا ومليون مسهل=بابن اليزيدي والف حيا بماقال
به رحبت صيره وشمسان اجمل=وساحل ابين عدّ حبات لرمال
وعلمنا والعلم عندك مفصل=والحمل به كفه لها الميل ميال
حتى الامل ذي كان باقي تململ=ماعاد يخطر لي على الحسّ والبال
وذي بيقطع وعد آجل مؤجل=تمثال للتمويه خادع وصلصال
ياكم وكم من وعد منه تنصل=كأنه بيتفضل علينا تجمال
عاد الجرب والجسم مبلي بدُمّل=والديلمي ماصدّقه غير جمال
وامنا الوحده وهي الحلم لفضل=عطل بها التشويه من فعل بطال
والعدل ساس الحكم في وضع مُهمل=يأخذ مع من ناوله دون ايصال
وكفت الميزان للسؤ تختل=والظلم مابايزول الا بزلزال
هذا فقط موجز ولو قلت بجزل=بتقول هذا الوصف من ارض صومال
وان قلت بقطف ورد ماعاد مشتل=الا وله حارس يصلي بسربال
والشكر لك يبن اليزيدي المبجل=ياذي بتشرب عذب كوثر وسلسال
عالتهنئه شكري اليكم مدبل=ومعرفتكم خير من روس لموال
جهدي مع جهدك وبالبذل بانصل=وجيلنا لاراح باتعقب اجيال
والمعذره فالقول ماقلّ وبه دلّ=ختمت بالسيره ولكن تزلال
ذكرالنبي ذي بالشفاعه بيشمل=من يذكرونه في شروقه ولئصال
اتمنى ان تحوزا على استحسانكم=
[/QUOTE][/align][/QUOTE][/align]

[المحبوش]

قصيده من كلمات الشاعر يوسف عبدالله بن عتيق
مرسله الى محمد المحبوش

ونبدع بمن ع الكون قابظ وباسطى=ونحنو عبيدآ له ركوعآ وساجدين
عظيم الرجى ذي منه الخير والعطى=اللاهي وهوه ذي يرزق الناس اجمعين
فكلن وله مكتوب قدهوه مسلطى=ولاتفرغه مابين مسلم وكافرين
فحد مننى رزقه مسهل مبسطى=وحد مننى بيبيت يشكي ويا انين
ولكن انا راضي وقانع بما عطى=ودايم وانا ماسك على حبله المتين
بما قال ربي دايمآ ما بفرطى=وانا متبع ما قال في قوله المبين
عسى الله يعصمنا جميعى من الخطى=وعلى الخير بالافعال ياربنا تعين
وانا بحمدك فضلك علينا محوطى=بفضله جميع الخلق اكل وشاربين
لك الحمد ما يرعد وما البرق يشخطى=وشن المطر وسقو الزراعه بكل طين
وصلو على المحتار ذي نورهو صطى=رسول الهدى حبيبنا الصادق الامين
شفيعآ لنا في يوم به نار تلهطى=ومن كان في صفه من النار سالمين
ومن بعد هز الفوج والقلب ناشطى=ولقوال ابو يحي هنى الكل ياحنين
الا يارسولي شل خطي منقطى=بقيفان من عندي وخذها لخو حسين
وخذ له زهور الورد من كل حايطى=وبالمسك والكاذي ونجرس وياسمين
وقله سلامي الاف بالاف تنحطى=ويشمل جميع الاهل قافل وحاضرين
وقله عسى يقبل بشعري المبسطى=كما ان بن خالي له الكل معجبين
كلامه درر ماشي على حد بيقلطى=ويعرف معاني الشعر كونه رجل فطين
وقد زاد حبه رد فعلآ لما عطى= وانا واثقآ انه كما العر ما يلين
وما يشتهر من كان له شعر هابطى=ولا يدخل المحجى سوا الرامي الزكين
وانا مفتخر لنك قعيطي ابن مقعطى=ووقت البلا احسبني الساعد اليمين
وانا عارف ان عندك قنابل وميم طى=وما تترك المحجى وبه ناس اخرين
بمنصب ابو لوزه ابد مانفرطى=وذا منصبك والله لو بانقع طحين
وذي بايخالف بانجيبه مربطى=ولا بانسامح من تعصي مدا السنين
نبى الرد سرعه لا يخذ منكم بطى=وذا كان ما تقدر فترشيحنا لزين
خرج فصل والثاني عن الشرق لوسطى=شبعنا هزايم من ثمانيه واربعين
هل الله قاظب من عباده وساخطى=لن البشر تاهت عن الله وقافلين
وقد ينهبو ثرواتنا كل ساقطى=وعاده اجأنا بوش ملعون والدين
تعذر في الارهاب وستخدمه غطى=وقسده هنى لسلام ايضآ ومسلمين
وكل ما حصل من قبل قدهوه مخططى=وحكامنا فوق الكراس وصامتين
ولاحد نطق قالو بلاده مورطى=بالرهاب وختارو يكونو منافقين
ومن حط يده تحت مشور توقطى=وبالتاليه بايصبح الكل خاسرين
لهذا السبب لوضاع كامل ملخبطى=عسى ينصر كل قومآ مجاهدين
الا يا الاهي ارفع بقومك من الوطى=وتفرج على شعبآ على القهر صابرين
كفى لا هنى ونشي غلط صحح الخطى=قدك يا امير الشعر سيد المعلمين
وصلو على المختار ذي نورهو صطى=رسول الهدى حبيبنا الصادق الامين
شفيعآ لنا في يوم به نار تلهطى=ومن كان في صفه من النار سالمين[/QUOTE]

