المساعد الشخصي الرقمي

مشاهدة النسخة كاملة : ديوان الشاعرالقدير/منصر صالح الداعري ابو صالح


بيرق السعدي
23, 3, 2008, 08:19 PM
ديوان الشاعر القدير
(( منصر صالح منصر حسين الداعري ابو صالح))
من مواليد 1979م
درس الابتدايه في وادي حطيب القعيطي
ثم هاجر الى الولايات المتحده وهو في سن العاشره من عمره
ثم واصل الدراسه في امريكا حتى تحصل على ( شهاده الثانويه )
الهوايه الشعر
بداء يكتب الشعر في سن مبكر وتبادل القصائد مع الاستاذ يوسف محمد المحبوش الملقب بالمحترم
وهو في سن الخامس عشر من عمره
ويسرنا ان نخصص له هذا الديوان لكي يتحفنا بما لديه من قصائد جميله

المحبوش
26, 3, 2008, 03:35 AM
هذه القصيده من كلمات الشاعر المعروف منصر صالح منصر الداعــــــــــري
وهي مرسله الى محمد المحبـــــــــــوش

الداعري يالحليله امانتش لاتفلي=عندش مهمه كبيره اتمعني بالتصراف
امامش امساء محمد دقي عظامه وذلي=امانتش يالحليله تشوفي به تشواف
قدني امير القوافي زمان محبوش ولي=انا بغابة زماني بخوف الذيب خواف
غابت نمار القوافي ويوسف امساء مجلي=وانته سهاله بسيطه باكتفك يوم كتاف
واتعرف اني عميدك عميد والشعر خلي=بغوص بحر القوافي وانته بتمهر بلطراف
ويا محمد سهاله والطير مهما تعلي =لساري الليل تالي لكل ميدان حفاف
واهل السلب والجرامل ويش اكلفك ويش بلي=شتمت خيرة رجالي كمن محزم وسياف
اتعوذ ابليس منا وان شافنا الشر ولي=رحنا لها وانته اخبر بن شقدف الشر شقداف
جدي لها كان سابق وانا كفيته بحلي=وانت الذي وا محمد ما غيرك انسان عزاف
عزفت في كل شروي رعيت نعجه وسخلي=واليوم قدهي عجايب حطوك في قسم لشراف
لاوانتبه وا محمد عادك مبحبح بسجلي= وابراجنا بك تحوط لمن تعجب ومن شاف
لا والمشاكل عجيبه مالك دخل شي بدخلي=لا تقرب اخطوط حمرا تصبح عشاء سام نساف
قد عادكم امس وا ذا قعر المحاكم تضلي=خل المخبا مخبا واسرار من دون كشاف
والا كشفنا مغطا وسر بالستر مطلي=لا كننا ما تجرا لني قبيلي وقطاف
وانته رجالك قبايل لا والنبي ما ندلي=ما بشتم اخوان داعر اخوان واصحاب واشراف
ما خصمي الا محمد ون تاب وامسا يصلي =بسحب حشود الحليله وا وقف الحرب وقاف
بشرط واحد تجيني بدفرتك لا محلي =وجنبك الجيد يوسف وشيخ من ناس عراف
ون يسمع اليث سيدي بك لا سقطرا يولي=وانا الذي رشحوني قدير في حي سقاف
ما نا عسل وا محمد لمن يريد اي حلي= بل صقر صقر القوافي صعيب عن كل قصاف
وحب عبله وعنتر قالو عليها تولي=وامسه اسيره حزينه واليوم في قسم لشراف
عنتر عليها تعنتر بعد المحبه تخلي=وامست عيال الشوارع تكرف البنت كراف
يا قهر قهر المعنا راحت نماري وبلي=واستبدلتها ثعالب وجحف من بين لجحاف
جرعاتهم خنقتنا عبده بيرفع وقلي=وانا المواطن ضحيه مصروف داري تسلاف
وينش جهنم امانه جري سرقنا وشلي=لا ترحمي شوشويهم ونضفي الدار نضاف
نعيش عيشه سعيده نسلا مع من تسلي=نعمر احلا سعيده نشرف الدار شراف
نواصل اغلا مسيره مسيرة احلام عقلي=ذي من سنين الطفوله وانا لها يا تلهاف
واستفسرك يا محمد عسا تفصل وقلي=اخبار من منطقتنا ومن مدنا ولرياف
لا كهربا ذي معانا تلصا بغدره نضلي=والماء بنسني سنايه وايام نزعه وغراف
كفا كفا يالحليله ضيعشني خير شقلي=ماهل رسالة محمد كلفتني امس كلاف
فله من الورد باقه وكار مترين اصلي=وهو الوحيد المخير عبر العوايد ولسلاف
والف ياكل سامع علئ محمد تصلي=شفيعنا من جهنم وحوم من نار لهاف

جواب محمد المحبوش

يقول محبوش ياعالي على من تعّلي=فيك الرجاء المُرتجى تمتد لك كُل لكفاف
بجاهك ادعوك جنبني بلا من تبلّي=ودُلني لا طريق الحاء الاهي مع القاف
ذكرك تبارك وحمدك في حلالي وحلّي=والحُكم لك ياعظيم الشأن تُحكم بانصاف
واستغفرك من زلل واوزار تثقل بحملي=رجّح موازيننا في طاعتك ضعف واضعاف
هابعد ذلحين جاء الهاجس بلحضة تجلّي=يزهو بالوان تتماوج بها كل لطياف
وباغة ازهار من اغصانها ذي تدلّي=يفوح منها شذا ممزوج من كل لصناف
تركه من اجداد حطوها بسجلي لاجلي= فيها العقود الثمينه من الجواهر ولصداف
ومن معه كنز ماظني لمُفلس تخلي=يتحمد الله ذي قسمه من الشرك لضلاف
واليوم جاني ولد جاهل وقوله مسلي=شل الخجافه تجحفها لوحده تجحاف
في واقع الامر هو تلميذ عاده بفصلي=يمكن نسي بعد ماجسمه تدفي بلصواف
تجارته رابحه دخله تجاوز لدخلي=ياكم جني باحتكاره بيع الفرايق ولعزاف
والقبيله يبن مدعر فيها مقلّد واصلي=واهل داعر حواهم من شرعها جود لعراف
ماهم بحاجة يزكيهم لمثلك ومثلي=والحب بعضه قفا الطياب يحتاج نساف
وانته دلا يافتى حاسب يعطريك حبلي=والخاتمه مُزريه ياذاك من يد سياف
تهري وحوشك ودمك منهم نار تغلي=ماهل تمداح عالفاضي وكُبره تكلاف
يحفظهم الله لك يالداعري وايخلي=والخاتمه باتقع لك منهم يوم طهاف
اما الشجاعه قدك موصوف نجدي وقبلي=ساعه دقوق اضركه وتالي الليل نتاف
ياليت واحد بكم يجزع مطوف لنخلي=بابيته في غُرف لنعاش لوحصل اسعاف
فيكم علل ما بتتباخر بعشرين مشلي=ياكم وكم زهر ذي كانه بتحتاج قطّاف
ذافصل من باغتي وعقد مشموم فُلي=في الكفّه الراجحه في وزنها دون طفاف
ياذي بتدفى على حومي وعادك بشملي=ومن مضارف ابويحيى بترعي وعطاف
احسن لك اسمر مع جمهورنا ذي بحفلي=لاشي معك بالمسب ماينفعك كثر لسراف
شفنا بهرّّش معك بمشي بريضه ومهلي=وسيلنا لادفر مايمهلك للتلفلاف
والقول عندي بيتأكد امامك بفعلي=مانا كما ذي تعوّد يتبع وعوده بلسفاف
مهما تناكر لواقع يثبت جهودي وبذلي=ذي ببذله لاجل نحيي امجاد من عصر لسلاف
والصيت ذي صار لك يالداعري هو بفضلي=وانته بضاعه حُماله ماهل شُراها تكعّاف
بتوسلك ربما ترعي خيولي وبلي=واقنع قناعه معيا ماباتروم التشواف
لاسامحه ذي سحب رجلك لاطراف حقلي=بايطرحك عندما تدحق على لُقم نساف
لاتتبع شور ذي ذاق المسمم بنصلي=وهو يسوقك طريق الهاويه نحو محذاف
ذا علمنا تم وانت اخبر باصلي وفصلي=والمُر لاجل العوافي نتحمله بالترشاف
واخبارنا ذي كرف جبحي وطيّر بنحلي=وذي معي بالوعاء راحة غنيمه وخداف
والخوف عاده دفن لي من سمومه برملي=وايطرحه لي متى ما البرق بالجو رفاف
والوضع مرعب به اجمالاً وفي شكل كلي=من شاطي البحر بالمهره الى خلف بلحاف
واوضاعنا المعتليه قدهي بمقياس سُفلي=وكل واحد بيوحيها على قُرب لنجاف
الى هنا قال ابويحيى بحلمه تحلي=من بحرماينتقص من محتواها بمغراف
ختامها في شفيع الخلق من نار تصلي=وفي صلاتي عليه آلاف اتممت لهداف

المحبوش
26, 3, 2008, 03:36 AM
قصيده من كلمات الشاعر المعروف
منصر صالح منصر الداعري ابوصالح ( نيويورك)
وهي مرسله الى محمد المحبوش

قال بداع ياساري مع ميج ساري=يامن انته رسول الداعري بالمسيره
وصل ابياتي واشواقي وحب اقتداري=واهد باغة ورود ازهار زهر الخضيره
ورد مخصوص من وردي ومكسب ضماري=تهتديهن وتهديهن مع اغلاء ذخيره
قل لمحبوش يتخير رصاصي وناري=لويريد البلاء والشر ينهي مصيره
وان يريد السلاء والسلم بمسك نماري=ما معي غير بهدي بالورود الكثيره
منطق السلم رمزي والمحبه شعاري=لاولا سيف شبعه شي خرج من جفيره
مامعي به سخا الطاحس محمد وجاري=اهل واصهار من وادي وسيله وجيره
بس لادون ونه مثل يوسف شراري=او على بن محمد له مطالب وغيره
ذي مكبل بسجني يوم قلد ذماري=يوسف امساء مكبل ضمن شله اسيره
عاد بدعه معيا ذي به الاعتذاري=لوتريدون نشره بنشره بالجزيره
يستمع له محمد ذا اذا كان قاري=وان قده مثل يوسف درج خلف الحضيره
كم نظلي نعلم كم نظلي نباري=دار محبوش طافي بعدما كان نيره
غادر الذيب لنقط والعيون السواري=والجُعيدي تمحق باقي الا شعيره
وانت عارف بقصدي يامحمد وداري=المدافن خليه والمناقع وعيره
مامعك غير حبك جمعه لاتذاري=جمّع الحب جمع لاتضلي طفيره
وانت تنازل منصر ذي على الفوز ضاري=من شرابي وناري باتروح كسيره
بسحب المار منك واطرحه فوق ماري=واعرف اني عميدك فرصتك امس طيره
وان تمكنت مني بلّ من دفع ثاري=ذي من الشمس ابعد والنجوم السميره
ماتصل حيد عالي فوق سيكل طماري=قد وصلنا فضانا وانت عادك بصيره
ذا خرج فصل واحد كاتبه في يساري=فصل حارق مضجر للنفوس الضجيره
منطق الصدق واقع بز نافق لشاري=ما المنافق ينافق بالحبال القصيره
ذا واصلي وفصلي قنت عارف وداري=حاملين الجرامل بالسنين المريره
يشهد النجم لحمرذي طفي بالنهاري=ذي بقعر المثلث كان يلمع نويره
لي وللجد سابق يحجرين العذاري=وان تناكر تخبر جيد شيخ العشيره
وافتح اسجال واقراء عالوحوش الضواري=لاتناكر منصر والشواهد كثيره
واسهنك يامحمد رد لي في قطاري=علم صافي معنى من عواطف سميره
واليمن خص واجمل وارسله لامطاري=وارو عطشان ضامي زاد بالقلب كيره
مانرى شي تطور دام عاد البواري=والمجرد بيشرب عذب من قعر بيره
شل مصروف داري شل نعمة صغاري=واصبح القات واجب والبطاله خطيره
قد بحبه ولكن ذا بحسب اختباري=والفتى الجيد عانا بسأله واستشيره
والعقارات قالوا زاد سعر العقاري=زاد عن سعر لندن والمكاسب صغيره
لاهنا بس صبري وان يطول انتظاري=بعتبر نار جمري الاوله والاخيره
وان تزيد فلافل مثل يوسف وكاري=قدمعي سُم حارق تنتهي من زفيره
واهد من سار جنبه داخل الدم جاري=ذي ملك حُب كامل مننا في ضميره
الطبيب المخضرم ذي اشتهر بالطواري=اهد يده ومده فل ينفع عبيره
ختمها بالنبي مارتلوا بالقصاري=خاتم الانبياء والمصطفى والذخيره
جواب محمد المحبوش

يالله ادعوك منك خيرتي واختياري=يسّر الامر واجعل كل عُسرى يسيره
واهدنا رُشد فيه البر ياخير باري=قنّع النفس في رضوانها والسريره
واغفر الذنب والهمني وثبت وقاري=واعصم النفس من وساس تنجاء سعيره
بعد قال الفتى المحبوش بيدي اعتباري=في الملمات تشهد لي الجموع الغفيره
رايتي بعد حمد الله فوق السواري=كُل شاني لها ينظر وعينه حسيره
هاجسي مابيخشى لاطراء اي طاري=في مسالك وعيره ماعرف يوم حيره
واقبل اليوم من يحلم يصل لامداري=لاجزاء خير من دله لاسواء مصيره
لارحم من قتل نفسه ومات انتحاري=في مهمه وصلها اعماء بنور البصيره
غشش الداعري صاحب يريد اختباري=من خلال النفس فيه اكتشف لي زفيره
يد دهول معك بالمكر وقت المذاري=وانت صارب جنا من قلت باتستشيره
قد سبق في محاولته معي في التباري=وانقضى الامر في مُبصر بظًلمه غديره
وانت يالداعري قولك عن الصح عاري=بعرفه جيشك الجرار ساعة نفيره
بندقتكم عيال اليوم سوها اتاري=والشواهد على تاريخ مُضحك وفيره
ويش بليك يالمسكين من باتجاري=عمدتك دايم المحبوش وانته غفيره
بالعزف انت متخصص وصنع المداري=جيرتك منها المحبوش الله يجيره
لنت حالم ومتوهم بيوم انكساري=استمع شور ابواحمد بهذه الوتيره
واسأله حل ما اتعسس شحاطر جماري=عاش بايام سوداءمابتُنسى ضريره
ذا وما قلت عن يوسف يقلد ذماري=واصبح اليوم في اسرك تركني بحيره
وانت عارف لبوحافظ حواره حضاري= في منازلته المُعدم وصل للحصيره
بعدما ضيعك هايم بكل الصحاري=وانت عارف حبال الكذب دايم قصيره
الحذر لاتحاول تقترب من بحاري=ابدع اول تعلم لك بشاطئ بُحيره
لانت بيدك طماشه عندنا لنشطاري=السلاح المدمر في صنوفه وفيره
وانت جيشك مطعفر بين شاري وذاري=بالفتن والمشاكل في حلق مستديره
قايد الجيش عندك مهرته بالمصاري=نصلتُه في ذحلها راشنه في جفيره
تدعي زور باطل يومنا في ازدهاري=والحسد مهلكه لومطمعك تستعيره
ذا وصل فصل به اوجزت لك اختصاري=واترك ابليس واتعوذ ولاتستجيره
لاتلاعب بلا خبره بفن التباري=ذه رشاشه بتعقبها مواطر غزيره
ون تكبرت فتوكد معي سُم هاري=ما انت شي ند للمحبوش ولا نظيره
باقي اخبارنا ظلمه بكل الحواري=كل اُمة محمد في يمنّا فقيره
في حقوقي تمادوا في فنون احتكاري=والفسد بالروايح فاح لكن ذفيره
والقرارات ذي تصدر بامراً وزاري=مثل عيفه تغالط نفسها بالذريره
والخُطط عندنا الخمسي وفيها العُشاري=واصبحه صفر في صفرين حصة سميره
والخُطب نحمد الله كُلها صنف ناري=واصبح الصُبح يتلاكع علينا وزيره
ويش باخابرك عن وضع خازي وزاري=ليت ماشي نطق فيما نطق باهريره
ذا وسامح محمد من طرف نهر جاري=فيه انذار زاهد في قطوفه عبيره
وان لزم شل درسي المعُتبر اضطراري=ذرفته من تودرلاتجاهل نذيره
بالنبي اختتمها منتشي بافتخاري=كل مالعين تغمض بعد ذكره قريره

المحبوش
26, 3, 2008, 03:43 AM
قصيده من كلمات الشاعر المعروف منصر صالح منصر الداعري
وهي مرسله الى الشاعر الكبير محمد يحيى المحبوش

يا ساتر الحال حالي يسره=يا منشي الروح من بعد الممات
يا مفرج الهم همي نوره=وجعل لي الجنه الخضراء مبات
فنا احمدك عد ما المزن امطره=واتروئ الزرع كامل والعضات
والداعري قال من سن اعشره=وانا وراسي بنعمر ناطحات
ما نا كما ذي طلع لا منبره=وقد بلغ نص من سن الميات
ها بعد هاليل من خير الذره=ذي سعرهن بالمدافن غاليات
ما با تباخل ولا با نسعره=برسل لمحبوش مني قاطرات
و يا رسولي مع من سافره=سافر مع الميج خير الطايرات
ومروحك دار جنب المنظره=دار الفتى الجيد معروف الصفات
قله سلامي عدد ما زعجره=ارياح شرقي وبحري زاعقات
وعد لنوار ذي لا قدره=بظلمت اليلل تمسي سامرات
الصاحب الجيد قد با دوره=ما با تاخر عليهم ثانيات
ولا تخبر محمد خبره=ومن محمد خبر حمل وهات
لا ترجع الا بما نستبشره=من ارض بلقيس خاليت الغزات
قالوا عدن مثل دلهي وانقره=ذي كانت الامس بالمنظر شتات
هذا ويوسف رصاصه قشره=يضرب بزانة ذمار الكاذبات
لا هو صديقي ولا با سايره=قد باحسبه ظمن من غادر ومات
او ربما آكد من يستأسره=وباتشوفه مكبل بالسرات
ون مات مقهور قد با نقبره=وبان وسد بقر بعده وقات
حتئ ابن دينيش دمه طعفره=وكان باقي يدقه بالفيات
ليله حماريه قالوا مجزره=وامساء المفرع يفرع للهدات
ها وبن يحيئ معي له مقطره=فيها ثلاثين جمره حارقات
تشوي وتحرق عروق الحنجره=يندم علئ الوقت ذي غادر وفات
انسان مغرور حب المظهره=لا هو نديدي ولا لي به صفات
لا ما احترامي امير الدكتره=ما با يضلي علئ بقعا مبات
قلنا دلا وا محمد عصوره=لا تقترب من خطوط الوايرات
والا وقع للمواشي عقوره=وبان رد المناقع صالبات
وبا يقع لك عشا بالمنجره=تكون عبره وملفت للتفات
ما عاصي الا وسيفي بثوره=يا من مع الجد عا كنتو رعات
رحنا الادب والسلا والمبصره=والنور وحنا العيون الساهرات
وان كان محبوش ضيع جوكره=ذي كان سابق يترجمها لغات
وسيف قاسم نرده مقشره=والا بمتحف نحطه ذكريات
والف صله معيا واذكره=ع الهاشمي صل واكثر بالصلات
جواب الشاعر الكبير محمد يحيى المحبوش

يالله سألك لعبدك مغفره= والهمني الصبر ساعة الانفلات
يسّر لمحبوش يزهد معبره=واجعل موازين قوله راجحات
من نهجهُ الحقّ سالك تنصره= واخذل مقاصد مجانيها حنات
لي هاجس اليوم سلّط مجهره=موجه بعزمه لصد المنُكرات
بفضّل العفو عند المقدره=وموقفي ماتزحزح بالثبات
بعض البضايع متى ما اتصدره=دائم تشوّه بافخر ماركات
والمسك ماهو بحاجة مبخره=والبعض شُغله يعطّر مجويات
واليوم جاني خبر به ثرثره=من ذي بيغرف جلاحظ من قلات
ذي كان يبهج بقُطره قطرّه=يُبل ريقه وقانع بالفتات
والهرج ذي صدّره من منبره=تهريج واهم يروّج موبقات
يامرحبا مارعوده زمجرده=بضيف غازي وصل ظمن الغُزات
يحلم بتاجي وهو في متجره=واثمان طيشه مؤكد مكلفات
ضامي وهالك وذا ذي كدّره=والنيل ملكي ودجله والفُرات
اجنحت محبوش فوقه شمرّه=من علو اعلاء قممنا الراسيات
والمشهد الي بوهمه صوّره=من دون يتقن بتأليف النُكات
واهل داعر معيا استنكره=واتبرئوا بعد قول المنكرات
والعز ماهو بكثر الزنفره=اما الفساله رديفه للممات
ليته تفاخر بشي به مفخره=وارفق دليله وبعض العينات
مالي بحاجه ارده مسخره=لو مااعتبر بااعبره بالواجيات
اسمي مع الداعري في دفتره= تاريخ مكتوب في كل اللغات
وبيت محبوش مهما تنكره=فعله بيشهد وصوبه قاتلات
نمار تفتك متى ماكشره=ذي طوعوا اهل القرون المرجبات
والمحترم كان واجب يشكره=ذي آنسه في الليالي المُظلمات
واليوم حاقد على ذي ونجره=ليته تحصف وبقّي له سلات
قد كان مجوي وهو ذي عطرّه=من كان مثله تجمّل بالسُكات
والآن تاريخ بأيده سطرّه=رغم الاصابات ذيهن موجعات
لوكنت في بقعته يالطنبره=كان اهل دينيش في الحفره رُفات
ياكم مجاميع عنده دفّره=ذي جت تهنيه من كل الفئات
لاتحسب العلب مثل الدردره=والضرب جويه ماهو للرُمات
وسيف قاسم بيدي بهبره=ومن طمع فيه مايلقى النجات
من كان شاني لعمره ودّره=يقرب متى حب لايطرح عدات
فن الأدب عادنا باطوره=املاك ماهي شراء ولاهبات
وخفف البثوره والنقوره=ياذي تغالط بتجميل الشمات
ضحكتني العضربه ذي عشّره=وقبل عامين بيسيروا حُفات
ناسي حمال العزف كم مزّره=عاين لظهرك وباتشوف الشتات
ماعاد حاجه لوقتي اهدره=بانكتفي لوفطنت الشاترات
وختمها بالنبي من يذكره=يطيب قلبه متى يصبح وبات[/QUOTE][/QUOTE]