[المحبوش]

وهذه جواب من كلمات محمد يحيى المحبوش


الهي بك الساعي توكل بدي الخُطا=لمافيه رضوانك قبض حبلك المتين
ومن رحمة الرحمن ماكنت مُغنطا=وقولك ضياء مشرق لنا نوره المبين
وعفوك وغفرانك رجاء كل مُحبطا=ولاخاب من يرفع لرب السماء اليدين
يقول الفتى المحبوش معي سيف مُسلطا=متى اشتده الشده يشيّب له الجنين
وكأسي معبّر ساعة الاخذ والعطا= وجاهز متى نادي المنادي بكل حين
وفي ساعة الرحمن وصلني المنقطا=من الشيخ يوسف شح مخلوط به سمين
مراده يخايلني انا ويت حرف طا=وعاده تعني لبن خاله في الكمين
وباقول مرحبا عد مانحوي اختطا=عدد مالمفارق عد ليام و السنين
وذلحين ابويحيى على مهره امتطا=وبالله متوكّل وهو خيرت المعين
معيا حليله هي وهاجس تربطا=فلاهمهم مضمار او شقّهم دحين
كم اطراف ذي امتدت اليهم توقطا=ولا زارهم حاذق بحذقه رجع حزين
وما قلت يايوسف به الصح والخطا=فواكه خلطها قشر مشّوك بشوك تين
وخل الخلافه في الوعاء واحجز الغُطا=فلاهي بمقصر عين عندي وعند زين
وياكم سواحر لي بلسحار شخططا=وحولت كل انصاعهم بالهوى طحين
وكم ناس تتعشم أمل كان مُفرطا= اجو يخلطون الشك والوهم باليقين
كما ذي يحلل بالفتاوي لما سطا=بتوبه خرج من بعد ما اقسم لي اليمين
وبايدي قنابل حسب قولك وميم طا=ليبقاء القعيطي للابد حصنها الحصين
وفي كل معقل سهم بأسمي ومهبطا=متى استدعة الحاجه فلا عزم لي يلين
فكم ناس للزلاّت تسعد لتلقطا=وسّرك بقاع البير عندي وانا الامين
بوقت اللّزم اجهر بكل المُخططا=ولك عادنا باكون ياشيخنا الظمين
وعن شرقنا الاوسط ومن فيه تمقرطا=وسيل الدماء سيّل من القدس لاجنين
ومكوى بني اسرائيل عاده بها احتطا=بوجه العرب وصمه بيندا لها الجبين
وبغداد فيها رجس في ارضها تطا=لتجثم وتستولي على كنزها الثمين
وفيها الدني يعلوا متى يمعن الوطا=واهل الشرف والعز يتجرعوا المُهين
صليبي وصهيوني بامعان خططا=مع الفُرس بان الحقد ضد العرب دفين
وفي احلوقهم شوكه فلاظن تسرطا=مددها من الجبّار ورباً لعالمين
ختمت المشاطي جيد موهوب بالشطا=بذكر النبي والآل والصًحب اجمعين[/QUOTE]