المحبوش
26, 3, 2008, 03:45 AM
كلمات الشاعر منصر صالح منصر الداعري ابو صالح

الداعري يالحليله مشطي واقطي=واتدلعي لش علئ حسادنا فحطه
لا فوق ناقه اصيله يا سمر نطي=واتكحلي واعتني بالثوب والمشطه
وحب من حب ابو صالح لنا بطي=قد جبت لش قات قيفي معتني ربطه
خطي لنا خط من لون الذهب خطي=ذي لا مدون ولا شاعر ابد خطه
والهاجس الليل لا تهرب ولا تبطي=شارك بلفراح يالله واقتشط قشطه
قشطت قعيطي ويافع والادب نبطي=ما ينطق الا متئ ما حدد النقطه
قل للاديب المخضرم وين جا نفطي=والا قد النفط كامل ذي معي نفطه
وين السمك وين ثروات السمك تخطي=او ربما قد حسب ثرواتنا عرطه
لازم يصحح خطا من بالخطا يخطي=وذي فئطني لهم ما عذر من فئطه
ناخذ ونصبر ولكن مثلها نعطي=والدهر غلاب يا من تلعب البطه
قالوا توحد يمنا قلت ذا شرطي=لا با تراجع ولا با قولها غلطه
بل انما قول للفلاح والشرطي=لا عدل لا حق بالقانون والشرطه
ضاعت حقوقي ولا بقوا لنا شخطي=من داخل الدار سووا للبري عفطه
يا قهر قهري بري راسي النمر وطي=ذي كان يحرق مدينه لا نخط نخطه
والحر للعيب من كثر الخزئ غطي=ذي ما تحمل دماغه صابته جلطه
ها لا هنا يالحليله واستري وامطي=حتئ ولا عاد كبريتش ملا الشخطه
ماهل بقينا نقول افيه يا ابطي=والا قدك يا يمن بالفقر والورطه
واحلامنا برئيس البار تتشطي=ذي حقق النصر وحد سي لنا خلطه
يصفي الدار لا يبقا بها زطي=هذه رساله شرحنا له بها لقطه
والف صلو علئ المختار لا تبطي=شفيعنا من جهنم قال ابو قعطه[/QUOTE][/QUOTE]

المحبوش
26, 3, 2008, 03:46 AM
قصيده من كلمات الشاعر عبدالسلام صالح موسى الدبيشي
وهي مرسله للشاعر منصر صالح منصر الداعري

ونبدع بذي له كل شيئاً خضع وذل =وله في نشيدي اول القول بسمله
وموسى كليمه حينما شاهد الجبل=دعى ليه موسى والالاه استجاب له
ولما كفر فرعون في كل مانزل=بايات واصبح هو وقومه مبهذله
وعينه لعبده حارسه لاخطى وزل=وحاشاه كم يصبر على العبد وامهله
ومن تاب من بعد الذنوب بما فعل=اتا طائعاً والله اتاء ليه هروله
ولا له شريكاً يبسط الرزق واكتفل=عبادك جميعآ فيك يالله توكّله
عسى تهدي ابن آدم على صالح العمل=جميع الخلايق ليك يالله توسله
ولي هاجس اقبل لادعيناه ما فسل=وحتى الحليله باشره بعده اقبله
وقلنا دلا ياهاجسي سر في المهل=لان الندامه قد تجي بالمعاجله
كما ذي يحب العين بيكحل السبل=ومن حب صاحب كا الزجاجه تزللة
وطبع القرابه والعلاقه تريد زل=ولو بعض اشياء قدبتحتاج قربله
وجاوب عليا قال ياصاحبي تسل=فلا عاد داعي للهُرى والمجامله
نريد الصراحه ربما يخرج الخلل=من اتحمل الصاحب على الظهر ما ثقله
رسولي صباح الخيرمن جيز من رحل=لبعد المسافه مرحله بعد مرحله
على امريكه العظمى وهي خيرت الدول=وهيهات كم هي بلمشاكل تدخله
على ارضنا لو قطعونا بها وصل=على ارضنا واجب علينا المقاتله
بلاد العرب ما غازي الابها رحل=وكم من غُزاتاً ما بقيه وطوّله
تصل لانيويورك ذي بيسكن بها وحل=ابو صالح الشاعر تبلغ سلام له
ولخوه جميعاً من سلامي لهم يصل=وحتى الضيوف الحاظرين بمنزله
وباقه من الورد الذي ما لها مثل=ببيته وداره يارسولي تقابله
كما الداعري شامخ عجي مثل ما الجبل=ولاهزه الارياح ويش ايحلحله
وتاريخ له معروف بالعهد ذي رحل=ودوره قوي في عهد دوله وقبيله
ولا اتخبرك عن ما بيجري وما حصل=قل الوضع سيئ والبلد كيف هروله
ورأس المواطن دن من زُمره الدجّل=ومهما صرخنا زادنا الظلم بهذله
عصابات تحكمنا تقرّب لنا الاجل=بواطل بضاعتها مواجع مدبله
وبالواقع المُزري تفاخر بلاخجل=وبالجهل تتباها بها صار معقله
وللهاويه كني براها بنا تصل=وايام سوداء ذي بتجري لنا اقبله
ومعروف ان الشر لاقد طغى شمل=بضاعه مع اهل الشر جاهز مزمهله
شكانا تحول عند من نشتكي هزل=بأثمه تمادى والحموله مشدوله
وبكره معانا ميزوها بلازعل=على اخوانها من دون ايت مجامله
خذه حقها والشرع مابينهم فصل=صغيره وقلي كيف بكره مفضله
وصلواعلى المختار ماماطره همل=وما السيل سيل واسقي الواد واكمله
جواب الشاعر منصر صالح منصر الداعري ابوصالح
على الشاعر عبدالسلام صالح موسى الدبيشي

كريم العطا يا منعش الجسم والعضل=ويا من بك الآمال كامل توكله
ويامن نظر يعقوب من بعد ماانتشل=جعلته بصير الناس والخلق لوله
لك الحمد والتكبير يا مالك الامل=عدد ما ورود الكون علارض فلله
وتجعل لي الجنه من الكون ذا بدل=ومن كان عاصي في جهنم تكلكله
وابو نور يا حيا وسهلا بمن زمل =تراحيب حيا بالحروف المفصله
ذره حب صافي يسلم الكف ذي نخل=وما قال بن موسئ فهمته وحلله
وانا بعرف انه ذيب بالحيد والسيل=وما يضرب الا من رصاصه وجرمله
ملاها نيو يورك والضواحي مع العقل=نحرنا من القعدان كمن محجله
وهاجس وصلني ليلة البارحه زجل=يغازل حليله والحليله تغزله
جمعنا وسمعنا وبتنا معه عطل=سمرنا علئ شيشه وقهوه معسله
وذلحين يا من جبت لي خط مرتسل=كتابي معك من حيث ما جيت وصله
مع الليم والتفاح والتمر والعسل=توصل لبو صالح فواكه مشكله
ولخوان والاولاد فرق لهم وخل=شويه لبو يحيئ ويوسف وعلعله
وحتئ ولا عاد المحاجي بتشتعل=وعاد الكبد والقلب لهبه وشعمله
ولو قطعوني بالجنابي وصل وصل=فلانسا بلادي والجبال المحزقله
لها حن قلبي مثل ما ينهم الجمل=متئ حن بالصحراء وظهره محمله
وحكامنا يا صاحبي صابهم شلل=ويلعنهم التاريخ لعنه مدبله
زحفنا من الثومه وعفن بنا البصل=ونص المكاتب بالحكومه مقفله
مكان النمر ياذاك قد بدلوا ثعل=وحطوا مكان اليعزفاني بسُحله
سبب كل من يا صاحب الداعري حصل=سبب نذل من كانه له الرمز سنبله
وانا وابن بوش البارحه بت في جدل=وسينا لقا عالي ولجنه مشكله
شتمته وراجعني وقال العرب همل=وضلي يقرب لي قهاوي مجلجله
وحراس له من شافهم شاهد الاجل=وسينا لهم يا ذاك مهره وبهذله
وقال التراضي والتفاهم علئ الاقل=فما جيت من شانه منصر سنقبله
وقلنا له استعماركم بارضنا ملل=تروح وتذرف با لجيوش المعضله
ضحك وابتسم والدمع من مقلته همل=نهد واعتذر عن كل ما قال يعمله
ندم واعترف لي قال يالفارس البطل=ولد بوش يابو صالح الجيد جلله
وما غير جينا نعمر الارض بالفلل=ومن كان عاصي بالقياده بنسحله
وسينا لكم سمعه وسينا لكم ثقل=ونذل القياده يا صديقي نثقله
لمه لاتعارضني وقد وافقت دول= علئ راينا الصارم ولقلام سجله
وقلنا عسى ياخالق الكون في عجل=وما غيرك انته في هلاكه تعجله
كتبنا وجاوبنا علئ كامل الخصل=وعفوك عسى لاشي تفصر يكمله
ومحزاتك الجمعه كما قلت لي عذل=مع اخوانها السته جميله مفضله
وانا احزيك يالبداع جاوب بلا كسل=عزب بنت لا عذرئ ولا قول ارمله
فمحزاتنا شرعيه وبازل بها احتمل=وحرف اسمها لول كما حرف مكمله
وصلوا عدد ما لاح نور القمر وهل=وما صلت الحجاج ظماً وسربله
علئ المصطفى المختار والآل مكتمل=شفيعاً لنا في يوم حاير ومطوله[/QUOTE][/QUOTE]

المحبوش
26, 3, 2008, 03:47 AM
بسم الله الرحمان الرحيم
كلمات الشاعر الكبير محمد صالح حسين عويضان ابو محسن
مرسل لشاعر منصر صالح منصر الداعري ابو صالح

يالله ادعوك يامن فوق كونك مراقب= مكتفل رزقنا واعمالنا والرقابه
اطلبك كل لحضه يا عظيم المراتب= الدعا مننا يالله ومنك الاجابه
انت شاني وحسبي وانت لي خير صاحب= والموانس بساعات الهنا والكئابه
اقبل العذر شف عبدك علئ الباب تائب= ياكريم العطى يا من نشيت السحابه
قال ابو فضل بشكي نوم لعيان هارب= طول ليلي وجوفي زاد فيه التهابه
من هموم الزمن لانه معاكس وخائب= من صدق فيه بيشل التعب والغلابه
وانت يا مرسلي لا الوضع عندك مناسب= دون تاخير شف خطي جهز بالكتابه
انشد الداعري ذي سار له وقت غايب= دونما ادري ولا اعلم ويش سبت غيابه
قل سلامين له ما شن مزن السحائب= واكمل الارض والسيل احتمل من شعابه
شل للداعري منا جماعه مضارب= واخوته خصهم كلن يحصل حسابه
قل لخو مدين ان الوقت كله عجائب= ربما صار ذي ماكنت حاسب حسابه
وان تخبر علينا قله له الذكر واجب= ويش ذي بعده عنا وغير خطابه
لا وثن بيننا يفصل ولا شي شعايب =عادنا محتفظ له بالصله والغرابه
وين جا هاجسه مولئ الحكم والمواهب= يجلي الشك يكشف ذي معه في جرابه
ان قد اثبت لنا الهاجس وحقق تجارب =الف مره علئ هاجس منصر حجابه
وان حصل حسبما قالوه بعض الاقارب= ان ذا هاجسه مرهون والا سلابه
يهتري به وقال انه مدرب ولاعب= له حراسات لا يسمح لحد باقترابه
حد بنابه فتل فيهم وحد بالمخالب= والمحابيش يمكن يحنبوا به حنابه
ذا خرج فصل والثاني علوم العصائب= والقبائل نبا يشرح لنا من جنابه
قالوا ان البشر ما بين رافض وراغب= عند مخلوق حدد نسبته وانتسابه
يا منصر كفا لا تتركوا الحد سائب= او تسيبوا علاة الداعري والصلابه
انصح الناس كلاً في طريقه يحاسب= من نصح شخص بالدنيا يحصل ثوابه
الافاعي معانا جاثمه والعقارب= بالطرق من لسعته بالقدم يا شيابه
وقتنا ينقصوا لصحاب وقت النوائب= ما يفيدو احد من صابه السهم صابه
ذا وسامحت ابو محسن شف الرأس شايب= ما استوئ منطق الشيبه وذي في شبابه
والف صلوا عدد ما بيت المزن ساكب= او عدد ماقرئ قاري ورتّل كتابه
او عدد ما يهز الفوج من كل جانب= ياصلاتي علئ طه النبي والصحابه
كلمات الشاعر منصر صالح منصر الداعري ابو صالح
جواب علئ الشاعر الكبير محمد صالح حسين عويضان ابو محسن

يالله ادعوك سالك حد مني وحاجب = شر من كان ظالم رد نحره صوابه
معجزاتك عظيمه ماء ومن طين لازب = خالق الامر آدم كونه من ترابه
بك توكل منصر يا منير الكواكب = واعبدك واستعينك ساجداً وانتصابه
داعري قبيلتنا من دعانا نجاوب = حق وان كان باطل كل شي له جوابه
قبيله داعريه صوت فيها ولاجب = من تعدئ حدوده مننا يا عذابه
قبيلتنا عريقه مثل حاشد ومأرب = عادنا بالشجاعه فوقهم والصلابه
شيخنا بالقبيله مثل ما بو شوارب = لا دخل اي سمره تنشرح به وطابه
هاجسي والحليله ترجماني وكاتب = ناغم انغام نغمك وين صوت الربابه
سمعوا لي محمد ذي وصلني معاتب = ليت ونه تمهل قبل ما ارسل كتابه
بن عويضان صالح جاء من الشر هارب = الف حيا وسهلا به كبير العصابه
الف حيا وسهلا ما اصبح الواد شارب = وارتوئ كل فرعي قبل موسم صرابه
كنت ناظر لغيره واصبح العكس والب = ليلة القدر زفت به محمد وجابه
مثل مجعز وصلني جا يملي محالب = ويش غير محمد من منصر وصابه
والحياه التعيسه في زمنا تجارب = غصب غصبا طرحنا دار حيد الصلابه
ان طرحنا غلطنا وانت ماذا نخاطب = وين ذي كان سابق يرتدي بك حبابه
والمشاكل سهاله من غلط باي حاسب = لاتراجم نماري وانت دارك خرابه
لا مطر يوم ماطر تنذري كل صالب = وانسكر ملفي ذي بقعر النيابه
كان سابق معانا الف راعي وحاطب = واصبح اليوم ثاني يحلبونا حلابه
والمثل قال لول في مغالب وغالب = واتخرب عصيده يا محمد ذبابه
وانت يا من بخطي ليلة الغد ذاهب = من توكل توسل له سلب في ذهابه
مروحك بالهدايا دار معمور ناصب = عند ابو فضل خيّم لك ورشرش ثيابه
قل لبو فضل ودي باتنير الكهارب = بس عاد السوافع والحدا يا لوابه
واعرف اني مدرب يا محمد ولاعب = هاجسي قعر راسي ما استلبته سلابه
وانت خليك واقف لاتضلي مشاغب = مر وقتك وعادك بالاذا والشغابه
والمحابيش والله نار مكريب لاهب = وانت ما قلت كاذب يحنبوا بي حنابه
كنت تلميذ شاطر عند يوسف وطالب = واصبح اليوم رامي بحرم الليث نابه
زغردين الحوالي حاليات الخواضب = لي وابيات شعري خضبينه خضابه
والف من قلب خاشع يا محمد وراطب = صل واكثر صلاتك عالنبي والصحابه[/QUOTE][/QUOTE][/QUOTE]

المحبوش
26, 3, 2008, 03:50 AM
كما وعدناكم هانحن نضع بين ايديكم البدع
من الشاعر الكبير والقدير الاخ العزيز / منصر صالح الداعري


الداعري قال من مدرسة ابو فارس=من مدرسة يوسف المحبوش وتراسه
من عين رامي تصيب الطاير النامس=بنسي لذاك النصع بالحيد فحساسه
انا بتاج المسيره والادب لابس=شليت تاج المسيره بعد هنداسه
دارس قوانين شعري والادب دارس=وحط محبوش خلفي وانتزع فاسه
ماانته سهاله بسيطه ايه الناعس=وقامتك فوت زايد فوت لاقتاسه
ما باتوقف امامي يوم من مارس=يا كوز مركوز يا تفاح مختاسه
نحنا ونحنا ونحنا الشامخ الطاحس=وحنا شوامخ رفيعه سود طحاسه
كنا وعانا ودايم للبلا داعس=ما نخضع الا لخالق شمس شماسه
ولا بنا مفتري كلا ولا دامس=والف عامل معانا والف دحاسه
واحنا وعانا ولا زلنا مع الهاجس=نبني ونعمر مباني دور فحاسه
ها بعد ذلحين يالهاجس معي قايس=وهجم علئ من ثلاثه فوت مقياسه
وبعد قم يا رسولي واقرع الفاحس=رعني برئ الديك زيد في تهنجاسه
وقصد بن احمد صديق الفاشل الطاحس=واستأسره ون تعصي حش لي راسه
قد لا مطالب يطالب به ولا حارس=ومن تنكر بدولاراتنا واسه
وقل لمحبوش عاني للبلاء عاطس=ما بقنع الا متئ دمرت وسواسه
لا يحلم احلام في بطن الدفاء دافس=مليت مليت قله من تنقواسه
ما عاصي الا وراسه مننا حاقس=وانا صبر مر علقم صعب لحاسه
مالي من اقوال متربص قده طافس=قد تاج قاسم معيا لا ولا كأسه
هذا خرج فصل واحد واعقبه يابس=اليابس اخضر ولخضر زاد يباسه
كني برئ الوقت ضدي والزمن عاكس=شربني الوقت علقم مر في كأه
امسيت محبوس في غربه بلا حابس=الحابس الي طردني واحتضن ناسه
والست ذي كنت بتباهي بهن ناكس=اتنكسين العذاري خس نكاسه
مالي درئ كيف نتقوي وبا نافس=ما باينافس نفر قد ماتت انفاسه
ولا هنا قال ذي هو بالادب حاسس=يسكت وينطق وهو في كامل احساسه
واعطيك مهله بردك لاول الخامس=والفوز يحرم عليك اقنع بلقاسه
ولا تجيني ورأسك منحني ناكس=من بعدما شفت ابوصالح وفي بأسه
ختامها بالنبي بايختم الفارس=صفوت عباده حبيب الله في ناسه
وجواب الشاعر / احمد القعيطي

قال القعيطي تحلى يا دجى دامس=يا درّت الكون يا المرجان والماسة
يا من على أطراف بحر ألؤلؤة جالس=يهديكم أبن القعيطي كل أحساسة
تمرة وجمرة تجاري بردي القارس=بين المقاييس قسناها بمقياسة
ثلثين في ربع والخامس مع السادس=من طرف لقدام لما قبعت رأسة
اليد باليد والحارس مع الحارس=وراعي الإبل دقت معظم أجراسه
من بعد تهديد جاني تاليت مارس = من شخص فاشل يظلي يا تنقواسه
معفوس عفسه ظهر في وجهة العابس=يحمل بلكتاف شفراته مع فأسه
سرى بليلاه وأحكم معركة داحس=طرد محبيه من ظلمة ومن يأسه
جاهل مسقوع غبي أمي ولا دارس = قد بعرفه والكنم مليان في رأسه
دارس طلاسم ويتفلسف وانا حاسس= وأي معهد منُحكم كرس هنداسه
وتدعون الأدب يا مصطفى طافس=ونحن ساس الأدب وناس حساسة
ولا تهدد اسود الغاب وتعامس= وقعت بين النماره جد محواسه
كنتم وكنتم كلامك صحي الناعس= وتنتفون الشجر والبن من ساسه
ضحكتني يا ولد صالح وبي فاحس= علا ألعماله لضرب الطار والطاسه
والبحر يا داعري يحتاج له غاطس=مش كل من يدخلون البحر غطاسه
وأنا على العر شامخ عادنا فارس=بآجرعه مر علقم من وسط كأسه
وأحمد بن احمد بدرع المعركة لأبس=ومن تعدى حدوده بكتم انفاسه
بطل من الهرج يمكن بك مرض سارس=معدي وعندي علاجه بتر لك رأسه
قد كنت طيب وخلك في بلد رأيس=وبوش لرعن كفايه خربوا الساسه
كم بآتجادل رجل بارز ومتجانس = علمكم النت من ساسه الى راسه
شبهتني ديك وانته يا رجل فارس= بتطيع نفسك لأن النفس وسواسه
من وادي البن لما منطقة قارس=نكست كمن معصر وأنحى رأسة
شاعر محنك لي التحليل والهاجس=بفلسس الخصم مثل المرو فلساسة
بمشي على خط طولي والقدم داعس=والداعري كم يظلي يا تجساسه
ما هل حيا لهل داعر لا اعفسك عافس= واتكره اليوم وأتفقد به إحساسه
واربطك جنب ديمه وانفيك آنس = حتى ولو جاك ربعّك صعب خلاسه
شحنوط قرطوط مثل ألعودي اليابس=بعود كبريت يصبح فاقدي نأسه
هذا خرج فصل والثاني معي الهاجس=حامي بيلهب لهيب انقوس بسباسه
وحول محبوش لا تذكر ملك فارس= وقيصر الروم في جاهه ومقياسه
والست ذي قلت عنها جا لها الخايس=وخيس الست واصبحنا بمخياسه
والله اسف بالاسف وضع اليمن يائس=ميئوس منه كما الطاسه طرمباسه
هذا جوابي وشعري غصب متجانس=أظن لبيات موزونة ومقتاسه
والختم صلوا على احمد ما درس دارس=وإعداد ما النوب تجني الزهر وأولاسة

المحبوش
26, 3, 2008, 03:52 AM
كلمات الشاعر منصر صالح الداعري ابو صالح
مرسله لشاعر عبدالسلام صالح موسئ الدُبيشي ابو صالح
وكان البدع في شهر مارس عام 2005

كريم رحمن يا من تفرج الياسئ=سالك بطه هموم الداعري نسه
واجعل اموري يسيره ما بها دقسئ=وجعل لبو نور داخل جنتك دقسه
انا احمدك حمد عد الخضر واليبسئ=واعداد ما تزهر الزهره وما خسه
وبعد ذلحين يالهاجس معي درسئ=فصح شاعر غزاه النوم والنعسه
داخل كريتر ترسئ وطخ المرسئ=رسئ بداخل عدن حيف التجر رسه
ومن نيويورك صباح الساعه الخمسئ=بشهر مارس بعام الفين والخمسه
يا عازم اعزم توكل واكترس كرسئ=قادر مع الميج والميراج ابو فطسه
لا عند عبده تمجلس لك معه وامسئ=والف مني تحيه له وابو هسه
سلم علئ خير شاعر صابه النعسئ=واجلس معه جلسة العقّال بالجلسه
وان حد معه كان رشرش بدلته مكسئ=ومال خاله رسولي عطره واكسه
واخبار واعلام قله كلها نكسئ=ماشي معي حلو غير المُر والنكسه
وان شي معك علم خابرني ولا تنسئ=قد مرة اعوام ما وحينا لكم هجسه
ما باك ترحم وما با خاطرك يقسئ=كن معتدل بس نحو المحترم قسه
ما الداعري قال نعرف لهجة *****ئ=وتسع لهجات حافظها مع درسه
وبالادب دار عالي مرتفع شكسئ=مصيت سم الحنش بالامس من ضرسه
ثعبان يوسف ولكن داخل الحبسئ=كلّف منصر بن المحبوش عن حبسه
عاده مدين ومن له دين ما ينسئ=قله يقضي ديونه يحترم نفسه
كديت له بدع سابق دين بالفكسئ=وامساء بحاله ومنه ما رئي طسه
وشي خبر زين يفرح خاطر النفسئ=من بعد غيبه طويله والزمن لهسه
قالوا عدن بالتطور مثل ما النمسئ=ورمزنا الخيل قالوا زحزح الشمسه
اما البير عندنا قالو لنا يبسئ=من بعد مشروع طالع زاده اليبسه
والكهربه ولعه باليله العمسئ=فصّل لنا اخبار وادينا ولا تنسه
هالا هنا قال ابو صالح وما يقسئ=عاد ابن موسئ يسوي للجبل فقسه
وان ما معه مقدره بليله الطمسئ=عسى عسى طول عمره ما يري طمسه
والف صلوا علئ من جاء ورا عيسئ=شفيعنا يوم لا شرده ولا طحسه
جواب الشاعر عبدالسلام صالح موسى الدبيشي

يا من بك الليل جاء بعد النهار امسئ=وعالماً كل ما في خاطري جسه
انا احمدك انت يامن ترفع الباسئ=حمداً عدة كل ماريح الصباء نسه
وبعد ياهاجسي لبيك بن موسئ=بانطرح اركان وتعناك بالفحسه
قدك مجرب بضرب السيف والفاسئ=بلايمن السيف واليسرئ بها الترسه
ياهاجسي غن وانته رافع الراسئ=خذلك من الناجحه لا تقرب القعسه
حيا في الداعري ع العين والراسئ=من بعد غيبه نسينا من علئ حسه
وصل رسولك ودك الثور والتيسئ=سينا عزومه وسوينا بها رفسه
يملاء عدن كلها مينا مع المرسئ=مع كريتر ويملاء الشيخ والكبسه
والعطر زدناه ونقير له البسا=من عطر بن موسئ الشاعر ومن لبسه
برسل جوابي لبو صالح علئ الفكسا=شل السوابق ويتقصي علئ الغرسه
بارد له بالجعيدي وزن بالكاسئ=من ميد يتراجع البداع من ياسه
واهده سلامي عليه اعشار واخماسئ=حتئ ولا قال لي ان ما معي لحسه
واخبار واعلام قله ماحدا ينسئ=يالله حمدناك يا ماكل ويا جلسه
والقات ما ناكل الا قات من عنسا=ما نأكل الربطه الي بيته وامسه
والوقت ياصاحبي يمشي في العكسا=واحد في الخط والثاني يجي عكسه
والمحترم طعفر الدولار والسنسئ=عشاه الفين وخرج بعدها خمسه
عجي المشايخ في الفكفاك والخلسئ=كم هيه عقد ما بتصعب عنده الخلسه
حتئ ولا البدع ذي سويك له درسئ=وفوق ذا قلك لازم يحترم نفسه
واليوم يا شاعر ابصم لك في الخمسئ=حب الذره بي فزع لا ترجع الشرسه
اما البير اصبحه كلاتهن يبسئ=والطين ذي تزرع البنه بها ورسه
عمري ثلاثين لا بحقد ولا بعسئ=شعار جتنا عدد من لعشره خمسه
واعذر في اقوال مانا منوي اتاسئ=وابيات ما ضنها تخطر علئ حسه
عندي عدن من نيويورك خير والنمسئ=واندنوسيه او لندن ومباسه
صلوا علئ من عرج للعرش والقدسئ=سبحان ربي الذي اسراه الئ قدسه

المحبوش
26, 3, 2008, 03:55 AM
تفضل ابوصالح اكمل البقيه
وتقبل تحياتي

الداعري
28, 3, 2008, 03:15 AM
شكراً جزيلا للاخوه الكرام القائمين على ادارة نادي يافع

لاتاحتهم هذا الفرصه بافتتاح ديوان لكل شاعر من شعراء النادي

وقد سرني بتخصيص ديوان خاص بي

فتقبلوا جميعا تحياتي وتقدير اخيكم منصر صالح منصر الداعري

الداعري
28, 3, 2008, 03:58 AM
قصده من كلمات الشاعر منصر صالح الداعري ابو صالح
في عام 2004م
مرسله الى الشاعر الكبير يوسف محمد عمر المحترم ابو حافظ

الداعري قال ما بسكت ولا تفرج=ولا نسوي علئ باب الادب معلاج
رحنا نفلج وما في عمرنا نفلج=والمحترم كم وياكم سيت له فلاج
ياكم تلجلج وياكم من حمانا طج=طججت يوسف قفا ما سيت له طناج
وزين بن زين من روس الجبا درج=درج بيوسف محمد بذكا دراج
نهار ما قال شل التاج وتوج=ماهل بتاج المشاكل توجك تواج
لن تاج قاسم ثقيل الوزن با تشهج=ولا محمد يوافق لك علئ الدجداج
عاد ابن قاسم مخبي لك صميل اعوج=صميل جاسر مخبي سيع ما الملباج
وانته سرا اليل يالهاجس معيا احتج=ورتب ابيات ذي لنقد ما تحتاج
وتعب المحترم يوسف بها يفهج=ما عاد رحمه ليوسف فهجه فهاج
مهما يبالق ومهما قال ما يرتج=عندي صواريخ جويه مع الميراج
من فوق مزن المثاير بسما تزخج=بتصوب اهداف بتسي للبشر حراج
وبعد ذلحين ياعازم بذا المنهج=قادر مع الميج صبح الخير من لبراج
لما حطيب القعيطي ذي لها نشهج=وصل كتاب المهاجر ذي ورئ لمواج
واسئل علئ بن محمد وين يتفوج=وسلمه خط ابو صالح بدون احراج
والف مني تحيه للفتا تزخج=للمحترم ذي بنتمني معه لدماج
وعطر مخصوص من باريس جا منتج=من صنع ذا العام ذي عاده صدر لنتاج
واخبار واعلام قل كم ناس ذي تحرج=عاد العواصف بتعصف والسما هزاج
باندعي الله يا يوسف عسا تفرج=ما قيره الله ذي بان اطلبه لفراج
قد ما عرفنا من الطيب ومن لخرج=ولا عرفنا متئ با يصبح الخراج
خراجنا من نيو يورك بابشع المخرج=من ما ترحل رضا ما عذر من كرباج
هذا وبا الابن يهنا له ولا شرج=لن الكروش الكبيره سي لهم دحراج
وفصل ثاني علئ بن زين ذي سرج=سوي لبو هند ساعت ما هجم رجراج
يهنا لبن زين ولع والسما لعمج=والحمري اصبح مثلج بالوعا ثلاج
ماهل الابه معانا ناس تتلجلج=يعارضون الفتا ذي سي لهم زحاج
ذي واطي الحيد يشتي يعتلي مدرج=وذي في اعلاه يشتي يرتمي مدراج
هذا وبا قول للي به لجب واصنج=ان زين بن زين صنج بابكم صناج
ولا هنا قال ابو صالح فتح واعلج=ومن تلجلج درج لا داخل المدراج
هذا وصلو علئ طه عدد ما اهزج=واعداد ما زارو الكعبه من الحجاج

جواب الشاعر الكبير يوسف محمد عمر المحترم ابو حافظ
على الشاعر منصر صالح منصر الداعري ابو صالح

يا مرحبا الاف يملا بحر ما يخمج=ذي مر فرعون به ويحرجه حراج
يوازن الدار ذي راسه بنتفوج=عشرين مليون للسباك والملاج
والهاجس اقبل وعارض وانتقد واحتج=وقال ماشي بحسّب للسيوف العاج
زعق بصوته وقوم ذي على الهودج=كانه معي بوش ولّد واخدجين اخداج
وانا وياته معاهل باقي الملبج=واديت عدت وساطه سي لهم كرباج
كلن شرد من عيونه يوم تتدحرج=مثل النمر لا هجم سي للغنم فرواج
وقلت له يا حسين الوصف لا تحتج=ما عذر ما يعرف الصدقي من الزفاج
زعل بنا يا منصر عود با نفسج=خليت قلبي بيعلق مثل حوم الصاج
واحذرك لا تصدق كل من هربج=ولا تشجع ثعل يهجم علئ لمداج
والشخص ذي قلت لي بيده صميل اعوج=مسحوب منه وما تسلم من العسلاج
انسان شيبه فلا احقد حل ما اتزوج=من خفه العقل راسه رنجه رناج
عقلك وعقله سوئ كلن بيتبزوج=كما جمل سابعه يهدر ويا خنجاج
كديت لي عطر عرفه مثلما الخرفج=وتاجره ما نفق له هبجّه هبّاج
با سامح الداعري حتئ ولا اتلجلج=ذي سي لنا من عروق الحبحبي ملباج
لاقلت بافالجه مابه سخا يفلج=ذي لابني ركن ديمه عنوجه عنواج
وزين بن زين من مدرستي اتخرج=دكتور بيخرج العله بلا مناج
وراعي الضان كم رعي وكم دهج=وقال ما يدفع الفُقله قفا الدهاج
واخبار يافع علينا ماء الشفه زلج=والوادي اصلاب لا صارب ولا حشاج
والقبيله من حمي لا بد ما يسفج=با يقبلونه من السلطه صيع وامزاج
والجيم حرفه عجي خلي الاسد يضعج=من عدم لركان هضوجنا البناء هضواج
واحزيك من بكرتن بتبج لجوا بج=ما حد بيسمع لها دحقه ولا فنداج
ما حد يريها بجنب الباب لا اتصنج=وان كان مفتوح بتسبب قليل ازعاج
والمحترم جاوبك ومن زحف رتج=واندعي الله يكرمنا بما ثجّاج
[/QUOTE][/QUOTE][/QUOTE]

الداعري
28, 3, 2008, 05:33 AM
بدع من كلمات
الشاعر عبدالله عثمان قاسم الداعري ابو علي
مرسله للشاعر منصر صالح الداعري ابو صالح
قبل سنه من ايام لنتخابات الرئاسيه


نبدع بذي عالم بما لا نعلم =يا سعد مسلم ملتزم في اسلامه
صلئ وحجا وارتوئ من زمزم=وادى التحيه واعتكف في صيامه
يارب انا سالك لعبدك ترحم=وجعل بنات الحور له قدامه
لان باقي ايام ونه سلم =من باطل الوقت الشقي وايامه
حنيت لارضي مثل حنة لشرم=ذي يخزن الماء ايام في سنامه
او مثل رامي لا قعد وتهمهم=ومد ابو ناظور علىدعامه
او مثل حاج البيت لنوي واحرم=وحج ثم عاد بالسلامه
لني بري شعب اليمن قد صمم=يختار جلاده الئ الزعامه
ياناس كم بي خوف يمكن يندم =في يوم ما تنفع به الندامه
حكامنا ما منهم الا الهم=ورئيسنا ما هل معه كلامه
لا حصّل الكرسي مع بايهتم=والشعب بايرميه بالقمامه
الشعب طول الوقت ناسي مُعجم =يمشي كما الجاهل ورئ حكامه
منذو سنة ستين اخرس وابكم=ولا تكلم كسروا عظامه
لي ظن با يرتاح لابوش اسلم=ولا اصبحه له كنزريس مامه
ياكنزريس شعبنا بش مغرم=سبحان من سواش كالنعامه
وخاص من يوم قلتي له بم=وعطيشنا في قدسنا ظلامه
والان ياعازم بظهر الادهم =قم شد سرجه واحجز اللجامه
من عند ابو اسماعيل سر لا تهتم=وشل خطي من قمم تهامه
وسلمه يد الزميل ابن العم=ذي زاد في قلبي له احترامه
ذي من قبيله دايماً ما تشتم=اهل الوفاء والعز والشهامه
لاكن شمل ابناها ماشي التم=عايش بغربه ما قضي مرامه
تجمعوا في منطقه باتهدم=بتصير مقتاله لك السلامه
بلغ سلامي له عدد ما يدهم=سيل الخلاء وشل ذي قدامه
واهده منصر عطر طيب بالشم=ورش دسماله مع العمامه
قل له ابو اسماعيل فيكم مهتم=لنه بيحسبكم عيال اعمامه
وحذره قل لا يساير لجذم=بي خوف لا يعديه من جذامه
لا يصحب الا ذي كلامه بلسم=ذي بالمجالس يعجبك كلامه
في المدارس والكليات اتعلم=ما هو كما ذي ما دخل معلامه
من جور ما بيسيه فينا لعشم=اعيان ابو اسماعيل ماشي نامه
وين الرجال اللي يسون المحزم=بشوف كلاً قد طرح جزامه
شي بايعيدون الذي قد اتهدم=والعيف منا يعلنون اعدامه
ذي يدفعونه دايماً للفندم=يعطوه للمسكين واليتامه
وبانرّفع كل ما قد اترزم=وبا نسي علىالمعتدي غرامه
شف كل ما قلته به انته ملزم=تقّرب اصحابك كبار الهامه
ذي وقعوا السجل المعمد بالدم=ويومها قلنا جت القيامه
من يومها وشورهم قد اتشرذم=كلاً تخلي عن صحيح ابهامه
ذي ما يفكر قبل ما يتندم =آخرتها بايحمل الملامه
هذا كلام المولعي ذي نظم=والسعي بالمعروف هو نظامه
باقولها طول الزمن واتكلم=مهما يقولوا عني النمامه
وبو علي في ذكر طه ختم=ذي حطّم الكفار ودك ارضامه
لان ذكر طه دايماً يجلي الهم=صلوا علئ المختار يالنشامه
جواب الشاعر منصر صالح الداعري

نبدع بمن اكرم علينا وانعم=وباسط النعمه لنا باانعامه
هو من بسري والنوايا يفهم=وما بسره ما معي علامه
سالك بطه يالكريم الاعظم=حقق لعبدك ما نوي او رامه
ولي رجاء يامن ولد بن مريم=نطقّت وآدم جبت من عدامه
فلا تسلط لي معادي وظلم=واخرس لسانه من كثر نمنامه
وعُد بنا لارض اليمن نتنعم=يفديه ابو صالح بدم اعظامه
ذي لا ذكرته جوف قلبي ورم=لا قلب يسلاء والمُقل ما نامه
وبعد حيا ما رعد واتزرجم=وازن جبل يافع سيل واعرامه
حيا بعبدالله صديقي الاقدم=والثور لقرن بدسعه قُدامه
زاور منصر وامتدح وتهنجم=بحرف واضح جاء حسين انقامه
هو قال ما عنده وانا بتكلم=قد لا بنا كبره ولا برطامه
ومن دروس الوقت با نتعلم=ما يفهم القاري بلا معلامه
هذا وحول المرتبه والمزعم=عبده بيتطاول علئ زعامه
لا ما علي كان اليمن قد قسّم=وكان رحنا والكدم قسامه
واليوم حذرك والحذر تتوهم=كمن قلبك والكبد وهّامه
واحذر تبرطم لي مع من برطم=وشعبنا هو منتخب حكامه
مقراطيه مقراطيه وان تحلم=كمن شنب عاصي قتل بحلامه
مانا مع الوحده ولا بتندم=وكل ما قاله علي قدامه
وان شي بنا حاكم حكم وتحكم=قد با ترئ النغمه تزيل انعامه
نسيت حزبك بالزمان الاقدم=ذي رجّع الاسياد له خُدامه
كم لك بشر ذبّح وكم ذي قرم=وكان يذبح من ركع او صامه
واليوم ساسه والجدار اتهدم=دنيا غروره ما لحد شي دامه
وحول ما قلته متئ بوش اسلم=نرتاح من هم الزمن وايامه
من عقل والا بالرُياء لا تحلم=والا تفجّر بالرُياء صمامه
ما دام واحنا له هتفنا ولكم=نصبر علئ صرواع من دلكامه
وحالي الخد الزكي والمبسم=ذي لا مشت تمشي كما الحمامه
دايم وهي عند العرب تتشمم=اتت لنا كالبكره الشمّامه
من مالنا يا كم وكم ذي تلهم=من بعدها رُكبه لنا ما قامه
وشُل راضي مرتضي او مرقم =وعاد حسني تظلمه بااهرامه
ومن يعارضها ومن بايجزم=واسحاق نص الشام قالت شامه
وبعد يا عازم صباح اتقدم=وشل ما الشاعر نظم بااقلامه
مع حماحم ورد عاده حمحم=لشاعر الوادي طويل القامه
وقل لعبدالله كذب او هذرم=يقول ما النيه نوت او رامه
ترحم مقاتيله بسيفه لشرم=جيوش عنده لا دعا دهامه
هدم مدن بقعا وحاصر واعدم=كمن شنب عاصي قتل بااسهامه
فبعد يالهاجس تأنه واهتم=رعني برئ الشاعر كبر مشيامه
حذّر منصر لا يساير لجذم=خايف على بو حسين من جذامه
من دون لا حدد لنا من لعشم=امسا يراجم بو علئ مرجامه
وفوق ذا عاده كذب واتّرجم=ولقّب اصحابي بشر نمامه
وانا اعرف اصحابي رجاجيل الدم=رجال وانعم للبلا دهامه
تشهد لهم حاشد ومبنئ تنحم=مع جراملهم ابو دلغامه
مدري لمه عبده عليهم فرم=فرم عليهم بو علي فرامه
يا بو علي شف من لطم بايلطم=ومن غلط ما عُذر من ندامه
ومن ذلح عيفه ندم واتلوم=واصغر صغير السن عبده لامه
وحول ما قلته منصر ملزم=يقرّب اصحابه كبار الهامه
يدي ويدك والبناء يترمم=لو كان لك نيه علئ رمامه
ما ودي الا شورهم يتلملم=ضربه لمن بالارض حط القامه
وان كان لك نيه مع من لقّم=فكم وكم لك من قتل بالغامه
ومن يحاول بينهم يتشتم=حاضر ومستقبل وهم لمامه
وحسب ظني فيك والرب اعلم =تريد تقرقهم وسط دوامه
ولا هنا يا بو علي واتبسم=والرعد عاده محتضن زرجامه
فطاوع اصحابي ترئ با تندم=لو يصبح الوادي معك مرزامه
صبنا دعايم بو علي ذي دعم=بنار ما خليت له دعامه
والداعري في ذكر طه سلم=تالي نبي مسلم ظهر بااسلامه[/QUOTE]