[المحبوش]

وهذه هي قصيده الاخ ناصر القاضي

يا قادة الامه معانا رددو= هذا شعار الشعب كلٌن ردده
عاشت فلسطين العروبة ناشدوا= حرة ابية مستقلة ماجده
واتصالحوا واتحالفوا واتوحدو= كونوا امام الخصم يدٌاً واحده
وشاهدوا طفل الحجر واستشهدو= من ما يقدٌم من ملاحم خالده
الى متى في السلبية تتكايدو=الى متى ذا الوضع واحنا نشهده
اذا اردتم في الكتب تتخلدو=أمثال من تاريخنا قد خلٌده
من ما زرعتوا للامم با تحصدو= كلٌن وما قدٌم وما تذرا يده
مع قضيتنا اذا با تصمدو= القدس هاتاك الديار الصامده
لللاجئين في الديار اتشردو= لازم يعودوا كل من لا معمده
نادوا بتحرير البلاد اتأكدو= إن شعبكم معكم ونبض الأفئده
لاودكم في الذاكرة تتمجدو= كلن يفكر كيف با يبني غده
لا تسجدوا للبيت الابيض واسجدو= لله وحده سعد من قد وحٌده
انتو لها لكن نبا تتساعدو= على الكرامة حرٌها والبارده
في ملتقاكم في الرياض اتفقٌدو= كل القضايا العالقة والمسنده
وشيدوا مجد العروبة شيدو= تاريخنا على الكواهل سؤدده
سؤال ذي حير حضرنا والبدو= ومنٌه القادات شبه مقيده
هل نجحت امريكا بتحويل العدو؟= وهل وقعتوا في شباك المصيده؟
هل مسلمي ايران صح اتيهودو؟= وامريك واسرائيل قوم مجاهده؟
طهران عاثوا في العروبة وافسدو!!!= وحاربو لسلام حرب مشدده!!!
لأستراتيجية الحرب اوجدو= قوة حديثة بالعلوم مشيدة
صحيوا بوقت العرب ساروا يرقدو= ماحد يصحي قوم كانت راقده
احتلوا القدس الشريف وعربدو!!!=واغتالوا الدره وصابوا والده!!!
داسوا على قرآننا يوم الحدو!!!= واجروا علينا في المعامل أكسده!!!
وبوش والجيش الصليبي وحدو!!!= وابنا اليهودي بطٌلوا لليهوده!!!
ياقادة الاسلام بالله اسعدو= يهنا صلاح الدين يهنا مرقده
لا ذه سيوف الحق ذي قد جاهدو= فا اشلا لهذا السيف يرجع مغمده
في الما العكر يا قوم لاتتصيدو= ولا تظلٌوا في المياة الراكده
اعدائنا جيش { الصليب } اتفيدو= الارض والانسان { واهل المايده }
لا توقعونا في الضلالة واهتدو= من قبل ما للسيف كلن جرده
في وجه اخوه لأن الاخوه يفتدو= بعضاتهم بالروح هذه قاعده
واستنجدوا قوات فارس واسندو=قوات باكستان قوة زايده
وأنقرة وابناء جاوه واخمدو= فتنه متى ما الجنب يسند ساعده
هذاك رأيي في الأصايل والغدو= ما اغيٌره للنار حمرا واقده
به مقتنع با اشعر وبا اشدو به شدو= وبا تغنى به تِلا واتهجده
يا ابن الهبيلي لا انتهينا فابتدو= بالرد والمحبوش لازم يورده
وطفوا النار الكريهة واوقدو= نار الضيوف اللي لهبها صاعده
لن الكرم فيكم وغيري يشهدو= شبوة ويافع بالكرم متفرده
ولا هقيت الشعر هم من يقصدو= ويلقوا الابيات جند مجنده
الغوا وضيفوا او لرأيي عمٌدو= مقبول عندي من رفض او أيده
وازكى تحية من قبايل حايدو= كل الفتن لجل الاخا لانفقده
وفي الحظا قدها لهم وانعودو= يقودوا ابطال النضال المارده
للين والدولار ما ذي يعبدو= في ذا المجال تشوفهم متمرده
خولان في الجودات ما يترددو= يا جيش متسلح سيوف مهنده
وبعدهم لجيال ما يتبددو= قوة فريدة للنشاط مجدده
في الختم صلوا واشكروا واتحمدو=ورددو للقدس عاشت ماجده