الداعري
29, 3, 2008, 12:48 AM
بدع مُرسل من كلمات الشاعر منصر صالح منصر الداعري
الى الشاعر الكبير يوسف محمد عمر المحترم

كريم الكون تهلك كل غافل=علئ دينك وتنصر كل مشغول
وتفتح جنتك لي والمداخل=وتجعل باب حوم النار مقفول
ويا رب السماء مطره وسايل=ومخضر يمسي الواداي ومعمول
وماء صافي كرع مد المناهل=ويصبح من عميق الارض منشول
وزلزل بالحسد خير الزلازل=ويمسي من قلوب الناس مقسول
فقال الدارعري ضليت شاغل=ثلاثه ايام لي ساهر ومشغول
فيالهاجس معي سارع وعاجل=وخل المستمع حاير ومذهول
تفهن لك علئ يوسف بزاجل=كمن المحترم شيبه وشغلول
وابو مدعر متئ انوينا نقاتل=نجيب الخصم مستئسر ومقتول
وبسم القبيله خير القبائل=وبالسلطه لنا ضابط ومسئول
وجدي كان جنب الشيخ عاقل=وابو حافظ عن التاريخ مجهول
ورحنا من بدئ قطع المراحل=وصلنا مركنه في اول اسطول
فيا عازم شراب النار شاعل=وسيف الداعري جاهز ومسقول
بميج الطايره ترمي قنابل=علئ شيبه نفر عاجز ومعزول
تحاصر مسكنه لي والمداخل=فلا استسلم نجي من نار مشعول
وحذرت الفتئ من لا يحاول=يقع له مثل ما البصره وكابول
وقل له من بلاد الله واصل=ومن عند النمر واصل ومرسول
في السابق هدينا لك سنابل=ورسلنا ذره صافي ومنخول
وعطرنا ثيابك والكنابل=ومن بعد الجميل امسيت مدبول
وبن قاسم عوض ما هو بغافل=مخبي لك حجر درما وسحبول
وهو ذي للقب مالك وحاصل=من الوالد حصد يا خير محصول
علامتك معه ما با تعادل=ولكن مظلمك بعطيك مقبول
خرج ذا فصل والثاني مشاكل=وقلب الداعري ضابح ومعلول
مفارق ديرته والشعب كامل=وفارقنا بها شيبه ومخبول
وفارقنا بها قات المقايل=مع خير التتن والبن مسقول
وشوقنا لهتكات الكراول=متئ الجوكر سطح بالارض مجدول
عسئ المحبوش لي نشره وفاصل=عن اخبار الوطن يرسل علئ طول
كفئ قال الفتئ والرد عاجل=وما منك اتئ عراس مشلول
وصلنا لا هنا مد القوافل=ولغز المحترم حاهز ومحلول
فعبر الفكس تاتينا الرسائل=وترفض وقت ما بيكون مفصول
وصلو علئ النبي والال كامل=عدد ما ركعوا في شهر ايلول

جواب الشاعر الكبير يوسف محمد عمر المحترم
على الشاعر منصر صالح منصر الداعري

طلبنا ربناء رازق وكافل=عظيم الشان ذي له عرش محمول
ومن فضله نجد كل الفضايل=وارضه واسعه والخير مبذول
وعبده منتول وهوئ مناول=ولا يخفئ علئ الله كل ما قول
ويا عازم مكلف بارسايل=توكل سافر امريكا علئ طول
علئ العنوان لول لا تمايل=منصر قابله طيب وبهلول
اذا ناجالسه عامين كامل=اسيب جربتي جادس ومهمول
سلامي ما رعد فوق المخايل=علئ اخوته وذي عاده بهندول
نجم يوسف وماشي له دلايل=وسبر لي زعل من دون تفصول
ولا عندي قلط لاحظ وخايل=وبانحكم بقر ما نحكم اسخول
وصلني تمر من تمر النخايل=ورجع لك عنب مصتان مزلول
عجيبي ليش لصيت الفتايل=وقلت ايقطع الشيبه برئفول
بن التسعين ما يقدر يدابل=قده يمشي علئ ايديته ولرجول
ولاحد ساعده وابذل جعايل=معي له مشنقه من حبل مفتول
تعلمنا ونكشف غاز سايل=وبانشرف علئ ثروات بترول
وجدي كان وصفه مثل هايل=تاكد لاتسمي السيل شخلول
وبعض الناس بيطوف مكاحل=في الافره معه قرمه وطعبول
بحر الشمس كم قطوع مراحل=جلس باشعاب لا مندي ولافول
وحصل فايده اخر وسايل=قدك عارف وفيها لغز محلول
وجدي كان له عده وكايل=دخل لا الهند بيتاجر في اللول
وانا مصباح لي عده ذبايل=علئ المدكاه جنب الشيخ مشدول
ذكرت الوضع به طالع ونازل=ولا يلصا حطب والشخط مبلول
حكومه طيبه والحكم عادل=بتحضر وقت ما الامظلوم مقتول
وبجزع في طريقي والمحامل=ولا ابقئ من حدود الناس شتلول
كفايه يالهواجس والحلايل=شراب النار ماله اي مفعول
وانا باحزيك من عده بوازل=تعدوا باز واصبح شبه مقتول
عظيم الشان كم وحد فصايل=بيبصر حجم لعداء مثل لفلول
ونختمها بمن له وصف كامل=شفيع الناس يوم النار مشعول
[/QUOTE]

ابوبشار
29, 3, 2008, 02:21 AM
قصيده من كلمات الشاعر منصر صالح منصر الداعري
وهي مرسله للشاعر الكبير يوسف محمد المحبوش الملقب بالمحترم

(4)


الداعري قال بقتل لا نويت المد = مانا كما المحترم يخطي متئ مدة
ما له بظرب الرمايه والزمن يشهد = ماغير عصفور ذي نسمع قتل جدة
وجدي اوعال كم قتل وكم وسّد = يزكن علئ العين وان هي شاعفه كبدة
وبعد ذلحين يالهاجس بقات اجرد = قيّل مع الداعري من قات تلجعدة
رعني برى المحترم يوسف جرب نعدد = نهض بدهّول وصالح مكنّه لهدة
ما يدري ان عاد ناري بالكُرب توقد = ما با نشبشب كُرب والنار لا وعدة
عاد المراحل طويله من زحف رود = من ما يحب السهر بيفضّل الرقدة
ها وانت ذلحين يا عازم بخط اسود = ما دامها ارياح هزه والهوا بردة
لا عند يوسف محمد ذي شحف مبرد = ضدي وضد اهل داعر كلهم حدة
لو يسمع الليث سيدي او حسين احمد = ما تنقذة منهم شرطه ولا نجدة
فسلمه عطر غالي والسلام ازيّد = وخط شاعر مخضرم بلغه يدة
وباغت ازهار مخصوصه ودرزن ند = ومن معه كان حاضر سلمه وردة
فجُر مقعد مع يوسف وله مقعد = وان ما قتعد مد ابو كرسي علئ فردة
وقل ليوسف لمه ضدي غلط بالرد = يا ليت خطه وذاك الرد ما كدّة
ذكرت ذي كان جدك عندهم يسعد= كمن قبيلي تربّع يا فتى عندة
واليوم بعدة رجاجيل البلا تزهد = جانب بيافع وجانب في لوا صعدة
وحد بردفان متمركز وفي عنفد = وقعر سيئؤن كمن مفتري بعدة
والعاصمه سام لي فيها لواء وازيد = و اندنوسي به النخوة لنا ردة
من خلف ذي داخل امريكه لنا توجد = ونص ميتين ذي لندن لنا عدة
فكم وكم يا بن المحبوش ما تعتد= من مصر لا الصين لا لبنان لا جدة
وانته ثلاثين بعدك واعشرة باليد = ونجل قاسم عوض الشيخ والعمدة
ومن يعارض وناقد واعتصم واشتد = فراحت ايدة يابطها جبا خدة
يا محترم لا تخلي بن عوض يعتد = لا جا البلا ما تلاقي منه الشردة
هذا خرج فصل والثاني بحرف ابجد = بسأل عن اخبار يافع من ورئ مدة
يا محترم فصل اخبار البلد وازهد = وازهد لنا اخبار وادي زارع الكشدة
ذي لا ذكرته فؤادي حن وتنهدد = والمحترم صاحبي ما يعرف النهدة
ما قط يوسف تغرب او نشر وابعد = سالي بقرب الحبايب كلهم عندة
لا طف بي روح لا داخل عدن وارتد= ما حد كما المحترم سالي ولا بعدة
وانا كما الطير ذي لا هليمه غرد = والعين بالنوم من فرق الوطن صدة
ها لا هنا قال ابو صالح عسى بالرد = يصل كما البرق لا عندي مع الرعدة
ولغز يوسف وبازة بالحلق مشتد = لاكن عسى اقول سجعت من ظلم قفدة
وعاد انا احزيك من بازل ثميم ارمد= ثميم بكرة بيذلح فوقها جعدة
جماد عذراء وكم في جسمها يوجد= من خير سبحان ربي ذي رزق عبدة
واعداد ما ركّع الراكع وما يسجد = صلوا على مُرسل الرحمن لا لحدة
[align=center]وهذا جواب الشاعر الكبير يوسف محمد عمر المحبوش وبالملقب بالمحترم
على الشاعر منصر صالح منصر الداعري


يقول محبوش ليت الشور يتوحّد=واصوم شهرين ذوالحجه وذوالقعده
ياهاجسي هات لي قيفان واتوكد=جاوب على ذي ضرب بالبندق الخرده
وشيخ رعسه لمن كد الكُحل لثمد=لماظهر والثلاث المرو مقفوده
واليوم مجبور لاشاتمت ذي بفقد=من بعد ذلهرج ما هل باقي الهده
ونا ويات اهل داعر بالوفاء سرمد=لكن منّصر بقلبه جالسه عقده
لاما حيا لاهل داعر ذي معي مسند=باكد له طيب لي حدي وله حده
مابطّل الشطح كم حسّب وكم فّند=سبعين مشيام من شبظه ومن زهده
والبارحه بحسب اصحابي وبتفقد=طلع عددهم كما سكان هولنده
وحسب ماقلت يوسف سّرح المعيد=حلفت مامس وادي ماشبع ضمده
من سير ردفان سكه منكم وابرد=لوكان محبوش منّا مانشر وحده
واسكه من الحوب واسكه من ثمر يرهد=واخوه قد كان قال آيلحقه بعده
ماهل رُحم جدنا كل الطلب وجّد=مالداعري كان من يافع طفي صُعده
وسار جدي ويحلف له ويتعهد=وجاب كلمه وخلي الناس مسبوده
واطلق رصاص المخمس شيبه لمرد=من طال عُمره اوي واذنيه مسدوده
خسر مصاريف والمحجى بيتوقّد=الفين صُلعه ذُره بالسمن مكروده
ودين ثاني لحق مابعشي اتسدد=لازلت صابر ولابندم على الجوده
وحول بن قاسم اتوقف ويتبنّد=والجمعيه سجّله شعّار محدوده
لامدرسه ذي درس فيها ولامعهد=والقبيله ماتقابل ناس مهدوده
بتشجُعه يوم خاصمني ويتعنّد=ذي ماوصل للعنب شوّه بعنقوده
وابن العمودي جرح قلبي ويتعقّد=رشّح محمد ويبذل كل مجهوده
اشرت له ميت مره يالحليم ازهد=لاسير بقعه بعيده مقدر آقوده
مالمحترم لامشي بالليل مايلكد=باقابل الوفد واعرف ايش مقصوده
ماحد خُبر مثل يوسف للضيوف اركد=والثور عندي كما قرطاس ابو زبده
وتُبعتي مثلما المجريد لا عمّد=سعيد من كان مثلي تُبعته سُعده
وقت البلى مثل سيل العُرّ لا ورّد=لاسلّم الطين ماباتسلم الكده
محزاتك الهند في كل البلد يوجد=تعجبني اليابسه مابعوز الرخده
واحزيك من بكرتاً تعدم وتتهدد=ماجابها الله من فضله ومن جوده
كلاً خسر من قفاها ماحدا اتفود=خلّه قلوب الكثير اسود من السوده
واختم كلامي بربي من سمع شهّد=يغفر لنا يوم فيه الناس موعوده[/QUOTE]

الداعري
29, 3, 2008, 04:21 AM
قصده من كلمات الشاعر منصر صالح الداعري ابو صالح
مرسله الى الشاعر الكبير يوسف محمد عمر المحترم ابو حافظ

يقول بداع رامي داعري=باردد اشواق عاطفت الحنان
حنان محنون بالغربه سري=وبات سهران لا قرب الاذان
وقلت يالعين سري واسهري=ما دام والمحترم فك الامان
يخزن اقصان قات احمر طري=وانا بخزن من القات الكنان
وجس شهرين ينصع جوكري=وانا بساعه بجهز لمتحان
فيا الحليله امانه كفري=لا شي قلط لات جيبين الحسان
ما عاد عندي ليوسف جمبري=ما عندي الا صبر موت السان
هذا وقولي ليوسف وجهري=بالرد لول امانه وين كان
رسلت له من بخور الازهري=ورد لي به ملا صيني لبان
ما كان حاجه ليوسف يهتري=ولا يفتش علئ ذاك الزمان
لن ما قتل في زمانه طئري=ولا رقد يوم وحده في هجان
ولا تعلم ولا عمره قري=انسان شيبه قرب سن الجنان
وبعد يا ميج قومي طمري=مكتوب شاعر من امريكه اوان
شلي كتابي وجنبه خنجري=وباقت ازهور جنب العيلمان
فناولي المحترم بل خيري=الورد والا مذلغ بالخزان
وتخبري يالكبد واستفسري=هل صام يوسف وهل صلا ولان
ونما فيا نود صرصر وروري=بالمحترم لا مشارف كوكبان
ويا صواريخ روسي دمري=معسكر المحترم يوسف وكان
لي حق برمي ولي حق اهتري=ولو شطحنا لنا تاريخ بان
قد كان جدي امير العسكري=وكان يامر وهو فوق الحصان
وكان له جيش بارض الحميري=والا اسئل الشيخ لحمر او سنان
غزئ وقامر وعمر واشتري=استفتح ابواب بارض القيروان
وجدكم كان راعي بربري=وكان راعي قفئ معزه وضان
وكان بشعر شاعر عبقري=كم دون ابيات في يوم الهدان
ها وبن قاسم من اقولك بري=والفرق عشرين من يوم الختان
فله تحيه تصل في دفتري=من مجلس الامن من كوفي عنان
هذا وابو ريم ذي ما بع دري=يعرف بانه لي الدرع اليمان
وبكرت الغز هي خس الذري=ما حبها قير متربص جبان
ما يسلم الحر منها والبري=من يعشق الفتنه اتبهذل وهان
والف يا نفس صلي واكثري=علمصطفاء والحقي وتلي ثمان

جواب الشاعر الكبير يوسف محمد عمر المحترم ابو حافظ
على الشاعر منصر صالح منصر الداعري ابو صالح

يقول محبوش يا شمس اضهري=باشوف ذي كان عازب في يمان
بيحرش انسان عنده سكري=بيمر فوق المطايب والصحاب
بانتفق في علاه الداعري=وا يعرف اني بعقلي والزكان
مابي فزع ياحبال اتوتري=ما قط ثعبان سابق يعزفان
ليش العجل ياحليله فكري=قاتي مجرد وقاته به افان
مابك سخا يا منصر سيري=بالعمر ما بيننا الا ثمان
بلعب معك بالشوارع والقري=ما تعرف الشيب انه معدوان
ياهاجسي كنه الشاعر ضري=فلفل وبسباس زيد له وكان
لا زلت مرتاح سالي خاطري=ما يصلح النوم بين الخيضعان
بدون ما اقصد بشعري داعري=وان اسال الله يصلح كل شان
بقصد منصر ذي تحدث واهتري=امي وعندي شهاده ترجمان
صامت وما حد بيسمع مزقري=ومعترف بالحكومه واللجان
لاشي خطا كنت بطرح مصدري=الساح لعلي وسبعه بالبطان
فكيت موضوع يا ابن الداعري=لا مقدره عندط ولا شاعرت جان
بيشيب راسه من جزع في مهذري=ياليت ابو صالح حضر بالمهرجان
صاروخك ابعد حجر من مجدري=ما حد سمع صوته ولا عاكور بان
يا عين نامي والحذر شي تحذري=صعيب منهاتن علئ حاكم عمان
اما سؤالك يا بتول الخيبري=ما با اقبله وانت تكره طالبان
تاريخ جدك كل واحد به دري=عاد الكتالي يناعب والجبان
وجدكم كان مثل الهرهري=بيتعبه شل لحمال الرزان
با يشهد الصنبحي والعامري=ما غير عرضه جراعه برطقان
ما جدي انه مشير الجهوري=يحضر معه حل قلاب الوزان
يقول لا مزع زانه ميزري=ثلاثه امتار تدخل بالمتان
واسال من الوقت لول ذي جري=شي سير ردفان ولا معربان
دسمال جدي فوق راسه بندري=واهل القعيطي رصيده والضمان
لا صيح ما عاد يبقئ صيفري=من ريو لا حيق لا رهوه حلان
ياكم بيحضر بالمجالس والغري=وابن النقيب لا حنب فيه استعان
جدي سكن دار ما به بيضري=جدي تطور قبل تطوير انجلان
وحول ابو ريم عارض محضري=لا زال بيده صعاد الخوزران
قال الكبيده ولودر لودري=والحبل عاده بيدي والشطان
وعادني احزيك يابن الداعري=ياذي بتقنص من الوبر السمان
من باز ماحد دري به لا جري=وان سير سيره رويدا ما يبان
فلا حد ابصر وشاهد ذي اري=لاكن حنب ما قدر يردف طبان
صلو معي كل ما القاري قري=علئ النبي لا حلاله والمكان

الداعري
31, 3, 2008, 01:50 AM
بدع الشاعر الكبير يوسف محمد المحترم
مرسل الى الشاعر منصر صالح منصر الداعري


يقول محبوش من ذا الوقت مستغرب=فلا بقي بالبلد عامل ولا رعوي
ياليتنا مثل ما جدي ابو معجب=لما خرج من بلاده خرجت الشضوي
والحمد لله رب الشرق والمغرب=الخير موجود في طيني وفي زهوي
يا هاجسي لاتكون احمق ومتعصب=لا تحسب انك قوي عاد الخصيم اقوي
والان ملزوم بادور وباطلب=باكلف انسان قدهو عالسفر منوي
لا عند شاعر فلا يخدع ولا يكذب=قد بحسبه حيد تيردهان ذي قدوي
سلام له في شقر عاده بدئ يزهب=يقسمه او يسي به كيف ما سوي
قل يا منصر بشوف ان الهوئ متعب=والقبيله قد معك كفوك وانا كفوي
وجدودنا كل واحد منهم طيب =اجواد واكرام ما حد منهم بدوي
مالي غرض غير نضحك قبل ما شيّب=والدهر لا زال بيعّلم وبيروي
كم مرت ايام والحسّاب بيحسّب=ما ينزف البحر من دلوك ومن دلوي
ولا تحاول تنزلني من المنصب=لا شمّه الذيب ظلي بالشفأ يعوي
حلفت لا شد حتئ لا مدينة إب=واتطلبوا عودتي وآ قول لي توي
خليتني يا منصر دايماً مااغلب= كف النظر بعد ما يوسف حلف واحوي
ما عذر ما صلّح المحجا وبا رتّب=وبا يطيع الجمل جماله الشيوي
واحزيك من باز لا يكره ولا بيحب=سليم جسمه فلا يحجم ولا يكوي
ماشي بيسمع ولا بالضيف بيرحب=كمن بطل قال ياليته يجي نحوي
والختم بالله بقبل توبة المُذنب=كريم رحمن لا يؤخذ في اللغوي

جواب الشاعر منصر الداعري
على الشاعر الكبير المحترم

الداعري قال من شامخ رفيع انصب=ذي من علئ حيد خصمي كان متهوي
با روّح الجيش منه والبلا نسحب=وابحث علئ خصم ثاني حاشدي نعوي
وان عاد بالمنطقه فيني سمق جرب=باكسكسه في مهاذرنا وبالشروي
ما عاد معيا سخا ما المحترم يتعب=وكل ما كان يالمحبوش با نطوي
عسا تسامح منصر قبل ما تذهب=ولك سلامي وحبي والتحق عفوي
وبعد باقول حيا كل ما تلهب=تسعه وتسعين طلقه بالسما تضوي
حيا تراحيب حيا نسل ابو معجب=بيت الادب والمراوي ذي بها نروي
وبعد يا زول يا عازم نويت اركب=قادر مع الميج والميراجي الجوي
لا عند يوسف محمد صاحب المركب=ذي لا وصل ضيف عنده بات بي شوي
سلم سلامي لبو حافظ حماه الرب=وخط بالورد والفل الشذي مطوي
وقل سلامه وصل والفل بالمضرب=كلن وصل له نصيبه ها وانا كفوي
وجدودنا صح ما قاله فلا كذب=اخوان واصحاب كانوا كالجبل واقوي
ودين لسلام واحد كان والمذهب=والحاشدي عند جدي كان متعروي
هذا وباقول يابو فضل لا ترهب=لا ترهبك هرجت الكذاب والقروي
رجلين عضرب معه والخشم له مذرب=ذي كان سابق معك بالبيت بي قهوي
عدت ليالي مشعوذ والزمن قرّب=باحط معلم علئ رأسه وبانكوي
وانته لمه ليش مني تنتقل لا إب=بالله باالله يالمحبوش لا تنوي
ان كان ذا كان فانته عاقل المكتب=وخير دسمال لك عالرأس بانلوي
من بعد ذا اليوم ما با نازع المنصب=ومن زعل نار جمري بالحشا تشوي
هذا وباقول يالهاجس كفا واسحب=وقل لمحبوش منه رأسي اتقوي
والثور لا قد زحف ياصاحبي شجب=وانته عسا ما تقع وان كان يالهوي
والباز من نار حمرئ هاجسي صوب=كاس البطوله رميته صوب من مروي
والف صلو علئ من حبنا واحتب=طه رسول الهدئ القايد الغزوي[/align][/QUOTE]

الداعري
31, 3, 2008, 01:55 AM
كلمات الشاعر المعروف منصر صالح منصر حسين الداعري
وجواب الشاعر الكبير يوسف محمد عمر المحترم ابو حافظ
(
الداعري قال في ميراج قصّافه = بازاور المحترم يوسف بها واطوف
مادام والقلب للمحبوش لهّافه = ما با تأخر وقلبي والكبد ملهوف
يعيش من زاور المحبوش او شافه = وانا لي اعوام حب آزاوره واشوف
محسن كلامه ومحسن شعر صنافه = وكيف لا زاد شعره بالوتر معزوف
صداقة العُمر هي من بعد مدجافه = حتى ولا المحترم مني اوي مرعوف
تعبت منه وهو مني البلا شافه = ما رامي الا وهو من صاحبه مكروف
ها بعد ذالحين يا عازم بزفافه = وصل كتابي لبو حافظ معك مزفوف
وباقة ازهور من رامي وعرافه = تهدي وتكرم وقدني بالكرم معروف
وقل لمحبوش نشتي نستمع كافه = لا يحسب اني من اديار الادب معكوف
سمع منصر ومنه تستمع قافه =ولا تساير خفيف العقل والمسروف
مهما تملق لهرجه ما معي طافه = اسرار دهول معيا كلها مكشوف
انسان مغرور شل الزنط ووصافه = ما عاد بشرح لكم دهول قده موصوف
عاد ابن قاسم بيتحلف لكتافه = ما تسمع الا متى دهول اوي منجوف
هاذا وثاني خبر صايح ومنجافه =روحت منجوف من بن عمك المدهوف
عاد ابن يحيى ظهر ينهد من انجافه =مع محمد ولد قاسم وصل محروف
قد كنت ناظر لردك يهدم اكهافه = لاكن اسف قهر قهري روحك معسوف
واجهر لنا اسرارك الغامض بكشافه = وامسيت يومين قالوا بالدفا معطوف
بندق من اعماق بقعا فجّر انسافه = واصبح ثلاثين مبنا بالبلد منسوف
احذر من ابحور فيها امواج لهافه = بي خوف تمسي بقعر امواجها ملهوف
هذا خرج فصل وآخر سعف بسعافه = جانا خبر خاص من منطقتنا مسعوف
بو يوسف الشيخ قالوا قادر الحافه = قادر رضا حب قادر ما نشر مدهوف
زعلت عنه وكم مثلي بشر اافه =وامسأ دموع الحزن بالمنطقه مذروف
وكم وكم ذي سمعنا لك بشر زافه = بالشهر ستين من يافع اسر بتزوف
ما عاد باقي عسل يا نوب بجحافه = والجبح فاضي خلي صافي خلي مجحوف
وانته سمعنا خبر صيفت صيافه = صيفت داخل عدن يالشاعر الموصوف
قلي عدن كيف شي هتكه وكدافه = شي قات حالي طري او بارحي مقطوف
وان كان ماكان ماهل رحت ودافه = عسى عسى ما تروّح مهذرك مكسوف
وانا بغربه بعيده شبه مخلافه = من دوشة العبد قد رأسي بها مخلوف
ياتي لي الصبح في كبره وقنافه = والليل سكران مثل الشيبه المسخوف
ماهل قد القلب قاسي قط ما خافه = لو تصبح الارض شعلا والسماء مخزوف
ولا هنا باكتفي ياقلام شفافه = ونص ريق الفتى يوسف قده منشوف
بسني سنايه وهو في دلو غرافه = ولفلف الماء خزه من بيره المنزوف
واعداد ما زارو الحجاج او طافه = صلو على احمد ثنا واعشا ر بالمردوف
&&&&&&&&&&&&&&=&&&&&&&&&&&&
&&&&&&&&&&&&&&=&&&&&&&&&&&&
يامرحبا رحّب المكتب وعُرافه=بانكرم الداعري من كنزي الملفوف
القات موجود معنا والعسل آفه=ذي مايرحب بظيفه يعتبر لفلوف
باقابل الداعري من قبل ضيافه=قُم يافتى جهّز القنّاص والقرنوف
انسان طيب وهو من ناس سيافه=باقابله وابترع في سيفي المشحوف
من كان حاضر تحكّم في تصرافه=وبردحوا له طريقه مابقي حسفوف
وبادروا يعصروا مشمش وجوافه=وفرشوا مجلسي كُله فرايق صوف
ذي كان ابوصالح اتميز بنقدافه=ثلاثه ادوار والجلسه بها مصروف
وبندقي عاد به قرحه وديافه=بايرجع الخصم خايف والنظر محروف
بفقد منصر زعلني تلطافه=من البخور المكلف شل له نقدوف
والمسك والطيب مايحتاج حصافه=تشوفه الناس فوق الطاوله مصفوف
حلفت ما اصبر على رجمه وشزافه=باحذره قبلما يندم وهو مشعوف
من قبل يزقر نمر سرحان بضلافه=راعي في اشعاب ماخلي بها شنخوف
ركّب محاجي ولا اتطرق بسفسافه=سيفي مذلق وسيفك ذلقيه مكلوف
والشيخ ذي قلت لي غادر من الحافه=لصحاب والجار مثل الفُرعي المنتوف
ماشي في العوبلي جُردم ونُسافه=عُقّالنا اثنين ماحد منهم محذوف
ميتين كادر بيد الشيخ واشرافه=بالجمعيه ذي تخلّي من ظُلم منصوف
والشكر لاهل القعيطي عندما ضافه=الشيخ يوسف محمد شخصيه معروف
معروف عند القبايل كامل اوصافه=والشعب قد زيّد الميثان والتكلوف
من طال حجمه معا يحتاج تحّافه=في شهر سبعه وديواني قده مسقوف
نقضي على الحوب في راحه وكيافه=بشُلّ مُخّه وقاصر ما اشتي الخضلوف
والاجنبي مانبي وزنه وضرّافه=بايدخل الطين ما المضرف قده معلوف
يالداعري ما اشتكيته عندنا اضعافه=ماحد بذلوقت سالي والسلم مشقوف
واحزيك من باز مايوجد من اصنافه=وهرجته لاتكلّم مثلما خرشوف
طبيعته مايهاب الخصم لاشافه=وانت افتني يافتى هو شاجع آمشطوف
ذكر النبي ذي اراد الله بانصافه=والكافر اعطي له الجزيه وهو مأنوف
محمداً فضّله بالكُرم والرأفه=وحارب الفُحش وأمنا في المعروف[/QUOTE]

الداعري
31, 3, 2008, 02:06 AM
هذه القصيده من كلمات الشاعر المعروف
منصر صالح منصر الداعري ابوصالح
وهي مرسله للشاعر الكوميدي الكبير
يوسف محمد عمر المحبوش (المحتـــــــرم)

يقول رامي لا اهتري واتبندق= قد سجّل التاريخ لي بوراقه
سجل وعمّدها لنا ذي ورق=حاضر ومستقبل وماضي اسباقه
كنا ولا زلنا وعانا نسحق=كمن شنب عاصي مهسنا ساقه
والمحترم عاده ظهر واتنطق=ذي طول عمره ما حمل شلاقه
والكذب ما نكذب ولا نتملق = ما قط قالوا داعري ملاقه
الا جماجم ذي تعصوا فلّق= فلّق جماجم سيع رأس الناقه
ولا بزق يرقع متئ ما بزّق =وفي طرف دنيا كريم ارزاقه
والمحترم لا هو سمق يتعلق=بحبلي المبروم عالمشناقه
يشنق مع كمن عنيد اتشنق=لما يرد الصوت بالعياقه
قد عاد ابو يحيئ بناري يعلق=ذي رد لي في لولنا مشداقه
اشدق تشندق فوقنا واتمشدق=ليلة صبر حارق بحلقه ذاقه
وكل ما روج وقع في خندق=وليت ما السايق الينا ساقه
قد ميج ابو صالح بجوه حلق=ميجي وميراجي عشق دقداقه
وبعد يا عازم صباح اتفرق=بالميج والميراج والحراقه
طوق علىيوسف مع من طوق=وقل ذنوب اعمال فكره حاقه
مهما اتهمني واهترى واتسوق=قد ما مع العالم لهرجه فاقه
ثرثر بهرجك واهتره وتئنق =وبا يقع من لهجنا لا الطاقه
جهز مدافع واحتجه واتئربق =وذق صبر حارق كريه اذواقه
والا اعتذر يالمحترم وتمرق=وحط ابو كرسي علئ معلاقه
ولك سلام الحب مني يبلق=وخير ورد الداعري واشواقه
ولا حنق مني صديقي يحنق=باقول يوسف حبني بخلاقه
والا فلا يالمفتري لا تسمق=قد بعرفك تملك كبد سماقه
شيبه وعادك بالبلد تتمحذق=اخجف بيتمحذق علئ حذاقه
هذا وقالو في عدن تتسوق=تمسي تضلي تنطوي بسواقه
قالوا بها التاجر بسط واتعمق=وسي مصانع للسمك والباقه
وخير ما بالارض فيها اتعرق=وكل هارب عادها بعناقه
وورد بستان المدينه فتق=رشيق راشق مرتشق برشاقه
عسى وابو حافظ لنا يتفرق=ينقل خبر صافي لنا وابلاقه
علئ المدينه والجبال الشهق=والامن ذي ضايق على المسراقه
ولا هنا يا هاجسي والمنطق=من كثر ذكر الارض قلبي ضاقه
قد لا ذكرت ارضي فؤادي شقشق=وشاق شوق الشوق كل ارفاقه
ولغز ابو حافظ رميته وانشق=الوبر ذي لي شهرتي بحراقه
والف صلواعالنبي ذي بلق=رسالة المولى واتم ابلاغه
جواب الشاعر الكبير المحترم

يقول ذي لاصيح صايح طرّق=تقدوم عوله كلهم صدّاقه
وابليس حاربناه خطه مُغلق=والله ساعدنا على دلفاقه
وخصمنا ذي رده المذلق=من كان شاطر روح الحواقه
بلخي وابوناظور صوته يزعق=وجيش طامي عندنا محاقه
بنكره الباطل وبنحب الحق=فينا الكرم والجود والشفاقه
ومقعدي للضيف مابايفرق=من نحوذي ناعم ومن خلاقه
من جاء صباح الخير ولا شرق=بيني وبين القبيله علاقه
باقول ياحيا بشاعر مرهق=ماهمني رجمه ولا براقه
خطه وصل يوسف وجهدا صدّق=وقلت بي باطل على الصداقه
باركت له لما نجح وتوفق=ويدخل امريكه بلا حلاقه
ماشي معه بندق بيده مسوق=كلام مايقدر على طباقه
ياداعري محجاي مابايندق=كم ناس بتحاول على دقداقه
ذكرت ابويحي ولاقلت الحق=وعاد ريفلكم على معلاقه
كم روس من قبلك وبعدك فقفق=وبحرنا قسمه بعمق اعماقه
بي خوف لاملك ومنك يعثق=ماشاتفيدك كثرت الحذاقه
وذي معه مثلك وضف لايزفق=مالك جمل في حربنا او ناقه
فكر وحسب من ثجر لا ادّق=لانحو دهول سوها دياقه
وابن العمودي للعنب مابيسق=لاهو مقيد مايجوز اطلاقه
جزع زمانه كم مشي في طروق=كما نمر حاديه ياتواقه
بسأل ابوصالح مع من نسق=لايجزعه رُزعه بها دلاقه
ماحاجه آنفتح ثمرت التولق=وسيفكم عاده بلا فتاقه
خذها نصيحه لاتساير مُتبق=بايتعبك ترقيع في بزاقه
وصاحبك يمشي ومقدر يلحق=دايم وهو للشيب ياصباغه
والقات بالمنحاز بيدقه دق=ولاتقنبس مابيعطف ساقه
وعنده الريمان مثل الحولق= اطلب سماحه يوم هو شواقه
بيسير عالصعده قهو اشدق الوق=ولاهرج ماحد سمع زقزاقه
من ابصره يرثي لحاله واشفق=لما بتتعكب عليه الراقه
والمحترم مرجع لعارف واحمق=وكل حاسد مانبي صفاقه
ياكم نقط بيمر ماحد حقق=لاشاف حرف الشين بالبطاقه
زرنا عدن وابين وعند اهل امشق=شهرين واكثر قدًره رفاقه
بيعاملوا يوسف على ماسبق=كمن قبيلي مانقض ميثاقه
واحزيك من بازل فلا يتنطق=والقوت بأرض الله ماشي ذاقه
بادر لبازل واخرجه من مأزق=بقدرة الله بادروا باعتاقه
ذكر النبي ذي حب جاره وارفق=وفضله ربي بحسن اخلاقه
مع اطيب تحياتي[/QUOTE][/QUOTE]

الداعري
4, 4, 2008, 04:00 AM
بدع من الشاعر محمد الصلاحي
مرسل لشاعر منصر صالح الداعري

يامن على العرش ياالله معتلي= برحمتك كل هم ن ينجلي
يارازق الخلق فضلا مد لي= بالرزق واغفر لنا يوم العقاب
يوم القيامه وكل من مبتلي= حد عالصراط مر وحد يتحنجلي
ولا طبيب ن ولا في صيدلي= ماغير ميزان ينصب للحساب
الحمد لك ياالذي سخرت لي= رزقي وما همني ان قيل لي
على أي جنب ن لربي مقتلي= شهيد لو مت ما هم الصعاب
باوصيك يا كل مسلم لك ولي= باوصيك يا صاحبي فيما يلي :
في طاعة الله واقرأ ما تلي= قرءان دستورنا هذا الكتاب
ذا فصل والآن قم يا مرسلي= للداعري شل لا تتكاسلي
قيفان يفرح بها من هو سلي= بالعطر رشه بجسمه والثياب
جات الحليله تدمدم تزجلي= قلنا لها ياالحليله عجلي
للداعري سجلي له سجلي= قيفان يفرح بها شيبه وشاب
باسألك عن لغز يحدث لك ولي= تشوفه العين واضح لك جلي
ما روم اصوره في ألبوم لي= صوره كتذكار يصبح كالسراب
تسمع لصوته وهو يتجلجلي= وصعب صوته لنا يتسجلي
في أي كاسيت أو بمسجلي= يطير كاالطير ذي فوق السحاب
و الان قولوا للحمر أوعلي= كم كلت رضوع وكم تاكل طلي
والشعب ياكل كدم يا أخ علي= شعب اليمن ذاق أصناف العذاب
ما لذ أوطاب لك ياأخ علي= الحرقدي والذره والعوبلي
والنفط والغاز لك يا أخ علي= غداك مندي وتتعشى كباب
والشعب جيعان رابط على الكلي= حاسب لنفسك وشعبك يا علي
خوفك من الله يا خونا علي= اقبل من ابن الصلاحي ذا العتاب
قرأت تقريربنك الدولي= سبعه ملايين يا خونا علي
في فقر مدقع بأرضك يا علي= وانته بتنعم بقوتك والشراب
رحمت يا جد ذي أسست لي= تاريخ حمير نسب متسلسلي
يشهد لي الشافعي والحنبلي= والعوذلي هو وبيحان القصاب
باب اليمن سيت به تاريخ لي= صنعاء بها لك مآثر لك ولي
و****** يشهد وحتى العبدلي= ابحث بتاريخنا يا بو الشباب
باحفظ لتاريخ جدي لولي= بريق له ناصع ن كا للؤلؤي
عالخير دربي فلا باتحولي= مهما حدث ما يجي مني خراب
والختم صلوا على المختار لي= يشفع بيوم ن عبوس ن لك ولي
صلاة له هو وبن عمه علي= والآل جمع ن جميع ن والصحاب

جواب من الشاعر منصر صالح الداعري
على الشاعر محمد الصلاحي

الداعـري يالحليلـه بسمـلـي= وعلكريـم الكبيـر اتوكـلـي
هو رازق الطير هو رازق علي= ورازق الوحش في تاك الشعاب
راجيك يا رب تجعـل منزلـي= بجنت الخلـد جـار المرسلـي
وكل عاصـي بنـارك ينقلـي= ذي من حماها حديد الصاج ذاب
وبعد باقول وين احسـن طلـي= باضيف الضيف ذي جاني سلي
جاني محمل وما يرجـع خلـي= با خلص الدين كامل والحسـاب
بلعوبلي بـان رجـع عوبلـي= بكـاس وافـي محجـا ممتلـي
مابـا تبـاخـل ولا بانفسـلـي= بضيف قالي ومن خير الصحاب
طبعي كما طبـع جـدي لولـي= ذي حـل قـدام حـد الشوبلـي
بيحزم الـراس بحـس ديولـي= ومن تعـداه يقتـل او يصـاب
ويـا الحليلـه امانـه سلسلـي= حروف وابيات خطي وزملـي
كوني معيـا سنـد لا تخجلـي= ردي بصوتش مع صوت الرباب
حتئ ولا الحرف ضيق بلبلـي= زري علئ الجيـر يالله وانفلـي
واتقنبسي فوق شامـخ معتلـي= لا تقعدي فوق رمله او تـراب
ويا بواخر نيو يـورك قشعلـي= ومـن هدايـا منصـر حملـي
لبن الصلاحي محمـد وصلـي= ذي خصني في كتابه والخطاب
وله سلامـي ولهلـه مجملـي= والاف سلم علئ اهـل القملـي
ذي بالامارات واهـل العبدلـي= واصحابنا من خلاقه لا رسـاب
وحول لحمـر وقايدنـا علـي= عشرين مليـون فيهـم مبتلـي
ولا تكلمـت قالـو مشكـلـي= والسجن ناضر يعذبني عـذاب
شلو ثمـاري وشلـو جلجلـي= وامسيت بسوق وحدي طنجلـي
وحاذق السوق قـد روح خلـي= ذي كان بالامس يعطفها رقـاب
وانتي عدن سلبوش احسن حلي= لاكن قد البخت قـال اتئرملـي
وبا يجي يـوم ثانـي بهشلـي= تتلبسي فيه مـن خيـر الثيـاب
عادش عروسه عليش اتغزلـي= وتفننـي يـا عـدن ودلـلـي
ومن تعـداش سبـي وانعلـي= وشاركينـا بيـوم الانتـخـاب
ووحدت الشعب مكسب لش ولي= وعضم واحد ولا لـه مفصلـي
حتئ ولا السيـد قالـو روفلـي= ما رامي الا وما يخطي وصاب
هذا وذي قلت يجري لك ولـي= الحلـم بنـوم مـا يتسجـلـي
ان كان ذا صح فسلـم جرملـي= ذي لا تعنيـت تقذفهـا شـراب
ولا هنـا يـا قوافـي بركلـي= حتئ ولا الحرف عاده ما تلـي
ذكر النبي خير قولـي واقفلـي= وانته معي صل يا شيبه وشـاب

الداعري
20, 4, 2008, 02:17 AM
كلمات الشاعر منصر صالح منصر الداعري ابو صالح


الداعري قال ما نكسب ذره نخشئ=ما نكسب الا ذره ذي لونها بهاش
ما بكسب الا نمر في ساعت الدهشئ=ذي لا دهم هاش سوئ للبشر كباش
وخير صيفان فوق النصله البهشئ=ذي للجماجم تسي وقت البلا مشاش
وحمل جنبي حسين الصنع ابو قفشئ=بو صنع معروف يفل لنصع فقداش
ها بعد ذلحين قال الداعري هرشئ=هرشئ بذا العام با نمشي دلا هراش
حتئ ولا حد شطح بداله الرقشئ=ما عذر ما يوم ياتي للحمل نباش
وساعت العب لا بفلج ولا بخشئ=جوكر ليكه وللبنت الحسينه باش
ومن تقدئ بكذبه دوب ما اتعشئ=با يتعبه ساعت الحمال والبهاش
كم يا بشر تعجبه سمرات ابو نقشئ=جزع زمانه ببقعا والزمن طناش
وبعد ذلحين يا عازم سرئ هرشئ=قل للبشر بالمراحل تتكل هراش
يا كل عاقل تعقل لا تقع كبشئ=ولا تثرثر بكل الهرج والحشحاش
ولا تهاجم بموسك حامل النمشئ=ولا توجه بفردك لا علئ الرشاش
علعز دايم بذلت الجهد والقرشئ=وكل مهواش قلنا يالكبد يهناش
وبعبد الله رب الكون والعرشئ=عسا برضوان يا روح الكبد ملقاش
ولا بنافق ولا لي بالعلق منشئ=نفسن عزيزه بترفض عصبت البرياش
ما نا كما ذي حياته مهرت الفحشئ=ومنكر العيب في قلبه دخل وانعاش
من اصل يافع وخالي قاتل الوحشئ=بنمنع الشر لا جا فوقنا كباش
وسابق الوقت كان السيف والنمشئ=لكل عاصي ومفسد بالبلد بالكاش
وحاضر الوقت ثعلبها بطش بطشئ=والف سحل براهن ثعببين احناش
ذي كانه الامس مثل البكره الجحشئ=تتحمل احمال تمشي بالخلا جحشاش
اليوم كرشئ وقالو لي تخم تجشئ=ومن تكلم تسي له يالهلي نتاش
والف صلو عدد ما ماطره رشئ=علهاشمي صل واكثر ايه المعتاش