[المحبوش]

تعقيب محمد المحبوش

يالله يامن فيك القوم اسندوا=يامطلع بما تكن الافئده
افتح لنا ابواب من عنّا اوصدوا=والشر عنّا ياالاهي تبعده
العاصفه قالوا بيسبقها هدو=ببصر معالمها على الامه بده
يسّر لنا رُشدا لمن منّا اهتدوا= ماخير الا من تجاهك نوجده
تسمع رجائي في الاصايل والغدو=ترفق بنا يوم الغيوم اتلبده
يافاتح ابواب الرجاء ذي اوصدوا=محبوش بك وحدك امل يتسنده
مادام بني صهيون منّا جسدوا=واحلامهم منّا وفينا اتمدده
واسبابها الحكّام واذناب العدو=امجاد اُمّه للاسف اتجرده
واليوم يتنادوا لقمّه يعقدوا=واواجاههم في خزيها اتهرده
مادامهم في جيدهم قد عيدوا=وّالدّ اعدانا معاهم عيده
ياقهرنا في ابن المجيد الامجدو=صبنا بمقتل في الامل ذي جدده
كان الشرف عنده قفا ماجرّدوا=واصبح ملازم له دُفن في مرقده
وفي دنائه مُفرطه فيها بدوا=والنار شبت في جميع الاورده
بغداد فيها للصليبي مهدوا=ولليهودي ذي بيوم اتهدده
في ارض معراج النبي قد جسدوا=دنو الدنائه لاجل ترضى السيده
تخجل بهم القاب فيها اتقلدوا=وهُم حُثاله بالبشر اتفرده
بأسم الفخامه والجلاله ينشدوا=والعار وصمه في الجباه اتجسده
والامر من رايس فقط به يقتدوا=من امر سيدهم وهو في معبده
يترغبوا الفرصه متى قال اسجدوا=في بيته الاسود ووكر اليهوده
لاحيث ماحدّد لهم يتحددوا=عُمي البصائر عن مرامي مقصده
تاريخ ساطع للاسف قد سودوا=ماعاد فيهم من رجاء اتنشده
وشجبهم معروف ياكم نددوا=وكم بينات اصدرو ومشدده
مايصلح الدهر سرمد ما افسدوا=في عهد عشنا من سواده اسوده
ثوب العداء الصارخ فقط قد ارتدوا=لاشراف اُمتهم عيون اترصده
ذي للعدو المحتل ضربه سددوا=وحُبّ تربة ارضهم في الافئده
من اجل سادتهم بهم يستأسدوا=ودوّنوهم في جموع اتمرده
لاجل الكراسي ذي عليها قد صدوا=وهي معاهم في الصدا ايضاً صده
بومازن احسبهم بصف الي اعتدوا=عبيد خلوا اُمّتك مستعبده
دليلنا واقع ومُزري جسدوا=والله اعلم بالذي ما نشهده[/QUOTE]

[المحبوش]