الداعري
14, 5, 2008, 04:36 AM
قصيده من كلمات الشاعر عبدالله عثمان الداعري
مرسله الى محمد المحبوش

نبدع بذي دايما اليه نتقرب=واحد احد ماحد مثيله ثاني
ذي مكتفل في قوتنا والمشرب=واعيانه الي ساهره ترعاني
بتحمده من قبل روحي تذهب=وقبل عزرائيل مايلقاني
لاني بشوف الراس نصفه شيب=والجسم متدهور وعظمي واني
والان بداع القوافي رتب=احروف منسوقه لها معاني
وهاجسي جاني ونا بالمكتب=في خمستعشر من ربيع الثاني
ذي كان قاطعني وسابي مغلب=واليوم من بعد القطيعه جاني
وامسيت انا واياه ليله محرب=كلما بقيت آنام كم صحاني
والان ياعازم على المهر اركب=وارحل من ابهاء شل خطي عاني
من ارض فيها طول عمري بتعب=وقلبي المسكين كم بيعاني
غربه دنيئه مابها شي مكسب=ولابها محبوب قد واساني
لاعند ذي اصله ليافع ينسب=ذي حبها مخزون في وجداني
من ذكرها دايم فؤادي يلهب=الارض ذي دايم هواها ثاني
هي في بلاد الله لاقلبي اقرب=لان فيها اهلي وفيها اخواني
واعطه محمد ذي بشعره معجب=سمعت له قيفان فيها ادهاني
من عطر روح الروح خذ له مظرب=وزيد له حزمه من الريحاني
بلغ سلامي له عدت ماسكب=شخب المطر وسقوا به الودياني
قل قال ابو اسماعيل يبقى المحسب=ياصاحبي وين اختفه قيفاني
ذي جاب ابوحافظ وعندك رتب=جلس سنه وانته معه كراني
اوبه تقل انه اكلها السبسب=او من وراها النقد بايلفاني
ماريدها تنشر وماهل بعجب=لمه حذفتوا نصفها بالعاني
ولا انت شايف مامعيا منصب=او لازم اني بااكون امريكاني
شفني انا وياتهم من مذهب=هذا ولد عمي وذا جيراني
ولا اترك ابن الداعري لو بسحب=ولا يحطوا القيد في يداني
لانه بمدرستي درس واتدرب=لما طلع استاذ بالشوكاني
وكم كوادر ينظروا لي كالاب=ذي اتخرجوا في المدرسه اكفاني
فكل ماجاء منهم لاتقضب=باتسمع القاصي بهم والداني
لني انا القايد بظهر المركب=واحيان بتحول الى شراني
هذا وحان الان وقت والمغرب=وان شي قصر ولازفق حُملاني
مبغى ولاكلمه عليا تحسب=ولا ملامه من حدا تلفاني
صلوا على من اصطفاه الرب=ختم الرُسل ذي دل للاحساني

الداعري
14, 5, 2008, 04:42 AM
جواب الشاعر محمد المحبوش


يامن بيدك حاجتي والمطلب= بك مُحتسب راضي بما قد جاني
يسّر طريقي واهدني للانسب=فيما يعظم بالثبات ايماني
ارشدني التقوى وما اليه اقرب=انال مرضاتك ويعلي شاني
وبعد يالهاجس معيا اتوثب=قايس وجانس واحكر المباني
وقت الطلب انت المقرب الاقرب=ماتنظم الا خيرت المعاني
واليوم جاني علم شاعر رتب=قيفان مخصوصه بها وافاني
ثارت شجوني ما نظم واتندب= واحزتني بالجانب الانساني
مثل الذي يحرث بوادي اجدب=والعمر يتلاشى ويصبح فاني
وواجب المحبوش نحوه اوجب=للضيف ابذل كلما بمكاني
بالداعري بالمُبتداء يا مرحب=والشكر له فيما اعتنى واهداني
ومن معي بالداعري قد رحب=ساعة رسوله ماوصل ديواني
رغم الغلط بالعلم ذي قد سرب=من عند ابواسماعيل به فاجاني
قدربما في ما اتهمني مقلب=وقبل موسم كان في مكاني
واسباب توقيته قفا ما غيب=يمكن تهيب يخذله ميداني
لوكان صادق كنت انا ذي بحنب=وبالغلط بايدي بقلل شاني
بيشوف وجهي بالعرق يتصبب= ومن الخجل باكلمك دُناني
من وجه التُهمه لنفسه اذنب=دون التأكد من يكون الجاني
بتتهم المحبوش انه خرب=وهو المشيد تعرفه والباني
ونا بجهدي والمثل بي يُضرب=معروف للقاصي بكم والداني
لاجل المخوه والصداقه بتعب= ووبذل الغالي لكم مجاني
والجيد بيقدر وفيها مُعجب=وذا بيشكرني وذا حياني
وفيك ظني ياعزيزي خيب=وبقولك التمييز قد فاجاني
شي ابصرتني فارش امامك مقطب=ومن خدمته منكم شقاني
ومن يكذب منطقي ذا جرب=ماهمني امريكي ولاجيزاني
ولو حُكم لي مايكفي مجلب=في وصفك المُهتم بالكراني
للمحترم خطه عليك اتعكب=شف طلقتي ماتنطلق جواني
لاتسمعه من يدهفك للملعب= بعد انصهاره من حُمم بركاني
ومن بأمرك قلت له باتسحب=هذا خطاء باسد انا آذاني
والجيد مايوم اختباره يرسب=من دون حاجه يستمع ميثاني
بايوصلك رده ولا لك مهرب=وباترجّح كفته ميزاني
ذكر النبي مالمُزن ع الارض اخصب=المصطفى به اختتم بياني

الداعري
14, 5, 2008, 04:48 AM
تعقيب الشاعر منصر صالح منصر الداعري


يا باعث النعمه لنا والمشرب=سألك تجنبني بلا عدواني
مالي رجاء غيرك الاهي والرب=ربي وسبحاني وهو رحماني
وتجعل الجنه لنا والمكسب=يا سعد من في جنتك كسباني
وبعد يالهاجس صباح اتأهب=رعني برئ عبده مصمم شاني
نهم بصوته واعتني وتهذب=وقال قدهو ساسها والباني
يشتي يعمرها قفا ما خرب=وكم مشاكل من قفاه ابلاني
كم هي قصايد من لسانه طرب=شتم رجالي واهلنا واخواني
واليوم قال انه كبير المركب=لا والنبي ما يقبلو جيراني
ذكر منصر بعد ما قد شيب=يريد يكسبني وقد بكاني
وكم محاجي ضدنا ذي ركب=وكان يرميها علينا ساني
واليوم يشتي بايقود الموكب=لا والنبي ما ملك الثعباني
ما حد لها غيري انا والانسب=ما با نفلتها لبن عثماني
واهلي وناسي كل واحد عقب=قالو تمثلنا مع البراني
ماانته ملفك يالحسين اتشطب=بايام ما ضليت يا دنداني
اسرار موجوده معي بالمكتب=لكن ببن عثمان ما سخاني
يمكن تراجع والفؤاد اترطب=نم مستريح البال آمن هاني
وبعد يا عازم صباح اترغب=اول طلوع الفجر باكر عاني
وشل ما هاجس منصر رتب=مع حماحم ورد من بستاني
تهدي بها ذي لا شخطها كهرب=ذي بالسنين القادمه عاداني
يشلها والا يرد المزرب=وبعدها تقصد مبارز ثاني
استاذ متحجي بباب المندب=ساس الادب والشعر والكراني
وله هديه من عطور المضرب=ذي سيت له كرسي بقعر اعياني
حتئ ولا هو في جوابه شجب=ورادها تحرق وسط ميداني
ما بانجزعها ولا له مهرب=بجوكري با شل رنج الراني
ما يعرف ان يوسف محمد درب=وقال شعرك يا بليغ ادهاني
ودين عنده ما وصل والمطلب=با طالبه لما يصل ديواني
ويا ابن يحيئ من تعب ما ادب=يا من هديتك زهر من اغصاني
ولا تفكر قد طبخت المغلب=قد كان قلبي هاوي البرياني
وانت طيب وابن عمي اطيب=وهرجكم حالي كما الرماني
وشعرنا ما بين كلاً قرب=انغام حالي والحلاء اسلاني
ما مننا واحد ابد شي خيب=روسي وبلغاري وذا الماني
قد قال من ناكر محمد جرب=حمم حمم بنردها دخاني
والف صلوا علحبيب الاطيب=شفيعنا من نارها الحراني

الداعري
15, 5, 2008, 02:53 AM
بدع من كلمات الشاعر امين حسين عبدالرب بن دينيش

ابدع بك اديع يا ذي بالسماء عالي=يا مالك الملك يا رحمان يا متعال
يا من لك العز فوق العرش متعالي=عالي عن الخلق ما لك ند او امثال
انا اسئلك ترحم المشتاق ذي صالي= واغفر لنا يوم كلن تاخذه لهوال
وازكي صلاتي على نور الدجى الغالي= محمد المصطفى والصحب له والال
قال ابن دينيش عانا مفتهن سالي=السرو روح رجع جنبي بدون افعال
ماهل بحرق بقولي ذي بيتعالي=لما يسلم ويخفض راسه المختال
من بقصفه في قصيدي دون ما ابالي=سلم وجي خلف بن دينيش يا هلال
والداعري قال شاعرحاز دسمالي= ماله درا ان وزن القافيه بسمال
لا قال شاعر ونا ويش ايقع قولي=اكيد ابو الشعر لانا صحت في لقوال
اما بشعري مسكت المجز والالي = وفي يساري بطالع شاشه الجوال
ونا مصمم بقولي لازم اتالي=سيفي بجنبي وخلفي داعي الامال
النصر لي قبل ما اعرف ردك البالي=ولو تجاوب حرام انا ولا اشغل بال
بديت شعرك على احمد صاحبي الغالي=واحمد معيا ونا واحمد عيال الخال
نمشي مع القوم هو لول ونا التالي=كلامنا الحق ماشي نقبل البطال
وانته مسيكين لا لك نص ماهو لي كانك تبليت ع العجيز والاطفال
لاكننا الذيب ذي فوق الجبل عالي=سرحان ماهم قلبي صرخه الجهال
لو قد تركتك ببالي شهد يهنالي=عضمك ولحمك بضرسي دون ما مكيال
الشعر لي والادب والعقل والمالي=وللثقافه وريث الفارس الخيال
الحرف بيختارني لا جيت باوالي=بيقول زد بيت صول الليل يا طوال
ولاكتبته كمثل البدر بيلالي=وبالمسامر يغنونه بلحن البال
ولا بحبه كلام القيل والقالي=ولا بيطرب فؤادي كثره الاقوال
حبيت بانبهك من قبل لا والي=شف من دخل سوق لازم يعرف الحمال
لاني بشوفك بتصلح مثل حمالي=للسمن والرز ولا رد لا لك فال
هذا ولك الف بوسه يا ابن لبطالي=ماهل كلامي صبر ولا انت في لسبال
جواب الشاعر منصر صالح منصر الداعري


كريم رحمن يا منان يا والي=يا مُفرج الهم يا من بيدك الآمال
يا غافر الذنب يامن تخرج الحالي=من معدت النحل يتصدر عسل لوخال
يا عالم الحال سألك تصلح اعمالي=وجنت الخّلد تجعلنا بها حلال
والداعري قال با تشهد لي اسجالي=وايكتب الدهر لي واجيال بعد اجيال
ما با تمدح ابد لا قلت باتالي=رحنا لها والادب والشعر والابطال
عقلي برأسي وعلمي والادب مالي=ورمزي الحب دايم والوسخ كمال
قدني موصى وانا باوصّي اشبالي=اباً على جد ما با نطرح الدسمال
دسمال جدي وابي واليوم دسمالي=ومن تنكر بأصله برهنت لسجال
ها وبن دينيش راعي في شفاء خالي=وجدهم كان سابق عندنا دلال
لا هو نديدي ولم يخطر علئ بالي=انه يجي يوم با تشاعر مع الجُهال
يا صالح ابني تري لطفال تتعالي=شُله معاكم ولعبته مع لطفال
هاوانته الليل يالهاجس بمكيالي=تكيل حبات ما اكتالين في مكيال
ويا من انته رسولي ود مرسالي=من مطرح العز من مكتب رئيس اعمال
من كاسبين الوفاء لا ربعنا الخالي=لا عند دينيش ذاك الشاعر الطربال
وقل لدينيش في لهجات بنغالي=دنيا العجايب بها متنوعه واشكال
الاسم دينيش لكن عقل صومالي=بدوي من البدو عقله مثل ما الجمال
جاني مهرول سخيف العقل طوالي=والعالم الله من ذي هروله هروال
ما الشنق ما بشنقه با وسخ احبالي=الا بطلقه بها با حنجله حنجال
يكون عبره لحسادي وعُذالي=وداخل السجن يتعبر به الوصال
ما لا تركناه با تتنكر اخوالي=واهلي وناسي وجمهور الادب والبال
ذي شجعوني وانا من حبهم سالي=وانته اسف قهر ماذا خلف السلال
واحمد بن احمد هزمته خمسه اجوالي=وانته تفضل وخذ لك درزنين اجوال
قد كنت مستور جالس لك مع ابتالي=واليوم في سجن ابو صالح عليك اقفال
وازكي صلاتي على بالقاسم الغالي=شفيعنا من جهنم نارها الشعال

الداعري
23, 5, 2008, 03:17 AM
هذه القصيدة من كلمات الشاعر الكبير السقاف
مرسله إلى الشاعر القدير الداعري((أبو صالح))


أنا بدعي الهي كلما صليت وتهجدت=وفي بيته على الكعبة عدد ما طفت عل الأركان
الهي ما دعيت داعي لوجهك وبالدعاء أكثرت=تقبل دعوة المظلوم من أهل الزور والبهتان
تجرعنا الصبر مرة وحبال الظلم اشتدت=ولكن جاء الفرج منك خذلت إبليس والشيطان
وجاء يوم الوطن يشهد وكل الناس له قرت =وكانت فرحة الديره ترف أعلامها بلوان
ومر اليوم بعده شهر وبعده السنين عدت=وكان النور يتلاشى من البيضاء إلى شمسان
توقف حلمنا الوردي ونار إبليس قد شبت=مع أعوان له جابت توابيت البشر وأكفان
فيالق بالمدن عاثت وللأرياف امتدت=وجابوا أطقُم العسكر دعاية يخمدوا العصيان
أمانة وين وحدتنا وقد أبوابها صدت=وقد كان السبب زوج البلية خلف العميان
وين أطفالنا بالأمس والأجيال ذي غنت=بحلم الوحدة الواحد تغنت له طيور البان
وبعد الحلم هذا وين والفرحة ما تمت=سمانا حرها وقاد وبالأرض الأسى وأحزان
بدا جرح اليمن يكبر والوحدة به اعتلت=وفي أرض الجنوب تاهت عدالة لفها النسيان
وعاد إصلاحنا المؤمن بفتوى للجنوب أدمت=يقولوا شوعيه والحاد ورحنا الحكمة والإيمان
جنوب الحر من شمسان الى ردفان ما اهتدت=شرارة بالرَّماد باقي حُمَمْهَا توغظ البركان
ألا يالله منك اللطف إذا حُكامنا اغترت= وزادو طيننا بله وزادو الفت والعجان
خذوا عبره من الأول موازين القوى اختلت=لإن يافع لها عادة تقيم الساس والعمدان
دعونا في وطن واحد بشمس الأمس ذي هلت=وخلو دارنا شامخ بيسمو فوق ع البنيان
دعوا أرض الجنوب زهرة تفوح العطر لو هبت=رياح الحب بالوحدة تريح البال والوجدان
دعونا نقتسم ثروة وكاس الماء لو صبت=يكون العدل مِيِزتنا وبين الناس هو الميزان
وان كان الهدف ثاني هدف بالقوة احتلت=جنوب النار وقادة بتوصل لا جبل عيبان
ونرفع لحننا نشوان من حقبة لنا ولت=وانتوا رجعوا الماضي بدل واحد نصير اثنان
دعوا التشطير يتفاقم لمجموعة بنا اندست=تريد الأرض تتفتت وتتقسم كما البلقان
أنا والله جنوبي حر ومن يافع له اهتزت= جبال الحاشدي و البكيلي لا قرى سنحان
زمان القبيلة معروف إذا صوت الرصاص دوت=يكون اليافعي هامة بيحمل بندقة والزان
أنا بالهاجس المغتر للاوضاع قد بينت=وما قصرت بالهاجس يتم الداعري الأوزان
هو شاعر طويل الباع بشعاره أنا أيقنت=بأنه صاحب الجودة إذا دارت بنا الأزمان
أنا لي منه الواقع إذا عاصمتنا اشتلت=وقالوا ذه غنيمتنا هدية طاهش الحوبان
ألا يالبلبل الطاير خذ المرسال ذي دونت= إلى عند الداعري الشاعر بمضمونه قده فهمان
وشل له باقة الأزهار من الأغصان ذي ندت=واهديه السلام مني ولصحابه وللإخوان
وآخر قول باصلي عداد أمطار ما شنت= واروت بن ذي ناخب ذي محلاه بالأطيان
صلاتي توصل الهادي عداد الرعد ما حنت=الي مثواه في يثرب مهد الدين والقرآن
جواب الشاعر منصر صالح منصر الداعري


كريم الجود دمر كل عاصي نفسه اتعصت=وثبتني علئ دينك وتجعل مكسبي رضوان
ودمرت العيون الحاسده لا شفتها بصت=وجنبنا بلا طاغي بيسعى للبلاء خرمان
ومد العبد لك كفه لغيرك قط ما امتدت=عسئ تقبل دُعاء عبدك ودعوئ العبد ع لطغيان
وبعد الان يا حيا وناسي قاطبه حيت=بشاعرنا الهمام الجيد نور الشعر والقيفان
نمر ما بكسب الا جيد قلبي والكبد حبت=وسقاف الادب شاعر وفارس يشهد الميدان
شكئ من فارس الوحده وانا قلبي قده محوت=وما ياتي عسل حالي من الجبح العكب مجان
خيارتي لقواتي متئ ما التمت اتقوت=وتنهي كل مستعمر وصل كالشارب السكران
ووحده ما لها مبداء ابد والله ما تمت=رجال الموت تنهيها وتشعلها حمم بركان
عجايب بالزمن وايام كم راحت وكم هلت=وانا والقلب نتسائل وعقلي بالزمن حيران
مكاسب ثروتي راحت ولا من شافها مرت=بتمشي ليلها العابس طرق متعصوره واروان
شحب صوتي وصرخاتي وريشة حبرنا ملت=تنادي من تنادي ايه المظلوم والولهان
هموم القلب مليانه وبعض الناس ما همت=همومه كتها فوقي وانا مالي سوئ الرحمن
ووحدتنا بقعر القلب واشواق الكبد رنت=لها من يوم انا جاهل وعانا طفل دون اسنان
ولحنّا واطربنا وبعد اطرابنا تمت=وبان احلامنا واقع ويافع هنته سنحان
كما صنعاء مدينة سام بالحان الطرب هنت=عدن وامساء عدن مُبهج ومأرب هنته ردفان
لحتئ دارت الايام سنه زايد سنه مرت=بداء فرعون يتفرعن علئ خس البشر هامان
وكل اسبابها الكرسي يريد الكل به يثبت=وفي صيف اربعه تسعه اسف شب البلاء عمران
تجارب يا زمن خذنا وعنا جارنا اتشفت=وخذ لك يالبري لطمه ولو عادك بها مصتان
وذا قادر من الميناء وذا طيارته شلت=ليالي ما ترئ فيها سوئ الهوزر مع الونان
توهمنا يعقب خير ما دام المزن صبت=تطهر ماضي الماضي من التشطير والغربان
ومر اعوام بعد اعوام وذه تبكي وذه عزت=تصبر ايه الصابر ولا تحزن علئ ما كان
فما من عاليه تعلا ليالي دهرها هدت=تعبر لك من الماضي ومن مقتول في لبنان
عيال التاجرالمسئول تحله بعد ما اتعشت=وستعشر عشر مليون ترقد بالعراء جيعان
وانا من طيلت الغربه عن ارضي مثل ما الميت=متئ ما قلت با روح يقولون اليمن تعبان
ويا عازم مع ريح الصبا لا شفتها هبت=مع مكتوب ابو صالح توكل واقصد العنوان
ديار الشاعر البادع وليله واحده بيت=وباقة ورد تهدي له ومن مزرعتنا رمان
وقله قلب ابو صالح بلقياكم كم اتمنت=وسمره واحده معكم تساوي ارض باكستان
وتالي قول يالهاجس امانه بالقلم ثبت=لمن بالعر قله يوم من يافع لزم تهتان
كما قد قالها يافع جباله قط ما احتلت=ومن يحلم بحيد الجد ما ياوي سوئ خسران
وصلو عد ما القاريه بديار العرب صلت=علئ طه حبيب الله وراجي ربي الغفران

الداعري
23, 5, 2008, 03:44 AM
سبب هذه المنازله ابو يحيئ المحبوش



من كلمات الشاعر عبدالله عثمان الداعري
وهيى مرسله الى الشاعر منصر الداعري

قال المولع ويش عانا باقول =مابمسك الابالذي يرحمني
الله ذي حبله الياء موصول= ذي لادعيته دايماً يرزقني
راسي خرب والقلب كله معلول =وباقي الاعضاء مع تنفعني
من بعد ذي عاكان عندي مقبول =رفعت مقداره وهو نزلني
زعل على ذي يوكلين المحصول =ذي دايماً اطعمها وهي تخشرني
ماكنت بعرف ان سيفه مسلول =مستني الفرصه بها يذبحني
باعطيه تفاحه وبيده سحبول =بقول له خذها وهو يرجمني
وقال دارس في مدارس بهلول =ماقال ابو اسماعيل ذي علمني
صحيح درسته وعاده مخبول =واليوم شايف نفسه اقوا مني
والان شوفك يامنصر مفصول =لاعادنا منك ولانته مني
وذي في ارشيفك معيا منقول =ماتقدر اتثبت بانه مني
ورقام للفكسات عندي بتقول =كل البلاوي منكم توصلني
وقلت لخواني اذا اصبح مقتول=ياخوان خلوني بقبري اتهني
خذو بثاري ذي كلامه معسول =ذي صار له عامين بيئمني
ذي ماعرف حجمه وعرضه والطول =نزل قصيده دون مايشعرني
لمح لذي مايعرفون المجهول =لي ظن ابو صالح بقاء يرهبني
لنته تشوف اني بذالك مسئول=شفني نمر سرحان مانا عسني
جمع شهودك من حبه للقنذول= وطلع بهم للمحكمه حاكمني
كنت احسبك صاحب وتطلع مرسول =لي من عصابه كلها تكرهني
او زل نفسك يوم عادك مزلول =ولاتراني أقول من هو المعني
ذي صلح الوجبه ويلحقها فول= مانا فقط ماهل بسوي الشتني
ولا فخل الهرج كله مقفول= وسمع كلامي دون ان تسئلني
وجلس مع الطلاب وسمع ماقول =خليك شاطر لاتخيب ظني
وضم لي الفاعل ونصب مفعول= لجل الشهاده باتحصل مني
قد خير لك من ماتضلي معزول =لن لختبارات اقبله يا ابني
هذا وجاوبني بقدر المعقول =هل انت عن مدرستنا مستغني
لانه اجاني امس واحد معجول=يبقا مكانك قلت له يستني
لماتنبي لاقد انته منقول =لامدرسة يوسف فذا ذي اتمني
ختامها بالمسك وغلأ معمول = وتحمد الباري باني سني
ذي دايماً قلبي بذكره مشقول=من شر بعض الخلق بايحفضين
صلو على طه عدت مابتجول= الجانيه لما بتذهب تجني
جواب الشاعر منصر صالح الداعري

لا قوتاً قال ابن صالح لا حول=الا بربي ذي خلق وارزقني
هو باعث النعمه لنا والمحصول=واعوذ به من اي حاسد جني
وبعد يا حيا بشاعر معلول=وفي رسوله والكتاب البني
حيا بعبدالله صديق المجهول=شاعر ومتعلم محنك فني
حتئ ولاني من حجاره مدبول=باقول بالشاميه له تئبرني
قصير بالقامه ويمشي مشدول=وبرك عواصف جابته لا سجني
ماشي تعبر من عواصف كابول=ولا تعبر من حروب البسني
ما اليوم سيفي فوق نحره مسقول=با وسده من قبل لا يدسعني
واصحابنا ذي قال منهم مرسول=من في رجال الموت فيهم معني
قصر لسانك لا تصبح مقتول=وقبل تتكلم امانه شرني
زوتها بله وقدها مبلول=وحرقت ما خليت فيها غصني
من غير عبدالله يكون المسئول=المتهم لول بها والمجني
ماهل تراجع بعد ما اصبح مهمول=وبعد ما ذاق البلا من طعني
هذا وما هو من كلامه مخجول=ذي قال لا منه ولا هو مني
منه ومن شره منصر مغسول=ما دام عبدالله بداء يستغني
بابي وقلبي من كلامه مقفول=ذي ما عرف قدري خرج من ذهني
والفرق شاسع بين قارب واسطول=لا والنبي والله ما تشبهني
شاعرت ابو حافظ وعانا مخبول=وقال لي شاعر ذكي تعجبني
وابو علئ ما جاب حتئ مقبول=وفوق ذا عاده شطح وادوقني
حلم بواشنطن وهو بسطنبول=والله كلامك يا فتئ ظحكني
قد كنت في بنشر بنعمه مجدول=وكان سر المتهم في بطني
وكنت في ذهني مهندس بترول=لاكن علئ عثمان قاسم غبني
ومن يزل الناس يصبح مزلول=خذ لك عبر مني ولا تكسعني
هذا جوابي حب صافي منخول=مخلص بسباس ارتسل بشتني
كيف المشقدف لو يصبح مسحول =مهما تبخشر ماتأثر حصني
هذا عواقب كل مدمن ع الفول=كل ما ارتفع رأسه قُبالي دني
لابد لك من يوم تصعق مذهول=مجبور من بعدك وفعلك عني
من سجل ابوصالح مشطب مفصول=قد خاب بالمسكين والله ظني
والختم صلوا علحبيب المرسول=واستغفر المولى عسئ يرحمني

الداعري
23, 5, 2008, 04:29 AM
اخواني الاعزاء الكرام احببت ان اطلعكم على المساجله التي اشترك بها
اربعه شعراء جرت في نيويورك في عامنا هذا 2008م
اتمنى ان تحوز على رضاكم واستحسانكم
ونبتدي بكلمات الشاعر المعروف
صالح محمد عمر (ابو همام)

ابوهمام باصدر حكم يابس=لاجل القادمه باصبر الكاس
اتاني شعر من انسان دارس=وعقله حسب مانعرف بلكياس
محمد بن عويضان الممارس=بساحات الثقافه والتفراس
حليله عند ابو صالح وهاجس=وفي شعره عقد تحتاج خلاس
ربط نفسه وصلح له محابس=بزنزانه صعب فيها التنفاس
وناولني يبى عنه اتارس=وجزعني ركب عالي وطحاس
عرفت الامر من اهل المجالس=ومن ذي اسس المبناء من الساس
منصر صاحب الراي المعاكس=وجده داعري شاجع ونبراس
وناقشنا الملف خامس وسادس=وتمينا وآخر رأينا ياس
نعم بعض المصادر والدسايس=كفانا شرها تذهب بلحساس
وذي ما يفتكر ولا يقايس=مع باتنفعه دقات لجراس
ولا صاحب معه مخلص وحارس=ولا ماله ولا سيفه ولا الناس
وابو منصور بادر بالنفائس=سمع هذا الطلب وقبل بلغلاس
وصل عندي وهو ضاجر وعابس=وناول مثلما بتناول الناس
ورافض للفتن ولا المتارس=باسباب اللكاعه والتنقواس
تبين حول طرفه شبه ناعس=ولبينا الطلب في امر حساس
تقرر له وصول اربع يوابس=الى يده ومصروره بقرطاس
بشرط ان لا يراكض او يباكس=وكثر الهرج بيزيد التحماس
ودهول مثلما ضلي يمارس=وكثر بالتنصت والتجساس
يمين الله ذي للشك طامس=رجع عنده امام الله والناس
صفاء قلب العمودي والوساوس=وفلسسنا النصع بالحيد فلساس
وعوده للوثيقه بعد مارس=وايام السعاده والتبهساس
ومن له راي عن حكمي ينافس=في الظاهر بلا حيله ودلقاس
وصلوا ع النبي ما كر فارس=بسيف الحق يطويها بلمراس
واتصداء النصارا والخنافس=وصفاء من بقاع الارض لنجاس
ردع الشاعر محمد صالح عويضان

ابو صالح يقول الطرف ناعس=ليالي اقضيتها ع الفرش نعاس
هرب نومي من الوضع المعاكس=ولو غمضت ماهل نوم هرماس
تعب حالي وانا في ليل عابس=لحتئ انه اتا في صبح شماس
ويالهاجس معيا ابدع وقايس=علئ منعك شف الموضوع حساس
وحسب المقدره دافع وتارس=ولا اريدك تقع للرجم متراس
اتاء محكوم من سيد المجالس=تجاهلني وكربس حكم كرباس
بدع يسمع حكايات الهساهس=ودعوئ منهم شبعه وفخساس
وانا ذي طول ما طاله منامس=لجيراني وللناموس لباس
وعنيني وهو داري وحاسس=ولكن لو عحب ع العوج لاباس
وعينا له نقاده ذي تفاحس=ومن ينجح فريقه يوخذ الكاس
نقاده منهم ذي با يقايس=قبل عندي منصر جمس الاجماس
يساعد ذي في الامواج غاطس=وماسك في صبح واهي ونواس
وعارف صاحبه مابا يفارس=ومجمل دعوئه صفطه وخنطاس
رجل فاهم وللحضرات فارس=وانا با اقول ما جابه علئ الراس
له اربع ذي بتردع بالمتارس=تذل الخصم بالزاعق والاكواس
ولا عاده نشط يشتي يشاكس=فله كشه علئ راسه وبكاس
بحق يا ما ذلح فوقي مرادس=بيبصرني وقلب فوقي اجواس
تحملت الشواقف والدواحس=وهو عاده مكانه يا تعباس
وهرجه لقص تي قمل ونامس=بيقطع بالكبد تي قطع الامواس
يقول اني رجل عامل معاكس=وقد نجست ماء الشرب نجاس
ولا زيد بها بااسي محابس=وبا اطرح له علئ المشروع حراس
ولا يجلس علئ املاكي يقاوس=معه بير المسطي وابن عباس
وقد بيته خلي والطين جادس=وهرجه ذي نطق تخريف وافلاس
بقدم زهر له من عل الغرايس=وخلصني صبر حارق وبسباس
بيقدر بي وساني شخص يائس=مراده يرفعه من بعد ما لاس
وصلوا ما تلا القرآن دارس=علئ احمد ذي هزم مارد وخناس

تعقيب الشاعر عبدالله احمد دهول

ابو احمد قال اناء فاهم وحاسس=بان الوقت ذا وقت الترقساس
وبعض الناس بيدور فخاسس= وبيحب المشاكل والتعساس
كانه للبلا والشر دارس=وخلي ذي امامه ياترنفاس
وابو همام صدر حكم يابس=كذا من دون لاشكل ولا قاس
من المفروض يبحث على الدسايس=انا ذي بي الشواقف والتدحواس
نهار اتقافزو نحو المكانس=وكلن قال باكسر لك الراس
ونعمك بالرجاجيل الاشاوس=وكانو كسكسوا الحضار كسكاس
بلا تقدير ظنونا هساهس=وهم ذي دعسو لحكام دعاس
ابو همام ظرفها وقايس=شفك رفست بالموضوع رفاس
دعك من ذه المشاكل والبعاسس=قدك عاقل مع تحتاج دراس
وحكمك ذي صدر عشرين مارس=حكمت اربع وتعصبهن بقرطاس
اذا لربع من الليم الخوايس=هنا قد ربما باقول لاباس
وما اشتي حد يسوي لي طلامس=وخصمي بايقع له يوم طفاس
وماشي حولنا من ذا الطنافس= وذه لحكام ماهل حق فحساس
ولا عاشي مع صالح وساوس=يظهر خير من كثر التحسحاس
قده ضبحان من حاله ويائس=وشيبه كل ليله يا تملاس
ولاكن ما اعذره لو بايفاحس=امانه لو تحاسينا بلظراس
وبن صالح عويضان المنافس=بشوفه ذه السنه كثر تهنجاس
نعم جاني وانا بالبيت جالس=بيتخبر على حاس ابن نواس
يحب المشي بالخط المعاكس=وبيلهوس ابو منصور لهواس
وياما قلت لا تجلس تداقس=تاكد كل واحد عنده احساس
ولاكن للاسف طبعه مشاكس=وبيقلد علينا مثل جساس
وبعدا كد خطه بالبناكس=وصالح فكس المنشور فكاس
اذا شفتوه بيفحط وداعس=فقد بيقول حاضر للتمجلاس
وذا ذي صار يااصحاب المجالس=تحملت الكفايه يهل قنداس
ولا قدجات من فوق المتارس= فبعدا بايقع للدوم بلاس
وصلوا عد هبات النسائس=على سيدي محمد خيرت الناس

تعقيب الشاعر منصر صالح الداعري

كريم الكون من حرب الاشاوس=تجنبني بلا من كان دساس
ودمرت المعابد والكنايس=ويبقئ مسجد الرحمن لناس
كما ليام بتوضح طلامس=وبتصفي عسل حالي وبسباس
ودار الزور ماشي له مدارس=تجاره خاسره والربح فلاس
فيالهاجس معي قارب ولامس=كما سالم نوي عن قتل جساس
تجنبهم بلا حرب البساوس=ولبسهم بتاج الحب لباس
قعيطي حضرمي كمن مكاوس=وفي بحر الادب ماهر ونبراس
هجم هاذا وذا جر المتارس=وخوفي ترجع المزروعه اجداس
ابو همام صدر حكم يابس=وبن صالح جواهر جاب والماس
وانا ما بحكم الا في مجالس=مع قاضي وحاكم جنب قياس
يقيس الهرج ونشي به دسايس=فدساس البشر يلبج وينداس
وحطه نشترط من كل عابس=ترد الخصم لا يهرب مكيراس
ونصدر حكم مااستحكم بأنس=وانا قد جبت للتبعان دحاس
برقم ان عاد ابو مهدي مكاوس=ومذرب له وسمه قعر لضراس
مع يحتاج نحكم له جوامس=وباليمنئ يدق الراس بالفاس
كفا قال الفتى والحرف لاهس=وذئ موضوع من صالح وحساس
وابو همام حرفه جا معاكس=وبن صالح تلحس فيه لحاس
وانا ما باقي الا من لقاسس=بخبره جبت كيله من تلقاس
وصلو علنبي يا كل جالس=شفيع الناس من مكريب لهاس

الداعري
4, 6, 2008, 03:50 AM
بدع من كلمات الشاعر محمد صالح عويضان
مرسل للشاعر منصر صالح الداعري

قال ابو فضل جاني علم كله غلق=وامسيت افكر طوال اليل في هم بالغ
وان ذا وقت جانا يا ضنا من وثق=يتجرع الكاس منه مر علقم وحارق
بشكي الويل كم بالوقت باطل وحق=عيبته وضع جائر واحد اخجف وحاذق
يارسول توكل فجر قبل الشرق=لا بروكلين دور ذي له العهد سابق
ابن صالح منصر نجم نوره فتق=ما لشخصه مثل من مسوره لا العوالق
والهديه عطور العود مهما بلغ=بالثمن لا يهمك با تجيك المبالغ
ايضاً الاهل جمله من حظر والتحق=واخوته رشهم بالعطر من ع المفارق
قل لبو صالح الجوف الحويص احترق=من هموم الزمن لا تحسبه هرج فارغ
قله اخبار جتنا غامضه خذ وبق=لو يوكد عليها فالخبر غير لائق
شكل الناس جلت حكمته ذي خلق=صاحب الشأن عالم ما تكن الخلائق
يا ابن صالح شفه زاد الطمع والسمق=اشتي الرد منك كذب والا حقائق
ما حدا عاد منكم الئ الزمن ذي سبق=من يريد الوفاء مطلوب وقفه دقائق
كانو اجدادكم جوف الخلاوي فرق=مثل الانمار في الاشعاب ويش اتلاحق
وان حظر بالمحاضر ما احسنه لا نطق=جيد ما يقطف الا ازهارها والسوابق
اثرهم من حمر موجود الئ ذا العسق=الطوارف حموها بالنمش والبنادق
يا خساره عليهم راحوا اهل الورق=والذي جاء وراهم جيل بالوحل غارق
زخرفوا الدور سووا اركانها والطوق=حي كامل لهم معمور واليوم فارغ
لانهم غيروا الواقع وحبوا العلق=با نحول لهم من هو نشط با يعالق
ذي يجادل ويمزح ما يهمه علق=وان وصلته مضره او لطم ما يحانق
ما يفكر بجاهه دائماً مُرتزق=لا يفكر سوئ بالمال خس الخلائق
ما معه شي رجاء لو قد حنب وانزفق=بالبيس با يفلت صاحبه والمرافق
شخص من مثل هذا الصنف قربه زهق=لا اعتمد به ولا اريده يولي البوارق
يا ابن صالح شف الهاجس معيا انطلق=كلما قلت يكفي ما بيرضئ يوافق
يتبع الحاشيه بالحيد لما افتلق=والجرز يقتلعها بالزبر والمطارق
واطلب المعذره فيما قصد او زفق=وما بدر با يجي منا بمكتوب لاحق
واذكر المصطفئ ما ارخئ وبرقه برق=من يحب المشفع يذكره ذكر فائق
جواب الشاعر منصر صالح الداعري


قال ابو نور سالي والصهير احترق=جاء مهرول علينا بالنمش والمشانق
كأنني من سقطره او مدينة عتق=كن مالي بيافع دار عالي وشاهق
داعري لا جبالي ما حدا با يسق=والمثل قال لوّل من بداء لا يحانق
رأس مالي رجالي واهل داعر فرق=حبهم للمخوه يبذلوها مبالغ
نحمده حمد دايم رازقي ذي رزق=واهل داعر بفضله عمروها فنادق
والف حيا وصوله من بهرجه صدق=بن عويضان صالح صاحبي بالمزانق
يا رسول المخوه ذا الكتاب اندمغ=من بروكلين شُله مثل ما نور بارق
لو تاخر كتابي با يقولو حنق=لا ولا ود قلبي خو منصر يحانق
واهد له من ضماري ورد زهره فتق=واهد لخوان كامل ورد ناجح وفاتق
قل لبو فضل قلبي والفؤاد احترق=صاحب الحق روّح بالزمن ذا مشادق
وقتنا يا محمد ذا زمان المرق=با يبيعك صديقك لي بصيني سحاوق
وقت جدك وجدي راح قعر النفق=والزرايب بيافع فننوها حدايق
والخبابير جانب شل منها وبق=قد بظهرك تجارب من بلاء حرب سابق
وان شرحنا خساره عالريش والورق=وان سكتنا العواذل با يقول منافق
بس باقول مهلا لابسات الوزق=كمن الهيج فاطر منهم بات غارق
والمشعوذ سهاله لا طحس وانزلق=والزمن ما بيظمن بالهوئ اي سايق
محسن الحق يثبت لا وصل بالعرق=وانت باقول زادك يا مغامر وعاشق
ذا ولركان سكه منها والطوق=لا تضلي بهرجك يا محمد تطارق
حي كامل بيافع شيدو وافترق=سيبوها بيافع يا محمد مناطق
وانت مثلي مهاجر سعف شارد سبق=لا تناكر وتنكر ان ما الدار فارق
لا وبالله والله ما نحب العلق=من بنا يا محمد ذي تشوفه معالق
وان بنا شفت واحد هش والا عفق=با يحول له الله شخص مثله وعاثق
ما حدا شي بيافع ما دبل وانطرق=بس ما حد بداره شي يشوف الصواعق
لا هنا وانت صبرك يرتقع ما ابتزق=والف صلوا علئ تالي نبي جاء وصادق

الداعري
13, 6, 2008, 02:24 AM
((((((الشاعر الفارس))))))

بعد أن دخلت بزامل تحدي ووجدت الكثير من الشعراء قد قبلوا بالتحدي
ها أنا ذا أبدع فيهم على مراحل مراحل .

ولنبدأ بالترتيب.