محبوش من منبع** زُلالاً وفق منهج مُتبع=بأسناد من مرجع** بلا تكليف او فيها اصتناع
ساعة نوى يشرع** وبالمولى توكّل واتبع=فيما يشاء يصنع **نفذ امره بما قدّر مُطاع
الحمد له ما شع** نور الفجر ع الدنيا سطع=بارجائها شعشع** مداه الدهره من دون انقطاع
وان كان لي مطمع** فرضوانه رجاء لاينقطع=من قلب له يخشع** وفي طوعه بقدر المُستطاع
واليه بتضرع** يجنبنا المئاسي والفزع=وبرحمته يوسع** يجنبنا الفتن هي والصراع
يالهاجس اتوقع** تمهّل لاجل تصويب النصع=اتقن بما تصنع** ولا حاجه لكثر الاندفاع
فالواقع المُفزع** به اوصاف البشاعه قد جمع=بيئه بها مرتع** لمن ماتت ضمائرهم رُعاع
وغرسهم اينع** بنحصد كلما الفاسد زرع=والقادم الاشنع** وصلنا مرحلة حرب الجياع
ودارنا اتصدع** كُشف ستره تعرا وانقشع=وبابه اتخلّع** ولجنا عصر عنوانه ضياع
فينا من اتفرع** على الكعكه ليغنم مُقتطع=يأمل ويتوقع **يعود الخلف في خط ارتجاع
من دون مايوضع** تصور من حرائق تندلع=وابوابها مُشرع** جهنّم حين مايبداء النزاع
وقسم يتمنع** ويتظاهر بحلمه والورع=بطبعه اتطبع **بما اتيسر ولونصف المتاع
ابكم ولايسمع** عديم الفهم يبدو مصتنع=يقطع ولايرقع** ووجه ما يفارق للقناع
والمؤلم المُفجع** من اتمادى بتسويق البدع= من دون يتورع **بتسويق الدسائس والخداع
فارس بيتشجع** على معلول من بعد الجُرع=ومازال يتجرع** ولم يبقى من الصبر اتساع
كم عين ذي تدمع** وكم شامخ تدعدع واندوع=والفاسد اتمتع **حصانه وامتلك حوله قلاع
والشعب اتجعجع** ومن فيهم سلم صابه صرع=وقوتنا اتوزع** على حاشيه يظمنها دفاع
واليوم بالمدفع** بيستمتع متى شاف الهلع=قلي متى يهجع** ويحصد غلته بالصاع صاع
يالله لك ارفع**كفوفي بالدعاء عبدك صدع=وبذكر من يشفع**ختمناها وقد آن الوداع [/QUOTE][/QUOTE][/[/QUOTE]

[المحبوش]

قصيده من كلمات الشاعر عبدالله عثمان الداعري
مرسله الى محمد المحبوش

نبدع بذي دايما اليه نتقرب=واحد احد ماحد مثيله ثاني
ذي مكتفل في قوتنا والمشرب=واعيانه الي ساهره ترعاني
بتحمده من قبل روحي تذهب=وقبل عزرائيل مايلقاني
لاني بشوف الراس نصفه شيب=والجسم متدهور وعظمي واني
والان بداع القوافي رتب=احروف منسوقه لها معاني
وهاجسي جاني ونا بالمكتب=في خمستعشر من ربيع الثاني
ذي كان قاطعني وسابي مغلب=واليوم من بعد القطيعه جاني
وامسيت انا واياه ليله محرب=كلما بقيت آنام كم صحاني
والان ياعازم على المهر اركب=وارحل من ابهاء شل خطي عاني
من ارض فيها طول عمري بتعب=وقلبي المسكين كم بيعاني
غربه دنيئه مابها شي مكسب=ولابها محبوب قد واساني
لاعند ذي اصله ليافع ينسب=ذي حبها مخزون في وجداني
من ذكرها دايم فؤادي يلهب=الارض ذي دايم هواها ثاني
هي في بلاد الله لاقلبي اقرب=لان فيها اهلي وفيها اخواني
واعطه محمد ذي بشعره معجب=سمعت له قيفان فيها ادهاني
من عطر روح الروح خذ له مظرب=وزيد له حزمه من الريحاني
بلغ سلامي له عدت ماسكب=شخب المطر وسقوا به الودياني
قل قال ابو اسماعيل يبقى المحسب=ياصاحبي وين اختفه قيفاني
ذي جاب ابوحافظ وعندك رتب=جلس سنه وانته معه كراني
اوبه تقل انه اكلها السبسب=او من وراها النقد بايلفاني
ماريدها تنشر وماهل بعجب=لمه حذفتوا نصفها بالعاني
ولا انت شايف مامعيا منصب=او لازم اني بااكون امريكاني
شفني انا وياتهم من مذهب=هذا ولد عمي وذا جيراني
ولا اترك ابن الداعري لو بسحب=ولا يحطوا القيد في يداني
لانه بمدرستي درس واتدرب=لما طلع استاذ بالشوكاني
وكم كوادر ينظروا لي كالاب=ذي اتخرجوا في المدرسه اكفاني
فكل ماجاء منهم لاتقضب=باتسمع القاصي بهم والداني
لني انا القايد بظهر المركب=واحيان بتحول الى شراني
هذا وحان الان وقت والمغرب=وان شي قصر ولازفق حُملاني
مبغى ولاكلمه عليا تحسب=ولا ملامه من حدا تلفاني
صلوا على من اصطفاه الرب=ختم الرُسل ذي دل للاحساني

[المحبوش]

جواب محمد المحبوش


يامن بيدك حاجتي والمطلب= بك مُحتسب راضي بما قد جاني
يسّر طريقي واهدني للانسب=فيما يعظم بالثبات ايماني
ارشدني التقوى وما اليه اقرب=انال مرضاتك ويعلي شاني
وبعد يالهاجس معيا اتوثب=قايس وجانس واحكر المباني
وقت الطلب انت المقرب الاقرب=ماتنظم الا خيرت المعاني
واليوم جاني علم شاعر رتب=قيفان مخصوصه بها وافاني
ثارت شجوني ما نظم واتندب= واحزتني بالجانب الانساني
مثل الذي يحرث بوادي اجدب=والعمر يتلاشى ويصبح فاني
وواجب المحبوش نحوه اوجب=للضيف ابذل كلما بمكاني
بالداعري بالمُبتداء يا مرحب=والشكر له فيما اعتنى واهداني
ومن معي بالداعري قد رحب=ساعة رسوله ماوصل ديواني
رغم الغلط بالعلم ذي قد سرب=من عند ابواسماعيل به فاجاني
قدربما في ما اتهمني مقلب=وقبل موسم كان في مكاني
واسباب توقيته قفا ما غيب=يمكن تهيب يخذله ميداني
لوكان صادق كنت انا ذي بحنب=وبالغلط بايدي بقلل شاني
بيشوف وجهي بالعرق يتصبب= ومن الخجل باكلمك دُناني
من وجه التُهمه لنفسه اذنب=دون التأكد من يكون الجاني
بتتهم المحبوش انه خرب=وهو المشيد تعرفه والباني
ونا بجهدي والمثل بي يُضرب=معروف للقاصي بكم والداني
لاجل المخوه والصداقه بتعب= ووبذل الغالي لكم مجاني
والجيد بيقدر وفيها مُعجب=وذا بيشكرني وذا حياني
وفيك ظني ياعزيزي خيب=وبقولك التمييز قد فاجاني
شي ابصرتني فارش امامك مقطب=ومن خدمته منكم شقاني
ومن يكذب منطقي ذا جرب=ماهمني امريكي ولاجيزاني
ولو حُكم لي مايكفي مجلب=في وصفك المُهتم بالكراني
للمحترم خطه عليك اتعكب=شف طلقتي ماتنطلق جواني
لاتسمعه من يدهفك للملعب= بعد انصهاره من حُمم بركاني
ومن بأمرك قلت له باتسحب=هذا خطاء باسد انا آذاني
والجيد مايوم اختباره يرسب=من دون حاجه يستمع ميثاني
بايوصلك رده ولا لك مهرب=وباترجّح كفته ميزاني
ذكر النبي مالمُزن ع الارض اخصب=المصطفى به اختتم بياني[/QUOTE][/QUOTE]