أحمد القعيطي ، والداعري (( تفضوا وتحملوا ما جاكم ))

:

قال ابو ماجد الهاجس براسي توصل = جاء محمل قوافي بل قذايف وأهوال
نبتدي في مراحل تمشي أول بأول = في معارك هجوميه كبيرات لثقال
ضد من سولت له نفس والا تخيل = ان يضاهي بطل مثلي وبل قايد ابطال
لان انا فارس الساحه وشاعر مبجل = والقوافي اصنفها بدقه واذهال
أطوي الحرف والجمله بيدي تشكل = يعجز الوصف أن يوصف حروفي ولقوال
قمة احساس في شعر الغزل لو تغزل = قوه اعصار في الشعر الهجومي ولقفال
يالله اليوم انا حامل مضلع وجرمل = يالله اليوم انا في محجئي يا تزمال
مايهمون ابو ماجد عويله وجهل = لكن انه نفذ صبري قصر بعدما طال
قد تجاوزت عنهم علنا نلقا الحل = كيف بايفهموا وآيصبحوا ناس عقال
لكن الوضع ذاته ماصلح أو تبدل = بل من اسواء الى اسواء ناس حمقا وجهال
أول آنبتدي بالداعري عقله اختل = ذي كتب حرف مايل قال عامر بلسجال
ويش بايكون بن داعر أمام المهلهل = كيف بايكون لو شاف المحارب ولنصال
واحمد بن القعيطي جا مسارع وهرول = ما عرف قدر من علاه ماكر ومحتال
كم نصحته ولكن كيف باتنصح ارول = شخص جاهل يشوف انه محارب وقتال
لا متى باتظلي يابن أحمد مغفل = يحمد بن القعيطي لا تعاند فـتنزال
احمد الله اني راحمك قلت لاعل = ربنا سوف يهديكم وتمشون باعدال
بعد ذا الساع باجهز حبالي وصمـّل = لازم آحطهم وسط السلاسل ولغلال
كم لهم قلبي الطيب تسامح تحمل = لازم آزر ما ذلحين وآشد لحبال
لازم آحطهم داخل قفص صعب مقفل = لازم أذوّق الجهال قوه وإذلال
ختمها بالنبي ما الصبح شعشع وآقبل = صل ياسامعي عالمصطفى صل عـل آل


جواب الشاعر احمد القعيطي

اتمنى ان ينال على اعجابكم




كف من يد ابو مقعط يخليك تحول=ياعديم الثقه باتكره الوضع والحال
حسب علمي بانك شخص جاهل واهبل=ما تقدر رجاجليل السلب فاكر اطفال
نحن ساس الادب نحن كمن مبجل= نحن رميان بنجيب الهدف بعد اميال
خل عنك كلام الزندقه والتطفل=كون واضح وعرفني اذا انت رجال
لكن الظاهر انك داهر اخجف مخبل=وين كوعك وبوعك قال فارس وجمال
شخص مهبول ماذا فيه أقبـل وهـرول=للوحوش الكواسر نخصرك مثل ما الهال
شف لسانك حصانك قالها الجد لول=وانت مسكين ما تفهم ولا عندك امثال
دامك اليوم عندي بربطك بالسناسل=والقنك درس قاسي لا يقولون ما قال
القعيطي شفه معروف ماشي تبدل=مثلنا من يزلزل فيكم الارض زلزال
العن ابليس وستسلم لنا قبل تقتل= قبل لا اشرحك واقول خاين وبطال
من تكن انت يامسكين مثلك مغفل=كيف لك ان تناطح شامخ العر معتال
مامعك عقل يابن الناس نحوي تقنبل=ذي ارسلك مايفيدك جيت ياخس لبتال
انتسب لي وقل باسمك ولاشي تجول=عيب لما تخاطبني بشرشف ودسمال
السلاطين رحنا والمشايخ مئاصل=ونت مملوك دايم عندنا دوم شغال
استلم راتبك واسكت ولاشي تبلبل=ارع لغنام وابوه للمواشي من اهمال
لوتجاوزت شفنا اعسكرك عند دهول=قايد الجيش تاريخه مقيد بالسجال
واخر انذار مني لاتحاول تقبيل=اترك القبيله مالك بها اي مثقال
حظ منحوس جابك ويش من فارس اهبل=من امامي منحتك وقت والوقت كمال
وانتبه مننا والداعري قد توصل=بايكلفت رفاتك وايسيهم بطربال
لاهنا باكتفي بالرد وانته تقبل=من فتح باب يسكن في مفاتيح القفال
ختمها بالنبي اعداد مالماطر اهمل=صل ياسامعي على النبي خير مرسال




جواب الشاعر منصر صالح الداعري

علئ الشاعر الفارس



قال ابو صالح الشاعر دعايه وسنبل=امطرتنا حروف الشعر اصناف واشكال
ما لها بالادب كرسي مثبت محزقل=ناس بتابع الشهره علئ اي موال
شاهد الزور لا صلي بصنعاء تسربل=وان وصل لا عدن غير مشده وسروال
وانته الليل يالهاجس بحرفك تزمل=وارجف الارض واعصرها عواصف وزلزال
والعن ابليس والشيطان بالله واجهل=قنت بالساحه الاول مبارز وخيال
لا تخلي عباد الله عنا تزنقل=كل من جاء كتب حرفين من دون بسمال
حامل الفرد لا تجهل امامك معدّل=كم بها راح من مثلك مخادع وحيال
حسبي الله كن الوقت عني تبدل=سخلي المعز بيهاجم نمارات واوعال
والثعابين تهجمها ضفادع وسُحل=اه لش يا ضفادعنا عواصف وشلال
سايق الجيب وقفها ترئ باتدحمل=قنت حالي حلا راعي وحاطب وجمال
وان حد لك دبك دبكه وزمر وطنبل=فاحسب انك معه بايع موظف ودلال
ويش من عال وانت اسفل من الدور لسفل=والقعيطي نمر سرحان بل شبل لشبال
نحن ساس الادب والشعر من عهد لول=نهر جارف بلا ميزه لنا دور وافعال
وانت تشتي بها تذكر وتعلئ وتطول=ما انت عارف باني صاحب الحق والمال
ساسها والادب والشعر والخط بركل=من بها غير ابو صالح اذا قالها قال
سجل الدهر والتاريخ والشرع سجل=سجلنا سجل ما هو مثل ما بعض لسجال
سجلنا سجل ما به حرف واحد تعدل=واهل يافع قهم وا عم وا جد وا خال
وان تبى با نفتش وا نوضح تفضل=ربما ما معك في جعبتك خمسه ارطال
والقعيطي قده من ساس يافع ولول=واهل داعر نعم ساس القعيطي ولبطال
وانته الا نفر عادك ببرقع مجول=بس قد با تجي مرغوم طايع للحبال
وانته اليل يا عازم بمكتوبي ارحل=شل مكتوب من شاعر معك عبر لرسال
كلم الشاعر الفارس وقله تمعقل=لا تداهم جبال العُر والسيل سيال
سيل عارم يشل اقماع جارف متئ اقبل=ما ترده عرم يدهم بها فوق لرسال
قد بها ناس علدنيا ابد ما بتخجل=بس عاده تفوق عنهم تسعه اميال
احسم الامر واتراجع وما فات يقفل=واعتذر لي وابو صالح مسامح وقبال
واعتذر للقعيطي والقعيطي سيقبل=وانسوي سمر ثاني ورقصه ومحفال
والف صلوا عدد ما السيل دفق وسيل=تبلغ الهاشمي طه ولصحاب والال

الداعري
21, 6, 2008, 01:16 AM
بدع من كلمات الشاعر عبدالله عثمان الداعري
مرسل للشاعر منصر صالح منصر الداعري




نبدع بالذي نعبده ذي به دايماً نستعيـــــــــــــن= ذي رازق جميع البشر في ذي النعمة الدايمـه
غيرك مابنعبد حدا انته ذي لعبدك معيــــــــــــن =انصرنا على أعدائنا في معركتنا القادمــــــــة
لاكان العدو خارجي باخليه مثل العجيــــــــن =لكن للأسف صاحبي ماشي به سخاء آلاطمـه
بو صالح صديق العمر كنا أمس متفاهمــــــين= لاكني بريه انحرف نحو الشلة ألظالمــــــــه
يبقى يكشف إسرارنا والسر القديـــم الدفيـــــن =ذي ببنيه منذو زمن في ساعة نوي يهدمـــــــه
دولتنا وقواتنا حطيته عليــــــــها أميـــــــــــن = في حزبي طلع منصبه عضو أللجته الدائمـــه
والساعة تمر علي لاكن ربــنا بــــايعــيـــــن =بارده الى موقعه والموضوع قد بحسمـــــــــه
في الحنكه وكثر الدهاء بطفي فتنت المقرضين=الله لا يبارك بذي صحاها وهي نايمــــــــــــه
بعد الان يامرسلي احمل خـــــط مني ثمـــين =عجل فيه قبل الغداء قبل أن تجزع الداهمـــــــه
سلم لي على ألداعري بالكاذي وبالـياسميـــــن= والفل الزكي والشقر ون شي زاد بتقسمــــــه
عل اصحاب كلاتهم ذي عنده تجد حاضرين = قل ذا جاك من صاحبك حتى لنت بتخاصــــمه
نتجاوز على مامضى والي حرضك بايبـــــين= وحلف لك يمين القسم بعد اليوم مابرحمــــــــه
وانته واجب أقدرك واحطك ذراعي اليمـــــين=عانا ابقاك واتوسلك لن في معركه حاسمـــــــه
لانك شاعر القبيله قلبك دايمـــاً مايلــــــــــــين =بو حافظ بيتجنبك والمحبوش بتحطــــــــــــمه
لك في الحيد قسم الاسد والسيله نصيبك ثميـن =والهيج القوي لاهدر بتوطيه وتفدمـــــــــــــــه
وشهد ان من قاومك بتخليه دايم سجـــــــــــين= داخل سجن مابه هواء ون كثر بها تعدمـــــــه
يستاهل بن الداعري التصفيق في كل حــين =وصلنا معه لاهنا مانا مقدر اقاومــــــــــــــــــه
نتحمد ونتشكره شفنا اجيالنا المخلصــــــــين =حان الوقت باقلده مرتبت الشرف ووسمــــــــه
واليوم انشرح خاطري خليته من المبـــدعين =من يسمع بشعره دعي ينصر دين ذي علمـــــه
والاستاذ ذي علمه اصبح به من المعجبــــين = باسيبه يخذ فرصته والله انني محرمــــــــــــه
وأية وقت يحتاج لي بيده سيف ع الظالميــــن= الغدار بن أدبه والعاصي بنهدر دمــــــــــــــــه
شوفوني في المملكه متمركز بحصني الحصين =لنزاده عليه الفتن يخبرني ونا بدعمـــــــــــــه
عندي قوتي الضاربه قدطورتها من سنيــــــــن =بتدمر حصون العدا وتعود وهي ســـــــــالمه
كم هم ناس ذي حاولو بالشارع يسو لي كميـــن =بسحقهم ومن بعدها ماقامه لهم قــــــــــايمـــه
وانته يامنصر قدك عني سيد العارفيــــــــــــــن =بواسماعيل ذي تعرفه مايحتاج حد ينشمـــــه
متعامل مع المافيا من اعضائها الدايميــــــــــــــن=نتعامل بشتا الطرق والفيتو بنستخدمــــــــــه
وانته تعرف ان الاسد مايتخير الاالسمـــــــــــين=يلقاء شحم في لحمته ويلقاء مخ في الجمجمـه
وانته فيك ياصاحبي وصاني أخر المرسليـــــــن=لنك جار من ذو القدم والجيران ماهاجمـــــه
خايف لرتكب معصيه بخشاء ارحم الراحميــــن= ذي بدعيه من ذو زمن ان يصلح لي الخاتمه
وختمها بذكر النبي بو القاسم وجد الحسيـــــــــن=صلى الله على المصطفىالمختار ابو فاطمــه

الداعري
21, 6, 2008, 01:24 AM
حواب الشاعر منصر صالح منصر الداعري


الله ما الاهاً سواك نمسك بك ولك عابدين=جنبني بلا محنتي واجعل محنتي دارمه
يا قادر علئ كل شي تفرج محنة الصابرين=واجعلني مع الأبرياء ذي لا جنتك زاحمه
من مخطيه من معصيه تقبل توبة التائبين=واغفر ذنب عبدك متئ ما قال الكبد نادمه
قال الداعري مرحبا بالهرج الحسين الرزين=ذي قلبه من اعدائنا واهل المنطقه وارمه
حيا الشاعر الوحدوي ساكن حصن شامخ حصين=حيا شبل ذاك الاسد فحل الريف والعاصمه
حيا بالصديق الوفي ذي ما يعشق الا سمين=العاصي بيقضي عليه والمظلوم بي سالمه
بن عثمان قد بعرفه رامي بالمحاجي زكين=خلي منطقة ريفنا من بعد الشتاء ناعمه
با تشهد له احزابنا وامريكه وحزب اليمين=والليله حزم امرنا بافكار الدهئ الحاسمه
ما دامه توحد معي با نقضي علئ الطامعين=لازمني وانا بو رشاء بعد اليوم با لازمه
بعد اليوم ما نفترق وينش حبت البنسلين=واحنا احناش يابو علي واحناش الخلاء سامه
والسر المخبا معي ما ناشي من البايعين=ما بيعك وقدني معك عضو الجنه الدائمه
وانتي يالحليله معي من حي الاسد والعرين=ردي صوتش الساحلي قد لش من زمن خارمه
خليش الخجل واشطحي من حقش معي تشطحين=لا ما كفه اريافنا وسع لش علي عاجمه
ما دام السلام ابتدي والجمهور بش عاجبين=بن عثمان ما بطرحه با رده وبا سالمه
باسي له بقلبي نسم يقعد له مع القاعدين=والمريخ با طلعه واسيبه من العامه
والله انه رجل بن رجل طفي فتنة المُغرضين=واحنا اخوان من ذو زمن واجيال البشر عالمه
ساني شاعر القبيله والله علمهمه يعين=وانت الفخر وانت الادب والعالم بذا شامه
استاذ القبيله قدك والدكتور للفاسدين=ما عاصي تعصي عليك الا وانت من عادمه
والمحبوش لا ترحمه قدهو بالعوافي حسين=ماهل قلت با شجعه لا حسن له الخاتمه
اما المحترم بن عمر قد خليت راسه طحين=عاصي ما رضي ينقعد يفطر والبشر صايمه
والبارح هديته جمل والمخلص وقع صاردين=ماذا قول وين اشتكي والقاضي قده حاكمه
والليله بطيارتي يا عازم مع العازمين=من حي الدمقراطيه لا ارض اصبحت ظالمه
حل العدل فيها زمن تكره ملت الكافرين=واليله بها مفتري يحكمها مع هانمه
يحكمها من انجلترئ وامريكه قريب اربعين=تستثمر من اموالها من انجامها الناجمه
وهده عضو بالمفايا من وارد مصانع بكين=خير العطر واصحابنا لا حد شي حضر قاسمه
وهده لي بن الشوبلي ذي دايم معه سامرين=احلاء حب واجمل سلام ذي حبه في القايمه
بو سعدان لا ينتسي والراسم مع الكاتبين=ياسر بن حسين السلي ذكره بالكبد دايمه
وانتي يالحليله كفا صدرشي حلاو وتين=جاوبشي وانا بشكرش جاوبشي علئ راقمه
بن عمي طويل البشر من بعض البشر ياحنين=ما لومه ولا عاتبه لا حرقد لهم جاهمه
واختمها بذكر النبي شافع امة المسلمين=وانته صل عل المصطفئ والمختار ابو فاطمه

الداعري
27, 12, 2008, 06:56 AM
بدع الشاعر منصر صالح منصر الداعري ابو صالح

الداعري قال من راسي وكلماتي=ومن حروف الادب والشعر وابياته
ومن مدارس بها قويت خبراتي=من خير شاعر تعلمنا وخبراته
لا صبت ثكنه ولا هو صاب ثكناتي=انا محصّن وهو صامد بقواته
خضنا معارك سلاح ابيض وكرواتي=لاهو هزمني ولا نا اقتدرت شتاته
لا هز باسي ولا نا شي بقواتي=حققت ما كان في قلبي ونياته
كان الامل هزم يوسف في مباراتي=ودحر يوسف وتحطيمه وسكاته
وكان له ود يتحقق بشماتي=يضحك الغير عني في تنكاته
لكن قد النصر دايم في ملفاتي=ونصر يوسف معه داخل ملفاته
واخبار وعلام بعلنها بصفحاتي=خبر خبر زين ينشر في اذاعاته
المحترم للخلافه مكتفي ذاتي=نسلمه تاج قاسم والغبي فاته
ما غير يوسف ابد ما حط بصماتي=ومن يبصم لغيري يلحق امواته
والف مبروك با بارك بابياتي= بارك لك الرمز قالوا في شهاداته
شفتك بها وانت متقرطط بمدكاتي=بمجلسي وابن قاسم شفت شحراته
بن قاسم الجيد تهدي له تحياتي=وزين بن زين يهديكم تحياته
وبن عويضان دمرته بلكماتي=واليوم يذلح علئ دهول مضراته
ويالحليله ذهب صافي لنا هاتي=وخير مرجان يالهاجس لنا هاته
وخير كلمات يا بركل مداداتي=يا ساحر العين ذي تقرئ كتاباته
لا لي في البخل صاحب في ملماتي=الحب طبعي ورمز الشعر نغماته
اسامر اليل واتحلي بنغماتي=مانا كما ذي كره داره وحاراته
ويا رسولي معنا في مسيراتي=من زارعين الوفاء والحب واثباته
من منبع العز لا منبع عروباتي=لا عند يوسف محمد شيخ قاراته
وسلمه عطر من سوق الاماراتي=من صنع باريس متميز بنفحاته
وقل ليوسف بقربه راحت اوقاتي=وهو مدنعس بوادينا وجناته
ما يعرف الا عدن وانشي سلا واتي=داخل خلاقه حسبها ضمن سفراته
ما هو كما شبل قاسم يا صلواتي=ما برج بارض اليمن الا وهو فاته
وانا بخمسين دوله تم رحلاتي=والمحترم لا بنا واقطان رحلاته
واخبار وعلام يا نشراتنا هاتي=وما معك من خبر يا محترم هاته
لا ترحم ابليس ذي يرضع لبن شاتي=يلطش ويبطش ويتباها ببسماته
ما عاد خلو لنا بصحن فحتاتي=والطير كمل علئ الفلاح دخناته
وانا لي الله يا يوسف ودعواتي=والرمز فيه الامل ذي لم وحداته
ولا هنا قال ابو صالح ونشراتي=والمحترم باي وافينا بنشراته
والباز ذي قلت ما يعرف بهاراتي=ولا علئ الارض من ذا الباز عيناته
كبش الرضئ والمحبه والمسراتي=من عند مولاه جا يعتق بروحاته
وانته معيا صل يا سامع لهجياتي=علئ رسول الهدئ ذي جا بدعواته


جواب الشاعر الكبير يوسف محمد عمر المحبوش (المحترم)


يقول محبوش بانادي باصواتي=صديق طيب بتعجبني علاقاته
الكل يعرف علاقاتي وعاداتي=والداعري ماعرفنا وين مخباته
والآن باجهز المخلص وباواتي=واخلصه حب صافي مثل حباته
لاقلت برسل شهاده من شهاداتي=مابده الا دجف صدره بيداته
خمسه معاليق معسوجه من اكواتي=ماحد تعني كما يوسف ببدالته
ياكم من الخلق ذي تلبس مشداتي=من بعدما المحترم بدّل عماماته
بصبح بطلب مُشط رأسي ومسياتي=واثنين ذي يحكروا المحظي بلياته
مابخرج الا محسّب كل خطواتي= ماشيخ الا تأكد من حساباته
ماكان لي شف تشغلني برحلاتي=قدبارك الله للرعوي بثرواته
لكن رضاء الناس بتخدوع مهماتي=مامكتب الا بديواني بطاقاته
لو قلت باصف لبوصالح لسفراتي=يحتاج جلسه لبوحافظ ومتاته
بين القبايل بيعجبهم تلفاتي=ياكم مشينا بنصف الليل خواته
بكل ديوان لي ميزه بمدكاتي=ياليت غيري بيعرف وين مدكاته
حتى ولاانكر تشوافي بغزواتي=قد خيب الشعب ظنه بعد صواته
واليوم بتوسله عرضي بحفلاتي= يحمّي الطار وبيعجبني بشلاته
والصبح يمسح لصالوني الاماراتي=بااتحمله دام لي حاجه بخدماته
وكن ابوصالح انوي اليوم كلفاتي=قرّحت مضحيك من هرجه وبقصاته
مثلت هرجه كما دخان سُراتي=ولا طماشه خليه بالمطر باته
لاراح لضفور ماراحين يداتي=صف الخبر لاتعاجل قبل اثباته
مابجرح الداعري خففت مرداتي=ونا كما الحيد ماحسيت مرداته
وانحمده ذي رزقني حسب نياتي=بالارض والحد ماتحصى مساحاته
للناس شده ونا صامد باثباتي= لحضه من الزهو تسوى الشام كًلاته
مايُقطع الخير من بُني ومن قاتي=برثي لذي مهرته ودّار حقاته
مانا لبطني بكلها بعد فتفاتي=بذي تعنّه به النوبه وجحواته
ما انزاد جُمله ببيعه في محلاتي=ومن توجع كفي صيني مداواته
هذا جوابي ولابذكر معاناتي=وخط صنعاء عكب من بعد سفلاته
بعد التحدوار قد طاله مسافاتي=ارول تعطور وعجزني مقاداته
فلا بشاره معي توجد بمخباتي=الله ينجي المواطن من مطباته
والعفو منك ولابدك مقاضاتي=بانخسره ذي بتعجبنا مساواته
قد كان ردي على بدعك معه واتي=ان شي خطاء سامحه حذري معاداته
نسيت لاذكّره من كثر خواتي=لما ذكرنا اختفي داخل كباتاته
لاتحسبه خف مني او مجافاتي= يمكن نسي واعتبر قد فات ميقاته
وبالنبي ختمها واطيب تحياتي=ياسعد من يذكره واكثر صلواته