[المحبوش]

بسم الله الرحمن الرحيم
اخواني الاعزاء الكرام اليكم المساجله التي جرت بيني وبين الشاعر الكبير
احمد حسين بن عسكر والتي تتناول مئساة شاعر كبير سخر كل جهوده
لمدح النظام الفاسد مدعياً بان الامور على ارض السعيده على خير مايرام
وهو الشاعر الكبير احمد محمد الصنبحي الذي تعرض المنزل الذي كان قد اوشك
على الانتهاء من بنائه في عدن واصبح في احد الايام متناثره حجاره وكأنه لم يكن
وقد احببنا تذكيره بما ادعى طوال العقود الماضيه بان اليمن تسير في خطى ثابته
لمواكبه الدول المتقدمه




بدع من كلمات محمد يحيى المحبوش




المُتكل بأسمك توكل يارب=فيما نوى مدرك ومافي اعقابه
يامُعتلي ع العرش وانت الاقرب=تسمع شُكى شاكي اليك اصوابه
مولاي عبدك ان وجد له مطلب=رضاك غايه يا احب احبابه
تصفح وتعفي ان خطاء او اذنب=تغفر فلا غيرك خشي عقابه
والحمد لك فيما تشاء قد اوجب=العدل عندك مكتمل نصابه
نشكو الزمن فينا غدر واتقلب=ومسبباته مننا واسبابه
من جورها المحبوش اصبح مُتعب=وبرغم ذلك ما افتقد صوابه
رغم ان غيره سيطروا ع الملعب=واهدافهم بأجمالها قد خابه
ياليت ابولوزه بقي يتعجب=والحال ذي اصبحنا على اعتابه
يسمع خبر عاجل الينا اتسرب=قدربما بايحسبه دُعابه
ماحل فيه الصنبحي بايُكتب=بين العجايب يستحق اعجابه
ذي قال بايبني عدن جاء ينهب=خيراتها من ظمنها العصابه
واليوم يالهاجس معيا اتوثب=عسى يعود الحق لا نصابه
اقصد معي شاعر باعلاء منصب=والصنبحي منه فقد اعصابه
يوصف معه هاوي ولم يتدرب=خيّب بصاروخه مع الدبابه
لابن اليزيدي مُرسلي تتزهب =لمن قصد محبوش في كتابه
وخُص بن عسكر بمايستوجب=ومطلبه تحليل من جنابه
أديب معرفته بسجلي مكسب=مُبدع باقواله وفي خطابه
عن ما حصل للصنبحي ذي نصّب= نفسه محامي للفسد واربابه
مبناه ذي قالوا بنيه اتخرّب=من شرّهم قالوا نصيبه نابه
ذي شيّده من قبل ما يتشطّب=شلوا حجاره صُحبته واذنابه
قد كان معزم في عدن يترتب=اقبل مكشر مثلهم بانيابه
وطبلته بايده وياكم طرّب=بالحان ممجوجه على الربابه
قال البلد في عزّها يتقرّب=لمن اعادوها لعصر الغابه
واليوم من بعد التعب يتهنزب=والعيب بالعايب بلحضه عابه
قالوا الخشب باعوه باب المندب=وقايد الحمله يبى اتعابه
والصنبحي قالوا لجاء في ارحب=من بعدما اتخلوا عليه اصحابه
مارأي بن عسكر بهذا المقلب=حتى ولو ما يجوز شي نغتابه
هل يستحق النار ذي لي كرّب=اونرحمه لما اوقعه محنابه
والوحدوي في منطقه من ينهب=والانفصالي من كشف حجابه
ايش التصوّر بعد ما قد جرّب=هل يتعض في مرحلة ايابه
اويستمر في منهجه ع المذهب=ويتم شطب اسمه من النقابه
اوما يجيد الا طريقة اشعب=مايتركه ما افنا معه شبابه
اوربما طارئ طراء ذي عكّب=والثانيه بايباشروا سحبابه
هل في أمل مره بعمره يشجُب=ايش اعتقادك يحتوى جوابه
ختمت قولي قبلما يتشعّب=وبالنبي ختومها لي طابه

[المحبوش]

جواب الشاعر القدير الاستاذ/ احمد حسين بن عسكر




يارب غفرانك على من اذنب=وتوبتك يالله على التوابه
حمل الثقل من يحمله بايتعب=من جار ذنبه باتزيد اتعابه
عبدك لغفرانك وعفوك يرغب=لي رحمتك من نارك اللهابه
يامن بي انت اشفق من أمي والاب=ادعيك وارجو منّك الاجابه
في يوم نُبعث يوم حرّه يلهب=سألك مرافقت النبي واصحابه
واسقيتنا يالله مع من يشرب=من نهر كوثر بارداً شرابه
واستغفرك مالمُزن يُرعد واخصب=والسيل عمّ الاوديه واشعابه
والآن يالهاجس معيا اتأهب=واهتم للمحبوش في جوابه
رسول بن يحيى به احمد رحّب=وابيات ارسل رايعه جذابه
هدّاف متمكن وكابتن يلعب=هز الشبك بالجول ذي قد جابه
جاء في خبر عاجل وقال اتسرب=ما اعرف لماذا زيّد استغرابه
يعلم بذلك بايعين الحبحب=وبايعين القات والجلابه
ومكتب الاشغال هذا المكتب=منه مصايب صاحبي واصوابه
من جيب ابوصقر الفتى كم ينهب=والعسكر اعتادوا على سلاّبه
مايوم الا يفعلوا له مقلب=وكل ما جاء طقم فك اجيابه
وان شافوا احمد نصف ساعه غيّب=بايغنمون اكبر فُرص بغيابه
وما ابتناء في نصف عام اتخرّب=في نصف ساعه مانسيوا كابه
من شاهد انقاض البناء واتعجّب=يقول بالمدفع حدث خرّابه
ذي قال بايبني عدن يتسبب=في هدمها واصحابه الكذابه
قد هدموا بيته وعاده ماصب=ولم يركب باب من ابوابه
والآن كم يخسر وكم ذي يكسب=يحسب حساباته على الحسّابه
بناه عشوائي وظنه انسب=لكن اسف عابوا به العيابه
لأن ماشي للحرامي مذهب=ودولته دوله بلا ذنّابه
ورغم هذا موقفه مُذبذب=مابه حراره ذي تثير اعصابه
ايضاً ولا با احمد قضب ذي يقضب=ولامعه قُدره على مضرابه
هذا جزاء له من رفاقه ذي حب=اقبع جزاء من خُبرته واقرابه
وهو الذي من اجلهم يتعصب=وامساء لهم يجذب مع الجذّابه
مايدري ان الحب نصفه عوكب=والسوس به يحتاج لا طيابه
وكل ما جيت انصحه يتهرّب=غطاء على الانياب في جلبابه
لوكان مستثمر ذكي مايحنب=قد كان رأس المال في دولابه
واصحاب ابوصقر الفتى تتجنب=وكأن حمره مابها حرّابه
لوجاب عروّه عندنا ثور اشعب=قد كان يافع تقبله ولابه
ماتتركه وحده لمن هب اودب=لان يافع دائماً مُهتابه
هذا وبن يحيى بدع واستغرب=على الذي يمشي وراء سرابه
والصنبحي لو بايعقّب عقّب=ولا يجنّب له على المجنابه
مايمشي الا لا صلح واتوضب=وان ماتوضّب عندنا وضّابه
والآن يالهاجس قليل اترطّب=في ذكر سيدنا الهواجس طابه
صلاة مني كلما المُزن اخصب=والسيل عمّ الاوديه واشعابه[/QUOTE][/QUOTE]